“Şri-Lanka vətəndaş müharibəsindən Dağlıq Qarabağ münaqişəsinə baxış” PDF

“Qarabağ dünən, bu gün və sabah” elmi kitabında “Şri-Lanka vətəndaş müharibəsindən Dağlıq Qarabağ münaqişəsinə baxış” adlı təxminən 31 səhifəlik elmi məqaləmin PDF formatı. Kitabı əldə edə bilməyənlər buradan yükləyib oxuya bilərlər.

Şrilanka-Qarabağ Əlibəy 2017 May QAT kitabında

Məqalə ümumilikdə 5 bölmədən ibarətdir. 1-ci “Giriş” bölməsində ümumi məlumatlar, müəllifin elmi məqalədəki məqsədi haqqında məlumat verilir. 2-ci “Əsas Mövzu” bölməsi özü 9 fəsilə ayrılır. 2.1-də Şri-Lanka vətəndaş müharibəsinin səbəbləri və müharibəyə qədərki vəziyyətin icmalı, 2.2-də Böyük dövlət faktoru, Hindistanın hərbi müdaxiləsi, 2.3-də Hindistan ordusunun çıxarılmasından sonrakı Şri-Lanka, 2.4-də Şri-Lanka vətəndaş müharibəsinin qloballaşması, 2.5-də LTTE-nin puça çıxan hədsiz ümidləri, 2.6-da Vətəndaş müharibəsindən sonrakı vəziyyət, 2.7 Yenidən məskunlaşma məsələsi, 2.8-də “Milli münaqişə” yoxsa “terrorizmlə müharibə”, sadə insanların harayı, 2.9-da Müharibədən sonra millətlərarası inam məsələsi haqqında məlumat verilir. 

3-cü bölmədə Şri-Lanka vətəndaş müharibəsinin həlli yolları düşünülür. 4-cü bölmədə Şri-Lanka vətəndaş müharibəsinə ümumi qısa nəticə verilir.

Nəhayət 5-ci bölmədə Dağlıq Qarabağ münaqişəsi ilə müqayisəli təhlili-nə cəhd edilir. 

Bu məqalədə əsas məqsədlərimdən biri Dağlıq Qarabağ münaqişəsinin müharibə yolu ilə həllinin mümkün olub-olmaması haqqında Şri-Lanka vətəndaş müharibəsini təhlil etməklə müqayisələr aparmışam. Dağlıq Qarabağa elmi sahədə marağı olanlara, bu sahəyə yeni nəfəs gətirmək istəyənləri oxumağa dəvət edirəm. Oxuduqdan sonra fikirlərinizi və tənqidlərinizi sevə-sevə dəyərləndirməyə hazıram. Bu elmi məqalə mənim 2016-cı ilin Sentyabr ayında Hindistan və Şri-Lankada həyata keçirtdiyim araşdırmaların bir hissəsini əhatə edir.

Məlumatdan istifadə zamanı hökmən aşağıdakı formada sitat gətirin.

Əlibəy Məmmədov, Şri-Lanka vətəndaş müharibəsindən Dağlıq Qarabağ münaqişəsinə baxış, Qarabağ, dünən, bu gün və sabah, 16-47. (2017), Bakı.

Əlibəy Məmmədov

Advertisements

“Şri-Lanka vətəndaş müharibəsindən Dağlıq Qarabağ münaqişəsinə baxış” adlı elmi məqaləm çap olundu

My new publication (31 pages) on “Rethinking the Nagorno-Karabakh conflict from the perspective of the Sri Lanka civil war”.「スリランカ内戦から考えるナゴルノ・カラバフ紛争」というタイトルで書いた論文が刊行されました。約31頁です。ナゴルノ・カラバフ紛争の軍事的解決は可能かどうかについて、スリランカ内戦を事例に、分析を行っております。

“Qarabağ dünən, bu gün və sabah” elmi kitabında “Şri-Lanka vətəndaş müharibəsindən Dağlıq Qarabağ münaqişəsinə baxış” adlı təxminən 31 səhifəlik elmi məqaləm çap olundu. Dağlıq Qarabağ münaqişəsinin müharibə yolu ilə həllinin mümkün olub-olmaması haqqında Şri-Lanka vətəndaş müharibəsini təhlil etməklə müqayisələr aparmışam. Dağlıq Qarabağa elmi sahədə marağı olanlara, bu sahəyə yeni nəfəs gətirmək istəyənləri oxumağa dəvət edirəm. Oxuduqdan sonra fikirlərinizi və tənqidlərinizi sevə-sevə dəyərləndirməyə hazıram. Bu elmi məqalə mənim 2016-cı ilin Sentyabr ayında Hindistan və Şri-Lankada həyata keçirtdiyim araşdırmaların bir hissəsini əhatə edir. Məqaləmi qiymətləndirib çap etdirdiklərinə görə Qarabağ Azadlıq Təşkilatının sədri Akif bəy Nağıya, eyni zamanda elmi kitabın redaksiya heyətinə dərin təşəkkürümü bildirmək istərdim.

Uz qabigi

Mundericat

ilk sehifem

ikinci sehifem

18622546_429369380763579_1250371426308734066_n

Yaponiyada elmi məqaləm Azərbaycan mediasında [Fotoreportaj]

 

wp-1461192464782.jpeg

 

wp-1461192481708.png

 

wp-1461192470018.png

ABŞ-da Dağlıq Qarabağla çıxışım Azərbaycan Mediasında {FOTOREPORTAJ}

  1. Azərbaycan Respublikasının Diasporla İş Üzrə Dövlət Komitəsinin elektron ünvanı:

    http://diaspora.gov.az/index.php?options=news&id=11&news_id=3526

wp-1461177623449.png

 

2. Yeni Azərbaycan Partiyasının rəsmi elektron ünvanında:

http://www.yap.org.az/az/view/news/12709/absh-da-beynelxalq-elmi-konfransda-azerbaycanli-doktorantin-dagliq-qarabagla-bagli-meruzesi-dinlenilib

 

wp-1461177615833.png

 

3. 525-ci qəzetin rəsmi elektron ünvanında:

http://525.az/site/?name=xeber&news_id=55477

 

wp-1461177632321.png

 

4. Səs İnformasiya Agenliyinin rəsmi elektron ünvanında:

http://sia.az/az/news/social/539169-abs-da-azerbaycanli-doktorantin-meruzesi-dinlenilib

wp-1461177653373.png

5. Azərbaycan Dövlət İnformasiya Agentliyinin rəsmi elektorn ünvanında:

http://azertag.az/xeber/ABS_da_beynelxalq_elmi_konfransda_azerbaycanli_doktorantin_Dagliq_Qarabagla_meruzesi_dinlenilib-943711

wp-1461177658373.png

6. Qarabağ Azadlıq Təşkilatının rəsmi elektron ünvanında:

http://qat.az/index.php/ekhplore/garabagh-zhundaeliyi/10955-absh-da-beynaelkhalg-elmi-konfransda-azaerbaydzanl-doktorant-n-daghl-g-garabaghla-maeruzaesi-dinlaenilib

wp-1461178352270.png

7. 525-ci qəzetin 19 Aprel 2016-ci il tarixli sayında.

525 Dağlıq Qarabağ aprel 2016

ABŞ-ın Nevada ştatında beynəlxalq elmi konfrans keçirilib TƏDBİRDƏ HƏMYERLİMİZ ƏLİBƏY MƏMMƏDOV DAĞLIQ QARABAĞ MÜNAQİŞƏSİ İLƏ BAĞLI ÇIXIŞ EDİB

16 Aprel 2016-cı ildə Amerika Birləşmiş Ştatlarının Nevada ştatının Reno şəhərində Qərb Sosial Elmləri Assosasiyasının 58-ci Beynəlxalq Konfransında Dağlıq Qarabağla bağlı elmi çıxış etdim. Bu fəaliyyətimi Azərbaydan mətbuatı kifayət qədər işıqlandırdı və diqqət mərkəzində saxladı. Aşağıdakı yazı 525-ci qəzetin 19 Aprel sayında çapdan çıxdı.

Another article about my paper (Nagorno-Karabakh issue) that I presented in USA last week on the elite (525) newspaper of Azerbaijan. 先週、国際学会(ネヴァダ州リノ市)での報告(ナゴルノ・カラバフ問題)について、アゼルバイジャンのエリートが愛読中の525新聞で記事が出ました。

………………………………………………………………………………………………………………….

ABŞ-ın Nevada ştatında beynəlxalq elmi konfrans keçirilib

TƏDBİRDƏ HƏMYERLİMİZ ƏLİBƏY MƏMMƏDOV DAĞLIQ QARABAĞ MÜNAQİŞƏSİ İLƏ BAĞLI ÇIXIŞ EDİB

 

Aprelin 13-16-da Amerika Birləşmiş Ştatlarının Nevada ştatının Reno şəhərində Qərb Sosial Elmləri Assosiasiyasının 58-ci Beynəlxalq Konfransı keçirilib.

Tədbirdə dünyanın əksər ölkələrindən, ümumilikdə 900 nəfər elm adamı iştirak edib.

Azərbaycan da bu, nəhəng elm konfransında təmsil olunub. Yaponiyanın Hokkaydo Universitetində sərhəd araşdırmaları üzrə elmi tədqiqatlar aparan, doktorant tələbə, universitetin xarici tələbələr assosiasiyasının fəxri prezidenti Əlibəy Məmmədov rəsmi təmsilçilər arasında olub.

Ə.Məmmədov, aprelin 16-da Qərb Sosial Elmləri Assosiasiyasının nəzdində təşkil olunan Sərhəd Araşdırmaları Assosiasiyasının 33-cü sessiyasında Dağlıq Qarabağ münaqişəsi ilə bağlı geniş çıxış edib.

“Ermənistan-Azərbaycan Dağlıq Qarabağ münaqişəsinə azərbaycanlı məcburi köçkünlərin mövqeyindən baxış” adlı təqdimatla çıxış edən Ə.Məmmədov qeyd edib ki, elm dünyasında Ermənistan-Azərbaycan Dağlıq Qarabağ münaqişəsi haqqında yüksək səviyyəli, orijinal elmi tədqiqatların gündəmdə qalmasına böyük ehtiyac var.

Həmyerlimiz münaqişə haqqında geniş məlumat verərək, bunun milli konflikt olduğunu vurğulayıb.

Ermənistan və Azərbaycanın rəsmi mövqeləri, münaqişəyə yanaşmaları, ATƏT-in Minsk Qrupunun fəaliyyəti haqqında məlumat verdikdən sonra o bildirib ki, münaqişə nəticəsində 1 milyondan artıq insan qaçqın və məcburi köçkün həyatı sürməyə məcbur edilib.

O vurğulayıb ki, ermənilər təkcə Dağlıq Qarabağı deyil, həm də ətraf 7 rayonu işğal ediblər:

“Bütün bu ərazilər de-yure Azərbaycan torpaqlarıdır. Beynəlxalq qurumlar bu əraziləri Azərbaycanın sərhədləri tərkibində göstərirlər. Buna baxmayaraq Ermənistan silahlı qüvvələri de-fakto regiona nəzarət edirlər. Bu qəbuledilməzdir. Azərbaycanlılar isə öz doğma torpaqlarına geri dönməkdən məhrum ediliblər.

525 Dağlıq Qarabağ aprel 2016
525-ci qəzet, 19 Aprel 2016-cı il buraxılışı

1994-cü ilin may ayında atəşkəs elan olunmasına baxmayaraq, 2005-ci ilədək olan müddətdə təmas xəttində tərəflər arasında 2000-dən çox insanın həlak olduğu bildirilir. Belə olan halda atəşkəsin həqiqətən də qüvvədə olduğunu söyləmək olarmı? Təbii ki, yox”.

Müzakirələr zamanı son günlər beynəlxalq aləmin diqqət mərkəzində olan aprel ayının ilk günlərində baş vermiş hadisələrə toxunan Ə. Məmmədov qeyd edib ki, Azərbaycan 22 ildən sonra ilk dəfə status-kvonu öz xeyrinə dəyişməyə nail olub:

“Bu böyük tarixi nailiyyətdir. Azərbaycan tərəfi faktiki olaraq psixoloji üstünlüyü öz əlinə almağı bacarıb.

Ermənistan tərəfi işğal etdiyi bəzi strateji mövqeləri itirmək məcburiyyətində qalıb. Hal-hazırda danışıqların nəticə verəcəyinə böyük ümid bəslənilir”.

Qeyd edək ki, Ə. Məmmədov ötən ilin dekabr ayında Yaponiyanın Hokkaydo Universitetində təşkil edilmiş “Hokkaydo Mərkəzi Avrasiya” elmi konfransının 121-ci sessiyasında da oxşar mövzu ilə Yaponiya elm dünyası üçün çıxış edib.

Ceyhun ABASOV

////////////////////////////////////////////////////////////////////////////

Qeyd: Mətnin müəlliflik hüququ 525-ci qəzetə məxsusdur. İstifadə edilərkən 525-ci qəzetə istinad edilməldir.

http://525.az/site/?name=xeber&news_id=55477

 

wp-1460937449646.jpeg
Reno, Nevada, USA. 16.04.2016

ABŞ-da beynəlxalq elmi konfransda azərbaycanlı doktorantın Dağlıq Qarabağla baglı məruzəsi dinlənilib

OLYMPUS DIGITAL CAMERA
ABŞ-ın Nevada ştatının Reno şəhərində beynəlxalq elmi konfransda Dağlıq Qarabağla bağlı məruzə ilə çıxış edərkən. 16 Aprel 2016-cı il. Photo taken by Naomi Chi.

Tokio, 17 aprel, AZƏRTAC.

Aprelin 13-dən 17-dək ABŞ-ın Nevada ştatının Reno şəhərində Qərb Sosial Elmlər Assosasiyasının (WSSA) 58-ci illik konfransı keçirilib. Azərbaycanı konfransda Yaponiyanın Hokkaydo Universitetinin doktorantı Əlibəy Məmmədov təmsil edib.

Həmyerlimiz konfrans çərçivəsində Sərhəd Araşdırmaları Assosasiyasının 33-cü sessiyasında “Ermənistan-Azərbaycan, Dağlıq Qarabağ münaqişəsinə azərbaycanlı məcburi köçkünlərin mövqeyindən baxış” mövzusunda məruzə ilə çıxış edib. Ə.Məmmədov qeyd edib ki, Ermənistan-Azərbaycan, Dağlıq Qarabağ münaqişəsi haqqında yüksək səviyyəli, orijinal elmi tədqiqatların gündəmdə qalmasına böyük ehtiyac var.

Həmyerlimiz münaqişə haqqında geniş məlumat verərək, bunun milli zəmində konflikt olduğunu vurğulayıb. O, Ermənistanın və Azərbaycanın rəsmi mövqeləri, münaqişəyə yanaşmaları, ATƏT-in Minsk qrupunun fəaliyyəti haqqında ətraflı məlumat verib. Bildirib ki, 1989-1994-cü illər ərzində hər iki tərəfdən təxminən 30 min insan həlak olub, bir milyondan çox azərbaycanlı qaçqın və məcburi köçkünə çevrilib. Münaqişənin ilk mərhələsində müəyyən üstünlüyə malik olan Ermənistan təkcə Dağlıq Qarabağı deyil, həm də ətraf 7 rayonu işğal edib. Bu ərazilər de-yure Azərbaycan torpaqlarıdır. Beynəlxalq qurumlar bu əraziləri Azərbaycan torpaqları kimi tanıyır. Buna baxmayaraq, regiona de-fakto Ermənistan silahlı qüvvələri nəzarət edirlər. Azərbaycanlılar isə öz doğma torpaqlarına geri dönməkdən məhrum ediliblər. Bu, qəbuledilməzdir.

Diqqətə çatdırılıb ki, 1994-cü ilin mayında atəşkəs elan olunmasına baxmayaraq, 2005-ci ilədək olan müddətdə təmas xəttində tərəflər arasında iki mindən çox insanın həlak olub. Ermənistan Dağlıq Qarabağın erməni əhalisinin öz müqəddəratını həll etmək hüququna malik olduğunu əsas götürür. Rəsmi Bakı isə münaqişənin Azərbaycanın ərazi bütövlüyü çərçivəsində həll olunmasının vacibliyini vurğulayır. Azərbaycanın ərazi bütövlüyü müzakirə mövzusu ola bilməz.

Ə.Məmmədov Cerard Toal və Con Olouqlinin 2011-ci ildə Dağlıq Qarabağın erməni əhalisi ilə apardıqları sorğuların nəticələri və BMT-nin Qaçqınlar üzrə Ali Komissarlığının Azərbaycandakı nümayəndəliyinin ölkəmizin regionlarında təşkil etdiyi sorğuların (2013-cü il) icmalını verib. Həmyerlimiz, eyni zamanda, 2015-ci ilin sentyabrında Bakıda və Bərdədə 200 məcburi köçkün arasında apardığı sorğunun nəticələri ilə bağlı da iştirakçıları məlumatlandırıb. Bildirib ki, Şuşa Dağlıq Qarabağın qəlbidir. Rəsmi rəqəmlərdə göstərilir ki, 1989-cu ildə Şuşa şəhərinin əhalisinin 98 faizini azərbaycanlılar təşkil edirdi. Xocalı soyqırımı haqqında ətraflı məlumat verən Ə.Məmmədov bildirib ki, Dağlıq Qarabağda olan yeganə hava limanı məhz burada yerləşirdi. Vurğulanıb ki, hazırda məsələni sülh yolu ilə həll etmək çox çətindir. ATƏT-in Minsk qrupunun təklifləri ilə hər iki tərəfin insanlarının düşüncələri arasında böyük fərqlər mövcuddur.

Müzakirələr zamanı son günlər beynəlxalq aləmin diqqət mərkəzində olan, aprelin ilk günlərində baş vermiş hadisələrə toxunan Ə.Məmmədov qeyd edib ki, “Dördgünlük müharibə” adı ilə tarixə düşən bu hadisələr zamanı hər iki tərəf itki verib. Nəticədə Azərbaycan 22 ildən sonra ilk dəfə hərbi status-kvonu öz xeyrinə dəyişməyə nail olaraq, bir neçə yaşayış məntəqəsini və strateji yüksəkliyi işğaldan azad edib. Bu, böyük tarixi nailiyyətdir. Azərbaycan tərəfi, eyni zamanda, faktiki olaraq psixoloji üstünlüyü ələ almağı bacarıb. Ermənistan tərəfi isə bir çox vacib mövqeləri itirib. Hazırda siyasi status-kvonun dəyişməsinə də böyük ümid var.

Vüqar Ağayev

AZƏRTAC-ın xüsusi müxbiri

Tokio

 

///////////////////////////////////////////////////////////

Məlumat Azərtac məxsusdur. İstifadə zamanı aşağıdakı linkə istinad edilməlidir.

http://azertag.az/xeber/943711

 

wp-1460937449646.jpeg
ABŞ-ın Nevada Ştatı, Reno şəhəri. Dağlıq qarabağla bağlı elmi çıxış edərkən.

Azərbaycanın Dağlıq Qarabağ münaqişəsində qələbəsi mütləqdir

Tokio, 6 aprel, AZƏRTAC

Aprelin ilk günlərində Ermənistan-Azərbaycan, Dağlıq Qarabağ münaqişəsi ilə bağlı cəbhədə yaranan gərginlik, Azərbaycan Ordusunun uğurlu əks-hücumu bütün xalqımız kimi, xaricdə yaşayan həmvətənlərimizin də diqqət mərkəzindədir. Bütün dünyada yaşayan azərbaycanlılar müzəffər Azərbaycan Ordusunun zəfər yürüşünü alqışlayır, xalqımız və dövlətimizlə birlikdə olduqlarını bəyan edirlər.

AZƏRTAC-ın Yaponiyadakı müxbiri sərhəd araşdırmaları, milli münaqişələr üzrə mütəxəssis, Hokkaydo Universiteti Xarici Tələbələr Assosiasiyasının fəxri prezidenti, doktorant tələbə Əlibəy Məmmədovla görüşərək baş verənlərlə bağlı onun fikirlərini öyrənib. Əlibəy Məmmədov deyib: Əvvəlcə xalqımızı uzun müddət intizarla gözlədiyi Azərbaycan Ordusunun qələbəsi münasibətilə ürəkdən təbrik edirəm. Bütün xalqımız kimi, biz Yaponiyada yaşayan azərbaycanlılar da bu qələbəyə bütün qəlbimizlə sevinirik. Axır ki, gözlədiyimiz gün gəlib çatdı. Fürsətdən istifadə edib bütün xalqımıza, xüsusən də Azərbaycan Ordusunun qəhrəman əsgərlərinə gözaydınlığı verirəm.

Bildiyiniz kimi, münaqişə tərəfləri arasında atəşkəs haqda razılaşmanın imzalanmasından 22 il ötür. Bu illər ərzində Azərbaycan tərəfi dəfələrlə sülh yolu ilə münaqişənin tənzimlənməsini arzulasa da, bu istiqamətdə gözəçarpan addımlar atsa da, Ermənistan rəhbərliyinin qeyri-konstruktiv mövqeyi nəticəsində heç bir uğur qazanılmayıb. Belə olan halda Azərbaycan müstəqil dövlət olaraq öz torpaqlarını istənilən yolla, hətta müharibə yolu ilə olsa belə azad etməyə hazır olduğunu dəfələrlə vurğulayıb.

1994-cü ildə tərəflər arasında atəşkəs elan edilməsindən sonra Ermənistan-Azərbaycan, Dağlıq Qarabağ münaqişəsi uzun illərdir ki, beynəlxalq aləmdə “dondurulmuş münaqişə” kimi tanınır. Lakin bu heç də belə deyil. Bu illər ərzində Ermənistan tərəfi dəfələrlə atəşkəsi birtərəfli şəkildə pozub. Azərbaycan tərəfi isə layiqli cavab atəşi ilə düşməni geri oturtmağa nail olub. Bu hadisələr zamanı çoxlu sayda Azərbaycan əsgəri şəhidlik zirvəsinə yüksəlib.

2016-cı il aprelin 1-dən 2-nə keçən gecə Ermənistan tərəfinin təxribat xarakterli növbəti addımı baş verib. Onlar bu dəfə sadəcə Azərbaycan mövqelərini deyil, mülki əhalini də hədəfə almaqla iriçaplı silahlardan, pulemyotlardan, artilleriyadan istifadə edərək bizim tərəfi atəşə məruz qoyublar. Bunun nəticəsində mülki əhali arasında itkilər var. Buna cavab olaraq, Silahlı Qüvvələrimizin komandanlığı tərəfindən Ağdərə-Tərtər-Ağdam və Xocavənd-Füzuli istiqamətində cavab tədbirlərinin keçirilməsi barədə qərar qəbul edilib, əks hücumla düşmən geri oturdulub. Rəsmi məlumatlara görə bir çox strateji mövqelər, o cümlədən Naftalan şəhəri və Goranboy rayonu üçün təhlükə törədən Tərtər rayonunun Talış kəndi ətrafındakı strateji yüksəkliklər, həmçinin Seysulan yaşayış məntəqəsi tam azad edilib. Fizuli rayonu istiqamətindəki Lələtəpə yüksəkliyi də azad olunub və ordumuzun tam nəzarəti altındadır. Düşmən meyitləri və silah-sursatı qoyaraq qaçmağa başlayıb. Ermənistan rəhbərliyi tərəfindən dağlıq Qarabağda yaşamağa məcbur edilmiş erməni mülki əhalisi isə geri qayıtmaq üçün işğal olunmuş əraziləri boşaltmaqdadır.

Bu günlər ərzində düşmən tərəfdən generallar da daxil olmaqla 100-lərlə canlı qüvvə və 10-larla hərbi texnika, tanklar məhv edilib. 1994-cü ildə atəşkəs elan edildikdən sonra belə bir güclü qarşıdurma olmayıb.

Azərbaycan Prezidenti, Ali Baş Komandan İlham Əliyev Təhlükəsizlik Şurasının aprelin 3-də çağırılmış toplantısında Azərbaycan xalqını böyük zəfər münasibətilə təbrik edib. Rusiyanın “Ria Novosti” agentliyinin verdiyi məlumata görə artıq Ermənistan prezidenti geriyə addım ataraq “kompromisə hazır olduğunu” bəyan edib.

-Siz sərhəd araşdırmaları, milli münaqişələr üzrə mütəxəssissiz. Beynəlxalq təcrübədə Ermənistan-Azərbaycan, Dağlıq Qarabağ münaqişəsi kimi qarşıdurmalar və onların həlli ilə bağlı hər hansı nümunə varmı və həmin münaqişə necə həll olunub?

– Bildiyiniz kimi, mən Hokkaydo Universitetində doktorantura pilləsində sərhəd araşdırmaları, milli münaqişələrlə bağlı elmi təhlillər aparıram. Bizim tədqiqat mərkəzi yalnız Yaponiyada deyil, bütün dünyada məşhurdur. Burada olduğum dövrdə bir çox milli münaqişələr, ərazi problemləri haqqında oxumuşam, təhlillər aparmışam. Bu günədək hər hansı bir ərazi probleminin, milli münaqişənin sülh yolu ilə həll olunmasına şahid olmamışam. Amma müharibə yolu ilə həll olunmuş münaqişələr mövcuddur. Mən real misal gətirəcəyəm. Şrilanka ərazisində milli münaqişə 1983-cü ilin iyulunda başlamış, 27 il ərzində davamlı olaraq dörd dəfə kəskinləşmiş və 2009-cu ildə hərb yolu ilə bitmişdir. Şrilanka hökuməti ölkə daxilində milli azlıq olan tamillərin separatçı qüvvələrini 2009-cu ildə darmadağın etmiş və onların ölkəni parçalamaq planının həyata keçməsinin qarşısını almışdır. Şrilankada milli çoxluq olan sinhallar və tamillər arasında milli ədavət öncə rəsmi dil ətrafında yaransa da sonradan tamillərin öz hüquqlarının tapdanması və s. kimi iddialarının ortaya çıxması ilə davam etdirilmiş və onlar öz dövlətlərini yaradaraq Şrilankanı parçalamağa cəhd etmişlər. Dağlıq Qarabağ erməniləri də buna bənzər iddialar irəli sürməklə beynəlxalq diqqəti öz üzərilərinə çəkiblər. Guya burada onların hüquqları tapdalanırdı.

Ərazi problemləri və milli problemlərdə görünən mənzərə budur ki, tərəflərdən biri birtərəfli olaraq tam qələbə qazanmadığı təqdirdə münaqişə bitmir. Ermənistandan birbaşa dəstək alan Dağlıq Qarabağdakı qondarma rejim də eynilə Şrilankada tamillər kimi hərəkət edib. Hətta daha irəli gedərək özlərinə “qondarma respublika” da yaradıb. Azərbaycan tərəfinin sülh çağırışlarına məhəl qoymadan işğalı davam etdirməklə, müstəqil Azərbaycan ərazisində separatçı rejim qurublar. Belə olan halda Azərbaycan hökumətinin ordunu tam səfərbər etməklə, beynəlxalq səviyyədə də tanınan öz doğma torpaqlarını separatçı qüvvələrdən tamamilə azad etməyə hüququ çatır. Beynəlxalq normalarda, prinsiplərdə də bu göstərilmişdir. Mən inanıram ki, Azərbaycan öz doğma torpaqlarını azad edərsə böyük dövlətlər qalib və haqlı tərəf olan dövlətimizin yanında olacaqlar. Görünən mənzərə də budur ki, hazırda nə Rusiya, nə Fransa nə də Amerika rəsmi səviyyədə Ermənistanı açıq-aşkar dəstəkləmir. Bundan yararlanaraq torpaqlarımızı işğaldan azad etməyin vaxtı gəlmişdir. Müharibədə əsas lazım olan psixoloji üstünlükdür ki, hazırda bu üstünlük ordumuzun, xalqımızın tərəfindədir. Belə olacağı halda ordumuzun tam qələbəsi mütləqdir.

Vüqar Ağayev

AZƏRTAC-ın xüsusi müxbiri

Tokio

==================================

Mənbə:Azərbaycan Dövlət İnformasiya Agentliyi

http://azertag.az/xeber/Azerbaycanin_Dagliq_Qarabag_munaqisesinde_qelebesi_mutleqdir-940541

 

alibay 1

Hokkaydo Mərkəzi Avrasiya Konfransının sessiyası Dağlıq Qarabağ probleminə həsr edilib

IMGP1149
Professor Tsukimura Taronun tənqidlərini dinləyərkən, 14 dekabr 2015, Hokkaydo Universiteti, Sapporo, Yaponiya

Tokio, 15 dekabr, AZƏRTAC

Dekabrın 14-də Hokkaydo Universitetində professor Uyama Tomohikonun rəhbərlik etdiyi Hokkaydo Mərkəzi Avrasiya Konfransının “Dağlıq Qarabağ probleminə azərbaycanlı məcburi köçkünlərin və ziyalıların mövqeyi” mövzusunda 121-ci sessiyası keçirilib.

Konfransda Hokkaydo Universiteti Əcnəbi Tələbələr Assosiasiyasının prezidenti, Cənubi Kuril Adaları problemi ilə Dağlıq Qarabağ probleminin müqayisəli təhlilini aparan doktorant Əlibəy Məmmədov və “Müstəqil Azərbaycanda siyasi-iqtisadi dəyişikliklər” mövzusunda doktor dərəcəsi almış Taçibana Yu sentyabrda Azərbaycana səfərləri zamanı apardıqları araşdırmanın nəticələri barədə məruzələrlə çıxış ediblər.

Bildirilib ki, səfərin əsas məqsədi Ermənistan-Azərbaycan, Dağlıq Qarabağ münaqişəsi ilə bağlı Azərbaycan cəmiyyətinin mövqeyini araşdırmaqdan ibarət olub.

Əvvəlcə Ə.Məmmədov Bakıda və Bərdədə 200 nəfər məcburi köçkün və 10 nəfər ziyalı ilə keçirdiyi sorğuların nəticələri haqqında məlumat verib. Bildirib ki, Dağlıq Qarabağla bağlı Azərbaycan cəmiyyətində vahid mövqe mövcuddur. İstər iqtidar, istər müxalifət, istərsə də ziyalılar və məcburi köçkünlərin mövqeyi bütün vacib məqamlarda demək olar ki, üst-üstə düşür. Rəyi soruşulanların 94 faizi Dağlıq Qarabağ və ətraf rayonlara geri qayıtmağa hazır olduğunu bildirib. Onların 87 faizi problemin həllinin ilkin şərtinin Ermənistan qoşunlarının işğal etdiyi Azərbaycan ərazilərindən dərhal çıxarılması olduğunu qeyd edib. Məcburi köçkünlərin və ziyalıların əksəriyyəti məsələnin sülh yolu ilə həllinə tərəfdar olduğunu bildirsə də, Azərbaycanın hərb yolu ilə də öz torpaqlarını geri qaytarmaq hüququna sahib olduğunu dəfələrlə vurğulayıb.

Konfransda ermənilərin törətdiyi Xocalı faciəsinə xüsusilə toxunulub və bu faciə əsrin ən ağrılı cinayətlərindən biri kimi pislənilib.

Azərbaycan hökumətinin rəsmilərindən, deputatlardan, alimlərdən, qeyri-hökumət təşkilatlarının və kütləvi informasiya vasitələrinin nümayəndələrindən sitatlar gətirən Ə.Məmmədov bildirib ki, Azərbaycan neftindən gələn ilk gəlirlər məhz məcburi köçkünlərin yaşam səviyyəsinin yaxşılaşdırılmasına yönəldilib. Məcburi köçkünlərin vəziyyətinin yaxşılaşdırılması üçün 93 yeni qəsəbə salınıb və 5,1 milyard manat vəsait xərclənib. Bunun nəticəsində 46 min ailənin, o cümlədən 230 min məcburi köçkünün həyat səviyyəsi kifayət qədər yaxşılaşdırılıb.

Məcburi köçkünlərin əksəriyyəti onlara verilən yeni evlərdən razı qalsa da, ata-baba yurduna – Dağlıq Qarabağa və ətraf rayonlara qayıtmaq istədiklərini bildirib.

Konfransda çıxış edən doktor Taçibana Yu isə Dağlıq Qarabağ probleminin baş verməsinin səbəbləri, sülh danışığı prosesləri, Azərbaycan hökumətinin ədalətli mövqeyi ilə bağlı ətraflı məlumat verib. Bildirib ki, Azərbaycana səfərləri zamanı o, məcburi köçkünlərin həyat şəraitinin yaxşılaşmasının şahidi olub.

Sonda gənc tədqiqatçıların elmi araşdırmalarını yüksək qiymətləndirən Doşişa Universitetinin professoru Tsukimura Taro qeyd edib ki, Yaponiyada bu mövzuda elmi tədqiqatların aparılması mühüm əhəmiyyət kəsb edir. Problemi yalnız siyasətçilərdən deyil, birbaşa problemdən əziyyət çəkən insanlardan öyrənmək çox önəmlidir. O, bundan sonra da bu mövzuda işlərin davam etdirilməsinin vacibliyini vurğulayıb.

Sonda iştirakçıların sualları cavablandırılıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır

 

////////////////////////////////////////////////////////////////////////////////////////////

http://azertag.az/xeber/Hokkaydo_Merkezi_Avrasiya_Konfransinin_sessiyasi_Dagliq_Qarabag_problemine_hesr_edilib-911271

Azərbaycan Respublikasının Diasporla İş Üzrə Dövlət Komitəsi

http://diaspora.gov.az/index.php?options=news&id=11&news_id=3363

Yaponiyada təhsil alan azərbaycanlı tələbə Qaçqınkomda

Qeyd: Bu məqalə 23 Sentyabr 2015-ci ildə, AZƏRTAC-ın rəsmi internet səhifəsinə yerləşdirilmişdir. Əlibəy Əlibəyli bu bloqa sadəcə olaraq bir neçə şəkil əlavə etmişdir.

//////////////////////////////////////////////////////////////////////////////////////////

Bakı, 23 sentyabr, AZƏRTAC

“Yaponiyada təhsil alan azərbaycanlı tələbə Qaçqınların və Məcburi Köçkünlərin İşləri üzrə Dövlət Komitəsində olub”

Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin sədr müavinləri Gəray Fərhadov və Fuad Hüseynov sentyabrın 22-də Yaponiyada təhsil alan və eyni zamanda, Hokkaido Universitetinin Xarici Tələbələr Assosiasiyasının prezidenti Əlibəy Məmmədovla görüşüblər.

Dövlət Komitəsindən AZƏRTAC-a bildiriblər ki, görüşdə Ermənistan-Azərbaycan, Dağlıq Qarabağ münaqişəsi, problemin tarixi, ölkəmizdə olan qaçqın və məcburi köçkünlərin vəziyyəti haqqında məlumatların beynəlxalq aləmdə daha da geniş təbliği üçün ətraflı məlumatın verilməsinə ehtiyac duyduğunu bildirən Ə. Məmmədov ilə geniş fikir mübadiləsi aparılıb.

image
Şəkilin müəlliflik hüququ Qaçqınkoma məxsusdur

Qeyd olunub ki, son 200 ildə Cənubi Qafqaz regionunda gedən mürəkkəb siyasi proseslər nəticəsində azərbaycanlılar bir neçə dəfə öz əzəli yurdlarından zorla köçürülməyə, etnik təmizləmə və deportasiya siyasətinə məruz qalıblar. XIX əsrin əvvəllərindən başlayaraq Qafqazı işğal edən çar Rusiyasının sistemli siyasəti nəticəsində qonşu ölkələrin ərazisindən ermənilərin kütləvi şəkildə Azərbaycana, o cümlədən Dağlıq Qarabağ ərazisinə köçürülməsi həyata keçirilib.

image
Şəkilin müəliflik hüququ Əlibəy Əlibəyli (Məmmədov)-yə məxsusdur.

Həmçinin bildirilib ki, Ermənistan silahlı qüvvələrinin Azərbaycana hərbi təcavüzü nəticəsində torpaqlarımızın 20 faizi – Dağlıq Qarabağ və ona bitişik 7 inzibati rayon işğal olunub, bir milyondan artıq soydaşımız qaçqın və məcburi köçkünə çevrilib, milli-mədəni sərvətlərimiz talan edilib, bütün infrastruktur dağıdılıb.

Vurğulanıb ki, BMT Təhlükəsizlik Şurası Azərbaycanın işğal olunmuş ərazilərinin azad edilməsi, qaçqınların və məcburi köçkünlərin doğma yurdlarına qaytarılması ilə bağlı dörd qətnamə qəbul edib. Ermənistanın təcavüzkar siyasəti ATƏT, AŞPA, İslam Əməkdaşlıq Təşkilatı və digər beynəlxalq təşkilatlar tərəfindən qəbul edilmiş qərar və qətnamələrdə də pislənilib. Təəssüf ki, bu qərar və qətnamələr hələ də kağız üzərində qalır. Beynəlxalq ictimaiyyətin tələblərinə məhəl qoymayan Ermənistan işğal edilmiş Azərbaycan ərazilərində qanunsuz fəaliyyətini davam etdirməkdədir. ATƏT-in Minsk qrupunun vasitəçiliyi ilə 20 ildən artıqdır davam edən danışıqlar prosesi hələ də heç bir nəticə verməyib.
image

image
Şəkilin müəliflik hüququ Əlibəy Əlibəyli (Məmmədov)-yə məxsusdur.

Görüşdə, eyni zamanda, diqqətə çatdırılıb ki, bu münaqişə təkcə Cənubi Qafqaz regionu üçün deyil, bütün dünya üçün təhlükədir. Çünki Ermənistan Azərbaycanın işğal olunmuş ərazilərindən hazırda narkotik vasitələrin daşınmasında tranzit kimi istifadə edir, müxtəlif ölkələrə istiqamətləndirilən terrorçu qruplar hazırlayır. Təcavüzkar Ermənistan ötən 20 ildə torpaqlarımızı işğal altında saxlamaqla heç nəyə nail olmayıb. Bu dövrdə Ermənistanın iqtisadiyyatı daha da ağır vəziyyətə düşüb. Ötən 20 ildə erməni xalqı münaqişədən heç nə qazanmayıb, əksinə çox şey itirib.

Azərbaycan hökuməti qaçqın və məcburi köçkünlərin ehtiyaclarını ödəmək üçün həm hüquqi, həm də sosial-iqtisadi sahədə böyük işlər görür. Azərbaycan Respublikasının Dövlət Neft Fondundan ayrılan vəsait hesabına 90 müasir qəsəbə salınıb. 230 min qaçqın və məcburi köçkün yeni qəsəbələrə köçürülüb və bu proses davam edir. Eyni zamanda, Azərbaycan hökuməti məcburi köçkünlərin Qarabağa “Böyük qayıdış” proqramını hazırlayıb. Ölkədə fəaliyyət göstərən səfirliklər, beynəlxalq təşkilatlar və dövlət qurumlarının nümayəndələri də bu proqramın hazırlanmasına cəlb olunublar.

image

Ətraflı məlumata görə minnətdarlığını bildirən azərbaycanlı tələbə Ə.Məmmədov bildirib ki, Azərbaycana gələrkən məcburi köçkünlərlə görüşüb, onların yaşayış şəraiti ilə maraqlanıb. O, həmçinin qeyd edib ki, əsas məqsədi münaqişə haqqında həqiqətlərin Yaponiyada daha geniş şəkildə yayılmasıdır.

Sonda Ə.Məmmədovu maraqlandıran suallar cavablandırılıb və ona “Qaçqın və məcburi köçkünlərə Prezident qayğısı” kitabı və disk təqdim edilib.

© Materiallardan istifadə edərkən hiperlinklə istinad olunmalıdır
//////////////////////////////////////////////////////////////////////////////////////////////////////////////////////////////
Qeyd: Bu məqalə 23 Sentyabr 2015-ci ildə, AZƏRTAC-ın rəsmi internet səhifəsinə yerləşdirilmişdir.

http://azertag.az/xeber/887108

http://m.azertag.az/xeber/Yaponiyada_tehsil_alan_azerbaycanli_telebe_Qachqinlarin_ve_Mecburi_Kochkunlerin_Isleri_uzre_Dovlet_Komitesinde_olub-887108

http://www.refugees-idps-committee.gov.az/en/news/413.html

http://www.refugees-idps-committee.gov.az/en/news/413.html

#alibay #alibaymammadov #アリベイ #アリベイマムマドフ #Alibay Mammadov #Azerbaijan #NagornoKarabakh #HokkaidoUniversity #Sapporo #AzerbaijanRepublic #アゼルバイジャン #アゼルバイジャン共和国 #Hokkaido #強制移住者 #IDPs #Dagliq Qarabag #Qachkinkom #Mecburi Kochkunler #alibay mammadov #Baku #バクー

Hokkaido Universitetinin alimləri Azərbaycanda səfərdədirlər

“Hokkaido Universitetinin alimləri Azərbaycanda səfərdədirlər QONAQLAR BƏRDƏDƏ QAÇQIN ŞƏHƏRCİYİNDƏ OLUBLAR”

Bugünlərdə Hokkaido Universitetinin Xarici Tələbələr Assosiasiyasının Prezidenti, doktorant tələbə Əlibəy Məmmədov və yaponiyalı tədqiqatçı alim Taçıbana Yu redaksiyamızın qonağı olub.

image
Müəllif hüquqları 525-ci qəzetə məxsusdur.

Əlibəy Məmmədov Bakıda tarixçi ailəsində böyüyüb. 2005-2009-cu illərdə Bakı Dövlət Universitetinin Yapon dili və ədəbiyyatı fakültəsində təhsil alıb.

Yaponiya səfirliyinin keçirdiyi müsabiqədə qalib olan Ə. Məmmədov 2012-ci ildən Yaponiyada yaşayır. Hazırda Yaponiyada dövlət təqaüdləri hesabına təhsil alır, magistr işini də həmin ölkədə müdafiə edib. İndi doktorantura pilləsində təhsilini davam etdirir. Ümumi tədqiqat mövzusu “Ərazi problemləri, sərhəd araşdırmaları və ictimai rəy” olan gənc alim Dağlıq Qarabağ və Cənubi Kuril adaları  probleminin müqayisəli təhlili ilə məşğul olur.

Həmsöhbətimiz sözügedən araşdırma sahəsi ilə bağlı bildirib ki, Dağlıq Qarabağ və Cənubi Kuril adaları problemləri fərqli münaqişələrdir:

“Dağlıq Qarabağ münaqişəsi yenidir, amma İkinci Dünya müharibəsinin bitməsindən və Cənubi Kuril adaları problemindən 70 ilə yaxın bir vaxt keçir. Yaponiyadakı gənc nəsil üçün bu ərazilər o qədər də maraqlı deyil. Hətta yaşlı nəsil də oraya qayıtmaq istəmir. Çünki Yaponiyanın digər şəhərlərində artıq yaşayışlarını, həyatlarını qurublar, övladlarını böyüdürlər. Onları Cənubi Kuril adaları indi ancaq səyahət yeri kimi maraqlandıra bilər, daimi yaşayış haqqında düşünmürlər. Dağlıq Qarabağ münaqişəsi isə bundan fərqlidir. Yaponiya ilə müqayisə etsək, bizdə əvvəlki yaşayış yerinə, yurd-yuvalarına dönmək istəyənlərin sayı çoxdur”.

Gənc alimlərin Azərbaycana budəfəki səfərləri Ermənistan-Dağlıq Qarabağ münaqişəsinin yaratdığı problemlərlə əyani tanışlıq məqsədi daşıyır. Bu məqsədlə tədqiqatçılar Bərdə rayonunda yerləşən qaçqın və məcburi köçkünlər üçün salınmış  şəhərcikdə olublar.

Ə. Məmmədov qeyd edib ki, Hokkaido Universitetinin ayırdığı maliyyə vəsaiti hesabına Azərbaycanda səfərdədirlər:

“Bugünlərdə cənab Taçıbana Yu ilə Bərdədə qaçqın və məcburi köçkünlərlə görüşdük, münaqişənin yaratdığı problemləri onların öz dilindən eşitdik. Hər ikimiz tədqiqatlarımızda yurd-yuvası işğal olunub qaçqın həyatı yaşamağa məcbur olan bu insanların söylədiklərini qeyd etmək niyyətindəyik. Problemin nəzər  tərəfləri ilə əlbəttə, tanışıq. Ancaq fikrimiz həm də münaqişənin nəticələrini öz gözümüzlə müşahidə etmək, bunlarla əyani tanış olmaq idi”.

Hazırda Hokkaido Universitetində tədqiqatçı kimi çalışan 36 yaşlı Taçıbana Yu isə 2013-cü ildə “Azərbaycanın müasir siyasi-iqtisadi dəyişiklikləri” mövzusunda doktorluq işi müdafiə edib.
image

Ə.Məmmədovla 2010-cu ildən tanış olduğunu deyən T. Yu tədqiqat işində bu əməkdaşlığın böyük əhəmiyyət kəsb etdiyini vurğulayıb. Söhbətimizdə T. Yu Azərbaycana böyük maraq göstərdiyini bildirib:

“Sovet İttifaqı dağıldıqdan onun tərkibindən çıxıb müstəqillik qazanan respublikalar maraq dairəmdə idi.

Azərbaycana marağım da bu zaman yarandı. Dağlıq Qarabağ münaqişəsi ilə bağlı televiziyada bir verilişə baxandan sonra bununla bağlı daha ətraflı öyrənməyi qərara aldım.

Düşünürəm ki, Azərbaycan hökuməti bu münaqişəni uzunmüddətli həllini hesablayır. Dağlıq Qarabağ problemini təbii ki, kitablardan, internetdən də araşdırmaq olar. Amma insanların nə fikirləşdiyi, qaçqın və məcburi köçkünlərin düşüncələri bizim üçün daha çox maraq kəsb etdiyi üçün onlarla birbaşa ünsiyyətdə olduq. Jurnalistlər bu barədə əlbəttə, tez-tez yazırlar, ancaq elmi tədqiqatçıların araşdırmalarında bu, çox az rast gəlinir. Biz intervülər götürdük, anket üsulu ilə araşdırmalar apardıq. Yaponiyaya qayıtdıqdan sonra bunun nəticələri ilə bağlı elmi konfrans təşkil etməyi düşünürük”.

image

Azərbaycanla bağlı təəssüratlarını bölüşən yaponiyalı qonaq burada tarixin ruhunun hiss edildiyini deyib:

“Artıq üçüncü dəfədir Azərbaycana gəlirəm. İlk dəfə 2007-ci ildə Bakıda olmuşam. O vaxtdan bəri hər gəlişimdə Azərbaycanın həm paytaxtında, həm bölgələrində müşahidə etdiyim sürətli inkişaf, tərəqqi məni sözün yaxşı mənasında təəccübləndirir. Bütün bunlar müsbət mənada mənim yaddaşımda qalıb. Bu dəfə Bərdədə olarkən yeni salınmış qəsəbədə qaldıq. Həddindən artıq gözəl tikilmiş binalar idi. Orada  Qurban adlı yaşlı bir bəydən intervü götürəndə dedi ki, dövlət tərəfindən qaçqınlar üçün yaxşı şərait yaradılıb, evlər tikilib, ancaq torpaqlar qaytarılsa, bu dəqiqə ayaqyalın oraya qaçar. Bu təsirləndirici fikir heç yadımdan çıxmır. Gələcəkdə də Azərbaycana yenidən səfər etməyi, bu layihəmizi davam etdirməyi düşünürük”.

Müsahibəmiz zamanı türkcə danışan qonağımız sonda qəzetin yaradıcı kollektivinə minnətdarlığını bildirib: “Yaponiyada “525-ci qəzet”in elektron variantını oxuyuram və bu, elmi işlərimdə mənə çox kömək olur”.

Sevinc MÜRVƏTQIZI

//////////////////////////////////////////////
Qeyd:Bu məqalə 525-ci qəzetin 23 Sentyabr 2015-ci il, çərşənbə N 174 (4430) sayında dərc olunmuşdur.
Müəllif hüquqları tamamilə 525-ci qəzetə məxsusdur. İstifadə zamanı 525-ci qəzetdən sitat gətirilməlidir.

http://525.az/site/?name=xeber&news_id=42600