Azərbaycan Diasporu ilə bağlı

Mən diaspor mütəxəssisi deyiləm. Ona görə də bu işlə professional səviyyədə məşğul olanlar ola bilər ki, mənim yazımı haqlı olaraq tənqid etsinlər. Amma Azərbaycanı sevən, onun mövqeyini və hüquqlarını hər şeydən ümdə tutan, Yaponiyada bugünədək bacardığım ən yüksək səviyyələrdə Azərbaycanı təbliğ edən biri kimi diasporla bağlı bəzi fikirlərimi qeyd etmək istəyirəm. Son 4-5 ildə oxuduğum, gördüyüm, iştirakçısı olduğum hadisələrdən mənə aydın oldu ki, ayrı-ayrı ölkələrdə fəaliyyət göstərən Azərbaycan vətəndaşları və ya əslən azərbaycanlı olan şəxslər tərəfindən qurulan, idarə olunan diaspor qrumları və onların rəhbərləri, orda olan şəxslər, hər biri Azərbaycana xüsusi sevgi ilə bağlıdırlar. Onların hər biri Azərbaycanı çox sevir və onun üçün canlarından belə keçməyə hazırdırlar. Burda sual oluna bilər ki, yaxşı bəs niyə Azərbaycan diasporunun fəaliyyəti ürəkaçan səviyyədə deyil?
Mənim fikrimcə bunun ən əsas iki səbəbi var.
1. Diaspor rəhbərləri, fərdi şəkildə diaspor fəaliyyəti göstərən şəxslər arasında olan münasibətlərin o qədər də yaxşı olmaması, şəxsi maraqlar,
2. Güclü, savadlı və bacarıqlı həmvətənlərimizin birlikdə işləyə bilməmələri. Bu təkcə azərbaycanlılara xas xüsusiyyət deyildir. Mən xarici tələbələr, diaspor nümayəndələri, biznes adamları ilə də kifayət qədər münasibətdə olmuşam. Bunları görmüşəm, bilirəm. Yaponların özləri də buna gözəl misal ola bilər.
İndi yuxarıda qeyd etdiyim iki məsələni daha ətraflı yazmağa çalışacam.
1. Şəxsi maraqlar məsələsi,
Diaspor fəaliyyəti ilə məşğul olan şəxslər arasında heç şübhəsiz ki, qarşılıq gözləyənlər də az deyil. Qarşılıq deyərkən, “mən (biz) xaricdə canımızı fəda edirik, amma ölkə mediasında işıqlandırmırlar”, “Diasporla iş üzrə Dövlət Komitəsi bizi görməzdən gəlir” və s. Eyni zamanda filankəslə adını biryerdə çəkilməsini götürməyənlər olur. Həmin şəxs sadəcə normal bir insan olaraq görüşüb söhbətləşir. Amma bu görüşə görə də insanın mediada olan yazıları silinir. Kimsə arxadan badalaq vurur, kimsə kiməsə zəng edir və özlərinin xahiş etdiyi məqaləni yazıb verirsən, yüklədikdən bir gün sonra məqaləni silirlər adını da qoyurlar texniki səbəbdəndir.
Diaspora Komitəsində də insan münasibətlərinə böyük önəm verilib, Azərbaycan Diasporunun güclü inkişafına deyil, onlarla yaxın və yaxşı münasibətdə olanların fəaliyyətinə daha çox və ciddi fikir verildiyindən Azərbaycanın xaricdə olan diasporu ilə bağlı ciddi işlər görülməmişdir. Bunu haqlı olaraq prezident aparatının rəhbəri Ramiz Mehdiyev də vurğuladı. İnanıram ki, yeni Komitə sədri bu problemlərin həllində ciddi irəliləyişlərə nail olacaqdır. Yeni Komitə sədri Fuad bəyə ümidlərim və inamım sonsuzdur. Mən də öz növbəmdə bu işlərdə Yaponiyada bacardığım köməyi etməyə hər zaman hazıram.
2. Güclü, savadlı və bacarıqlı azərbaycanlıların birlikdə işləyə bilməməsi sindromu
Bu tək bizim xalqın nümayəndələrinə xas olan xüsusiyyət deyildir. Ağıllı, güclü və ambisiyalı insanlar hər zaman müstəqil fəaliyyət göstərməyə meylli olurlar. Kiminləsə hesablaşmaq, kiminləsə birgə işlədikdə söz götürmək və s kimi hallara qarşı nisbətən hissi davranırlar. Özlərini bir növ daha ağıllı və bacarıqlı sanırlar. Bu elə həqiqətən də belədir. Ancaq biz onların birlikdə işləyə bilməməsi üzündən bir çox həlledici məqamlarda qabağa getməyi bacarmırıq. Ona görə də düşünürəm ki, ağıllı və ambisiyalı insanları bir araya gətirəcək bir gücə ehtiyac vardır. İnanıram ki, bunu Diaspor Komitəsi, Fuad bəyin rəhbərliyi altında bacaracaqdır.
Yeri gəlmişkən, onu da qeyd edim ki, mən bir çox insanların hər şeyi Diaspor Komitəsindən gözləməsini, istəməsini də qəbul etmirəm. Xaricdə fəaliyyət göstərən şəxslər və qurumlar da Diaspor Komitəsinin daha da güclü olması üçün, Azərbaycan diasporu üçün səmimi qəlbdən məşğul olmalıdırlar. Əgər bunu bacarmırlarsa, yerlərini daha perspektivli insanlara vermələri daha peşəkar addım olar. Mənim düşüncələrimdə, xaricdə olan diaspor qurumlarının böyük əksəriyyəti müstəqil olmalıdırlar. Əsasən də iqtisadi cəhətdən. Onların öz müstəqil büdcələri olmalıdır. Eyni zamanda, xaricdə olan bütün fəaliyyətin Azərbaycan mediasında işıqlandırılması da o qədər də vacib deyil. Əlbəttə bu xoşdur amma əsas deyil. Əsas olan, onların fəaliyyətinin məhz olduğu ölkələrdə, o ölkələrin mediasında, elm dünyasında, siyasi aləmində, biznes dairələrində işıqlandırılmasıdır. Diaspor işi məhz budur. Xaricdə Azərbaycanın güclü və müsbət imicinin yaradılması və həmin ölkə vətəndaşlarının Azərbaycana axınının təşkil olunması. Budur Diaspor fəaliyyəti. Budur qələbəyə gedən yol. Yoxsa bir iki nəfərlə yemək yeyib, onun şəklini mediada yayımlayıb, adını filan ölkədə olan azərbaycanlılar arasında birlik var, diasporumuzun gücüdür kimi göstərmək görəsən doğrudurmu? Nə dərəcədə aktualdır? Nə dərəcədə səmimidir?
Təbii ki, bu yüksək səviyyədə, iri miqyasda təşkil olunanda bunda anlam görürəm. Digər tərəfdən mən düşünürəm ki, hər bir azərbaycanlı onsuzda öz doğma vətənini sevir. Biz xaricdə olan azərbaycanlıların əsas vəzifəsi, məhz olduğumuz ölkələrin insanları ilə işləmək olmalıdır. Ayrı-ayrı ölkə vətəndaşlarına ölkəmizi tanıtmaq olmalıdır. Tanıtdıqca onların özləri vətənimiz Azərbaycanı sevməyə başlayırlar. Yaponiya misalını çəksəm bunun aydın şəkildə göstərə bilərəm. Yaponiya məktəbliləri və universitet tələbələrinə dediyim Azərbaycanla bağlı dərsləri, yapon biznesmenləri üşün etdiyim çıxışlar və prezentasiyalar, Yaponiya elm dünyasında və mediasında Qarabağla bağlı yazılarım və məqalələrim, yazılarım, bunların təsiri ilə Azərbaycana getmək istəyən və faktiki gedənlər yüzlərlədir. Mənim düşüncələrimdə diaspor fəaliyyəti məhz belə olmalıdır.
Sonda, bir daha qeyd edim ki, mən diaspor mütəxəssisi deyiləm və fikirlərim bu sahənin professionallarının haqlı tənqidinə tuş gələ bilər. Yazımda obyektiv və subyektiv fikirlər ola bilər. Amma bütün bunlar mənim gəldiyim nəticələrdir.
Daha güclü diaspor naminə hər kəsə uğurlar arzu edirəm. İnanıram ki, ölkə başçısının yeni kadr islahatları Azərbaycanı bütün sahələrdə inkişafa, qələbəyə apardığı kimi, diaspor sahəsində də aparacaqdır.
Əlibəy Məmmədov
25 Aprel 2018
Tokyo, Yaponiya
IMG_20171208_215341_482.jpg

Ermənistanın ifşası üçün növbəti geopolitik həmlə… (Palitra qəzeti)

23 Aprel 2018-ci ildə Palitranews.az (Palitra qəzeti)-də dərc olunmuş müsahibəm.

İstifadə edilən zaman Palitranews.az saytına istinad olunmalıdır.

Əlibəy Məmmədov: 
“Bu, həm də Azərbaycanın öz ərazi bütövlüyü uğrunda siyasi səhnədə daha da aktiv vuruşacağından xəbər verir”

Ermənistan-Azərbaycan, Dağlıq Qarabağ münaqişəsinin həlli Azərbaycan dövləti üçün həmişəki kimi, prioritetdir. Prezident İlham Əliyev əksər yerli və beynəlxalq tədbirlərdəki çıxışlarında bu məsələni xüsusi qabardır. Milli Məclisdə andiçmə mərasimində Prezident İlham Əliyev Qarabağ məsələsinə bir daha toxunub. Bu çıxışda diqqətçəkən məqam ölkə başçısının geopolotik həmlə edərək Ermənistanın indiki ərazilərinin tarixi Azərbaycan torpaqlarının olmasını qeyd etməsidir: “Bu gün Ermənistan dalan ölkəyə çevrilib. Biz gizlətmirik ki, səylərimiz nəticəsində Ermənistanı bütün regional layihələrdən təcrid etmişik və bu siyasət öz nəticələrini verməkdədir. Biz bundan sonra da bu siyasəti davam etdirəcəyik və əminəm ki, istədiyimizə nail olacağıq. Ermənistan-Azərbaycan, Dağlıq Qarabağ münaqişəsi yalnız və yalnız ölkəmizin ərazi bütövlüyü çərçivəsində öz həllini tapmalıdır. Bunun başqa yolu yoxdur. Azərbaycan heç vaxt imkan verməz ki, bizim ərazimizdə ikinci qondarma erməni dövləti yaradılsın. Onu da biz dünya birliyinə, ictimaiyyətinə çatdırırıq ki, nəinki Dağlıq Qarabağ, indiki Ermənistan bizim tarixi torpaqlarımızdır. Təkcə sözlə yox, biz sübutlarla dünya birliyinə bunu çatdırırıq. Elmi əsərlər yazılır, arxivlər qaldırılır, tarixi kitablar yazılır. Bunu sübut edən kifayət qədər tarixi sənəd var. XIX əsrin əvvəllərində İrəvan xanlığının əhalisinin 80 faizini azərbaycanlılar təşkil edirdi”.

Prezident tərəfindən Ermənistan rəhbərliyinə qarşı kəskin və sərt siyasi hücum…
Konfliktoloq, Yaponiyada fəaliyyət göstərən diaspor fəalı Əlibəy Məmmədov bu məsələ ilə bağlı fikirlərini bizimlə bölüşüb. O, öncə qeyd edib ki, Azərbaycan vətəndaşları, əslində, İlham Əliyevin timsalında Azərbaycanın möhtəşəm və parlaq gələcəyinə səs verdilər: “Bildiyiniz kimi, 11 aprel tarixində keçirilmiş prezident seçkilərində İlham Əliyev Azərbaycan vətəndaşlarının mütləq əksəriyyətinin haqlı səsini qazanmaqla sayca 4-cü dəfə ölkənin prezidenti seçildi. Azərbaycan vətəndaşları, əslində, özlərinin daha da gözəl olacaq gələcək həyatlarına, təhsilinə, səhiyyəsinə, güclü iqtisadiyyatına səs verdilər. Bilirsiz, siyasət nəticə deməkdir. Nəticə olmayan yerdə hər hansısa bir siyasi fəaliyyətdən danışmaq yersizdir. Nəticə olan yerdə isə yersiz siyasi tənqidlər mənasız görünür. Müxalif dairələrin şifahi tənqidlərinə qarşı ölkə prezidentinin 15 illik prezidentlik fəaliyyəti dövrünün nəticələri vardır. Rəqəmlər heç zaman yalan demir. Rəqəmlər faktlardır. Azərbaycanın ən güclü iqtisadi inkişaf dövrü məhz İlham Əliyevin prezidentliyi dövrünə təsadüf edir.
Məhz onun hakimiyyətə gəlməsindən sonrakı 10 il (2004-2014) Azərbaycan iqtisadiyyatının güclü inkişaf dövrü, onun ilk 6 ili (2004-2010) isə sıçrayışlı inkişaf dövrü olmuşdur. Bütün bunlar nəticəsində Azərbaycan beynəlxalq aləmdə öz haqlı yerinin tutmağa nail olmuşdur. Bu gün regional və qlobal kontekstdə bir sıra vacib qərarların verilməsi zamanı, böyük dövlətlər Azərbaycanla hesablaşmalı olurlar.
Bütün bunlar ölkə başçısının parlaq və nəticəyə hesablanmış fəaliyyətinin effekt verdiyini göstərir. Bunları qeyd etməmək ədalətsizlik olar.
Prezident seçkilərindən 1 həftə sonra Milli Məclisdə, Azərbaycan Respublikasının Konstitusiyasının 103-cü maddəsinə uyğun olaraq, Konstitusiya Məhkəməsi hakimlərinin iştirakı ilə Prezidentin andiçmə mərasimi keçirildi. Bu, Azərbaycanın müasir həyatında çox vacib bir gün idi. Mən özüm də canlı yayım, eyni zamanda gündəlik izlədiyim president.az saytı vasitəsilə yayılmış məlumatları diqqətlə izlədim”.
Əlibəy Məmmədovun fikrincə, Prezidentin çıxışı bu günə qədər olanların içərisində siyasi anlamda ən sərti idi: “Sözün əsl mənasında ölkənin adını ləkələyənlərə, eyni zamanda işğalçı Ermənistan rəhbərliyinə qarşı kəskin və sərt siyasi hücum idi. Aantimilli qruplaşmaların, xaricdə heç bir əməli işləri olmayan, ölkə adına, sadəcə, xələl gətirməyə çalışan, ölkənin mövqeyini xarici qüvvələr qarşısında alçaltmağa çalışanların yerini Azərbaycanın siyasi səhnəsində “tarixin zibilxanası” kimi qeyd etməsi, eyni zamanda Dağlıq Qarabağ münaqişəsi ilə bağlı çıxışında Ermənistan ərazisinin tarixi Azərbaycan torpaqları kimi qeyd etməsini göstərmək olar.
Mənim üçün, bir konfliktoloq olaraq ən maraqlı məqam isə Prezidentin Ermənistan-Azərbaycan, Dağlıq Qarabağ münaqişəsi ilə bağlı olan çıxışı oldu”.

“Prezident İlham Əliyev Azərbaycanın müstəqilliyi və ərazi bütövlüyünü qoruyacağına dair and içib”
Konfiliktoloq deyir ki, bu günə qədər ölkə başçısı, eyni zamanda Azərbaycanın siyasi elitası, ziyalıları tərəfdən tez-tez İrəvanın tarixi Azərbaycan torpaqları olması, eyni zamanda Azərbaycan ərazisində ikinci bir erməni dövlətinin yaradılmasına icazə verilməyəcəyi fikirlərini eşitmişik, qəzetlərdə də bu haqda çoxsaylı yazılar, məqalələr yer almışdır: “Lakin budəfəki çıxışda Ermənistanın Azərbaycanın tarixi torpaqları olması kimi, bir fikrin səsləndirilməsi bir çox vacib məqamlardan xəbər verir.
Bu, siyasi arenada olduqca sərt və kəskin bir fikirdir. Bir qədər öncə qeyd etdiyim kimi, Ermənistanın işğalçı rejiminə qarşı kəskin siyasi hücumdur. Bu, düşünülmüş və gələcəyə hesablanmış bir mövqenin ortaya qoyulması deməkdir. Biz tez-tez dünyanın bir çox siyasətçiləri və elm adamları tərəfdən Azərbaycanın yumşalması, Dağlıq Qarabağ məsələsi ilə bağlı kompromisə getməsinin istənilməsini görmüşük. Mən hər zaman qeyd etmişəm, burada da bildirmək istəyirəm ki, Dağlıq Qarabağ münaqişəsi ilə bağlı istənilən güzəşt Azərbaycan torpaqlarının itirilməsi deməkdir. Prezident İlham Əliyev isə Azərbaycanın müstəqilliyi və ərazi bütövlüyünü qoruyacağına dair and içib”. Əlibəy Məmmədova görə, burada hər hansısa bir ərazinin Ermənistana verilməsindən söhbət belə, gedə bilməz: “Belə bir məqamda bütün Ermənistan ərazisinin Azərbaycanın əzəli torpaqları olaraq qeyd edilməsi, Ermənistana növbəti bir mesajdır. 2003-cü ildən ötən 15 il ərzində ölkə başçısının Dağlıq Qarabağla əlaqədar mövqeyi dəyişməz olaraq qaldı. Bu, həm də Azərbaycanın öz ərazi bütövlüyü uğrunda siyasi səhnədə daha da aktiv vuruşacağından xəbər verir. Savaş demişkən, biz, 2 il öncə baş vermiş 4 günlük müharibə zamanı bir daha əmin olduq ki, Azərbaycan, həqiqətən də, öz ərazi bütövlüyü naminə təkcə siyasi meydanda deyil, həm də döyüş meydanında inamla və uğurla savaşmağa hazırdır. 4 günlük müharibədə Azərbaycanın tam qələbəsi və torpaqların bir hissəsinin geri alınması psixoloji üstünlüyü də Azərbaycana vermiş oldu. Bu həm də iqtidarın hakimiyyəti dövründə ərazilərin heç bir qismini belə, qaytara bilməməsi və s. kimi tənqidləri yağdıran müxalifətə də tutarlı cavab oldu”.
Diaspor fəalı bildirir ki, qarşı tərəf öz işğalçı mövqeyindən çəkinməli, azərbaycanlıların yaşadıqları tarixi torpaqlar geri qaytarılmalıdır: “Bu olmayacağı təqdirdə Ermənistanı daha da böyük iqtisadi tənəzzül gözləyir. Prezident də öz çıxışında gizlətmədiyi kimi, Azərbaycan müstəqilliyi dövründə Ermənistanı bütün regional və qlobal nəhəng iqtisadi layihələrdən kənarda qoyub. İşğalçı dövlətdə bunun ağır nəticələri hiss olunur”.
Fuad Hüseynzadə

http://palitranews.az/news.php?id=84543

IMG_20171208_215341_482.jpg

イルハム・アリエフ大統領の大統領就任の誓約式

アゼルバイジャン国会でイルハム・アリエフ大統領の大統領就任の誓約式が行われました。おめでとうございます。かっこよかったです。Milli Məclisdə Azərbaycan Respublikasının Prezidenti cənab İlham Əliyevin andiçmə mərasimi keçirildi. Təbrik edirik.

アゼルバイジャンの本 母国をより好きになる

アゼルバイジャンの本の執筆にあたって、これまでないような量でアゼルバイジャンの農業、観光業、不動産業、アゼルバイジャンでビジネス環境、アゼルバイジャンにおける海外投資環境、なぜアゼルバイジャンは親日国か等について情報を収集し、読んだり、分析したりすることによって、母国アゼルバイジャンのことをより好きになりました。本執筆の主な目的は、アゼルバイジャンを日本人に紹介し、好きになってもらい、ともにビジネスをすることですが、先に自分の国をなぜかもっと愛するようになりました。やはり、国に限る話ではないですが、人間関係上も、十分な情報があると、お互いに十分に意見交換をしたり、交流したりすると「悪い人間」「悪い国」という扱いはできなくなります。その人、その国の魅力、良さがわかるようになりますから。また、今回、アゼルバイジャンの本の執筆を通じて、実は自分の国のことをほとんど知らなかったということに気づきました。反省すべき点です。

“Avropadan gələn bu qərəzli hesabatlar əks-təsir göstərəcək…”

“Avropadan gələn bu qərəzli hesabatlar əks-təsir göstərəcək…”
 
Yaponiyanın Hokkaydo Universitetinin doktorantı, Yaponiya hökuməti təqaüdçüsü araşdırmaçı Əlibəy Məmmədovda ATƏT DTİHB-nin prezident seçkiləri ilə bağlı hesabatının kifayət qədər qərəzli olduğunu bildirdi: “Azərbaycan xalqının böyük əksəriyyəti İlham Əliyevə olan inamını aprelin 11-də keçirilən seçkilərdə əyani şəkildə bir daha göstərmiş oldu. Bunun bir çox dairələrdə qıcıq yaratması normal haldır. Çünki dünya ölkələrinin çox azında hökumətlə xalq arasında belə bir sıx münasibət və inam görmək olar. Mən, bir tərəfdən ATƏT DTİHB-nin qərəzli hesabatını anlamağa da çalışıram. Çünki bu şəxslərin işi məhz tənqid etməkdən ibarətdir. Kompliment demək, xalqla prezident arasında olan inam və etibardan yazmaq onların işi deyil. Onlar hər hansı bir xırda məsələni şişirtmək və ya xırda məsələ belə olmayanda özlərində hər hansı bir formada problem yaradıb, onu mediada işıqlandırmaqla məşğul olmasalar, işləri qalmaz. Bəzi şəxslərin “ermənipərəst” adlandırılması isə heç də yanlış deyildir”.
O dedi ki, Azərbaycanın hərtərəfli çiçəklənməsi və inkişafı prezidentlə xalq arasında olan inam hissini daha da artırıb: “Seçkilərdə İlham Əliyevin qalib gəlməsi də məhz bu inkişafla, eyni zamanda xalqın liderinə olan hədsiz inam hissi ilə bağlıdır. Mən düşünürəm ki, Avropadan gələn bu qərəzli hesabatlar əks-təsir göstərərək Azərbaycanda prezidentlə xalqın daha da birləşməsinə, həmrəy olmasına, bir yumruq olmasına gətirib çıxaracaqdır”.

 

Mənbə: http://news12.az/siyaset/3041-xaricdki-soydalarmz-att-dthb-v-a-pa-nn-secki-il-bal-qrzli-byanatna-etiraz-edirlr.html

 

1523876091_snimok

アゼルバイジャン投資プロジェクト

ここ最近、アゼルバイジャンにおける投資プロジェクト、とくに不動産投資や農業・観光業投資プロジェクトについてかなりの資料を収集し、読んでいます。最近できたゴルフクラブも半端ないですね。アゼルバイジャンに行ったら、まずはゴルフクラブに直行か笑。日本語で資料を作成し、日本人ビジネスマンを対象に紹介していくと、とんでもないことになりそうです。結果がでかすぎて。。。

『北東アジアの現在』Vol.4にて論文が掲載

2017年9月に根室市でフランス人友達のファベネックさんと一緒に行った学術報告の内容が『北東アジアの現在』第4号(2018年3月30日付)で刊行されました。口頭報告の内容は大幅に加筆・修正しています。私の分は約27頁あって、主に、ロシアにおける北方領土問題をめぐる議論、解決方法に関するロシア人の見解、北方領土問題をめぐる日露世論、日露一般人のお互いについての認識、北方領土における日露共同経済活動について整理し、最後に自分の見解を述べています。日露関係に興味がある方にぜひ読んでいただければと思います。多くの方のコメントや批判をいただければ幸いです。ファベネックさんは「ロシア海域における流し網漁禁止の原因:漁業を中心に見るカムチャッカ地方・サハリン州・北海道」についてとても貴重な話をしました。内容については下記のリンクを参照してください。PDFバージョンはダウンロード可能です。
主催者の人間文化研究機構 総合人間文化研究推進センターネットワーク型地域研究推進事業「北東アジア」北海道大学スラブ・ユーラシア研究センター拠点と根室市役所、毎日新聞社報道部根室等のご協力がなければ、そもそもできなかったものだと思います。指導教官の岩下教授をはじめとする多くの方々に感謝の気持ちでいっぱいです。ありがとうございました。今後とも全力で頑張っていきます。よろしくお願いいたします。

詳細については、下記のリンクを参照してください。

https://hokudaislav-northeast.net/news/20180330537/

PDFバージョンは下記をご利用ください。ダウンロード可能です。

https://hokudaislav-northeast.net/wp-slav/wp-content/uploads/2018/03/57981081b57365202364f4604cab8f33.pdf