Yaponiyanın internet televiziyası Dünya Azərbaycanlılarının Həmrəylik Gününə həsr edilmiş veriliş yayımlayıb

Tokio, 29 dekabr, AZƏRTAC

Yaponiyanın “World Investors TV” internet televiziyasının 2015-ci il üçün sonuncu buraxılışı Dünya Azərbaycanlılarının Həmrəylik Gününə həsr edilib.

Verilişin qonağı Hokkaydo Universiteti Əcnəbi Tələbələr Assosiasiyasının prezidenti, doktorant Əlibəy Məmmədov bu günün tarixçəsi haqqında tamaşaçılara ətraflı məlumat verib. Bildirib ki, 1991-ci il dekabrın 16-da, o zaman Naxçıvan Muxtar Respublikası Ali Məclisinin sədri, sonradan müstəqil Azərbaycan Respublikasının Prezidenti olmuş ümummilli lider Heydər Əliyev dünya azərbaycanlılarının birliyini yaratmağın əhəmiyyətini nəzərə alaraq dekabrın 31-ni Dünya Azərbaycanlılarının Həmrəylik Günü elan edib. Beləliklə, bütün azərbaycanlılar üçün əziz olan 31 dekabr Dünya Azərbaycanlılarının Həmrəylik Günü dövlət səviyyəsində bayram edilməyə başlanılıb. Təkcə Azərbaycanda deyil, dünyanın müxtəlif ölkələrində yaşayan həmvətənlərimiz bu günü böyük fəxr və qürur hissi ilə qeyd etməkdədirlər.

Tamaşaçıların diqqətinə çatdırılıb ki, azərbaycanlılar minilliklər boyu dünya sivilizasiyasına, mədəniyyətinə böyük töhfələr veriblər. Müharibələr, inqilablar, hərbi münaqişələr, dünyada gedən müxtəlif ictimai-siyasi proseslər nəticəsində Azərbaycan dəfələrlə parçalanıb, azərbaycanlıların bir çoxu öz doğma yurd-yuvalarından didərgin düşüb, deportasiyalara məruz qalıb. İş tapmaq, təhsil almaq məqsədilə doğma yurdu tərk edərək başqa ölkələrdə məskunlaşan azərbaycanlılar da var. Beləliklə, onlar tarixi Azərbaycan torpaqlarından bütün dünyaya yayılıblar və hazırda dünyanın bir çox ölkələrində, o cümlədən Yaponiyada yaşayırlar. İyirmi ildən çoxdur ki, 31 dekabr Dünya Azərbaycanlılarının Həmrəylik Günü kimi dünyanın müxtəlif ölkələrində yaşayan həmvətənlərimiz tərəfindən böyük ehtiramla qeyd olunur. Bu gün Azərbaycan diasporu üçün ən mühüm bayramlardan birinə çevrilib.

Verilişin aparıcısı Kazuyasu İşida Dünya Azərbaycanlıların Həmrəylik Günü ilə bağlı dost Azərbaycan xalqını təbrik edib, növbəti ildə də ölkəmizlə bağlı xüsusi verilişlər hazırlayacaqlarını bildirib.

Vüqar Ağayev

AZƏRTAC-ın xüsusi müxbiri

Tokio

Qeyd: Məqalədən istifadə zamanı AZƏRTAC-a istinad edilməlidir.

/////////////////////////////////////////////////////////////////

http://azertag.az/xeber/Yaponiyanin_internet_televiziyasi_Dunya_Azerbaycanlilarinin_Hemreylik_Gunune_hesr_edilmis_verilis_yayimlayib-915442

 

Həmrəylik günü 2

Digər xəbər agentliklərində bu haqda məlumat verilib:

  1. Hakim partiya “YAP” (Yeni Azərbaycan Partiyası)-ın homepage-də:

http://www.yap.org.az/az/view/news/10773/yaponiyanin-internet-televiziyasi-dunya-azerbaycanlilarinin-hemreylik-gunune-hesr-edilmish-verilish-yayimlayib

2. AZTV-nin rəsmi saytında:

http://www.aztv.az/readnews.php?lang=az&id=22850

3.

http://sia.az/az/news/social/521223-world-investors-tv-hemreylik-gunune-verilis-hesr-etdi

http://www.olaylar.az/news/social/154986

 

Advertisements

Yaponiyada Dünya Azərbaycanlılarının Həmrəylik Günüylə bağlı veriliş

ƏLİBƏY MƏMMƏDOV: “YAPONİYANIN BİZNES ALƏMİNDƏ AZƏRBAYCAN ADI TEZ-TEZ EŞİDİLMƏYƏ BAŞLAYIB”

Dekabrın 28-də Yaponiyanın “World Investors” internet televiziya kanalının 2015-ci il üçün sonuncu canlı buraxılışı Dünya Azərbaycanlılarının Həmrəylik gününə həsr edilib.

Verilişin xüsusi qonağı olan Hokkaydo Universiteti Xarici Tələbələr Assosiasiyasının prezidenti, siyasi elmlər üzrə doktorant tələbə Əlibəy Məmmədov Azərbaycanın milli bayramları haqqında ətraflı məlumat verib.

Verilişin aparıcısı İşida Kazuyasu bildirib ki, Azərbaycanı Yaponiyada tanıtmağa çox böyük ehtiyac var.

Son 3 il ərzində İşida Kazuyasu 12 dəfə

Həmrəylik günü 2.JPG
28/12/2015 Tokyo, Roppongi, Canlı yayım

da səfərdə olub və 300 nəfərdən çox kiçik və orta sahibkarları Azərbaycana aparıb.

Ə. Məmmədov bildirib ki, bütün bunların sayəsində Yaponiyanın biznes aləmində də Azərbaycan adı tanınmağa, tez-tez eşidilməyə başlayıb: “Sosial şəbəkələrdə yapon dilində Azərbaycanla bağlı qruplar, səhifələr açılıb və minlərlə insan bunun vasitəsilə Azərbaycan haqqında məlumatlandırılıb”.

Ə.Məmmədov Azərbaycanın geostrateji əhəmiyyəti barədə danışdıqdan sonra, ölkəmizin milli bayramları haqqında məlumat verib.

Dünya Azərbaycanlıların Həmrəylik Günü bayramından danışan həmyerlimiz qeyd edib ki, 1989-cu ilin dekabr ayında Şimali və Cənubi Azərbaycanda yaşayan həmyerlilərimiz tərəfindən arada olan sərhəd dirəkləri dağıdılmaqla həmrəylik nümayiş etdirilib: “Həmin ərəfədə İstanbulda türkdilli dövlətlərin konfransı keçirilib. Bu konfransda Dünya Azərbaycanlılarının Həmrəylik gününün qeyd olunması qərara alınıb”.

525ci qezet hemreylik gunu

Ə.Məmmədov bildirib ki, 1991-ci ilin 16 dekabrında Naxçıvan Muxtar Respublikasının Ali Məclisinin sədri, sonradan müstəqil Azərbaycan Respublikasının prezidenti olmuş Heydər Əliyev Dünya Azərbaycanlılarının birliyini yaratmağın əhəmiyyətini nəzərə alaraq dekabrın 31-ni Dünya Azərbaycanlılarının Həmrəylik Günü elan edib: “Bununla bütün azərbaycanlılar üçün əziz olan 31 dekabr Dünya Azərbaycanlılarının Həmrəylik Günü bayram edilməyə başlanılıb. Bu bayram tək Azərbaycanda deyil, dünyanın müxtəlif ölkələrində yaşayan həmvətənlərimiz tərəfindən  fəxr və qürur hissi ilə qeyd olunur”.

Əlibəy Məmmədov deyib ki, 31 dekabr – Dünya Azərbaycanlılarının Həmrəylik Günü bayramı dünyanın 80-a yaxın ölkəsində yaşayan, bu ölkələrdə təhsil alan və işləyən həmvətənlərimiz tərəfindən canfəşanlıqla qeyd olunur: “Bu gün Azərbaycan diasporu üçün də ən vacib bayramlarından birinə çevrilib. Son illər Həmrəylik günü bayramı miqyasına görə, Yeni il bayramını da ötüb keçib. Bu sadəcə azərbaycanlıların deyil, ölkə daxilində və xaricdə yaşayan həmvətənlərimizin xarici dostları, iş yoldaşları üçün də xüsusi bayrama çevrilməkdədir”.

Ə. Məmmədov qeyd edib ki, azərbaycanlıların çox olduğu ölkələrdə -Rusiya, Türkiyə, eləcə də müxtəlif Avropa ölkələrində diaspora fəaliyyətimiz yüksək səviyyədə təşkil olunub. “Bunun nəticəsində Azərbaycan daha çox tanınır və ölkəmizə olan maraq günü-gündən artır. Amma Azərbaycanın kifayət qədər tanınmadığı ölkələr də var. Yaponiya, Cənubi Koreya kimi Uzaq Şərq ölkələrində Azərbaycanın tanıtımı o qədər də ürəkaçan səviyyədə deyil”.

Həmyerlimiz qeyd edib ki, adi tələbəsindən tutmuş dövlət rəsmilərinə qədər, şirkət işçilərindən tutmuş ailə üzvlərinə qədər, hər bir azərbaycanlı üçün Azərbaycanın tanıtımı bir nömrəli vəzifəyə çevrilməlidir: “Azərbaycançılıq məfkurəsi daha da möhkəmləndirilməlidir. Bu bir növ mənəvi ehtiyaca çevrilməlidir”.

Verilişin aparıcısı və prodüseri İşida Kazuyasu Dünya Azərbaycanlıların Həmrəylik Günü ilə bağlı Əlibəy Məmmədovun açıqlamalarından sonra bildirib ki, yaponların da belə bir günə ehtiyacı var: “Yaponlar hal-hazırda ayrı-ayrılıqda fəaliyyət göstərirlər. Onları bir araya gətirəcək, bir yumruq edəcək bir günə ehtiyac var. Dünya Azərbaycanlılarının Həmrəylik Günü buna çox gözəl bir nümunə ola bilər”.

Verilişin sonunda Əlibəy Məmmədov və İşida Kazuyasu 2016-cı ildə də Azərbaycanla bağlı xüsusi verilişlər hazırlayacaqlarını bildiriblər.

Qeyd edək ki, bu həmyerlimizin sözügedən verilişdə 3-cü çıxışıdır. İlk çıxışını cari ilin oktyabr ayında Azərbaycana yapon şirkətlərinin axını mövzusunda etdikdən sonra, noyabr ayında olan ikinci çıxışını Azərbaycan Dövlət Bayrağı günü, Konstitusiya günü və Milli Dirçəliş gününə həsr edib. Hər iki verilişdə həmyerlimizin çıxışı böyük maraqla qarşılanıb.

Ceyhun ABASOV

/////////////////////////////////////////////////////////////////////////////////////////

Qeyd: Bu məqalədən istifadə zamanı 525-ci qəzetə istinad edilməlidir.

http://525.az/site/?name=xeber&news_id=48764

 

2015 год был успешным

Поздравляю всех Азербайджанцев мира, в связи с Днем Солидарности и Всех с Наступающим Новым 2016 годом.

2015 год был удачным для меня, так как я получил степень Магистра в Университете Хоккайдо и успешно поступил на Докторантуру. Также мне было приятно быть избранным во 2ой раз в качестве Президента Ассоциации Иностранных Студентов в Университете Хоккайдо, благодаря чему мне удалось основать хорошие отношения между иностранными студентами и руководителями университета, а так же с управляющими компаниями в городе Саппоро и его жителями.

Помимо этого, в 2015 году мне удалось неоднократно представлять интересы Азербайджана в Японии. Что было так же представлено в медии Азербайджана много раз.

Пока что не так много получено результатов, но все-таки достигнутое, является результатом того, что вокруг меня было много людей, которые сотрудничали и поддерживали меня на протяжении всего этого времени.

Надеюсь на Вашу дальнейшую поддержку и сотрудничество так же в  2016 году. Пусть этот год будет удачным для нас всех и принесет много успехов и радости.

С Уважением,

Алибей Мамедов

31.12.2015

img107

 

2015-ci il üçün təşəkkürnamə

Dünya Azərbaycanlılarının Həmrəylik Günü bayramı və qarşıdan gələn yeni iliniz mübarək olsun.

Bu il  ərzində bir çox insanların yardım əlini hiss etdim. Üzdə edə bilməyib, qəlblərində mənə dəstək nümayiş etdirənləri də gördüm. Buradan hər birinə minnətdarlığımı bildirmək istəyirəm.

Mənim üçün, 2015-ci il çox uğurlu keçdi. Hokkaydo Universitetində magistraturanı uğurla bitirib, inamla doktorantura pilləsinə irəliləyə bildim. Eyni zamanda, Hokkaydo Universitetinin Xarici Tələbələr Assosasiyasına ikinci müddətə prezident seçildim. Bunun sayəsində, universitetimizin tələbələri ilə universitet rəhbərliyi, şirkətlər və Sapporo şəhər ziyalıları arasında körpü rolunu oynamağı bacardım.

Üstəlik, Yaponiyada fəaliyyət göstərən azərbaycanlı kimi bir çox məqamlarda ölkəmizi təmsil etmək, təbliğ etmək şansları əldə etdim. Azərbaycanda da mediada fəaliyyətim dəfələrlə işıqlandırıldı.

Əlbəttə, uğurlarımın sayı o qədər də çox olmasa belə, bütün bu nəticələri əldə etməyim hamısı Sizlərin, ətrafımda olan insanların əməkdaşlığı sayəsində mümkün olmuşdur. Sizlərin yardımı, əməkdaşlığı, dəstəyi olmasa idi, bunları əldə edə bilməyəcəkdim.

Bu yay, sevdiyim qadınla ailə həyatı qurmağımla da əlamətdar oldu. 2016-cı ildə ev işləri və övladlarımızın tərbiyəsi ilə məşğul olmaq nəsibimiz olsun.

2016-cı ildə də Sizlərin dəstəyinə və yardımına böyük ehtiyacım var. Bunu məndən əsirgəməyin.

Hörmətlə, Sizin Əlibəy Məmmədov

Tokyo

31 Dekabr 2015-ci il

img571
Mart 2015, Kyoto

Azərbaycan Yaponiyada keçirilən Beynəlxalq Mədəniyyət Festivalında təmsil olunub

Yaponiyanın Hokkaydo Universitetində keçirilən Beynəlxalq Mədəniyyət Festivalında  Azərbaycan yüksək səviyyədə təmsil olunub. Hər dəfə yeni il ərəfəsində Hokkaydo Universiteti Xarici Tələbələr Assosasiyasının (HUISA – Hokkaido University International Students Association) təşkilati dəstəyi və sponsorluğu ilə keçirilən festivalda ölkəmizin təmsilçiləri  Hokkaydo Universiteti Xarici Tələbələr Assosasiyasının prezidenti, doktorant tələbə Əlibəy Məmmədov və bu universitetin Biznesin İdarəsi və Menecement fakültəsində magistr təhsili alan Qabil Əliyev olub.

Əlibəy Məmmədovbildirib ki, bir-birindən gözəl, möhtəşəm çıxışları izləmək üçün hər il yüzlərlə insan festivala qatılır, Sapporo şəhər rəhbərliyinin yüksək vəzifəli şəxsləri və şəhər ziyalıları festivalı izləməyə gəlir. Bu dəfəki festivalda təmsil olunan ökələrin  milli rəqsləri və milli musiqiləri daha çox diqqət çəkib.

Tədbirin təşkilatı işləri ilə məşğul olan Əlibəy Məmmədov festivalda Azərbaycan rəqsləri, digər təmsilçimiz Qabil Əliyev isə Azərbaycan musiqisi haqqında geniş çıxış edib. Azərbaycan musiqisinin köklərinin qədim dövrlərə dayandığı bildirilib. Qobustanda qayaüstü rəsmlərdən (yallı-rəqs) başlayaraq Azərbaycanda melodiya və ritm zənginliyi ilə fərqlənən çox sayda mahnılar,  “Kitabi-Dədə Qorqud” dastanından bizə gəlib çıxan qopuz, saz, aşıq sənəti, xalq musiqisi haqqında məlumat verilib. Azərbaycanlı tələbələrin çıxışları Azərbaycanın xalq artisti Çingiz Mehdiyevin ifasında “Qaval daşı”, Mənsum İbrahimovdan “Səni qəmli görəndə”, Alim Qasımov və Fərqanə Qasımovanın muğamla sintez şəklində ifa etdiyi “Say it right (Nelly Furtado)” mahnıları ilə müşayiət olunub. Daha sonra “Yenilməz batalyon” filminin musiqisi barədə məlumat verən Q.Əliyevin bu musiqini canlı ifa etməsi izləyicilərdə xüsusi maraq oyadıb.

Sonda iştirakçılara sertifikatlar və pul mükafatları  təqdim edilib.

OLYMPUS DIGITAL CAMERA
Yaponiyanın Hokkaydo Universitetində keçirilən Beynəlxalq Mədəniyyət Festivalında Azərbaycanı təmsil edərkən, 19 dekabr 2015-ci il

///////////////////////////////////////////////////////////////////////////////////

Mənbələr:

http://diaspora.gov.az/index.php?options=news&id=11&news_id=3368

http://salamnews.org/az/news/read/201625

http://az.trend.az/azerbaijan/society/2473042.html

/////////////////////////////////////////////////////////////////////////////////

Yaponiyada keçirilən Beynəlxalq Mədəniyyət Festivalında Azərbaycan musiqisi səslənib

OLYMPUS DIGITAL CAMERA
Yaponiyanın Hokkaydo Universitetində keçirilən Beynəlxalq Mədəniyyət Festivalında, 19 dekabr 2015-ci il

Tokio, 23 dekabr, AZƏRTAC

Yaponiyanın Hokkaydo Universitetində keçirilən Beynəlxalq Mədəniyyət Festivalında (International Cultural Festival 2015) Azərbaycan da təmsil olunub. Ənənəvi olaraq hər il təşkil olunan festival yeni il ərəfəsində Hokkaydo Universiteti Əcnəbi Tələbələr Assosiasiyasının (HUISA) təşkilati dəstəyi ilə reallaşıb.

HUISA-nın prezidenti, doktorant tələbə Əlibəy Məmmədov AZƏRTAC-ın Yaponiyadakı xüsusi müxbirinə bildirib ki, hər il təşkil olunan festivalda bir-birindən gözəl çıxışları izləmək üçün yüzlərlə insan qatılır. Bu ilki festival isə Sapporo şəhər meriyasının nümayəndələrinin və şəhər ziyalılarının onu izləməyə gəlməsi ilə daha da yaddaqalan olub. Müxtəlif ölkələri təmsil edən tələbələr milli geyimlərində milli rəqsləri və musiqi nömrələrini nümayiş etdiriblər.

Universitetdə təhsil alan həmyerlilərimiz də festivalda Azərbaycan rəqslərini təqdim ediblər. Azərbaycanın “Naz eləmə” rəqsi barədə iştirakçılara ətraflı məlumat verilib, rəqsin video görüntüsü nümayiş olunub. Çıxış bitdikdən sonra bir çox tamaşaçılar Azərbaycan rəqsləri ilə bağlı maraqlarını ifadə ediblər.

Universitetin biznesin idarəolunması və menecment fakültəsinin magistr tələbəsi Qabil Əliyev tamaşaçılara Azərbaycan musiqi sənəti haqqında ətraflı məlumat verib. Azərbaycan musiqisinin köklərinin qədim dövrlərə gedib çıxdığını qeyd edən həmyerlimiz bildirib ki, Azərbaycanda melodiya və ritm zənginliyi ilə fərqlənən çoxlu sayda xalq mahnıları var. Tamaşaçılara UNESCO-nun qeyri-maddi mədəni İrs siyahısına daxil edilmiş muğam sənəti barədə də ətraflı məlumat verilib.

Azərbaycanın xalq artisti Çingiz Mehdiyevin ifasında “Qaval daşı”, Məsum İbrahimovun ifasında “Səni qəmli görəndə”, Alim Qasımov və Fərqanə Qasımovanın muğamla sintez şəklində ifa etdiyi “Say it right (Nelly Furtado)” mahnıları səsləndirilib.

Q.Əliyev 1965-ci ildə ekranlaşdırılmış Çar Rusiyasına qarşı qiyamı əks etdirən “Yenilməz batalyon” filminin musiqisi haqda məlumat verib və ekran əsərindəki mahnını canlı səsləndirib. Həmyerlilərimizin çıxışları izləyiçilər tərəfindən maraqla qarşılanıb.

Vüqar Ağayev

AZƏRTAC-ın xüsusi müxbiri

Tokio

///////////////////////////////////////////////////////////////////////////////////////////

http://azertag.az/xeber/Yaponiyada_kechirilen_Beynelxalq_Medeniyyet_Festivalinda_Azerbaycan_musiqisi_seslenib-913553

//////////////////////////////////////////////////////////////////////////////////////////

PCS00015

Azərbaycan Yaponiyada Beynəlxalq Mədəniyyət Festivalında

TƏDBİRDƏ ÖLKƏMİZİ HOKKAYDO UNİVERSİTETİNDƏ TƏHSİL ALAN ƏLİBƏY MƏMMƏDOV VƏ QABİL ƏLİYEV TƏMSİL EDİB

OLYMPUS DIGITAL CAMERA
Azərbaycanı Yaponiyada Beynəlxalq Mədəniyyət Festivalında təmsil edərkən. Bayrağımız daha bir zirvədə dalğalandı.

Dekabrın 19-da Yaponiyanın Hokkaydo Universitetində keçirilən Beynəlxalq Mədəniyyət Festivalında Azərbaycan yüksək səviyyədə təmsil olunub.

Qeyd edək ki, sözügedən festival hər yeni il ərəfəsində Hokkaydo Universiteti Xarici Tələbələr Assosiasiyasının (HUISA) təşkilati dəstəyi və sponsorluğu ilə keçirilir. Hokkaydo Universitetində 1822 xarici tələbə təhsil alır ki, bunlardan cəmi ikisi azərbaycanlıdır. Onlardan biri isə məhz sözügedən Hokkaydo Universiteti Xarici Tələbələr Assosiasiyasının prezidenti, siyasi elmlər üzrə doktorant tələbə Əlibəy Məmmədovdur.

Əlibəy Məmmədov 2014-cü il may ayının 15-də ilk dəfə, 2015-ci il aprel ayının 23-də isə ikinci müddətə universitetin xarici tələbələri tərəfindən assosiasiyanın prezidenti seçilib. Onun sözlərinə görə, hər il sözügedən mədəniyyət festivalında bir-birindən gözəl, möhtəşəm çıxışları izləmək üçün yüzlərlə insan festivala qatılır. Bu il Sapporo şəhər İcra Hakimiyyətindən yüksək vəzifəli şəxslərin və şəhər ziyalılarının festivalı izləməyə gəlməsi ilə də yadda qalan olub.

Beynəlxalq Mədəniyyət Festivalı Hokkaydo Universitetinin dəstəyi ilə ötən il olduğu kimi bu ildə universitetin ən gözəl və geniş zallarından biri olan, eyni zamanda, ən müasir tələblərə cavab verən “Klark” zalında təşkil olunub. Əlibəy Məmmədov qeyd edib ki, bu zalda festivalı keçirmək üçün hələ ötən ildən universitet rəhbərliyinə müraciət edilib. İştirakçılar öz milli geyimlərində çıxış ediblər. Ən çox maraq dairəsində olan çıxışlar isə milli rəqslər və milli musiqilər olub.

Əlibəy Məmmədovun sözlərinə görə, bu il festivalın səviyyəsini daha da artırmaq məqsədilə Sapporo Ohdori Lions Club və Hokkaydo Universiteti Beynəlxalq Əlaqələr şöbəsinin üzvlərindən ibarət münsiflər heyəti təşkil olunub və maraqlı çıxışları ilə seçilən iştirakçılara pul mükafatları da təqdim edilib. Bundan əlavə, iştirakçılara yüksək keyfiyyətli, Hokkaydo Universiteti Xarici Tələbələr Assosiasiyasının, Hokkaydo Universitetinin, Sapporo Ohdori Lions Club-un loqosu da daxil olan xüsusi sertifikatlar təqdim edilib.

Ə.Məmmədov qeyd edib ki, o festivalın təşkilati işləri ilə həddindən artıq məşğul olsa da, festivalda Azərbaycan rəqsləri ilə bağlı xüsusi çıxış edib. Əvvəlcə Hokkaydo Universitetinin Xarici Tələbələr Assosiasiyasının prezidenti kimi 2015-ci ildə əldə etdiyi uğurlardan danışan həmyerlimiz bildirib ki, 2015-ci ildə ilk böyük işləri cari ilin fevral ayında Sapporo şəhərində keçirilən və 1 həftə ərzində 2 milyondan çox turistin qatıldığı Sapporo Beynəlxalq Qar Festivalında tarixdə ilk dəfə olaraq Azərbaycanın təmsil olunması olub.

Ə. Məmmədov qeyd edib ki, Yaponiyada Qar Festivalında Azərbaycanın təmsil olunması bir tarixi hadisə idi.

Universitetin xarici tələbələri, məktəblilər, şəhər ziyalılarının yaxından iştirakı və Sapporo Ohdori Lions Clubun maliyyə dəstəyi ilə12-ci əsrin tarixi abidəsi sayılan Qız Qalası və Azərbaycanın milli geyimlərində olan həmyerlilərimizin qarda heykəlcikləri hazırlanıb.

Qeyd edək ki, Qız Qalası və Milli geyimlərin qardan heykəlciklərinin hazırlanması təşəbbüsü ilə həmyerlimiz Ə.Məmmədov hələ 2014-cü ilin oktyabr ayında çıxış edib.

525 Azer. Beyn. Med. Fes.
525-ci qəzetin 23 Dekabr 2015-ci il nəşrindən

Ə. Məmmədov çıxışının ikinci hissəsini Azərbaycan toylarının ayrılmaz bir parçasına çevrilən “Naz eləmə” rəqsinə yönəldib. O izləyicilərə “Naz eləmə” rəqsi haqqında açıqlama verərək, onun Azərbaycan cəmiyyətində olan yerindən söz açıb. Rəqslə bağlı professional video nümayiş etdirilib. O qeyd edib ki, çıxış bitdikdən sonra bir çox insanlar Azərbaycan rəqsləri ilə bağlı öz xüsusi maraqlarını ifadə ediblər. Onların içərisində Azərbaycana getmək istədiklərini bildirənlər də az olmayıb.

Hokkaydo Universitetinin Biznesin İdarəsi və Menecment fakültəsi üzrə magistr təhsili alan digər həmyerlimiz Qabil Əliyev Beynəlxalq Mədəniyyət Festivalında uğurla çıxış edərək Azərbaycan musiqisi haqqında ətraflı məlumat verib.

O bildirib ki, Azərbaycan musiqisinin kökləri qədim dövrlərə dayanır: “Qobustanda qayaüstü rəsmlərdən (yallı-rəqs) başlayaraq, Azərbaycanda melodiya və ritm zənginliyi ilə fərqlənən çoxlu sayda mahnılar var. Bundan əlavə Azərbaycanın klassik musiqi sərvəti olan muğamlar milli musiqi mədəniyyətinin əhəmiyyətli bir hissəsini təşkil edir. Azərbaycan musiqi sənəti tarixinə çoxlu görkəmli muğam ustaları – ifaçılar daxildir. Onlar arasında Qarabağ xanəndələrinin xüsusi yeri var. Mirmövsüm Nəvvab, Cabbar Qaryağdıoğlu, Xan Şuşinski, Bülbül və digərlərinin adlarını çəkmək olar.”

Daha sonra Q.Əliyev “Kitabi-Dədə Qorqud” dastanından bizə gəlib çıxan qopuz, saz, aşıq sənəti haqqında məlumat verib, xalq musiqisindən danışıb. O Azərbaycanda, həmçinin, caz, rok, pop kimi müasir musiqi janrlarının inkişaf etdiyini xüsusilə vurğulayıb.

Çıxış zamanı Azərbaycanın Xalq artisti Çingiz Mehdiyevin ifasında “Qaval daşı”, Mənsum İbrahimovdan “Səni qəmli görəndə”, Alim Qasımov və Fərqanə Qasımovanın muğamla sintez şəklində ifa etdiyi “Say it right (Nelly Furtado)” mahnısı səsləndirilib.

Daha sonra Q.Əliyev 1965-ci ildə ekranlaşdırılan Çar hakimiyyətinə qarşı qiyamı əks etdirən “Yenilməz batalyon” filminin musiqisi haqqında məlumat verib və mahnını canlı ifa edib. Onun canlı ifası izləyicilərdə xüsusi maraq oyadıb. Sonda filmdən fraqment səsləndirilib.

Qeyd edək ki, hər iki həmyerlimiz Yaponiyanın Azərbaycandakı Səfirliyində keçirilən imtahanlarda birinci yerə çıxaraq (Əlibəy Məmmədov 2011-ci ildə, Qabil Əliyev 2013-cü ildə), Yaponiya hökumətinin dövlət təqaüdləri hesabına Hokkaydo Universitetində təhsil almağa göndəriliblər.

Onu da əlavə edək ki, ötən il olduğu kimi bu ildə festivalda İndoneziya, Banqladeş və Hindistan təmsilçiləri xüsusi fəallıqları ilə seçiliblər. Sonra çıxışçılar və münsiflər heyəti ilə xatirə şəkli çəkilib.

Ceyhun ABASOV

/////////////////////////////////////////////////////////////////////////////////////////

Qeyd: Bu mətn 525-ci qəzetin 16 Dekabr 2015-ci il sayında nəşr edilmişdir. İstifadə zamanı ilkin mənbəyə (525-ci qəzetə) istinad etmək zəruridir.

http://525.az/site/?name=xeber&news_id=48392

/////////////////////////////////////////////////////////////////////////////////////////

PCS00015
Uyğur türkləri ilə Azərbaycan rəqsi oynayarkən
IMG_1571
2015-ci il Fevral ayında Sapporo Qar Festivalında Azərbaycanın Qız Qalası və milli geyimli həmvətənlərimizin qardan heykəlciklərini hazırlamışdıq.

Hokkaydo Mərkəzi Avrasiya Konfransının sessiyası Dağlıq Qarabağ probleminə həsr edilib

IMGP1149
Professor Tsukimura Taronun tənqidlərini dinləyərkən, 14 dekabr 2015, Hokkaydo Universiteti, Sapporo, Yaponiya

Tokio, 15 dekabr, AZƏRTAC

Dekabrın 14-də Hokkaydo Universitetində professor Uyama Tomohikonun rəhbərlik etdiyi Hokkaydo Mərkəzi Avrasiya Konfransının “Dağlıq Qarabağ probleminə azərbaycanlı məcburi köçkünlərin və ziyalıların mövqeyi” mövzusunda 121-ci sessiyası keçirilib.

Konfransda Hokkaydo Universiteti Əcnəbi Tələbələr Assosiasiyasının prezidenti, Cənubi Kuril Adaları problemi ilə Dağlıq Qarabağ probleminin müqayisəli təhlilini aparan doktorant Əlibəy Məmmədov və “Müstəqil Azərbaycanda siyasi-iqtisadi dəyişikliklər” mövzusunda doktor dərəcəsi almış Taçibana Yu sentyabrda Azərbaycana səfərləri zamanı apardıqları araşdırmanın nəticələri barədə məruzələrlə çıxış ediblər.

Bildirilib ki, səfərin əsas məqsədi Ermənistan-Azərbaycan, Dağlıq Qarabağ münaqişəsi ilə bağlı Azərbaycan cəmiyyətinin mövqeyini araşdırmaqdan ibarət olub.

Əvvəlcə Ə.Məmmədov Bakıda və Bərdədə 200 nəfər məcburi köçkün və 10 nəfər ziyalı ilə keçirdiyi sorğuların nəticələri haqqında məlumat verib. Bildirib ki, Dağlıq Qarabağla bağlı Azərbaycan cəmiyyətində vahid mövqe mövcuddur. İstər iqtidar, istər müxalifət, istərsə də ziyalılar və məcburi köçkünlərin mövqeyi bütün vacib məqamlarda demək olar ki, üst-üstə düşür. Rəyi soruşulanların 94 faizi Dağlıq Qarabağ və ətraf rayonlara geri qayıtmağa hazır olduğunu bildirib. Onların 87 faizi problemin həllinin ilkin şərtinin Ermənistan qoşunlarının işğal etdiyi Azərbaycan ərazilərindən dərhal çıxarılması olduğunu qeyd edib. Məcburi köçkünlərin və ziyalıların əksəriyyəti məsələnin sülh yolu ilə həllinə tərəfdar olduğunu bildirsə də, Azərbaycanın hərb yolu ilə də öz torpaqlarını geri qaytarmaq hüququna sahib olduğunu dəfələrlə vurğulayıb.

Konfransda ermənilərin törətdiyi Xocalı faciəsinə xüsusilə toxunulub və bu faciə əsrin ən ağrılı cinayətlərindən biri kimi pislənilib.

Azərbaycan hökumətinin rəsmilərindən, deputatlardan, alimlərdən, qeyri-hökumət təşkilatlarının və kütləvi informasiya vasitələrinin nümayəndələrindən sitatlar gətirən Ə.Məmmədov bildirib ki, Azərbaycan neftindən gələn ilk gəlirlər məhz məcburi köçkünlərin yaşam səviyyəsinin yaxşılaşdırılmasına yönəldilib. Məcburi köçkünlərin vəziyyətinin yaxşılaşdırılması üçün 93 yeni qəsəbə salınıb və 5,1 milyard manat vəsait xərclənib. Bunun nəticəsində 46 min ailənin, o cümlədən 230 min məcburi köçkünün həyat səviyyəsi kifayət qədər yaxşılaşdırılıb.

Məcburi köçkünlərin əksəriyyəti onlara verilən yeni evlərdən razı qalsa da, ata-baba yurduna – Dağlıq Qarabağa və ətraf rayonlara qayıtmaq istədiklərini bildirib.

Konfransda çıxış edən doktor Taçibana Yu isə Dağlıq Qarabağ probleminin baş verməsinin səbəbləri, sülh danışığı prosesləri, Azərbaycan hökumətinin ədalətli mövqeyi ilə bağlı ətraflı məlumat verib. Bildirib ki, Azərbaycana səfərləri zamanı o, məcburi köçkünlərin həyat şəraitinin yaxşılaşmasının şahidi olub.

Sonda gənc tədqiqatçıların elmi araşdırmalarını yüksək qiymətləndirən Doşişa Universitetinin professoru Tsukimura Taro qeyd edib ki, Yaponiyada bu mövzuda elmi tədqiqatların aparılması mühüm əhəmiyyət kəsb edir. Problemi yalnız siyasətçilərdən deyil, birbaşa problemdən əziyyət çəkən insanlardan öyrənmək çox önəmlidir. O, bundan sonra da bu mövzuda işlərin davam etdirilməsinin vacibliyini vurğulayıb.

Sonda iştirakçıların sualları cavablandırılıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır

 

////////////////////////////////////////////////////////////////////////////////////////////

http://azertag.az/xeber/Hokkaydo_Merkezi_Avrasiya_Konfransinin_sessiyasi_Dagliq_Qarabag_problemine_hesr_edilib-911271

Azərbaycan Respublikasının Diasporla İş Üzrə Dövlət Komitəsi

http://diaspora.gov.az/index.php?options=news&id=11&news_id=3363

Yaponiyada Dağlıq Qarabağ problemi ilə bağlı konfrans –

HOKKAYDO MƏRKƏZİ AVRASİYA ELMİ-TƏDQİQAT KONFRANSININ 121-ci SESSİYASINDA XOCALI SOYQIRIMI ƏSRİN ƏN AĞRILI CİNAYƏTLƏRİNDƏN BİRİ KİMİ PİSLƏNİB

IMGP1146
Dağlıq Qarabağ problemi ilə bağlı çıxış edərkən. 14 dekabr 2015. Hokkaydo Universiteti, Sapporo, Yaponiya

Dekabrın 14-də Yaponiyanın Hokkaydo Universitetinin Slavyan Araşdırmalar Mərkəzində professor Uyama Tomohikonun rəhbərlik etdiyi “Hokkaydo Mərkəzi Avrasiya Konfransı”nın 121-ci sessiyası keçirilib.

Tədbirdə “Dağlıq Qarabağ probleminə azərbaycanlı məcburi köçkünlərin və intellektualların mövqeyindən baxış” mövzusunda müzakirələr aparılıb.

Elmi konfransda çıxış edən Hokkaydo Universiteti Xarici Tələbələr Assosiasiyasının prezidenti, Rusiya və Yaponiya arasında ciddi məsələ olan “Cənubi Kuril adaları” problemi ilə Dağlıq Qarabağ probleminin müqayisəli təhlilini aparan doktorant tələbə Əlibəy Məmmədov və həmin universitetin tədqiqatçı alimi, “Müstəqil Azərbaycanın siyasi-iqtisadi dəyişikləri” mövzusunda doktor dərəcəsi almış Taçibana Yu bu ilin sentyabrında Azərbaycana səfərləri zamanı apardıqları araşdırmanın nəticələrini analiz ediblər.

Araşdırmanın nəticələrini qiymətləndirmək üçün tədbirdə Yaponiyanın Doşişa Universitetinin professoru, ərazi problemləri, millətlərarası münaqişələr üzrə tədqiqatçı, elmi-tənqidçi Tsukimura Taro da iştirak edib.

Əlibəy Məmmədov qısa giriş nitqi söyləyərək Yaponiyada Azərbaycanın haqq səsinin, münaqişənin düzgün çatdırılmasında böyük işlər görülməsinə ehtiyac olduğunu qeyd edərək, bu ağır və məsuliyyətli yükü öz üzərinə götürməkdən məmnun olduğunu bildirib.

Əlibəy Məmmədov 2015-ci il sentyabr ayında Bakıda və Bərdədə 200 nəfər məcburi köçkünə və 10 nəfər azərbaycanlı intellektuallara qarşı keçirdiyi elmi sorğularının nəticələri haqqında geniş məlumat verib. O, bildirib ki, keçirdiyi sorğu nəticəsində Azərbaycan məcburi köçkünlərlə, intellektualların, siyasətçilərin və hökumətin mövqeyində demək olar ki, bir fərqə rast gəlməyib.

Bu ona əsas verir ki, Dağlıq Qarabağla bağlı Azərbaycan cəmiyyətində vahid bir mövqe mövcuddur. İqtidar, müxalifət, elm adamları və məcburi köçkünlərin mövqeyi, bütün vacib məqamlarda demək olar ki, üst-üstə düşüb.

Anketə cavab verənlərdən 33 faizi Şuşa, 27 faizi Ağdamdan olan məcburi köçkünlər olub.

Əlibəy Məmmədovun araşdırmasının nəticələrinə görə, məcburi köçkünlərin böyük əksəriyyəti Azərbaycanın bütün işğal olunmuş ərazilərin geri qaytarılmasını tələb ediblər. Sorğuda iştirak edənlərin 94 faizi (onlardan 61 faiz dərhal, 33 faiz hökumət tərəfindən yaşamaq üçün uyğun şərait yaradıldıqdan sonra) Dağlıq Qarabağ və ətraf rayonlara geri qayıtmağa hazır olduğunu vurğulayıblar.

Onların 87 faizi problemin həllinin ilkin mərhələsi olaraq, erməni qoşunların dərhal işğal olunmuş ərazilərdən çıxarılması şərtini irəli sürüblər.

Məcburi köçkün və intellektualların böyük əksəriyyəti sülh yolu ilə məsələnin həllinə tərəfdar çıxsalar da, Azərbaycanın hərb yolu ilə də öz torpaqlarını geri qaytarmaq hüququna sahib olduğunu dəfələrlə vurğulayıblar.

Konfransda Xocalı faciəsinə xüsusi toxunulub və bu hadisə əsrin ən ağrılı cinayətlərindən biri kimi pislənilib. Dağlıq Qarabağda, xüsusilə Şuşa və Xocalı şəhərlərinin, ətraf rayonlardan Ağdamın xüsusi əhəmiyyəti ayrıca vurğulanıb.

Azərbaycan Respublikasının Qaçqınların və Məcburi Köçkünlərin İşləri üzrə Dövlət Komissiyasının sədr müavinləri Gəray Fərhadov, Fuad Hüseynov, Azərbaycan Milli Elmlər Akademiyasının Tarix İnstitutunun rəhbəri, millət vəkili, siyasətçi, professor Yaqub Mahmudov, Akademiyanın Qarabağ tarixi şöbəsinin müdiri, professor Qasım Hacıyev, Qarabağ Azadlıq Təşkilatının sədri Akif Nağı, “525-ci qəzet”in baş redaktoru Rəşad Məcidlə görüşlərindən sitatlar gətirən Əlibəy Məmmədov bildirib ki, 2001-ci ildə Azərbaycan neftindən gələn ilk gəlirlər məhz məcburi köçkünlərin yaşam səviyyəsinin yaxşılaşdırılmasına sərf edilib. Bugünə qədər Azərbaycanda 93 yeni qəsəbə salınıb və məcburi köçkünlərin vəziyyətinin yaxşılaşdırılması üçün 5.1 milyard manat vəsait xərclənib. Bunun 2.3 milyardı Azərbaycanın dövlət büdcəsindən, 1.8 milyardı Neft Fondundan, 1 milyardı isə Azərbaycanda fəaliyyət göstərən humanitar təşkilatların vəsaitlərindən ayrılıb. Bunun nəticəsində 46 min ailə, o cümlədən, 230 min məcburi köçkünün həyat səviyyəsi kifayət qədər yaxşılaşdırılıb.

525 dagli qarabag
525-ci qəzet, 16 Dekabr 2015-ci il sayı

Bununla belə, Əlibəy Məmmədov vurğulayıb ki, məcburi köçkünlərin böyük əksəriyyəti onlara verilən yeni evlərdən razı qalsalar da, onları narahat edən böyük bir problem hələ də qalmaqdadır. Bu, doğma torpaqlara – Dağlıq Qarabağ və ətraf rayonlara nə vaxt dönəcəkləri problemidir. Hara getsək də eyni sualla üzləşirdik. Yurdumuza nə vaxt geri dönürük?

İkinci çıxışçı Taçibana Yu isə Dağlıq Qarabağ problemin baş verməsinin səbəbləri, sülh danışığı prosesləri, Azərbaycan hökumətinin mövqeyi ilə bağlı ətraflı məlumat verib.

Taçibana Yu bildirib ki, bir neçə dəfə Azərbaycanda olub. Bu illər ərzində məcburi köçkünlərin vəziyyətlərinin gözə çarpacaq şəkildə yaxşılığa doğru dəyişdiyini vurğulayıb.

O Tirol modeli və Madrid prinsipləri haqqında da geniş məlumat verib.

Sonda hər iki çıxışçının elmi işlərini qiymətləndirən Tsukimura Taro qeyd edib ki, Yaponiyada bu mövzuda elmi araşdırmalar aparmaq böyük əhəmiyyət kəsb edir. Problemi yalnız siyasətçilərin deyil, yerli insanların, birbaşa problemdən əziyyət çəkən insanlardan öyrənmək çox önəmlidir. O, bundan sonra da bu mövzuda işlərin davam etdirilməsini xahiş edib.

Taçiba Yu və Əlibəy Məmmədov bu işləri də daxil olmaqla növbəti işlərini də Yaponiyanın digər universitetlərində və xarici elmi konfranslarda da qaldıracaqlarını vurğulayıblar.

Ceyhun ABASOV

IMGP1149
Professor Tsukimura Taro-nun tənqidlərini dinləyərkən 14 dekabr 2015, Hokkaydo Universiteti, Sapporo, Yaponiya
IMGP1140
Elm adamları və tənqidçilərlə birlikdə

/////////////////////////////////////////////////////////////////////////////////////////

Qeyd: Bu mətn 525-ci qəzetin 16 Dekabr 2015-ci il sayında nəşr edilmişdir. İstifadə zamanı ilkin mənbəyə (525-ci qəzetə) istinad etmək zəruridir.

http://525.az/site/?name=xeber&news_id=47940

 

///////////////////////////////////////////////////////////////////////////////////////////