“Yaponiyanın elm dünyasında Qarabağ mövzusuna maraq var” (Palitra qəzeti)

Əlibəy Məmmədov:
“Azərbaycanda 2000-ci ildə səfirlik açıldığı halda, Ermənistanda bundan 15 il sonra, 2015-ci ildə Yaponiya səfirliyi açılıb. Bu faktın özü Yaponiya hökumətinin Azərbaycana verdiyi önəmin bariz nümunəsidir”

Müsahibimiz Hokkaydo Universitetinin doktorantı Əlibəy Məmmədov Yaponiyada Qarabağ və Kuril adaları, eləcə də Şri-Lanka vətəndaş müharibəsi mövzularında elmi araşdırma aparır. O, qəzetimizə müsahibəsində bu araşdırmanın detalları haqqında danışıb. Qeyd edək ki, Ə.Məmmədov Yaponiyanın hökumət təqaüdçüsü, Hokkaydo Universiteti Xarici Tələbələr Assosiasiyasının Fəxri Prezidenti (ötən iki ildə prezidenti), Yaponiya-Azərbaycan Əməkdaşlıq Assosiasiyasının sədridir.

– Dağlıq Qarabağ və Kuril adaları münaqişələrinin nə kimi oxşar cəhətləri var?
-Dağlıq Qarabağ münaqişəsi Ermənistan və Azərbaycan arasında ölüm-dirim mübarizəsi olmuşdur. Bu gün də belədir. Cənubi Kuril adaları problemi isə Şumuşu adasında olmuş döyüşü nəzər almasaq, demək olar ki, qan tökülmədən ötüşüb. Cənubi Kuril adalarının Rusiyanın əlinə keçməsindən 72 il, Dağlıq Qarabağ münaqişəsi ilə bağlı atəşkəs rejiminin imzalanmasından 23 il ötür. Hər iki münaqişə arasında fərqli nüanslar çoxdur və bu səbəbdən Yaponiyanın elm dünyasında məni tənqid edən professorlar da az deyil. Lakin mən belə hesab edirəm ki, hər iki münaqişə arasında kifayət qədər müqayisələr aparmaq olar. Təsadüfi deyildir ki, hər iki halda münaqişə baş verənədək o ərazilərdə yaşayan, həmin yerləri öz yurd-yuvaları hesab edən insanlar, məcburi şəkildə həmin əraziləri tərk etmişlər. Hər iki halda yaşam məhv olmuşdur. Əlbəttə, miqyas baxımından Azərbaycan tərəfində itki daha çox olub. Hər iki münaqişədə Rusiya faktorunu unutmaq olmaz. Ermənistan və Rusiyada müharibənin nəticəsi olaraq əldə olunmuş torpaqlar nəzəriyyəsi yaradılmışdır. Azərbaycan və Yaponiyada isə işğal edilmiş torpaqlar nəzəriyyəsi. Bu nəzəriyyələrə müqayisəli baxışın özü də kifayət qədər maraqlı ola bilər. Bu sahəylə bağlı elm dünyasında “Border Studies” adlı bir məfhum var. Mən öz elmi işimdə bu aspektdən yanaşıram və Cənubi Kuril adaları ilə Dağlıq Qarabağ münaqişəsinin müqayisəli təhlilini real hesab edirəm. Eyni zamanda mənim tədqiqat sahəmə Şri-Lankada baş vermiş vətəndaş müharibəsi və müharibədən sonrakı vəziyyət də daxildir. Hazırda Şri-Lanka problemi ilə Dağlıq Qarabağ probleminin müqayisəsi ilə bağlı digər bir məqaləmin üzərində tamamlama işlərini aparıram. May ayında çapdan çıxacağı gözlənilir.
-Yaponların Qarabağ mövzusuna marağı hansı səviyyədədir?
-Yaponiyanın elm dünyasında Qarabağ mövzusuna maraq var. Təbii ki, Gürcüstanın ərazi problemləri, Krım məsələsi, son illər dünya elmində olduğu kimi, Yaponiyada da əsas araşdırılan sahələrdəndir. Yaponiyada Rusiya, Mərkəzi Asiya və keçmiş sovet ölkələri ilə bağlı tədqiqatlar aparılan mərkəzlərdə, rəsmi orqanlar və universitetlərdə Dağlıq Qarabağ münaqişəsi ilə bağlı kifayət qədər məlumatlar var. Hazırda bu sahə ilə bağlı elmi iş yaza biləcək təxminən 5 yaponiyalı məşhur elm adamı da var. Bununla belə, adi insanlar səviyyəsində Qarabağ münaqişəsini tanımayanlar kifayət qədərdir. Bunu normal qarşılamaq lazımdır. Bir ölkədə ki, öz ərazi problemini tanımayan, ona maraq göstərməyən insanlar kifayət qədərdir, o halda, digər bir ölkənin ərazi probleminə maraq gözləmək sadəlövhlük olardı.
-Ümumiyyətlə, Yaponiya hökumətinin Dağlıq Qarabağ münaqişəsi ilə bağlı mövqeyi nədir?
-Bu haqda digər müsahibələrimdə də məlumat verdiyim üçün qısa cavablandıracam. Yaponiya hökuməti bütün rəsmi səviyyələrdə Azərbaycanın ərazi bütövlüyünü tam dəstəkləyir. Cənubi Qafqazda Azərbaycanı özünə ən etibarlı tərəfdaş kimi görür. Azərbaycanda 2000-ci ildə səfirlik açıldığı halda, Ermənistanda bundan 15 il sonra, 2015-ci ildə Yaponiya səfirliyi açılıb. Bu faktın özü Yaponiya hökumətinin Azərbaycana verdiyi önəmin bariz nümunəsidir.
-Yaponiya mediasında Dağlıq Qarabağ münaqişəsi haqqında yazılar dərc etdirə bilirsizmi?
-Kifayət qədər oxucu kütləsi olan Yaponiya qəzetlərində Dağlıq Qarabağla bağlı məqalələrim çap edilib. 2016-cı il noyabr ayının 17-də “Hokkaydo” qəzetinin 1 milyon 18 min tirajlıq səhər buraxılışında bir məqaləm dərc edilib. Putinin Yaponiyaya rəsmi səfəri ilə əlaqədar Cənubi Kuril adaları və Dağlıq Qarabağ münaqişəsinə maraq artıb. Bunun nəticəsində “Tokyo” qəzetinin 510 min tirajlıq səhər buraxılışı, “Chuniçi” qəzetinin 2 milyon 450 min tirajlıq gündəlik buraxılışı, “Hokuriku Chuniçi” qəzetinin təxminən 100 min tirajlıq gündəlik buraxılışının hər birində iki müsahibə tipli məqaləm dərc olunub. Hər birində Dağlıq Qarabağ münaqişəsi ilə Cənubi Kuril adaları probleminin müqayisəli təhlili haqqında fikirlərimi bölüşmüşəm. Aprel döyüşləri əsas müzakirə mövzusu olmuşdur. Bilirsiz, Yaponiya dünya səviyyəsində ən çox qəzet oxunulan ölkələrdən biridir. Bu qəzetlərə çıxa bilməyim birbaşa Yaponiyada olan elmi fəaliyyətimlə bağlı olub. Digər tərəfdən, Dağlıq Qarabağla bağlı elmi səviyyədə “Hokkaydo Mərkəzi Avrasiya Elmi Konfransı”nın 121-ci sessiyasında 2015-ci ilin dekabr ayının 14-də yapon dilində, 2016-cı il aprel ayının 16-da ABŞ-ın Nevada ştatının Reno şəhərində təşkil edilmiş 58-ci Qərb Sosial Elmləri Assosiasiyanın nəzdində təşkil edilmiş, Sərhəd Elmləri Assosiasiyanın 33-cü sessiyasında ingilis dilində məruzələr etmişəm. Əlavə olaraq, Yaponiyanın paytaxtı Tokio şəhərində yerli internet televiziya kanalında dəfələrlə qonaq olub və Azərbaycan tarixinə qızıl hərflərlə yazılmış, xalqımızın qəhrəmanlıq səhifələrindən biri olan ötənilki Aprel döyüşləri, Dağlıq Qarabağ münaqişəsi ilə bağlı çıxışlar etmişəm. Bundan sonra da bu fəaliyyətimi geniş və sürətli şəkildə davam etdirəcəyəm.
-Sizi Qarabağ mövzusunu işləməyə nə vadar etdi?
-Bilirsiz, mən tarixçi ailəsində böyümüşəm. Tarixə, konfliktologiya sahəsinə hər zaman böyük marağım olub. Qarabağ müharibəsi zamanı mən kiçik uşaq idim. Televiziya vasitəsilə olanları izləyirdim. Torpaqlarımızın dilbər guşələrinin ard-arda mənfur düşmən tərəfindən işğalını ürək ağrısı ilə seyr edirdim. 5-6 yaşlı uşaq nə edə bilərdi ki? Amma böyüdükcə, biliklərə yiyələndikcə, dünya görüşüm və əhatə dairəm genişləndikcə şərtlər dəyişdi. Azərbaycanı Qarabağsız təsəvvür etmək mənəvi günah olardı. Universitetə daxil olduqdan sonra, sadəcə, Qarabağ münaqişəsi deyil, dünyanın bir çox digər vətəndaş müharibələrini, ərazi problemlərini, millətlərarası münaqişələri araşdırmağa, öyrənməyə başladım. Son nəticə olaraq Yaponiya və Rusiyanın ərazi problemi olan Cənubi Kuril adaları məsələsi ilə müqayisə etmək qərarına gəldim. Bilirsiz, xarici ölkələrdə təktərəfli olaraq yalnız Qarabağ həqiqətlərindən danışmaq yerli insanların qəlbinə hopmuş olmur. Sadəcə, qulaq asıb gedirlər. Amma, əgər onların ağrılı, yaralı yerləri ilə birlikdə müqayisəli şəkildə məsələnin izahını verirsənsə, bu onların qəlbində dərin izlər buraxır. Eyni zamanda Azərbaycan xalqına qarşı xüsusi simpatiya yaratmış olur. Mənim əsas məqsədim bu ortamı yaratmaq idi ki, bir çox məqamlarda artıq buna nail olduğumu deyə bilərəm.
-Yaponiyada insanların təhlükəsizliyi ilə bağlı qanunvericilik bazası necə formalaşıb?
-Bilirsiz, mən hüquqşünas olmadığuma görə bu suala cavab verə bilməyəcəm. Sadəcə, burada yaşayan biri kimi onu deyə bilərəm ki, Yaponiyada qanunvericilik çox sərtdir. Sadəcə, ədalətlidir. Ədalət isə sərt qanunlar üzərində qurulur.
-Bu ölkədə insan hüquqları Qərbin demokratik ənənələrinə nə dərəcədə uyğun gəlir?
-Bu sual da öncəki kimi, mənim peşəkar sahəmə aid olmadığına görə cavab verə bilməyəcəm. Sadəcə, onu deyə bilərəm ki, Yaponiyanın konstitusiyası Amerikanın işğalı dövründə Amerikanın diqtəsi ilə hazırlanmış və qəbul edilmişdir. O baxımdan ABŞ dəyərlərini də bir çox mənalarda özündə əks etdirən demokratik ənənələr vardır. İnsan hüquqları yüksək səviyyədə qorunur.
Fuad Hüseynzadə

Mənbə: Palitra qəzeti

http://palitranews.az/news.php?id=67069

Tarix: 28.03.2017 | Saat: 20:34:00

alibay palitra shekil

Yaponiyanın məşhur qəzetində Dağlıq Qarabağ münaqişəsi ilə bağlı geniş məqalə çap olunub (Dailykarabakh)

Yaponiyanın ən çox oxunulan qəzetlərindən biri olmaqla, gündəlik 700 mindən çox tirajla (Səhər buraxılışı 510,994, axşam buraxılışı 192,095) çap olunan Tokio qəzeti (Tokyo Şimbun)-nin səhər buraxılışında həmyerlimiz, Dünya Azərbaycanlıları Assambleyasının vitse prezidenti, Hokkaydo Universitetinin doktorantı Əlibəy Məmmədovun Ermənistan-Azərbaycan Dağlıq Qarabağ, eyni zamanda Rusiya və Yaponiyanın ərazi problemi olan Cənubi Kurillə bağlı geniş müsahibəsi yer alıb.

DAA-dan Dailykarabakh-a verilən məlumata görə, müsahibədə əsas diqqət Dağlıq Qarabağ ətrafında Aprel ayında baş vermiş 4 günlük müharibə, azərbaycanlı ziyalıların, məcburi köçkünlərin problemlə bağlı düşüncələri, öz doğma yurd-yuvalarına qayıtmaq əzmində olmaları, eyni zamanda Kuril adalarından qovulmuş yaponiyalı keçmiş ada sakinləri ilə bağlı həmyerlimizin araşdırmalarının nəticələri yer almışdır.

Dekabr ayının 15 və 16-da Rusiya prezidenti Vladimir Putinin Yaponiyaya rəsmi səfəri ərəfəsində Kuril adaları problemi və keçmiş Sovet məkanının ən ağrılı problemlərindən olan Dağlıq Qarabağ münaqişəsinə diqqət artmışdır.

Yaponiyanın Hokkaydo Universitetində Dağlıq Qarabağ problemi ilə Kuril adalarının müqayisəli elmi təhlilini aparan Əlibəy Məmmədov hər iki problemdə Rusiyanın aparıcı rol oynaya biləcəyinə əminliyini ifadə etmişdir.

Məqalə qeyd edilir: “Xüsusilə hər iki problemdə Rusiya faktoruna diqqət yetirən Yaponiyada təhsil alan azərbaycanlı tələbə Əlibəy Məmmədov qeyd etmişdir ki, Cənubi Kuril adaları məsələsində Rusiya birbaşa tərəfdir. Dağlıq Qarabağ münaqişəsində isə Rusiya rəsmi tərəf olmasa belə Ermənistan tərəfini açıq və fəal şəkildə dəstəkləmiş və dəstəkləməkdə olan bir dövlətdir.”

“Əlibəy Məmmədov özü uşaqlıqda təxminən 7 ilə yaxın məcburi köçkün düşərgəsində yaşamış, köçkünlərin ağrı-acılarını görə-görə, hiss edə-edə böyümüşdür. Müharibənin sülh yolu ilə həlli haqqında düşündüyü bir zamanda, Cənubi Kuril adaları problemi və oranın yaponiyalı ada sakinləri haqqında biliklər əldə etdikdə, yaponların da azərbaycanlılar kimi öz yurd-yuvalarından qovulduqlarının fərqinə varmışdır. Bu onda dərin təəssürat yaratmışdır”.

Həmyerlimiz müsahibəsində Cənubi Kuril adaları və Dağlıq Qarabağ münaqişəsinin oxşar və fərqli cəhətlərindən söhbət açaraq onu da vurğulamışdır ki, Yaponiya və Azərbaycan əraziləri işğal olunmuş tərəflərdir, Rusiya və Ermənistan isə əksinə bu əraziləri güc yolu ilə ələ keçirmiş dövlətlərdir. Hər iki münaqişədə Rusiya faktoru önəmli rol oynayır. Əsas fərq isə müharibənin miqyası və nəticələri olmuşdur. Azərbaycanda 2015-ci ilin rəsmi rəqəmlərinə görə 620 mindən çox məcburi köçkün vardır. Bundan əlavə Ermənistandan güc yolu ilə qovulmuş, deportasiya edilmiş azərbaycanlıları da nəzərə aldıqda bu rəqəm 1 milyonu ötür.

Müsahibədə o da qeyd olunmuşdur ki, həmyerlimiz 2015-ci il Sentyabr ayında Azərbaycanda məcburi köçkünlər və ziyalılar arasında araşdırmalar, elmi sorğular keçirmişdir. Onun nəticələrinə görə Azərbaycanın ziyalıları arasında da müharibə tərəfdarlarının az olmadığı qənaətinə gəlinmişdir.

Həmyerlimizin yaponiyalı keçmiş ada sakinləri ilə olmuş araşdırmasının nəticələrinə görə yaponların 78%-i ruslarla birgə yaşama normal yanaşmış və dəstəkləmişlər. Azərbaycanlı məcburi köçkünlərdə isə bu rəqəm aşağı olmuşdur. Aradan keçən zaman fərqinin insanların düşüncə tərzinə göstərdiyi təsir kimi dəyərləndirilmişdir.

Əlibəy Məmmədov müsahibəsində xüsusilə vurğulamışdır ki, müharibələrdən birbaşa əziyyət çəkən, onun şahidi olmuş insanların düşüncələrindən məsələyə yanaşmaqla ən ağıllı həll yolu tapmaq olar. Bu insanlar birbaşa müharibəni təcrübədən keçirtmiş, onun dəhşətlərini bilən, bu məsələ ilə ilgili ən yaxından maraqlanan, qarşı tərəfi daha yaxşı tanıyanlardır. Çalışmaq lazımdır ki, müharibəni təcrübədən keçirtmiş insanların yaşadığı dövrdə məsələ həllini tapsın. İkinci nəsildə nifrət hissi daha güclü olduğundan konstruktiv həll yolunun tapılacağına şübhə ilə yanaşılır.

Ə. Məmmədovun Cənubi Kuril adalarını araşdırmağa gəlməsi də, hər şeydən öncə məhz öz doğma vətənində baş vermiş münaqişəyə həll yolunu tapmaq üçün olduğu qeyd edilmişdir.

Müsahibədə Azərbaycan Respublikasının xəritəsi eyni zamanda Ermənistan tərəfinin atəşkəsi pozduğu anların rəsmləri də yer almışdır.

Müsahibədə Dağlıq Qarabağ Muxtar Vilayətinin Azərbaycanın tərkib hissəsi olması, Ermənistanın təcavüzü nəticəsində azərbaycanın milyona yaxın qaçqın və məcburi köçkününün olması açıq şəkildə qeyd edilmişdir.

Müsahibə ilə bağlı Əlibəy Məmmədov qeyd etmişdir ki, Tokioda belə bir qəzetdə Azərbaycanın ən ağrılı yeri olan Dağlıq Qarabağla bağlı geniş, Azərbaycanın haqlı mövqeyindən çıxış edən məqalənin yer alması, təkcə bir Azərbaycanlının deyil, həm də bütöv Azərbaycanın və dünya azərbaycanlılarının uğuru kimi qələmə alınmalıdır.
Onu da qeyd edək ki, həmyerlimiz hər iki münaqişədən bəhs edən digər bir məqaləsi ötən Noyabr ayının 17-də gündəlik iki milyona yaxın tirajla çıxan Hokkaydo qəzetində də yer almış və geniş oxucu kütləsinin marağına səbəb olmuşdur.

Ə. Məmmədov bildirmişdir ki, bundan sonra da ən ali səviyyələrdə Azərbaycanın haqq səsinin elmi yolla yaponiyalıların diqqətinə çatdırmağa davam edəcəkdir.

Mənbə: Dailykarabakh saytı

http://www.dailykarabakh.com/news.php?id=6759

%e5%8c%97%e6%96%b9%e9%a0%98%e5%9c%9f%e3%82%92%e7%a0%94%e7%a9%b6%e3%80%80%e3%82%a2%e3%82%bc%e3%83%ab%e3%83%90%e3%82%a4%e3%82%b8%e3%83%a3%e3%83%b3%e4%ba%ba%e7%95%99%e5%ad%a6%e7%94%9f-%e6%9d%b1%e4%ba%ac

Tokio qəzetində Dağlıq Qarabağ məsələsi

My interview on Nagorno-Karabakh and Northern Territories Issues, in todays Tokyo Shimbun (newspaper). 今朝の東京新聞に出ています。ナゴルノカラバフ紛争と北方領土問題について取材を受けました。Putinin Yaponiya seferi ve menim gundelik 700 min tirajla chap olunan Tokyo qezetine Dagliq Qarabag ve Cenubi Kuril adalari ile bagli genish musahibem.

Yaponiyada Azərbaycanla bağlı növbəti seminar keçirilib (Salamnews)

Bakı, 12 dekabr, SalamNews. Yaponiyanın paytaxtı Tokio şəhərinin Setagaya bölməsində yerləşən məktəbdə Dünya Azərbaycanlıları Assambleyasının vitse-prezidenti, Yaponiya nümayəndəliyinin rəhbəri Əlibəy Məmmədov tərəfindən “Mənim Ana Vətənim – Azərbaycan” mövzusunda seminar keçirilib.

SalamNews-un məlumatına görə, seminar zamanı əsas diqqət Azərbaycanın tarixi, mədəniyyəti, insanlarının gündəlik həyat tərsi, müasir inkişafı və Yaponiya-Azərbaycan ikitərəfli münasibətlərində adi insanların roluna yönəldilib.

Ə.Məmmədov qeyd edib ki, Azərbaycan qədim mədəniyyətə malik olan bir dövlətdir. Azərbaycan ərazisində tarixən mövcud olmuş dövlətlər və xalqlar Azərbaycan mədəniyyətinin formalaşmasında mühüm rol oynayıblar. Ölkəmiz Şərqlə Qərbi birləşdirən Cənubi Qafqaz regionunun lider dövləti olmaqla yanaşı, dünya təhlükəsizliyinə də öz dərin töhvələrini verməkdədir.

Qeyri-rəsmi məlumatlara görə il ərzində Azərbaycandan Yaponiyaya 500 nəfər, Yaponiyadan Azərbaycana isə 5 min nəfər insan səyahət edir. Azərbaycanın kənd təsərrüfatında Yaponiya texnikası və təcrübəsindən yüksək səviyyədə istifadə edilir.

Bütün bunların nəticəsində ikitərəfli münasibətlərimizdə inkişaf gözə çarpacaq dərəcədədir. Bugün hətta regionlarımız arasında da qardaşlaşma layihələri uğurla həyata keçirilir.

Qeyd edək ki, proqram çərçivəsində Serbiya, İran və Hindistandan olan nümayəndələr də öz ölkələri haqda məlumatlar veriblər.

Mənbə: Salamnews

http://pda.salamnews.org/az/news/read/249163

dersim

Yaponiyada Azərbaycanla bağlı növbəti seminar keçirilib (Palitra)

Yaponiyanın paytaxtı Tokio şəhərinin Setagaya bölməsində yerləşən məktəbdə Dünya Azərbaycanlıları Assambleyasının vitse-prezidenti, Yaponiya nümayəndəliyinin rəhbəri Əlibəy Məmmədov tərəfindən “Mənim Ana Vətənim – Azərbaycan” mövzusunda seminar həyata keçirilmişdir.
Seminarda ümumilikdə 60 şagird və 5 müəllim iştirak etmişdir.
Seminar zamanı əsas diqqət Azərbaycanın tarixi, mədəniyyəti, insanlarının gündəlik həyat tərsi, müasir inkişafı və Yaponiya-Azərbaycan ikitərəfli münasibətlərində adi insanların roluna yönəldilmişdir.
Ə. Məmmədov qeyd etmişdir ki, Azərbaycan qədim mədəniyyətə malik olan bir dövlətdir. Azərbaycan ərazisində tarixən mövcud olmuş dövlətlər və xalqlar Azərbaycan mədəniyyətinin formalaşmasında mühüm rol oynamışlar. Ölkəmiz Şərqlə Qərbi birləşdirən Cənubi Qafqaz regionunun lider dövləti olmaqla yanaşı, dünya təhlükəsizliyinə də öz dərin töhvələrini verməkdədir.
Azərbaycan torpaqlarında farslar, ərəblər, monqollar, türklər, ruslar öz dövlətlərini qurmuş, regionda əsrlər boyu hakimiyyətlərini sürdürmüşlər. Bütün bunların nəticəsində yerli insanlarda xaricilərlə qaynayıb qarışma, digərlərinin mədəniyyətinə hörmətlə yanaşma, qarşılıqlı hörmət və anlayış şəraitdə yaşama mədəniyyəti formalaşmışdır. Nəhayət 1918-ci ildə Azərbaycan ilk dəfə müstəqilliyinə qovuşanda ölkəmiz İslam dünyasında ilk demokratik dövlət, həmçinin İslam ölkələri arasında qadınlara səsvermə hüququ verən ilk dövlətdir. Bundan əlavə Azərbaycan İslam dünyasında milli teatrın (Mirzə Fətəli Axundovun “Sərgüzəşti-vəziri-xani-Lənkəran” əsəri), operanın (Üzeyir Hacıbəyovun “Leyli və Məcnun” əsəri) və baletin (Əfrasiyab Bədəlbəylinin “Qız Qalası” əsəri) əsasının qoyulduğu yerdir.
1991-ci ildə Azərbaycan tarixdə ikinci dəfə öz müstəqilliyinə qovuşur. İlk illər Ermənistan-Azərbaycan Dağlıq Qarabağ münaqişəsi, ölkədaxilində baş verən toqquşmalar nəticəsində özünün ən ağır günlərini yaşasa da, 1993-cü ildə hakimiyyətə Heydər Əliyevin gəlməsi isə vəziyyət stabilləşməyə doğru inkişaf edir. 1994-cü ildə Ermənistanla atəşkəs müqaviləsi imzalanır. Eyni ildə “Əsrin Müqaviləsi” neft kontraktı imzalanır. 1995-də konstitusiya qəbul edilir. Azərbaycanın iqtisadi və siyasi həyatı stabilləşmə mərhələsinə qədəm qoyur. 2000-ci illərdə isə neftdən gəlirlər gəlməyə başladıqda bu vəsaitlər hesabına ölkənin qeyri-neft sektoru da inkişaf mərhələsinə qədəm qoyur.
Azərbaycanda kənd təsərrüfatı və turizm sektoru inkişaf etməkdədir. Azərbaycana gələn turistlərin sayı ildən-ilə artır. Azərbaycanın kənd təsərrüfatı məhsulları öz keyfiyyəti və uyğun qiymətləri ilə dünya bazarında öz yerini tutmaqdadır. Bugün artıq Yaponiyada Azərbaycan balı, narı, şərabı, təbii şirələri, biyan kökləri öz layiqli yerini tutmaqdadırlar.
Qeyri-rəsmi məlumatlara görə il ərzində Azərbaycandan Yaponiyaya 500 nəfər, Yaponiyadan Azərbaycana isə 5 min nəfər insan səyahət edir.
Azərbaycanın kənd təsərrüfatında Yaponiya texnikası və təcrübəsindən yüksək səviyyədə istifadə edilir.
Bütün bunların nəticəsində ikitərəfli münasibətlərimizdə inkişaf gözə çarpacaq dərəcədədir. Bugün hətta regionlarımız arasında da qardaşlaşma layihələri uğurla həyata keçirilir.
Qeyd edək ki, proqram çərçivəsində Serbiya, İran və Hindistandan olan nümayəndələr də öz ölkələri haqda məlumatlar vermişlər.
Sonda idarə heyəti və şagirdlərlə xatirə şəkli çəkilmişdir.

Fuad

Mənbə: Palitra qəzeti

http://palitranews.az/news.php?id=62659

dersim

Yaponiyada Azərbaycanla bağlı seminar keçirilib (AZADİNFORM)

AZADİNFORM. 2016-cı ilin Dekabr ayının 9-da Yaponiyanın paytaxtı Tokio şəhərinin Setagaya bölməsində yerləşən məktəbdə Dünya Azərbaycanlıları Assambleyasının vitse-prezidenti, Yaponiya nümayəndəliyinin rəhbəri Əlibəy Məmmədov tərəfindən “Mənim Ana Vətənim – Azərbaycan” mövzusunda seminar həyata keçirilib.

Seminarda ümumilikdə 60 şagird və 5 müəllim iştirak edib.

Seminar zamanı əsas diqqət Azərbaycanın tarixi, mədəniyyəti, insanlarının gündəlik həyat tərsi, müasir inkişafı və Yaponiya-Azərbaycan ikitərəfli münasibətlərində adi insanların roluna yönəldilib.

Ə. Məmmədov qeyd edib ki, Azərbaycan qədim mədəniyyətə malik olan bir dövlətdir. Azərbaycan ərazisində tarixən mövcud olmuş dövlətlər və xalqlar Azərbaycan mədəniyyətinin formalaşmasında mühüm rol oynayıblar. Ölkəmiz Şərqlə Qərbi birləşdirən Cənubi Qafqaz regionunun lider dövləti olmaqla yanaşı, dünya təhlükəsizliyinə də öz dərin töhvələrini verməkdədir.

Azərbaycan torpaqlarında farslar, ərəblər, monqollar, türklər, ruslar öz dövlətlərini qurmuş, regionda əsrlər boyu hakimiyyətlərini sürdürmüşlər. Bütün bunların nəticəsində yerli insanlarda xaricilərlə qaynayıb qarışma, digərlərinin mədəniyyətinə hörmətlə yanaşma, qarşılıqlı hörmət və anlayış şəraitdə yaşama mədəniyyəti formalaşıb. Nəhayət 1918-ci ildə Azərbaycan ilk dəfə müstəqilliyinə qovuşanda ölkəmiz İslam dünyasında ilk demokratik dövlət, həmçinin İslam ölkələri arasında qadınlara səsvermə hüququ verən ilk dövlətdir. Bundan əlavə Azərbaycan İslam dünyasında milli teatrın (Mirzə Fətəli Axundovun “Sərgüzəşti-vəziri-xani-Lənkəran” əsəri), operanın (Üzeyir Hacıbəyovun “Leyli və Məcnun” əsəri) və baletin (Əfrasiyab Bədəlbəylinin “Qız Qalası” əsəri) əsasının qoyulduğu yerdir. 1991-ci ildə Azərbaycan tarixdə ikinci dəfə öz müstəqilliyinə qovuşur. İlk illər Ermənistan-Azərbaycan Dağlıq Qarabağ münaqişəsi, ölkədaxilində baş verən toqquşmalar nəticəsində özünün ən ağır günlərini yaşasa da, 1993-cü ildə hakimiyyətə Heydər Əliyevin gəlməsi isə vəziyyət stabilləşməyə doğru inkişaf edir. 1994-cü ildə Ermənistanla atəşkəs müqaviləsi imzalanır. Eyni ildə “Əsrin Müqaviləsi” neft kontraktı imzalanır. 1995-də konstitusiya qəbul edilir. Azərbaycanın iqtisadi və siyasi həyatı stabilləşmə mərhələsinə qədəm qoyur. 2000-ci illərdə isə neftdən gəlirlər gəlməyə başladıqda bu vəsaitlər hesabına ölkənin qeyri-neft sektoru da inkişaf mərhələsinə qədəm qoyur.

Azərbaycanda kənd təsərrüfatı və turizm sektoru inkişaf etməkdədir. Azərbaycana gələn turistlərin sayı ildən-ilə artır. Azərbaycanın kənd təsərrüfatı məhsulları öz keyfiyyəti və uyğun qiymətləri ilə dünya bazarında öz yerini tutmaqdadır. Bu gün artıq Yaponiyada Azərbaycan balı, narı, şərabı, təbii şirələri, biyan kökləri öz layiqli yerini tutmaqdadırlar.

Qeyri-rəsmi məlumatlara görə il ərzində Azərbaycandan Yaponiyaya 500 nəfər, Yaponiyadan Azərbaycana isə 5 min nəfər insan səyahət edir. Azərbaycanın kənd təsərrüfatında Yaponiya texnikası və təcrübəsindən yüksək səviyyədə istifadə edilir. Bütün bunların nəticəsində ikitərəfli münasibətlərimizdə inkişaf gözə çarpacaq dərəcədədir. Bu gün hətta regionlarımız arasında da qardaşlaşma layihələri uğurla həyata keçirilir.

Qeyd edək ki, proqram çərçivəsində Serbiya, İran və Hindistandan olan nümayəndələr də öz ölkələri haqda məlumatlar veriblər.

12.12.2016 14:06
Mənbə: AZADİNFORM İnformasiya Agentliyi
15540582_351879188512599_1712015771_o
Seminar öncəsi xarici tələbələr və yaponlarla fikir mübadiləsi, Tokio şəhəri, 09.12.2016

 

dersim
9 dekabr 2016-cı il, Tokioda Azərbaycanla bağlı verdiyim dersdən bir an

Palitra qəzetində çıxmış müsahibəm

My 10th exclusive interview for Azerbaijani Media in 2016. 政府系の新聞で「アゼルバイジャン人の知らない日本と日本人について」というタイトルで(今年10度目の)独占取材!高い評価をいただいており、なかなか良い記事になっております。Fuad bəy yenə yaradıbdır. Möhtəşəm bir məqalədir. Qəzeti əldə edə bilməyənlər şərhə qoyacağım link-dən oxuya bilərlər. Azərbaycan diasporunun bir araya toplanmasında göstərdiyi böyük fədakarlığa görə dostum və dəyərli insan olan Fuad bəyə xüsusi minnətdarlığımı bildirirəm.

palitrada-3cu-musahib%c9%99m

Yaponiya və yaponlar haqqında bilmədiklərimiz (Müsahibə, Palitra)

 

Əlibəy Məmmədov:
“Yaponiya Azərbaycandan qonaqpərvərliyi, xaricilərə qarşı olan tolerantlığı, müxtəlif millətlərlə bərabərhüquqlu və rahat şəkildə yaşamağı öyrənə bilər”Bildiyimiz kimi, yaponlar bir sıra maraqlı xarakterik xüsusiyyətlərə malikdirlər. Və bu, bir çox xalqların, eləcə də azərbaycanlıların marağındadır. Yaponiya və yaponlar haqqında bilmədiyimiz məqamlar haqqında 5 ilə yaxındır ki, bu ölkədə yaşayan gənc diaspor üzvü Əlibəy Məmmədov öz müsahibəsində danışıb. Qeyd edək ki, Ə.Məmmədov Yaponiya-Azərbaycan Əməkdaşlıq Assosiasiyasının sədri, Dünya Azərbaycanlıları Assambleyasının Şərqi və Orta Asiya üzrə vitse-prezidentidir.
– Azərbaycan oxucusu yaponlar haqqında nələri bilmir?
– Bilirsiz, mən düşünmürəm ki, Azərbaycan cəmiyyəti Yaponiya ilə bağlı məlumatlıdır. Bizdə çox elementar məlumatlar ola bilər. Ona görə əksər məlumatları yeni hesab edərdim. Yaponlar kifayət qədər dürüstdürlər. Heç kimin malına göz dikməzlər. Yolda pul qabınızı, telefonunuzu, zinət əşyanızı itirə bilərsiniz. Amma inanın ki, polisə müraciət etsəniz qısa müddətdə tapılacaq. Bunu tapan yaponlar dərhal polisə təhvil verirlər və qeydiyyata alınır. Siz polisə müraciət etdiyiniz zaman əldə edə bilirsiz.
Onu da bildirim ki, Yaponiyada Meiji (1867-68) inqilabından sonra, demək olar ki, Samuraylar fiziki cəhətdən qalmasa da, samuray ruhu hələ də yaponlarda yaşamaqdadır. Çox döyüşkən xalqdır. Mərd xalqdır. Yaponiyada, bildiyiniz kimi, təbii fəlakətlər, zəlzələlər, tayfunlar, sunamilər tez-tez olur və ölkəyə kifayət qədər ziyan dəyir. İnsan itkiləri də az olmur. Bununla belə, yaponlar çox qısa zaman ərzində özlərində qüvvə taparaq yenidən yaradırlar, qururlar. Heç kimdən kömək istəmirlər. Heç kimi gözüyaşlı görmürsən. İnsan hərdən donub qalır ki, bu cür vəziyyətlərdə insan necə bu qədər soyuqqanlı ola bilər?! Amma Yaponiyada uzun illər yaşadıqca alışır insan. Bir növ yapona çevrilirsən. Digər tərəfdən yaponların xarakterləri ilə bağlı onu deyə bilərəm ki, əksər hallarda qarşı tərəfin (əcnəbinin) bütün məlumatlarını əldə etməyə çalışırlar. Şəxsi məsələlərədək suallar verirlər. Biz xaricilər bu suallara hər zaman cavab veririk. Amma növbə özlərinə gələndə çox qapalı olurlar və qeyd edirlər ki, bu şəxsi məsələdir və danışmaq istəmirik. Özləri isə qarşı tərəf barədə hər məsələni öyrənməyə meyilli olurlar. Gündəlik həyatda isə yolda gedərkən velosiped sürə-sürə üzünü təraş edən, metroda pivə içən yaponları da görmək olar. Yaponiyada içki mədəniyyəti çox inkişaf edib. Xüsusilə böyük şirkət rəhbərləri öz işçilərini yaxından tanımaq üçün tez-tez belə məclislər təşkil edirlər. Belə məclislərdə, hətta adi işçi öz rəhbərinə qarşı müəyyən mənada hörmətsizlik edə, ona şillə də vura bilər. Növbəti gün hamı bunu unudur və hər kəs öz işi ilə məşğul olur.
-Yaponlar bir çox sahədə dünyada mümunədir. Bəs Azərbaycan hansı cəhəti ilə yaponlara nümunədir?
-Bu bir qədər çətin sualdır. Qeyd etdiyiniz kimi, Yaponiya bir çox sahələrdə nəinki Azərbaycan, bütün dünya ölkələrinə nümunə olacaq bir dövlətdir. Azərbaycanın Yaponiyadan öyrənməli olduğu bir çox sahələr vardır. Eyni zamanda hər iki ölkənin iki əsas oxşar cəhəti vardır. “İnsan” və “tarix” faktoru. Həm Yaponiyada, həm də Azərbaycanda ölkənin insanına və tarixinə hörmətlə yanaşılır. Hər iki dövlət qədim tarixə malikdir və bununla fəxr edə bilər. Hər iki xalqın dünya səviyyəli insanları vardır ki, bəşəriyyət tarixində dərin izlər buraxıblar. Yaponiya rahat ölkədir, azaddır, təhlükəsizdir. Səhiyyə sistemi yüksək səviyyədə inkişaf edib, sığorta sistemi ali səviyyədədir. Qidaları yüksəkkeyfiyyətli və təmizdir. Ancaq, bildiyiniz kimi, Yaponiya əhalisinin mütləq əksəriyyəti məhz yaponlardır. Digər millətlərin nümayəndələri azlıq təşkil edir. Düşünürəm ki, Yaponiya Azərbaycandan qonaqpərvərliyi, xaricilərə qarşı olan tolerantlığı, müxtəlif millətlərlə bərabərhüquqlu və rahat şəkildə yaşamağı öyrənə bilər. Yaponiyanın xaricilərə qarşı olan qanunları çox sərtdir. Bura hər adam gələ bilməz. Yalnız yüksək səviyyəli siyasi və biznes adamları, eyni zamanda yüksək təhsilli insanlar rahat gələ bilirlər. Digərləri üçün böyük əngəllər yaradılır. Hətta son zamanlar dünya səviyyəsində qlobal problemə çevrilən qaçqınlarla bağlı da dövlət olaraq sərt reaksiya verməklə qəbul etməkdən imtina ediblər. Bu isə bir çox yerli ziyalılar tərəfindən tənqid edilmişdi. Yaponiyada 5 ilə yaxındır ki, yaşayıram. Çox xoş münasibətdə olduğum ailə dostlarım da var. Amma evinə dəvət edənlər çox azdır. Hər zaman restorana dəvət edirlər. Bu tək mənim başıma gələn hadisə deyil, digər xaricilərlə söhbətlərimizdə də ən aktual mövzulardan biridir bu. Biz isə Azərbaycana gələn qonağı ilk olaraq öz evimizə dəvət edirik. Burada bizim fərqimiz ortaya çıxır. Yaponlarda digərlərinə bir balaca soyuq yanaşma var. Mən digərləri dedikdə yapon millətindən olmayanları nəzərdə tuturam. Onu da qeyd edim ki, bunu heç də hər bir yapona aid etmək olmaz, amma ümumi görünən mənzərə məhz budur. Yaponiyada yaşayan istənilən xarici dediklərimi təsdiq edə bilər. Kim bilir, bəlkə də xaricilərə qarşı bu qədər sərt olmaqları, hər adamı ölkəyə buraxmamaları, ölkənin bu qədər təhlükəsiz və stabil olmasına gətirib çıxarıb. Bu məsələyə müxtəlif mövqelərdən yanaşmaq olar. Kifayət qədər aktual olan mövzudur.
-Yaponlar deyir ki, əgər mühiti dəyişmək mümkün deyilsə, mühitə olan münasibəti dəyişmək lazımdır. Bu fikir onların ada xalqı olmasındanmı irəli gəlib?
– Mühiti dəyişmək üçün insan gərək özünü dəyişməkdən başlasın. Mühitə uyğunlaşıb, həmin mühitə tam hazır olduqdan sonra nələrisə dəyişmək mümkündür. Normal həyatda da hər hansısa qanun xoşuna gəlmirsə, onu həmən dəyişə bilmərsən. İlk öncə həmin qanunlara riayət etməlisən. Və, nəhayət, yüksək səviyyəyə çatıb, həmin qanunlara tam alışdıqdan sonra onları dəyişməyə gücün ola bilər. İlk öncə özümüzü mühitə uyğunlaşdırmalıyıq. Bilirsiz, biz azərbaycanlılar müxtəlif imperiyalar və böyük dövlətlər tərəfindən dəfələrlə işğala məruz qalmışıq. Bütün bunların yaxşı yalnız bir tərəfi vardır. Bütün bu işğallar nəticəsində müxtəlif millətlərə qaynayıb qarışmışıq. Buna görə bu gün müxtəlif din və millətlərdən olan insanlarla tolerant davrana bilirik. Biz buna alışmışıq. Yaponiya isə qeyd etdiyiniz kimi, ada dövlətidir. Özləri də çox zaman nəyisə anlamayanda bildirirlər ki, biz ada dövlətiyik, materik dövlətlərindən fərqli düşüncələrə sahibik. Yaponiya ABŞ (1945-1952) işğalını çıxmaq şərtilə, demək olar ki, hər zaman müstəqil olmuş dövlətdir. Yaponlara qaynayıb- qarışmaq üçün yapon dili savadına malik olmalısan. Yüksək səviyyədə yapon dilini bilən insanlara qarşı xüsusi sevgiləri vardır. Əgər onların qəbul etdiyi bütün qaydalara mədəni formada riayət edirsənsə, çalışqan və vuruşqansansa, öz ideyaların, öz düşüncələrin uğrunda sonunadək yolundan dönmürsənsə yaponlar səni qəbul edirlər və sevirlər.
-Ümumiyyətlə, mühitə münasibəti dəyişməyin hansı perspektivi var?
-Şəxsən öz təcrübəmdən deyə bilərəm ki, mühitimi Yaponiyaya dəyişməklə doğma vətənim olan Azərbaycanı yenidən kəşf etmiş oldum. İçəridən deyil də, kənarlardan da görmüş oldum. Azərbaycana olan xarici sevginin şahidi oldum. Yaponlara Azərbaycanla bağlı dərslər, seminarlar deyə-deyə öz ölkəm haqqında daha çox öyrənmiş oldum. Əslində, öz dövlətim haqqında heç də kifayət qədər savadım olmadığının şahidi oldum. Ölkə daxilində olanda düşünürdüm ki, çox şeyi bilirəm. Bu isə məni daha çox öyrənməyə və araşdırmağa həvəsləndirdi. Dövlətimə və millətimə olan sevgim daha da artmış oldu. Mühiti dəyişməkdə böyük fayda vardır. Eyni yerdə qalmaq olmaz. Dəyişikliklərə açıq olmalı, daim irəli addımlamaq lazımdır.
– Yapon milli geyimi kimonoda özünü azərbaycanlı kimi hiss etmək nə dərəcədə asandır?
-Azərbaycanlı olmaq bir vicdan işidir. Bunun hər hansısa bir geyimlə əlaqəsi yoxdur. Mən bütün qanımla, canımla azərbaycanlıyam. Azərbaycanlı olmaq mənim daxilimdə məni yaradan hisdir. Bu bütün hislərin ən alisidir. Geyim isə gündəlik tələbata uyğun bir tələbat.
-Siz yapon məktəblərində Azərbaycanın tanıtım dərslərini keçirsiz. Maraqlıdır, məktəblilər Azərbaycanla bağlı nə kimi suallar verirlər?
– Bu çox gözəl bir proqramdır. Mən hər zaman “Mənim Ana Vətənim, azərbaycanlıların gündəlik həyat tərzi və mədəniyyəti” adı altında dərs deyirəm. Hər dəfə diqqəti ayrı-ayrı mövzular üzərində cəmləşdirirəm. Azərbaycanda ayrı-ayrı din və dil mənsublarının, müxtəlif millətlərin nümayəndələrinin azad və firavan şəkildə yaşaması üçün bütün hüquqi əsasların olmasını qeyd edirəm.
Hər zaman tələbələr qeyd edirlər ki, ilk dəfədir ölkəniz haqqında məlumat alırıq. Seminar bitən kimi hər biri xüsusilə qeyd edirlər ki, hökmən Azərbaycana səfər etmək, ləzzətli süfrəmizə qonaq olmaq, insanlarımızı daha yaxından tanımaq istəyirlər. Bir neçə həftə sonra məktəb rəhbərliyi tərəfindən şagirdlərin yazdığı məktublar göndərilir ünvanımıza. İnanın ki, bu məktublarda şagirdlərin öyrəndiklərini, Azərbaycana yaranmış sevgi hislərini görəndə sevinc göz yaşlarını saxlamaq olmur. Bu hissi anlamaq heç də hər kəsə nəsib olmur. Sualları, əsasən, Azərbaycanda digər millətlərin nümayəndələrinin yaşayıb yaşamaması və onlara münasibətin necə olması, azərbaycanlıların yaponlara münasibəti, İslam dini, mentalitetimizlə bağlı olur. Onları daha çox təəccübləndirən isə müalicəvi Naftalan nefti vannası, Naxçıvanın duz dağıdır.
-Yaponiya ilə bağlı hansı maraqlı məqamlar diqqətinizi çəkir?
-Yaponiya ilə bağlı maraqlı məqamlar çoxdur. Danışmaqla bitməz. Amma onu deyim ki, burada meşələrdə canavarlar olmasa da, ayılar yaşamaqdadır. Tez-tez hücum edirlər və ölənlər də var yaşlı yaponlar arasında. Bilirsiz, yaşlı yaponlar dağlara çıxmağı, meşələrdə gəzməyi çox sevirlər. Yaponiyalılarda dağlara qarşı xüsusi bir sevgi vardır. Müqəddəs bir varlıq kimi yanaşırlar. Bundan əlavə, burada Nara şəhəri, Hiroşimada yerləşən Miyajima adasında marallar küçələrdə gəzirlər. Bu özü turist axınına böyük töhfələr verir. Şimal adası Hokkaydonun şərqində maşın sürəndə isə yollarda tez-tez işarələrlə göstərilir ki, ehtiyatlı olun, maralla toqquşa bilərsiniz. Marallar tez-tez yollara çıxırlar və qəzalara səbəb olurlar. Hokkaydo adasında o qədər maral var ki, hökumət onları necə idarə etmək yolunda çox əziyyət çəkir. Hokkaydodan söz düşmüşkən, buraya çox qar yağır. İlin 6 ayı qar olur. Gecələr və səhərlər müntəzəm olaraq qar təmizləyən traktorlar işləməsə, bəlkə də, şəhərlər qar altında itər. Mən 4 il Sapporo şəhərində yaşamışam. Əsl qış nədir bilirəm. Hər səhər 6-da oyanıb qonşularla birlikdə qapı-bacanı qardan təmizləyərdik. İnsan özünü nağıllar aləmində hiss edir. Digər bir məlumat – Yaponiyada onsen adlanan ictimai hamamlar vardır. Buraya çılpaq bədənlərin qovuşduğu yerlər də deyirlər. Təbii olan yerlərdə yerdən çıxan isti bulaqların suyunda insanlar vanna qəbul edirlər. Bizim cənub bölgələrimizdə olan isti sular kimidir, amma daha sistemli formada inkişaf etdirilib. Təsəvvür edin, qışda qar yağıb, hər tərəf ağappaq. Siz isti suyun içində, Sakit okeana və ya hər hansısa əsrarəngiz gölə tamaşa edirsiniz. Xalqın hər baxımdan dincələməyi üçün şərait yaradılıb. Yaponiya, sözün həqiqi mənasında, nağıllar və arzuların məkanıdır.

Fuad Hüseynzadə
Tarix: 05.12.2016 | Saat: 19:47:00
img112

“Gündoğar ölkə”də Azərbaycan diasporu (525)

YAPONİYA ÖLKƏMİZİ CƏNUBİ QAFQAZDA ƏN ƏSAS STRATEJİ TƏRƏFDAŞI HESAB EDİR

Diaspor quruculuğu, lobbiçilik və dünya azərbaycanlılarının həmrəyliyi

Müstəqilliyin bərpasından sonra Azərbaycanla əməkdaşlıq əlaqələri yaradan ilk dövlətlərindən biri Yaponiyadır.

Bu ölkə Azərbaycanın müstəqilliyini cəmi iki ay sonra – 1991-ci ilin dekabrında tanıyıb. 1992-ci ildə isə iki dövlət arasında diplomatik münasibətlərin əsası qoyulub. 2000-ci ildə Yaponiya Cənubi Qafqazda ilk dəfə Azərbaycanda öz səfirliyini açıb. Bundan 9 il sonra Gürcüstanda, 15 il sonra Ermənistanda Yaponiya səfirliyi qurulub. Keçən il isə “Gündoğar ölkə”də Azərbaycan səfirliyi fəaliyyət göstərməyə başlayıb.

Diplomatik nümayəndəliyimiz iki ölkə arasında siyasi, iqtisadi, mədəni və digər sahələrdə əlaqələrin inkişafı istiqamətində fəaliyyət aparır. Təsadüfi deyil ki, son dövrlər dövlət səviyyəsində qarşılıqlı səfərlərin sayında artım müşahidə olunur. Xüsusilə 2015-2016-cı illərdə Azərbaycandan Milli Məclisin sədri Oqtay Əsədov, Baş nazirin müavini Əli Həsənov, Prezidentin ictimai-siyasi məsələlər üzrə köməkçisi Əli Həsənovun Yaponiyaya, qarşı tərəfdən isə Baş nazirin müavini, eyni zamanda maliyyə naziri Taro Aso, sabiq iqtisadiyyat nazir Amari Akiranın və digər yüksəksəviyyəli rəsmi şəxslərin səfərləri sürətlə inkişaf edən əlaqələrin yeni mərhələyə qədəm qoymasına şərait yaradır.

Bütün bunlarla yanaşı iki ölkə xalqları arasında əlaqələri daha da inkişaf etdirmək, müxtəlif sahələrdə təcrübə mübadiləsi aparmaq, ümummilli problemimiz olan Dağlıq Qarabağ münaqişəsinə Yaponiya ictimaiyyətinin dəstəyini qazandırmaq üçün diaspor, qeyri-hökumət təşkilatları səviyyəsində də fəaliyyətin aparılması zəruridir. Bu missiyanı isə Yaponiya-Azərbaycan Əməkdaşlıq Assosiasiyasının sədri, Dünya Azərbaycanlıları Assambleyasının Şərqi və Orta Asiya üzrə vitse-prezidenti Əlibəy Məmmədov öz üzərinə götürərək “Gündoğar ölkə”də Azərbaycanın təbliğatı, iki ölkə xalqları arasında əlaqələrin inkişafı istiqamətində fəaliyyətini davam etdirir.

Ə.Məmmədov bildirib ki, son illər Yaponiya-Azərbaycan münasibətləri istər siyasi-iqtisadi, istərsə də mədəni səviyyədə özünün inkişaf yolunu keçməkdədir: “Yaponiya Cənubi Qafqaz regionunda ən əsas strateji tərəfdaşı kimi məhz Azərbaycanı görür. Paytaxt Tokioda müntəzəm olaraq yaponiyalı kiçik və orta sahibkarlar tərəfindən məclislər təşkil olunur. Fəxri qonaq kimi bu tədbirlərin əksəriyyətinə dəvət olunuram. Bu məclislərdə bir daha əmin oluram ki, Azərbaycanın kənd təsərrüfatı və turizminin inkişafına böyük maraq var. Təsadüfi deyil ki, son 3 ildə Azərbaycana səfər etmiş yaponiyalı iş adamlarının sayı gözəçarpacaq dərəcədə artıb. Bundan əlavə, son illərdə Azərbaycan və Yaponiya arasında siyasi sahədə də yaxınlaşma sezilir. Dövlət rəsmilərinin qarşılıqlı olaraq həyata keçirdiyi səfərlər iki ölkə arasında siyasi sferada əlaqələrin inkişafı müsbət təsirini göstərir. Bütün bunları nəzərə alaraq, əminliklə deyə bilərəm ki, Azərbaycan bir dövlət olaraq Yaponiya üçün post-Sovet məkanında ən etibarlı geosiyasi partnyor rolunu oynamağa qadirdir və bu Yaponiya tərəfindən yüksək qiymətləndirilir”.

Diaspor rəhbəri qeyd edib ki, şəhərlərimiz arasında dostlaşma və qardaşlaşma işləri də görülməkdədir: “Yaponiyanın Şizuoka prefekturasının İto şəhəri ilə İsmayıllı rayonu dost şəhərdir. İsmayıllıda “Yapon bağı” da salınıb. Eyni zamanda, Okinava prefekturasının Miyakojima şəhəri ilə Naxçıvan şəhəri arasında son vaxtlar yaxınlaşma hiss olunur. Bu ilin yazında Yaponiyadan Kazuyasu İşidanın rəhbərliyi altında iş adamları və deputatlarından ibarət təxminən 40 nəfər Naxçıvana səfər edib. Bundan əlavə, bu gün Azərbaycanda ən öndə gedən təhsil müəssisələrindən olan ADA universiteti də Yaponiyanın müxtəlif universitetləri ilə təhsil sahəsində əlaqələr qurmaqdadır. Bütün bunlar Yaponiyada Azərbaycanın tanıdılması və onun haqqında müsbət fikir yaradılmasında əvəzsiz rol oynayır”.

Ə.Məmmədovun sözlərinə görə, Yaponiyada yeni yetişən nəsildə Azərbaycan haqqında dərin biliklərin mənimsənilməsinə nail olmağa çalışırlar: “Bu mənada, mənim əsas fəaliyyətim 4 istiqamətdədir: yaponiyalı məktəblilər, elm və iş adamları, ziyalılar və siyasi simalarla görüşlər təşkil etmək, onlara Azərbaycanla bağlı məlumatlar vermək. Hər zaman əlimizdən gələni edirik ki, ölkəmiz haqqında müsbət fikir yaradaq. Bütün bunların nəticəsi olaraq, bu gün biz yaponiyalı məktəblilərdə Azərbaycana böyük sevgi və rəğbət hissi, elm adamlarında yeni araşdırma ideyaları, iş adamlarının Azərbaycanla biznes əlaqələrində uğurlar qazanması, Azərbaycan kənd təsərrüfatı məhsullarının inamla Yaponiya bazarlarına çıxmasını, ziyalılar və iş adamlarının Azərbaycana artan səfərlərini görürük. Bu, artıq özü böyük uğurdur”.

Həmyerlimiz hesab edir ki, diaspor işimizdə dövlətin dəstəyi olarsa, daha çox uğur əldə etmək olar: “Lakin hər şeyi dövlətdən də tələb etmək doğru deyil. Diaspor təşkilatları gərək özləri güclü olsun, müstəqil fəaliyyət göstərsin. Dövlət müstəvisində bizim ayrı-ayrı məsul qurumlarımız iki ölkə arasında münasibətlərin inkişaf etdirilməsi istiqamətində işlər aparır. Biz isə diaspor olaraq tam fərqli və müstəqil fəaliyyət göstərsək daha effektiv olar. Düşünürəm ki, bu düşüncə tərzi həm də dövlət üçün faydalıdır. Ona görə ki, dövlətin güclü olması təkcə onun özündən asılı olmamalıdır. Biz ayrı-ayrı ölkələrdə hər şeyi dövlət edəcək deyib arxayın oturmamalıyıq. Bu bizim hər birimizin dövlətidir. Rəsmi səviyyədə təmsil olunub olunmamağımızdan asılı olmayaraq, cəmiyyətin hər bir fərdi ayrı-ayrılıqda istər diaspor, istərsə də qeyri-hökumət təşkilatları səviyyəsində dövlətin həyata keçirdiyi fəaliyyətə dəstək verməlidir. Bu baş verərsə, biz dünya səviyyəsində daha güclü bir dövlət imici yaratmağa nail ola bilərik”.

Ə.Məmmədov bildirib ki, dünya çapında daha da güclənmiş diasporumuz istənilən vacib qərarların qəbul edilməsində böyük təsir imkanlarına sahib ola bilər: “Bu çox vacib faktordur”.

Azərbaycanın bir nömrəli problemi – Ermənistan-Azərbaycan, Dağlıq Qarabağ münaqişəsi ilə bağlı əsl həqiqətlərin Yaponiya ictimaiyyətinə çatdırılması istiqamətində həyata keçirilən fəaliyyətdən danışan diaspor sədri qeyd edib ki, münaqişə ilə əlaqədar elmi səviyyədə 2015-ci ilin dekabrın 14-də Hokkaydo Universitetində təşkil edilmiş “Hokkaydo Mərkəzi Avrasiya elmi konfransı”nın 121-ci sessiyasında yapon dilində, 2016-cı il aprelin 16-da ABŞ-ın Nevada Ştatının Reno şəhərində 58-ci Qərb Sosial Elmləri Assosiasiyasının nəzdində təşkil edilmiş “Sərhəd Araşdırmaları Assosiasiyası”nın 33-cü sessiyasında ingilis dilində məruzələr etmişəm. Bundan başqa, Tokionun internet kanalı olan “World Investors TV”nin canlı yayımlarında dəfələrlə fəxri qonaq qismində dəvət olunaraq Dağlıq Qarabağ münaqişəsi, 20 Yanvar hadisələri ilə bağlı çıxışlar etmişəm. Eyni zamanda, həmin kanalda Azərbaycanın milli bayramları – Dirçəliş günü, Konstitusiya günü, Həmrəylik günü və digər mövzularda verilişlər hazırlamışıq. Bütün bunlar Yaponiyada Azərbaycanın haqq səsinin təbliğ edilməsində mühüm rol oynayır. Ümumilikdə isə gəldiyim qənaət odur ki, “Böyük 7-lik” üzvü olan Yaponiya rəsmi səviyyədə Azərbaycanın ərazi bütövlüyünü tanısa da, bu dövlətin Ermənistana beynəlxalq təzyiqlər etməsi hazırda aktual deyil. Bunun əsas səbəbi isə dünya səviyyəsində elmi araşdırmalarımızın az olmasıdır. Ona görə də dayanmadan fəaliyyət göstərərək Yaponiya və digər ölkələrdə Azərbaycanın haqq səsini daha geniş və sistemli şəkildə çatdırmalıyıq. Ölkə daxilində hər kəs bu mövzudan danışır, yazır. Xaricdə isə bu, o qədər də gözə çarpmır. Dağlıq Qarabağla bağlı işi sistemli və səviyyəli formada təşkil etmək lazımdır ki, dünya ictimaiyyəti Azərbaycanın haqq səsini doğru şəkildə duya bilsin”.

Bu yaxınlarda həmyerlimiz Ə.Məmmədovla bərabər Azərbaycana bir qrup  yaponiyalı iş adamı səfər edib. Yaponiyanın A.V.C Yayım İnkişafı Şirkətinin İdarə heyətinin sədri Yukihisa Ota və Beynəlxalq əlaqələr şöbəsinin meneceri Tomohora Yamasaki dövlətimiz haqqında xoş fikirlər söyləyərək iki ölkə arasında biznes əlaqələrinin inkişaf etdirilməsində maraqlı olduqlarını bildiriblər.

Y.Ota qeyd edib ki, Azərbaycanla Yaponiya arasında həm mədəni, həm də iqtisadi əlaqələrin inkişafında böyük potensial var: “Biz bu potensialı hiss edirik. Ona görə də əlaqələrin uğurla qurulucağına, daha da inkişaf edəcəyinə inanırıq. Bunun üçün Azərbaycanda müvafiq qurum və şirkətlərlə daha sıx əlaqələr qurmağa, görüşlər keçirməyə çalışacağıq”.

Şirkətin Beynəlxalq əlaqələr üzrə meneceri T.Yamasaki isə bildirib ki, Yaponiyada müharibədən sonra sənaye böyük inkişaf yolu keçsə də, demoqrafik vəziyyət olduqca mənfi istiqamət alıb: “Buna görə də Yaponiya şirkətləri xarici əməkdaşlıq əlaqələrinə daha çox maraq göstərir, bu istiqamətdə biznes fəaliyyət aparırlar. Bu mənada, bizim üçün Azərbaycan iqtisadi potensialına görə olduqca cəlbedici ölkədir. Ona görə də Azərbaycana gələrək ölkənizdə Yaponiyanın tanıdılması, eyni zamanda, Yaponiyada Azərbaycanın tanıdılması, daha sonra  qarşılıqlı biznes sərgilərinin keçirilməsi istiqamətində iş aparacağıq”.

Yaponiyalı qonaqlardan Dağlıq Qarabağ münaqişəsi ilə bağlı hər hansı bir məlumatlarının olub-olmadığını soruşanda isə bildirdilər ki, əgər hər hansı bir xarici ölkədə biznes fəaliyyəti həyata keçirməyi qarşıya məqsəd qoyurlarsa, ilk olaraq həmin dövlət haqqında məlumat toplayırlar. Bu mənada, Azərbaycanda bizneslərini inkişaf etdirmək niyyətində olduqlarına işarə edən şirkət rəsmiləri ölkəmizin Ermənistanla yaşadığı konfliktdən kifayət qədər xəbərləri olduğunu bildirdilər.

Bu o deməkdir ki, siyasətin təməlini təşkil edən iqtisadiyyat, həm də diplomatik sahədə əldə olunacaq uğurların açarı rolunu oynayır. Ona görə də, münaqişədən əziyyət çəkən Azərbaycan dövlətinin 1994-cü ildə atəşkəs müqaviləsi imzalayıb problemi danışıqlar müstəvisinə çıxardıqdan dərhal sonra ölkə iqtisadiyyatını inkişaf etdirməyi qarşıya məqsəd qoymaqla ən doğru qərarı verdiyi bir daha öz təsdiqini tapır. Bunun nəticəsidir ki, indi işğal siyasətini davam etdirən Ermənistan regionda uğurlu layihələr həyata keçirən, nüfuzlu beynəlxalq tədbirlərə ev sahibliyi edən Azərbaycanın iqtisadi blokadasına məruz qalıb. Zaman keçdikcə xaricdəki dayaqları zəifləyən işğalçı ölkə qüvvələr balansının Azərbaycanın xeyrinə dəyişdiyinin şahidi olur. Son aprel döyüşləri də sübut etdi ki, 90-cı illərdən fərqli olaraq indi hərbi güc də bizdədir. Ona görə də, Ermənistan vəziyyətdən çıxış yolunu Azərbaycanı bəzi himayədarlarına şikayət etməkdə görür. İşğalçı ölkə rəhbərliyi bunun heç bir nəticə vermədiyini anlayanda bəlkə də gec olacaq, Azərbaycan öz torpaqlarına qovuşacaq. Ermənistan isə tarixin ən dərin qatlarında itib batacaq.

Ceyhun ABASOV
Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun keçirdiyi müsabiqəyə təqdim edilir

http://525.az/site/?name=xeber&duzelis=0&news_id=68186

DAA-nın vitse-prezidentinin Yaponiya qəzetində müsahibəsi yer alıb (Palitra)

2016-cı ilin Noyabr ayının 17-də Yaponiyanın yerli məşhur qəzetlərindən biri olan və gündəlik səhər satışı 1 milyon 23 min 378 nüsxə (axşam satışı 432 min 422 nüsxə) olan Hokkaydo qəzetində (Hokkaydo Şinbun) Dünya Azərbaycanlıları Assambleyasının Şərqi və Orta Asiya ölkələri üzrə vitse-prezidenti, Yaponiya nümayəndəliyinin sədri, Yaponiyanın Hokkaydo Universitetinin doktorant tələbəsi, Yaponiya höküməti təqaüdçüsü, eyni zamanda həmyerlimiz Əlibəy Məmmədovun Dağlıq Qarabağ və Cənubi Kuril adaları münaqişələri ilə bağlı geniş elmi müsahibəsi yer alıb. Qeyd edək ki, Əlibəy Məmmədov elmi səviyyədə professional olaraq Konfliktologiya elmi sahəsində araşdırmalar aparmaqla, Ermənistan-Azərbaycan Dağlıq Qarabağ münaqişəsi, Rusiya və Yaponiya arasında Cənubi Kuril adaları problemi eyni zamanda Şrilanka milli vətəndaş müharibəsi mövzularında elmi tədqiqatlar aparır.
Müsahibədə bu ilin Aprel ayında baş vermiş “4 günlük müharibə”-dən söhbət açılmış, müharibənin nə zaman bitə biləcəyi ilə bağlı fikir mübadiləsi aparılmışdır. Qeyd olunmuşdur ki, Sovet İttifaqının dağıldığı 1991-ci ildə Dağlıq Qarabağın erməni əhalisi müstəqillik əldə etməyə cəhd göstərmişlər. Bu isə hər iki xalq arasında münaqişəyə səbəb olmuşdur. 1994-cü ildə tərəflər arasında atəşkəs imzalanana qədər kəskin müharibə davam etmiş və 30 mindən çox insan həyatını itirmişdir.
Bildirilmişdir ki, Ə. Məmmədov Azərbaycanın paytaxtı Bakı şəhərində yerləşən universitetdə (Bakı Dövlət Universitetində) yapon dili bacarığına yiyələnmişdir. 2012-ci ilin Aprel ayından etibarən Hokkaydo Universitetinin Slavyan Avrasiya Araşdırmalar Mərkəzində araşdırmalar aparır.
Adı çəkilən mərkəzdə çalışan Ə. Məmmədov Dağlıq Qarabağ və Cənubi Kuril adalarının müqayisəli təhlilini aparır. Nə üçün bu mövzuya marağı olduğunu soruşduqda “Bizim nəsildə sülhə nail ola bilərikmi? Həll yolunun açarı nədədir” kimi suallara aydınlıq gətirmək üçün olduğunu bildirmişdir.
Müsahibədə xüsusilə qeyd edilmişdir ki, Rusiyanın dəstəyini əldə etmiş Ermənistan Dağlıq Qarabağ Muxtar Vilayətini faktiki olaraq nəzarəti altına keçirmişdir. 20 ildən artıq bir vaxt keçməsinə baxmayaraq öz yurd-yuvalarından didərgin salınmış 1 milyona yaxın qaçqın və məcburi köçkünlərin geri dönməsi məsələsi hələ də real görsənmir.
Ə. Məmmədov vurğulamışdır ki, “Bütün ərazilərini geri istəyən Azərbaycana qarşı Ermənistan qətiyyən geri qaytarmaq istəmir. İnsanlar artıq sülh danışıqlarına şübhə ilə yanaşırlar. Ona görə də münaqişənin həlli üçün “müharibə etməkdən başqa həll yolu yoxdur” deyənlərin sayı az deyil”. Müsahibədə işğal altında olan Dağlıq Qarabağ Muxtar Vilayətinin xəritəsi də göstərilmişdir.
Müsahibədə o da qeyd edilmişdir ki, Ə. Məmmədov 2014-cü ildə Yaponiyanın yerli aidiyyəti olan qurumları ilə birlikdə Cənubi Kuril Adalarının keçmiş ada sakinləri olan 80 nəfərlə Sapporo və Nemuro şəhərlərində sorğu keçirmiş və onun nəticələrini yapon dilində elmi məqaləsində tamamlamışdır. Xüsusilə maraqlı məqam ondan ibarət olmuşdur ki, cavab verənlərin 78%-i rusların və yaponların birgə yaşamasına müsbət yanaşmışlar. Sadəcə 4% kəskin şəkildə qeyd etmişdir ki, buralar yapon torpağıdır və ruslar buradan çıxmalıdırlar.
Ə. Məmmədov bildirmişdir ki, müsahibə çıxandan dərhal sonra Yaponiyadan ismarıcların və zənglərin ardı-arası kəsilmir. Yaponiyalılar bu məsələyə ciddi maraq göstərirlər. “Ümid edirəm ki, Dağlıq Qarabağla bağlı xəbərləri Yaponiya ictimaiyyətinə yaymaq üçün bundan sonra da geniş imkanlarım olacaqdır”.

Fuad

http://palitranews.az/news.php?id=61341

received_10211355880192860

DAA vitse-prezidenti Yaponiya qəzetinə müsahibəsi verdi (525-ci qəzet)

Noyabrın 17-də Yaponiyanın “Hokkaydo” qəzetində (Hokkaydo Şinbun) Dünya Azərbaycanlıları Assambleyasının (DAA) Şərqi və Orta Asiya ölkələri üzrə vitse-prezidenti, Yaponiya nümayəndəliyinin sədri Əlibəy Məmmədovun Dağlıq Qarabağ və Cənubi Kuril adaları münaqişələri ilə bağlı geniş elmi müsahibəsi dərc olunub.

Müsahibədə bu ilin aprel ayında baş vermiş dördgünlük müharibədən söhbət açılıb, müharibənin nə zaman bitə biləcəyi ilə bağlı fikir mübadiləsi aparılıb.

Qeyd olunub ki, Sovet İttifaqının dağıldığı 1991-ci ildə Dağlıq Qarabağın erməni əhalisi müstəqillik əldə etməyə cəhd göstəriblər. Bu isə hər iki xalq arasında münaqişəyə səbəb olub. 1994-cü ildə tərəflər arasında atəşkəs imzalanana qədər kəskin müharibə davam edib və 30 mindən çox insan həyatını itirib.

Bildirilib ki, Ə. Məmmədov Azərbaycanın paytaxtı Bakı şəhərində yerləşən universitetdə (Bakı Dövlət Universitetində) yapon dili bacarığına yiyələnib. 2012-ci ilin Aprel ayından etibarən Hokkaydo Universitetinin Slavyan Avrasiya Araşdırmalar Mərkəzində araşdırmalar aparır.

Adı çəkilən mərkəzdə çalışan Ə. Məmmədov Dağlıq Qarabağ və Cənubi Kuril adalarının müqayisəli təhlilini aparır. Nə üçün bu mövzuya marağı olduğunu soruşduqda “Bizim nəsildə sülhə nail ola bilərikmi? Həll yolunun açarı nədədir” kimi suallara aydınlıq gətirmək üçün olduğunu bildirib.

Müsahibədə xüsusilə qeyd edilib ki, Rusiyanın dəstəyini əldə etmiş Ermənistan Dağlıq Qarabağ Muxtar Vilayətini faktiki olaraq nəzarəti altına keçirib. 20 ildən artıq bir vaxt keçməsinə baxmayaraq öz yurd-yuvalarından didərgin salınmış 1 milyona yaxın qaçqın və məcburi köçkünün geri dönməsi məsələsi hələ də real görünmür.

Müsahibədə o da qeyd edilib ki, Ə. Məmmədov 2014-cü ildə Yaponiyanın yerli aidiyyəti olan qurumları ilə birlikdə Cənubi Kuril Adalarının keçmiş ada sakinləri olan 80 nəfərlə Sapporo və Nemuro şəhərlərində sorğu keçirib və onun nəticələrini yapon dilində yazdığı elmi məqalədə yerləşdirib. Xüsusilə maraqlı məqam ondan ibarət olub ki, cavab verənlərin 78 faizi rusların və yaponların birgə yaşamasına müsbət yanaşıblar. Sadəcə 4 faiz kəskin şəkildə qeyd edib ki, buralar yapon torpağıdır və ruslar buradan çıxmalıdırlar.

Ə. Məmmədov bildiribki, müsahibə çıxandan dərhal sonra Yaponiyadan ismarıcların və zənglərin ardı-arası kəsilmir: “Yaponiyalılar bu məsələyə ciddi maraq göstərirlər. Ümid edirəm ki, Dağlıq Qarabağla bağlı xəbərləri Yaponiya ictimaiyyətinə yaymaq üçün bundan sonra da geniş imkanlarım olacaq”.

Qeyd edək ki, Əlibəy Məmmədov professional olaraq Konfliktologiya elmi sahəsində araşdırmalar aparmaqla, Ermənistan-Azərbaycan Dağlıq Qarabağ münaqişəsi, Rusiya və Yaponiya arasında Cənubi Kuril adaları problemi eyni zamanda Şrilanka milli vətəndaş müharibəsi mövzularında elmi tədqiqatlar aparır.

Ceyhun ABASOV

17.11.16   15:08

http://525.az/site/?name=xeber&news_id=67897

received_10211355880192860

 

Bu ölkədə şagirdlərə Azərbaycanla bağlı dərs keçildi

Yaponiyada “Müasir Dünya düzənində Azərbaycanın multikultural modeli” mövzusunda dərs keçirilib

Noyabrın 5-də Yaponiyanın paytaxtı Tokio şəhərinin Şinaqava bölməsində yerləşən məktəbdə, Dünya Azərbaycanlıları Assambleyasının (DAA) Şərqi və Orta Asiya ölkələri üzrə vitse-prezidenti, Yaponiya nümayəndəliyinin rəhbəri Əlibəy Məmmədov yaponiyalı məktəblilərə “Müasir Dünya düzənində Azərbaycanın multikultural modeli” mövzusunda dərs deyib.
Modern.az-ın məlumatına görə, Azərbaycanın qədim tarixi, zəngin mədəniyyəti, Yaponiya-Azərbaycan əlaqələri haqqında söhbət açan Ə. Məmmədov xüsusi diqqəti Azərbaycanın multikultural modelinə yönəldib.
O qeyd edib ki, dövlət başçısı İlham Əliyevin (11 Yanvar 2016-cı il) sərəncamı ilə 2016-cı il Azərbaycan Respublikasında “Multikulturalizm ili” elan edilib.
Ə.Məmmədov bildirib ki, tarixi ipək yolu üzərində yerləşən Azərbaycanda müxtəlif sivilizasiyalar qovuşur. Azərbaycanda müxtəlif dinlərin, millətlərin nümayəndələri sülh, əminamanlıq, qarşılıqlı anlaşma və hörmət əsasında yaşayırlar. Bugün Azərbaycanda dini etiqad azadlığı tam şəkildə təmin edilib. Azərbaycanda yaşayan ayrı-ayrı dinlərin, millətlərin və etnik qrupların nümayəndələri bərabər hüquqlara malikdirlər.
Diaspor rəhbəri Azərbaycan Prezidentinin 15 May 2014-cü il Fərmanı ilə yaradılmış Bakı Beynəlxalq Multikulturalizm Mərkəzindən söhbət açaraq, sözügedən mərkəzin azərbaycançılıq məfkurəsinə uyğun olaraq tolerantlığın, mədəni, dini, linqvistik müxtəlifliyin qorunmasını təmin edən, habelə Azərbaycanı dünyada multikulturalizm mərkəzi kimi tanıdan və mövcud multikultural modelləri tədqiq və təşviq edən qurum olduğunu vurğulayıb.
Ə. Məmmədov onu da vurğulayıbr ki, dövlətimiz tərəfindən həm ölkə daxilində, həm də xarici dövlətlərdə multikulturalizmin və dini tolerantlığın təbliği istiqamətində tədbirlərin keçirilməsi çox əhəmiyyətli bir prosesdir. Bunun vasitəsilə insanlar multikulturalizmin Azərbaycan modeli ilə tanış olmuş olurlar. Ölkəmizin imici daha da yaxşılaşdırılır və dünya miqyasında toleyrant bir dövlət kimi tanıdılmağa başlayır. Bu çox önəmli faktordur. Azərbaycanı “dünyanın multikulturalizm beşiyi” kimi brendləşdirmək, ölkəmizə xeyli sayda turistlərin də gəlməsinə səbəb ola bilər ki, bunun sayəsində ölkədə qeyri-neft sektoru xüsusilə turizm daha da inkişaf edər.
Diaspor rəhbəri sonda Dünya Azərbaycanlıları Assambleyası və dünyada Azərbaycan diasporu haqqında məlumat verərək bildirib ki, Azərbaycanın dünyada multikultural dövlət kimi tanıdılmasında yalnız dövlət deyil, həm də ayrı-ayrı ölkələrdə fəaliyyət göstərən aktiv diaspor təşkilatlarımız, xüsusilə DAA da öz növbəsində müxtəlif layihələr üzərində işləməkdədir.

07.11.2016

Mənbə: Modern.az

http://modern.az/az/news/116582#gsc.tab=0

20161105_114219

Əlibəy Məmmədov DAA-nın vitse-prezidenti təyin edilib

Dünya Azərbaycanlıları Assambleyasının (DAA) prezidenti Rəşad Quliyevin sərəncamı ilə Dünya Azərbaycanlıları Assambleyasının Gənclər Təşkilatı yaradılıb. Azərbaycanlı Əlibəy Məmmədov Yaponiya nümayəndəliyinin rəhbəri olmaqla yanaşı, həm də Şərqi və Orta Asiya ölkələri üzrə vitse-prezident təyin edilib.

Həmin gənc “Kaspi”yə açıqlamasında öz təəssüratlarını bölüşüb: “Bildiyiniz kimi, oktyabr ayının 31-də Almaniyada rəsmi qeydiyyatdan keçmiş Dünya Azərbaycanlıları Assambleyasının (DAA) prezidenti Rəşad Quliyevin sərəncamları ilə DAA-da bir neçə yeni nümayəndəliklər yaradılmışdır. İsveçdə yaşayan Aqil Vəliyev DAA İsveç nümayəndəliyinin rəhbəri, Adilə Yusif Malta nümayəndəliyinin rəhbəri, Rafiq Hüseynov Elmi araşdırmalar və tədqiqat məsələləri üzrə vitse-prezident təyin edilib. Mən bu ilin sentyabr ayının 26-dan etibarən Yaponiya nümayəndəliyinin rəhbəri vəzifəsini icra edirəm. Dünən verilmiş növbəti rəsmi sərəncamla Yaponiya nümayəndəliyinin rəhbəri olmaqla yanaşı, həm də Şərqi və Orta Asiya ölkələri üzrə vitse-prezident təyin edilmişəm”.
Ə.Məmmədov qeyd etdi ki, DAA-nın əsas vəzifəsi dünyanın ayrı-ayrı ölkələrində Azərbaycan haqqında müsbət fikrin, imicin yaradılmasına nail olmaqdır: “Mən də öz növbəmdə Yaponiya nümayəndəliyinin rəhbəri kimi bu ölkədə Azərbaycanın dostlarının sayının artması, onun haqqında məlumatların geniş yayılması, ölkəmizin haqq səsinin lazımı dairələrə çatdırılması işində bir çox tədbirlər və layihələr həyata keçirməkdəyəm. Eyni zamanda, paytaxt Tokioda yerləşən məktəblərdə Azərbaycan dərsləri deyirəm. Əsas məqsədim yaponiyalı şagird və müəllim heyətində Azərbaycana rəğbət hissini aşılamaqdır. Bununla yanaşı, Tokioda təşkil olunan bir çox mötəbər ziyafətlərdə fəxri qonaq kimi iştirak etməklə Azərbaycanın stabil iqtisadi-siyasi həyatı, biznes potensialı haqqında çıxışlar edirəm. Əsas məqsədim yaponiyalı biznesmenlərdə Azərbaycana qarşı maraq və diqqət oyatmaqdır. Bu işdə bir sıra uğurlar da əldə etmişik. Bundan sonra da Yaponiyada aktiv fəaliyyətimizi davam etdirməklə yanaşı, Şərqi Asiya ölkələri olan Çin və Koreyada, eyni zamanda digər Asiya ölkələrində Azərbaycan diaspor nümayəndəliklərinin yaradılmasına və aktiv şəkildə fəaliyyət göstərməsinə çalışacağam. Eyni zamanda, bu ölkələrdə yaşayan həmvətənlərimizin problemlərinin qaldırılması və həll edilməsi üçün də əlimdən gələni edəcəyəm. Bu mənim vitse-prezident olaraq ən əsas vəzifəm olacaq”.

Xəyalə Rəis 
Mənbə: Kaspi qəzetinin rəsmi saytı
1 Noyabr 2016
alibay-1111

Dünya Azərbaycanlıları Assambleyasında yeni təyinat və nümayəndəliklər (Kaspi.az)

DAA Prezidenti Rəşad Quliyevin sərəncamı ilə Dünya Azərbaycanlıları Assambleyası Gənclər Təşkilatı yaradılıb. Təşkilata Danimarakada yaşayan Nigar Mobarəki təyin olunub. DAA mətbuat xidmətindən “Kaspi”yə verilən məlumatda bildirilir ki, DAA- nın Yaponiya nümayəndəliyinin rəhbəri Əlibəy Məmmədov DAA-nın Şərqı və Orta Asiya üzrə Vite – prezident təyin olunub.
Eyni zamanda, Macarıstanda yaşayan və orada doktorluq dissertasiyası müdafiə  edən Raqif Hüseynov Macarıstan nümayəndəliyinin rəhbər seçilib. Digər bir qərarla o, DAA prezidentinin Şərqi və Orta Asiya ölkələri üzrə müavini təyin olunub.  İsveçdə yaşayan və doktorluq dissertasiyası müdafiə edən Aqil Vəliyev DAA İsveç nümayəndəliyinin,  Adilə Yusif DAA Malta nümayəndəliyinin rəhbəri təyin olunublar.
Mənbə: Kaspi.az
31 Oktyabr 2016
daa

Yaponiyalıların Azərbaycan sevgisi bir başqadır (Olaylar.az)

Əlibəy Məmmədov: “Azərbaycan Cənubi Qafqaz regionunda Yaponiya üçün ən stabil və ən etibarlı tərəfdaş rolunu oynayan bir dövlət kimi qəbul edilir”

Müstəqilliyimizdən ötən 25 ili ərzində Azərbaycanın həyata keçirdiyi uğurlu xarici siyasət nəticəsində dünyanın bütün ölkələri ilə demək olar ki, normal münasibətlər qurulub, qarşılıqlı əlaqələr inkişaf etdirilib. Belə ölkələrdən biri də gündoğar ölkə sayılan Yaponiyadır. Xüsusilə həyata keçirilən rəsmi səfərlər bu əlaqələrin daha da inkişaf etdirilməsinə təkan verir. Hazırda da Bakı ilə Tokio arasında münasibətlər yüksələn xətlə inkişaf edir. Sevindirici hal ondan ibarətdir ki, bu ölkədə yaşayan soydaşlarımız da Azərbaycan-Yaponiya əlaqələrinin inkişafına bu və ya digər dərəcədə töhfə verirlər. Elə Yaponiya-Azərbaycan Əməkdaşlıq Assosasiyanın sədri, Dünya Azərbaycanlıları Assambleyasının Yaponiya nümayəndəliyinin rəhbər, eləcə də Yaponiya höküməti təqaüdçüsü, doktorant Əlibəy Məmmədovla da söhbətimiz bu barədə oldu. “OLAYLAR”-a verdiyi müsahibədə Əlibəy Məmmədov adıçəkilən qurumların rəhbəri kimi qarşıdakı müddətdə görəcəkləri işlıərdən də danışıb.

-Əlibəy müəllim, əvvəla onu bilmək istərdim ki, gündoğar ölkədən baxanda Azərbaycan necə görünür?

-Yaponiyalıların Azərbaycan sevgisi bir başqadır. Xüsusilə son 3 ildə Azərbaycan və Yaponiya arasında həm mədəni, həm siyasi, həm də iqtisadi sahədə artan əməkdaşlıq və uğurlu tərəfdaşlıq Yaponiyada Azərbaycana rəğbətlə yanaşılmasına gətirib çıxarıb. Ölkələrimiz arasında həm mədəni, həm siyasi, həm də iqtisadi mübadilələrin sayı gözəçarpacaq dərəcədə artıb. Bildiyiniz kimi, 2016-cı ilin fevral ayından etibarən Azərbaycan Respublikası tərəfindən Yaponiya vətəndaşlarına viza rejimi sadələşdirilib. Yaponlar birbaşa Bakıda Heydər Əliyev beynəlxalq hava limanında 5 dəqiqə ərzində təmənnasız viza əldə edə bilirlər. Bu kimi tədbirlərin görülməsi ölkələrimiz arasında xoş münasibətlərin qurulmasına təkan verən amillərdəndir. Azərbaycanda Yaponiyaya böyük hörmət və ehtiramla yanaşırlar. Yaponiya vurğunlarının sayı çoxdur. Bu informasiyalar müxtəlif yollarla yaponlara çatdırılır və onlarda da qarşılıqlı sevginin yaranmasına səbəb olur. Yuxarı dairələrdə isə Azərbaycan Cənubi Qafqaz regionunda Yaponiya üçün ən stabil və ən etibarlı tərəfdaş rolunu oynayan bir dövlət kimi qəbul edilir. Yaponiyanın elmi və siyasi dairələrində tez-tez ölkələrimiz arasında olan münasibətlərinin inkişaf yolları haqqında görüşlərimiz, müzakirələrimiz olur,. Bu müzakirələr zamanı yaponların Azərbaycana ehtiramla yanaşmasının bir daha şahidi oluruq.

-Təxminən nə vaxtdan Yaponiyada yaşayırsınız və bu ölkənin mühitinə uyğunlaşmaq sizin üçün nə dərəcədə çətin və ya asan oldu?

-2005-ci ildə Bakı Dövlət Universitetinin Şərqşünaslıq fakültəsinin Yapon dili və Ədəbiyyatı bölməsinə daxil oldum.4 il ərzində Yaponiya ilə bağlı müxtəlif biliklərə yiyələndim. Bakıda yerləşən Yaponiya səfirliyi biz tələbələrin qayğısına qalırdı. Tez-tez tədbirlər təşkil edirdilər. 2009-2010-cu illərdə Füzuli rayonunda hərbi xidmət keçdim və Manqa komandiri olaraq xidmətimi başa vurdum. 2010-2012-ci illərdə Bakıda və regionlarımızda tərcüməçi olaraq çalışdım. Bu müddət ərzində iki şansım oldu. 2011-ci ilin may və iyun aylarında Bakıda yerləşən Yaponiya səfirliyində təşkil edilmiş 2 imtahanda iştirak etdim. Hər ikisində ən yüksək nəticə göstərdim. Birinci imtahanın nəticəsinə uyğun olaraq 15 günlük Yaponiyaya təcrübə keçməyə göndərildim. Əslində bunu bir növ səyahət də adlandırmaq olardı. İlk gəlişim məhz bu idi. Heyran qalmışdım bu ölkəyə. İyun ayındakı imtahanın nəticəsi olaraq isə Yaponiyada müvafiq imtahanlardan keçməklə ümumi 6 illik təqaüd proqramı qazanmış oldum. Bütün imtahanlardan üzüağ çıxdım. Tədqiqatçı tələbə (2012-2013), Magistrant (2013-2015) və doktorantura (2015-2018) pillələri. Yaponiyaya gəlməmişdən öncə bu ölkə haqqında bir çox biliklərə yiyələnmişdim. Ona görə mühitə uyğunlaşmağım o qədər də çətin olmadı. Yapon dilini bildiyimə görə mənə xüsusi sevgiylə yanaşırdılar. O üzdən heç bir sıxıntım olmayıb. Sadəcə ilk başda kirayə qaldığımız evlərlə bağlı problemlərimiz olurdu. Aylıqlar baha olmasına rəğmən otaqlarda demək olar ki, mebel olmur. Sadəcə bomboş otaq verirlər. Adi boşqabından tutmuş soyuducusu, yatağına qədər gərək hər şeyi özün alasan. Bu da maliyyə cəhətdən yeni gələn xarici tələbələr üçün biraz çətindir. Bu haqda mənim Hokkaydo qəzetində məqaləm də çıxmışdı. 2014-cü ildə Yaponiyaya gələn xaricilərin problemləri haqqında müsahibə vermişdim. Bu məqaləmdən sonra universitet rəhbərliyi tərəfindən də bir sıra ciddi addımlar atılmağa başlanıldı. Onlar xarici tələbələr üçün yeni yataqxanaların tikilməsi layihələrini ciddi şəkildə müzakirə etməyə başladılar. Yaponiyada ingilis dili səviyyəsi çox aşağıdır. Yapon dilini bilməyən xarici burada bir çox çətinliklərlə qarşılaşa bilər. Ona görə gərək hazırlıqlı gələsən.

-Bildiyimiz kimi siz DAA-nın Yaponiya nümayəndəliyinin rəhbərisiniz. Bu ölkədə əsas fəaliyyət istiqamətləriniz nədən ibarət olacaq?

-Doğru buyurdunuz. Cari ilin sentyabr ayının 26-da Dünya Azərbaycanlıları Assambleyasının Yaponiya nümayəndəliyinə rəhbər təyin edildim. Amma mənim Yaponiyada diaspor fəaliyyətim daha əvvəldən başlayıb. 2014 və 2015-ci illər ard-arda iki dəfə Hokkaydo Universiteti Xarici Tələbələr Assosasiyasına prezidenti seçildim. Burada çox böyük hüquqlara yiyələndim ki, onlardan uğurla istifadə etməklə Azərbaycan adını ən ali səviyyədə ucaltmaq nəsibimiz oldu. Beynəlxalq və yerli tədbirlərdə dəfələrlə təmsil olunduq. Mədəniyyət Gecələrində iştirak etdik. Tokionun internet kanalı “World Investors TV”-nin canlı efirinə dəfələrlə fəxri qonaq qismində dəvət olundum. Burada Azərbaycanın Konstitusiya günü, Dirçəliş günü, Dünya Azərbaycanlılarının Həmrəylik günü, 20 Yanvar hadisələri, Dağlıq Qarabağ ətrafında baş vermiş 4 günlük müharibə, Azərbaycanın biznes mühiti və s haqqında dəfələrlə çıxışlar etmişəm. Tokioda təşkil edilən həmin tədbirlərin əsasını yaponiyalı kiçik və orta sahibkarların təşkil edib. Azərbaycanın stabil siyasi və iqtisadi həyatı, müstəqilliyimizin 25 illiyi haqqında nitqlər söyləmişəm. Eyni zamanda bu ildən etibarən hər ay orta hesabla 4-6 dəfə olmaqla paytaxt Tokionun ayrı-ayrı məktəblərində Azərbaycan dərsləri deyirəm. Yaponiyalı şagird və müəllim heyətində Azərbaycana rəğbət hissinin yaradılması əsas vəzifəmdir. Bundan əlavə elmi səviyyədə Dağlıq Qarabağla bağlı seminar təşkil edib, Amerikada bu mövzu ilə əlaqədar beynəlxalq səviyyəli elm adamlarının qarşısında çıxış etmişəm. Bütün bunların nəticəsi olaraq 2016-cı ilin İyun ayında yaponiyalı kiçik və orta sahibkarlarla birlikdə Yaponiya-Azərbaycan Əməkdaşlıq Assosasiyasını yaratdıq və mən sədr seçildim. Yeni diaspor təşkilatını yaratmaqda əsas məqsəd Yaponiyada Azərbaycanı tanıtmaq, Azərbaycan həqiqətlərini yaymaq, tariximizi, mədəniyyətimizi olduğu kimi, ən yüksək formada təbliğ etməkdir. Yeni təşkilatın yaradılmasında dəfələrlə Azərbaycanda səfərdə olmuş yapon iş adamları da yaxından iştirak ediblər. Dünya Azərbaycanlıları Assambleyasının Yaponiya nümayəndəliyinin rəhbəri olaraq, bu günə kimi əldə etdiyimiz uğurların davamı kimi daha geniş və intensiv formada Yaponiyada Azərbaycanla bağlı çıxışlarımızın, fəaliyyətimizin genişləndirilməsini qarşımıza məqsəd qoymuşuq. Bu artıq Azərbaycanın diaspor həyatında tamamilə yeni bir mərhələdir. Bununla bağlı DAA sədri Rəşad Quliyevlə müntəzəm olaraq müzakirələrimiz olur. Əsas məqsədimiz bütün dünya üzərində Azərbaycan diasporunun güclü mövqe tutmasına və ölkəmizlə bağlı müsbət rəyin formalaşdırılmasına nail olmaqdır ki, bu işdə inamla irəlilədiyimizi deyə bilərik.

-Ümumiyyətlə, Yaponiya cəmiyyəti Azərbaycan, xüsusilə Dağlıq Qarabağ problemi barədə nə dərəcədə məlumatlıdırlar?

Əvvəla onu qeyd edim ki, Yaponiya rəsmi səviyyədə Azərbaycanın ərazi bütövlüyünü dəstəkləyir. Bu çox vacib bir məqamdır. Akademik aləmdə Azərbaycanla bağlı araşdırmalar aparan elm adamları, biznes həyatında Cənubi Qafqaz regionunda müəyyən işlər görən sahibkarlar Ermənistan-Azərbaycan Dağlıq Qarabağ münaqişəsi ilə bağlı kifayət qədər məlumatlıdırlar. Bizim də diaspor fəaliyyətimizin başlıca məqsədlərindən biri məhz Dağlıq Qarabağ münaqişəsi ilə bağlı Azərbaycanın haqlı mövqeyinin və haqq səsinin Yaponiya ictimaiyyətinə doğru şəkildə çatdırılmasına nail olmaqdır. Bununla bağlı bir çox vacib çıxışlarımız olub.

-Prezident İlham Əliyev Dünya Azərbaycanlılarının qurultaylarında hər zaman diaspor təşkilatlarının səfirliklərlə yaxından işləməsini tövsiyyə edib. Bu baxımdan Yaponiyada vəziyyət necədir və səfirliklə əlaqələriniz hansı səviyyədədir?

-Ayrı-ayrı ölkələrdə fəaliyyət göstərən diaspor təşkilatlarımızın fəaliyyətlərində səfirliklərin özünəməxsus yeri vardır. Xarici ölkələrdə yaşayan hər bir azərbaycanlı üçün səfirlik doğma məkandır. Burada özümüzü vətəndəki kimi hiss edirik. Diaspor təşkilatı olaraq səfirliklə və digər rəsmi orqanlarla birgə fəaliyyət göstərməkdə maraqlıyıq. Bu bizim fəaliyyətimizin daha da böyük uğur qazanmasında açar rolunu oynaya bilər.

-Yaponiyada təhsil alan azərbaycanlı tələbələrlə iş qura bilirsinizmi?

-Bildiyiniz kimi, Yaponiyada çox az azərbaycanlı yaşamaqdadır. Qeyri-rəsmi məlumata görə təxminən 50 nəfər yaşamaqdadır. Tələbələrimizin sayı da çox azdır. Bununla belə xüsusilə Tokio və ətraf şəhərlərdə təhsil alan həmvətənlərimizlə xoş əlaqələr qurmaqdayıq. Yaponiyada təhsil alan həmvətənlərimizin diaspor işinə fəal şəkildə cəlb edilməsi əsas məqsədlərimizdəndir.

-Yaxın vaxtlar üçün nəzərdə tutduğunuz tədbirlər nədən ibarətdir?

-Yaponiya məktəblərində yüksək səviyyəli Azərbaycan dərsləri, yaponiyalı iş adamlarının tədbirlərində ölkəmizin iqtisadi potensialı ilə bağlı çıxışlar nəzərdə tuturuq. Eyni zamanda Yaponiyanın ayrı-ayrı regionlarında yerli insanlarla, ziyalılarla görüşlərimizdə Azərbaycanın tanıdılması və təbliğ edilməsi planlaşdırılır. Əsas məqsədimiz Yaponiyada ilk öncə Azərbaycanın tolerant bir dövlət imicini formalaşdırmaqdan ibarətdir.

Süleyman İsmayılbəyli

Mənbə: Olaylar.az saytı

31 Oktyabr 2016

http://olaylar.az/news/musahibe/197332

alibay-1111

Yaponiyadakı Azərbaycan diasporu: “Maliyyə dəstəyinə ehtiyacımız var”- (Diaspora.az)

Yaponiya-Azərbaycan Əməkdaşlıq Assosasiyasının sədri Əlibəy Məmmədov Diaspora.az saytının suallarını cavablandırıb.

Onunla müsahibəni təqdim edirik:

“Daha da irəli gedib Azərbaycan Mədəniyyət Evi açmaq olar”.

 

Əlibəy, ilk öncə özünüz və təşkilatınız haqqında məlumat verin ki, Azərbaycan oxucusu sizi daha yaxından tanıya bilsin…

-Mən Əlibəy Məmmədov Moskva şəhərində doğulmuşam. Bakıda böyüyüb boya-başa çatmışam. Valideynlərim Moskva Dövlət Universitetinin tarix fakültəsinin məzunlarıdır. Xətai rayonunda yerləşən 147 saylı texniki-humanitar liseyi bitirmişəm. 2005-ci ildə Bakı Dövlət Universitetinin Şərqşünaslıq Fakültəsinin Yapon dili və Ədəbiyyatı bölməsinə daxil oldum. 4 il ərzində professional şəkildə yapon dili və Yaponiya haqqında biliklərə yiyələndim. BDU-da Yaponiya hökümətinin maliyyə dəstəyi ilə yaponiyalı müəllim tərəfindən dərslər keçirilir. 2009 – 2010-cu illərdə Füzuli rayonunda hərbi xidmətdə oldum. 2010-2012-ci illərdə Yaponiya səfirliyinin, JİCA-nın, bir çox böyük şirkətlərin təklifləri ilə bir çox sahələrdə tərücüməçi olaraq çalışdım. 2011-ci ildə Bakıda yerləşən Yaponiya səfirliyində keçirilmiş imtahanda ən yüksək balı toplamaqla Yaponiya hökümətinin dövlət təqaüdlərinə layiq görüldüm və səfirlik vasitəsilə Yaponiyaya ümumi 6 illik proqram üzrə təhsil almağa göndərildim. İlk 1 ili tədqiqatçı tələbə kimi başa vurub, yapon dilində yazı və natiqlik bacarıqlarımı inkişaf etdirdim. 2013-2015-ci illərdə Yaponiyanın Hokkaydo Universitetində Magistratura təhsili aldım. Elmi işim “Cənubi Kuril adaları problem və ictimai rəy” olmuşdur. Bununla bağlı elmi işim 2016-cı ilin mart ayında yapon dilində məşhur “Japan Border Review” jurnalında çapdan çıxdı.

Hal-hazırda doktorantura pilləsində təhsilimi davam etdirirəm. Mövzum “Ermənistan-Azərbaycan Dağlıq Qarabağ münaqişəsi, Şrilanka vətəndaş müharibəsi və Kuril adaları problemi”-nə ziyalılar və adi insanların mövqeyindən baxışdır. Xüsusilə Şrilanka misalı Azərbaycan üçün də faydalı ola bilər. Bura dünyada nadir misaldır ki, dövlət hərbi yolla müdaxilə edib, ölkəni parçalamaq istəyən milli azlıqlar Tamillərin qüvvələrini darmadağın edib, liderlərini öldürməklə Şrilankanın ərazi bütövlüyünü bərpa edibdir. Təminən 30 ilə yaxın davam etmişdir müharibə vəziyyəti. Niyə də Azərbaycan eyni yola əl atmasın? Bu bizim hüququmuz deyilmi? Məgər Dağlıq Qarabağ və ətraf rayonlarda olan yerli ermənilər də Ermənistanın böyük dəstəyi ilə Azərbaycanın ərazi bütövlüyünü təhlükə altına alıb, ölkəni parlamağa cəhd etmirlərmi? Biz gərək bu quruplaşmaların terror təşkilatları olmasına və onların belə bir imicinin dünyada yaradılmasına çalışaq. O zaman müharibə yolu ilə məsələni tamamilə ölkəmizin ərazi bütövlüyü şəklində birdəfəlik həll etmək olar. Bu olmayacağı təqdirdə bizi uzun illər davam edəcək sülh danışıqları gözləyir, hansı ki, hər iki tərəf güzəştə getməsə məsələ həllini tapmayacaq. Azərbaycan tərəfi üçün istənilən güzəşt tarixi torpaqlarının və hüquqlarının müəyyən miqdarda itirilməsinə gətirib çıxardacaqdır. Biz hüquqi məsələlərdə çox diqqətli davranmalıyıq.

Ermənistan-Azərbaycan Dağlıq Qarabağ münaqişəsi ilə əlaqədar elmi səviyyədə 2015-ci ilin dekabr ayının 14-də Hokkaydo Universitetində təşkil edilmiş “Hokkaydo Mərkəzi Avrasiya elmi konfransı”-nın 121-ci sessiyasında yapon dilində, 2016-cı ilin Aprel ayının 16-da ABŞ-ın Nevada Ştatının Reno şəhərində təşkil edilmiş 58-ci Qərb Sosial Elmləri Assosasiyasının nəzdində təşkil edilmiş “Sərhəd Araşdırmaları Assosasiyası”nın 33-cü sessiyasında ingilis dilində məruzələr etmişəm. Əsas diqqəti Dağlıq Qarabağ münaqişəsində azərbaycanlı məcburi köçkünlər və ziyalıların mövqeyinə yetirmişəm. Düşünürəm ki, dünya səviyyəsində azərbaycanlı məcburi köçkünlər və ziyalıların mövqeyi lazımı dairələrə kifayət qədər çatdırılmamışdır.

Sizə diaspor fəaliyyətim və təşkilatımız haqqında məlumat vermək istərdim. Hokkaydo Universitetinə gəldikdən sonra adaptasiya mərhələsini keçdikdən sonra, universitetin Beynəlxalq Əlaqələr Şöbəsində 1 illik müqavilə ilə işlədim. Eyni zamanda 1800 nəfərlik xarici tələbəsi olan universitetin Xarici Tələbələr Assosasiyasına prezidentliyim irəli sürüldü xarici tələbələr tərəfindən və 2014-cü ilin May ayının 15-də rəsmən bu vəzifəyə seçildim. 2015-ci ilin Aprelin 23-də ikinci dəfə prezident seçildim. 2016-cı ilin Aprel ayında fəxri prezident səlahiyyətlərini daşıyıram. Mənim Yaponiyada fəal və aktiv şəkildə diaspor fəaliyətinə başlamağım da məhz bu assosasiyaya prezident seçilməyimlə başladı. Bu status mənə bir çox hüquqları verirdi. Bu hüquqlarımdan istifadə etməklə regionda baş tutan bir çox əsas böyük tədbirlərdə, mərasimlərdə Azərbaycan adını, bayrağını ucaltmaq nəsibimiz oldu. Bura Beynəlxalq Mədəniyyət Festivalları, Beynəlxalq Yemək Festivalları, İdman yarışları və s daxildir. Xüsusilə qeyd etmək istədiyim Yaponiyanın şimal paytaxtı hesab edilən Sapporo şəhərində hər il Fevral ayında keçirilən və milyonlarla yerli və xarici turistin izləməyə gəldiyi Sapporo Qar Fiqurları Festivalında Azərbaycanın təmsil olunmağına nail olmağımızdır. Hokkaydo Universitetinin Xarici Tələbələr Assosasiyasının prezidenti olaraq təşkilatçılardan olan Sapporo Ohdori Lions Club-a ideya və təklif vermək hüququna sahib idim. Bu hüququmdan istifadə etməklə 2015-ci ilin fevral ayında qədim tarixə malik Qız Qalası və qarşısında milli geyimli insanlarımızın qardan hazırlanmış heykəlciklərinin yaradılmasına və nümayiş olunmasına nail oldum. 2016-cı ildə isə füsunkar gözəlliyi ilə özündən söz etdirməyi bacarmış Heydər Əliyev Mərkəzi və qarşısında milli geyimli insanlarımızın qardan hazırlanmış heykəlciklərini yaratdıq. Bu işə maliyyə dəstəyini Sapporo Ohdori Lions Club ayırır. Əsas iş professional şirkət tərəfindən görüldükdən sonra tamamlama işlərini xarici və yerli tələbələr, şagirdlər və şəhər ziyalıları ilə birlikdə biz edirik. Bununla əlaqəli seminar və ziyafət də təşkil edilir və Azərbaycan haqqında geniş məlumatlar verilir. Bu fəaliyyətimiz Azərbaycan mediasında da geniş yer almışdır. Bundan əlavə Yaponiyanın paytaxtı Tokio şəhərində Azərbaycanda ən məşhur yaponiyalı kimi tanınan son 3 ildə 400 nəfərdən çox yaponiyalı kiçik və orta sahibkarı Azərbaycana aparmış, 15 dəfədən çox Azərbaycanda səfərdə olmuş Kazuyasu İşidanın prodüseri olduğu “World Investors TV” internet kanalının canlı yayımında dəfələrlə fəxri qonaq kimi dəvət olunmuşam. Burada əsasən Azərbaycanın Konstitusiya günü, Dirçəliş günü, Milli bayramlarımız, Həmrəylik günümüz, Dağlıq Qarabağ ətrafında 4 günlük müharibə, eyni zamanda Azərbaycanın biznes mühiti və stabil həyatı mövzularında çıxışlar etmişəm. Bundan əlavə müntəzəm olaraq Tokio şəhərində təşkil olunan seminar və müzakirələrdə iştirak etməklə Azərbaycanla bağlı məlumatlar veririk.

Bütün bu işlərin nəticəsi olaraq 2016-cı ilin İyun ayında yaponiyalı sahibkarlarla təşkil edilmiş ziyafətdə Yaponiya-Azərbaycan Əməkdaşlıq Assosasiyanın yaradılmasına qərar verdik və mən sədr seçildim. Son illər Yaponiya və Azərbaycan arasında ikitərəfli münasibətlərin inkişafı, qarşılıqlı səfərlər, kadr mübadiləsinin artması, mədəni əlaqələrin sürətli inkişafı, eyni zamanda biznes sahəsində gözəçarpan işlərin görülməsi, Azərbaycana Yaponiyanın kiçik və orta sahibkarlarının böyük maraq göstərməsi Yaponiya-Azərbaycan Əməkdaşlıq Assosasiyasının yaradılmasına təkan verən əsas amillərdəndir.

Yapon iş adamları, elm xadimləri ilə görüşlərdə də iki ölkə əlaqələrinin inkişafına dəstək məqsədilə Azərbaycan diaspor təşkilatının yaradılmasının vacibliyi dəfələrlə vurğulanıb. Yaponiya-Azərbaycan Əməkdaşlıq Assosasiyasını yaratmaqda əsas məqsəd Yaponiyada Azərbaycanı tanıtmaq, Azərbaycan həqiqətlərini yaymaq, tariximizi, mədəniyyətimizi təbliğ etməkdir.

Ötən ay Yaponiya parlamentində müzakirələr keçirdik. Əsas məqsədimiz Azərbaycan və Yaponiyanın həm də biznes sahəsində güclü əlaqələrinin yaranmasıdır.

Eyni zamanda bu ildən etibarən Tokio şəhərinin məktəblərində hər ay 3 dəfə olmaqla Azərbaycan dərsləri deməyə başlamışam. “Mənim Ana Vətənim, Azərbaycanlıların gündəlik həyat tərzi və mədəniyyəti” adı altında Azərbaycan dərsləri deyirəm. Yaponiyalı şagird və müəllim heyətində Azərbaycana xüsusi rəğbət və sevginin yaradılması əsas məqsədimdir. Hər dəfə nitqimi azərbaycan dilində açır, ilk bir neçə dəqiqəni məhz öz doğma dilimizdə danışıram. Daha sonra yapon dilində çıxış edirəm. Belə olduqda şagirdlərdə dərsə olan maraq və təəccüb artır.

-Bu gün Yaponiyada nə qədər Azərbaycanlı var? Ümumiyyətlə, həmyerlilərimiz orada diaspor işində aktivdirlərmi ?

 

-Mənim bildiyimə görə təxminən 50 nəfərdir. Yaponiyada təhsil alan tələbələr, səfirlik işçiləri, ayrı-ayrı şirkətlərdə çalışan həmvətənlərimiz və onların ailə üzvləri bura daxildir.

Diaspor işinə gəlincə, mən belə hesab edirəm ki, bir insan öz ölkəsinin hüdudlarından kənara çıxıbsa, o artıq şüurlu və ya qeyri-ixtiyari də olsa diaspor fəaliyyəti ilə məşğuldur. Diaspor işi bilirsiz ki, könüllü bir işdir. Bu biznes deyil. Bu dövlətə, millətinə, xalqına qarşı olan bir vətənpərvərlik borcudur. Bunu heç də hər kəs bacara bilməz. Vətənpərvərlik işinə insan gərək ruhunu qoysun, varlığını qoysun.

Bir çox yerlərdə bu haqda yazmışam, danışmışam. Burada bir daha bildirmək istəyirəm ki, xaricə ayaq basan hər bir insan özünü dövlətinin səfiri, yüksək səviyyəli siyasi siması kimi aparmalıdır. Ölkəni onun insanları ilə tanıyırlar. Fərq etməz, tələbəsi olsun, şirkət rəhbəri olsun, səfiri olsun. Biz hər birimiz ölkəmizin güzgüləriyik. Xarici ölkə vətəndaşları məhz bizə baxıb Azərbaycana qiymət verirlər. Əlbəttə bunu stereotip də adlandırmaq olar amma bu dünyanın düzəni budur. Biz gərək hər zaman öz danışığımıza, hərəkətlərimizə, yazılarımıza və gündəlik həyatımıza da diqqət yetirək.

Eyni zamanda xüsusilə vurğulamaq istədiyim məqam diaspor təşkilatlarımızın işlərilə bağlıdır. Bunu bir növ irad və ya tənqid kimi də qəbul edə bilərsiniz. Biz diaspor təşkilatları gərək olduğumuz ölkələrdə yerli insanlarla daha çox iştəyək. Əlbəttə öz həmvətənlərimizlə bir yerə toplaşmaq, dərsdləşmək olar amma bunun diaspor fəaliyyətinə heç bir aidiyyəti yoxdur. Biz əgər ölkəmiz haqqında müsbət rəy yaratmağı qarşımıza məqsəd qoymuşuqsa o zaman olduğumuz ölkələrin elmi və siyasi dairələri, biznes adamlarını tədbirlərimizə, mərasimlərimizə cəlb etməliyik. Əgər belə tədbirləri təşkil etmək gücümüz və ya maliyyəmiz yoxdursa, heç olmasa təşkil olunan böyük mərasimlərdə iştirak edib ölkəmizin potensialı haqqında danışaq. İstək olarsa nəticə də əldə etmək mümkündür.

Yaponiyada yaşayan müxtəlif mövqelərdən olan həmvətənlərimizin fəaliyyətini qənaətbəxş olaraq qiymətləndirmək olar. Hər birimiz müxtəlif sahələrdə bacardığımız qədər ölkəmizin adını yüksəltməyə çalışırıq. Hələ görüləcək çox işimiz vardır.

-Sizcə Yaponiyadakı Azərbaycan diasporunun əsas, aktual problemləri hansılardır ?          

-Bacardığımız bütün işləri yüksək səviyyədə görməyə cəhd edirik. Bununla belə daha böyük işlərin görülməsi üçün, daha böyük insanların qatılması üçün, daha geniş miqyasda təbliğat işinin uğur qazanması üçün bir-birimizə dəstək olmalıyıq. Şəxsi mənafelər deyil, dövlətçiliyimiz, Azərbaycançılıq uğrunda bir yumruq kimi birləşməliyik. Bu olarsa inanın bizim millətdən güclü və ağıllı ikinci bir millət yoxdur bu dünyada.

Yaponiyada əsas problemimiz kimi maliyyə məsələsini göstərə bilərik. Burada fəaliyyətimizin daha da işıqlandırılması, məlumat kitabçalarının çapı və paylanması, keyfiyyətli kitabların işıq üzü görməsi və s üçün müəyyən miqdarda maliyyə dəstəyinə ehtiyac vardır.

 -Hazırda dövlətimiz tərəfindən sizə hansı formada dəstəyin göstərilməsini istəyərdiniz?

-Dövlətimiz tərəfindən, Diasporla iş Üzrə Dövlət Komitəsi və ayrı-ayrı məsul qurumlar vasitəsilə müəyyən miqdarda yardımlar olması xoş olardı. Ən azından milli geyimlər, milli alətlərimiz və s gətirmək burada Azərbaycan gecələri təşkil etmək olar. Daha da irəli gedib Azərbaycan Mədəniyyət Evi açmaq olar. Bunu hətta səfirliyin tərkibində də etmək olar. Niyə də olmasın? Burada müntəzəm hər həftə bir tədbir təşkil edə, Azərbaycan tarixində böyük izlər qoymuş şəxsiyyətlər haqqında, dövlətimizin bütün milli bayramları haqqında daima çıxışlar edə bilərik. Xüsusi bir künc yaratmaq olar ki, bura hər zaman yaponlar gəlib milli geyimlərimizi geyinə, milli alətlərimizdə ifa etməyi öyrənsinlər. Mədəniyyətimizi doğru şəkildə aşılamaq ən birinci məramımız olmalıdır. Nəinki Yaponiyada bütün dünyada diaspor fəallarımızın, həmvətənlərimizin uğurlarını görmək bizim mənəvi qidamız olmalıdır.

-Sonda oxucularımıza və Yaponiyada olan diaspora üzvlərinə nə sözünüz var?

-Bizim hamımızın bir vətəni var Azərbaycandır. Biz hər birimiz bu amal uğrunda birləşməliyik. Şəxsi mənafeləri bir kənara qoymalıyıq. Bizi heç kimin içdən parçalamasına yol verməməliyik. Mübahisə etmək olar. Hər kəsin öz şəxsi düşüncəsi ola bilər və bu normaldır. Amma xaricdə hər zaman bir yumruq olmalıyıq. Bir fikir, bir ideya, bir düşüncə, bir dövlət üçün çalışmalıyıq. Bayrağımızı uca tutmalıyıq, Dilimizə hörmətlə yanaşmalıyıq. Nə qədər ki, bayrağımız var, nə qədər ki dilimiz var, biz varıq. Müstəqilliyimiz əbədi yaşar. Ölkə daxilində hər sahədən danışmaq olar. Əsas işi biz gərək xaricdə görək, xaricilərlə görək. Müstəqilliyimizin qorunub saxlanılmasında xaricdə yaşayan həmvətənlərimizin böyük xidmətləri vardır. Qlobal dünyada bütün ölkələrlə xoş münasibətlərin qurulmasında fayda vardır. Bunu isə əsasən ayrı-ayrı ölkələrdə yaşayan həmvətənlərimiz, diaspor təşkilatlarımız formalaşdıra bilər.

Yeniyetmə və gənclərə dərslərini yaxşı oxumaqlarını, xarici dillər öyrənməklərini, şans düşən kimi xarici ölkələrə gedib öz dövləti uğrunda çalışmalarını tövsiyə edərdim. Kim nə deyirsə desin öz güclərinə – potensial güclərinə inammalarını istəyirəm. İnsanlarla münasibətlərinə fikir verməklə, öz kariyera quruculuqlarında ardıcıl və davamlı olmalarını tövsiyə edərdim. Döyüşləri uduzmaq olar amma müharibəni yox. Bu həyat bütün sahələrdə mübarizələrdən ibarətdir. Əlimizdən gələni etməliyik ki, bu mübarizələr sağlam olsun, kin-küdurət üzərində qurulmasın. Uğurun əsas açarı məqsəd və ideya uğrunda olan ardıcıllıq və təslim olmamaqdadır.

Mənbə: Diaspora.az saytı

31 Oktyabr 2016

http://diaspora.az/?p=6510

alibay-1111

search previous next tag category expand menu location phone mail time cart zoom edit close