ギュルセル・イスマイルザーデ駐日アゼルバイジャン大使と日本・アゼルバイジャン関係について意見交換

 Azərbaycan Respublikasının Yaponiyadakı fövqəladə və səlahiyyətli səfiri, cənab Gürsel İsmayılzadəyə səmimi qəbula və Yaponiya-Azərbaycan münasibətləri ilə bağlı dəyərli məsləhətlərinə görə səmimi qəlbdən təşəkkürümü bildirirəm.

ギュルセル・イスマイルザーデ駐日アゼルバイジャン大使と日本・アゼルバイジャンの二国関係等について大変有意義な意見交換ができました。お忙しい中、時間を割いていただき、ありがとうございます。また貴重なご意見を頂戴いたしまして、重ねて御礼申し上げます。

 

 IMG_20170914_134644_734
Advertisements

Yaponiyada Azərbaycanla bağlı möhtəşəm tədbir olacaq (Palitra)

2016-cı il dekabr ayının 21-22-də Yaponiya-Azərbaycan Əməkdaşlıq Assosasiyasının, Yaponiyanın “Sərhədləri Ötənlər” iş adamları klubunun və HİS şirkətinin birgə təşəbbüsü və təşkilatçılığı sayəsində Yaponiyanın Hokkaydo adasının Şiretoko yarımadasının Şari şəhərinə yaponiyalı iş adamlarının səfəri baş tutmuşdur.
Səfərin iştirakçısı Yaponiya-Azərbaycan Əməkdaşlıq Assosasiyasının yaradıcısı və prezidenti Əlibəy Məmmədovun sözlərinə görə səfərdə əsas məqsəd 2017-ci ilin iyul ayının 1-3-də baş tutacaq Azərbaycanla bağlı möhtəşəm tədbirə hazırlıq görməkdir. Tədbir “Sərhədləri Ötənlər” iş adamları klubunun yaradılmasının 4 illiyi ilə bağlı həyata keçiriləcəkdir. Səfərdə Yaponiyanın Tokio, Fukuoka, Nagano, Nagoya, Çiba və digər şəhərlərindən olan iş adamları və siyasətçilər iştirak etmişlər. Səfərdə iştirak edən iş adamları və siyasətçilərin iştirakı ilə tədbirə hazırlıq işlərini daha da peşəkar səviyyədə həyata keçirmək üçün təşkilat komitəsi yaradılıb. Həmyerlimiz sözügedən komitəyə sədr seçilib.
Ə. Məmmədov qeyd edib ki, gələn il baş tutacaq tədbirə Yaponiyadan 250 nəfər iş adamının qatılacağı gözlənilir. Üstəlik yerli ictimaiyyət nümayəndələrinin də aktiv iştirakı gözlənilir.
“Sərhədləri Ötənlər” iş adamları klubunun prezidenti Kazuyasu İşidanın sözlərinə görə tədbirdə dünya səviyyəsində biznes fəaliyyəti ilə məşğul olan, eyni zamanda Yaponiya daxilində deyil də, xaricdə biznes fəaliyyəti görmək istəyən yerli iş adamlarının toplaşacağı tədbirdə əsas istiqamət Azərbaycan olacaqdır. Onun sözlərinə görə son illər Yaponiya və Azərbaycan arasında olan ticari dövriyyədə inkişaf gözə çarpır. Bu inkişafa daha da böyük təkan vermək üçün tədbirin əhəmiyyəti danılmazdır deyə K.İşida vurğulayıb. Qeyd edək ki, K. İşida özü təxminən 20 dəfə Azərbaycanda səfərdə olub. Bugünədək 400 nəfərdən çox yaponiyalı biznesmenin Azərbaycana səfərlərini təşkil edib.
Eyni zamanda, Azərbaycanla bağlı yapon dilində yazılmış bir neçə kitabın müəllifidir.
Səfər iştirakçıları ilə təşkil edilmiş iclasda çıxış edən Şari şəhərinin meri Takashi Baba bildirmişdir ki, tədbirdə yaponiyalı iş adamlarına həm də Şiretokonun, Şari şəhərinin təbliğatı həyata keçiriləcəkdir. İşlər uğurlu gedərsə gələcəkdə Şari şəhəri ilə Azərbaycanın və dünyanın bir çox ölkələrinin şəhərləri ilə qardaşlaşma layihələrini də həyata keçirtmək olar.
Ə. Məmmədov vurğulamışdır ki, son iki ildə dünya bazarında neftin qiymətinin düşməsi, Azərbaycan manatının dəyərdən düşməsi Azərbaycan iqtisadiyyatına müəyyən mənada mənfi təsir göstərmiş olsa da, bunun sayəsində digər sahələrin, qeyri-neft sektorunun inkişafı üçün real şərait yaranmışdır. Azərbaycan höküməti son illər xüsusilə kənd təsərrüfatının, turizmin inkişafına xüsusi diqqət ayırır. Bunun nəticəsində artıq bir çox yerlərdə qeyri-neft sektorunun inkişafı nəzərə çarpır. Azərbaycanın kənd təsərrüfatı məhsulları artıq Yaponiya bazarına da daxil olmuşdur. Eyni zamanda Azərbaycanda turistik şirkət açan yaponiyalı iş adamları da peyda olmuşdur. Bütün bunlar iki ölkə arasında olacaq biznes sövdələşmələrinin daha da inkişafına öz töhvələrini verəcəkdir.
Onu da bildirək ki, səfər iştirakçıları arasında Yaponiya-Azərbaycan Əməkdaşlıq Assosasiyasının yaradılmasında yaxından iştirak etmiş iş adamları da olmuşdur.
Qeyd edək ki, tədbirin baş tutacağı Şiretoko yarımadası 2005-ci ildə Yuneskonun təbiət irsində qeydiyyat keçmiş, zəngin təbiətə malik bir regiondur. Balıqçılıq və kənd təsərrüfatı sənayesi çox yüksək səviyyədə inkişaf etmişdir. Son zamanlar turizm sənayesi də inkişaf etməkdədir. Əsas etibarilə Cənub-şərqi Asiya ölkələrindən olan turistlərin axışdığı diyardır.

Fuad

http://palitranews.az/news.php?id=63288

15658954_356883151345536_623122163_o

 

Yaponiyada Azərbaycanla bağlı möhtəşəm tədbirin hazırlıqlarına başlanıldı (525-ci qəzet)

Dekabrın 21-dən 22-dək Yaponiya-Azərbaycan Əməkdaşlıq Assosasiyası, Yaponiyanın “Sərhədləri Ötənlər” iş adamları klubu və HİS şirkətinin birgə təşkilatçılığı ilə Yaponiyanın Hokkaydo adasının Şiretoko yarımadasının Şari şəhərinə yaponiyalı iş adamlarının səfəri baş tutub.

Səfərdə Yaponiyanın Tokio, Fukuoka, Nagano, Nagoya, Çiba və digər şəhərlərindən olan iş adamları və siyasətçilər iştirak ediblər.

Yaponiya-Azərbaycan Əməkdaşlıq Assosasiyanın yaradıcısı və prezidenti Əlibəy Məmmədovun sözlərinə görə səfərdə əsas məqsəd 2017-ci ilin iyulun 1-dən 3-dək baş tutacaq Azərbaycanla bağlı möhtəşəm tədbirə hazırlıq görməkdir: “Tədbir “Sərhədləri Ötənlər” iş adamları klubunun yaradılmasının 4 illiyi ilə bağlı həyata keçiriləcək”.

Gələn ilə planlaşdırılan tədbirə hazırlıq işlərini daha da peşəkar səviyyədə həyata keçirmək üçün təşkilat komitəsi yaradılıb. Həmyerlimiz sözügedən komitəyə sədr seçilib.

Ə. Məmmədov qeyd edib ki, gələn il baş tutacaq tədbirə Yaponiyadan 250 nəfər iş adamının qatılacaq: “Üstəlik tədbirdə yerli ictimaiyyət nümayəndələrinin aktiv iştirakı gözlənilir”.

“Sərhədləri Ötənlər” iş adamları klubunun prezidenti Kazuyasu İşidanın sözlərinə görə, tədbirdə dünya səviyyəsində biznes fəaliyyəti ilə məşğul olan yerli iş adamlarının toplaşacağı tədbirdə əsas istiqamət Azərbaycandır. O bildirib ki, son illər Yaponiya və Azərbaycan arasında olan ticari dövriyyədə inkişaf gözə çarpır: “Bu inkişafa daha da böyük təkan vermək üçün tədbirin əhəmiyyəti danılmazdır”. Qeyd edək ki, K. İşida təxminən 20 dəfə Azərbaycanda səfərdə olub. O, özü ilə birgə ölkəmizə 400 nəfərdən çox yaponiyalı biznesmen gətirib.

Eyni zamanda, K.İşida Azərbaycanla bağlı yapon dilində yazılmış bir neçə kitabın müəllifidir.

Səfər iştirakçıları ilə təşkil edilmiş iclasda çıxış edən Şari şəhərinin meri Takaşi Baba isə bildirib ki, tədbirdə yaponiyalı iş adamlarına həm də Şiretokonun, Şari şəhərinin təbliğatı həyata keçiriləcək: “İşlər uğurlu gedərsə, gələcəkdə Şari şəhəri ilə Azərbaycanın və dünyanın bir çox ölkələrinin şəhərləri ilə qardaşlaşma layihələrini də həyata keçirtmək olar”.

Ə. Məmmədov vurğulayıb ki, son iki ildə dünya bazarında neftin qiymətinin ucuzlaşması, Azərbaycan manatının dəyərdən düşməsi ölkə iqtisadiyyatına müəyyən mənada mənfi təsir göstərmiş olsa da, bunun sayəsində digər sahələrin, qeyri-neft sektorunun inkişafı üçün real şərait yaranıb: “Azərbaycan höküməti son illər xüsusilə kənd təsərrüfatı və turizmin inkişafına xüsusi diqqət ayırır. Bunun nəticəsində artıq bir çox yerlərdə qeyri-neft sektorunun inkişafı nəzərə çarpır. Azərbaycanın kənd təsərrüfatı məhsulları artıq Yaponiya bazarına da daxil olub. Eyni zamanda yaponiyalı iş adamları Azərbaycanda turizm şirkətləri açmağa başlayıblar. Bütün bunlar iki ölkə arasında biznes sövdələşmələrinin daha da artacağını deməyə əsas verir”.

Qeyd edək ki, 2017-ci ildə tədbirin baş tutacağı Şiretoko yarımadası 2005-ci ildə Yuneskonun təbiət irsində qeydiyyat keçən, zəngin təbiətə malik bir regiondur. Burada balıqçılıq və kənd təsərrüfatı sənayesi çox yüksək səviyyədə inkişaf edib, son zamanlar turizm sənayesi də dirçəliş dövrünü yaşayır. Şiretoko əsas etibarilə Cənub-Şərqi Asiya ölkələrindən olan turistlərin səfər etdiyi bölgədir.

Ceyhun ABASOV

Mənbə: 525-ci qəzet

http://525.az/site/?name=xeber&news_id=70286

15658753_356883348012183_2042770968_o

15659046_356883258012192_1022932889_o

15658954_356883151345536_623122163_o

Azərbaycanlı diaspor rəhbəri Yaponiya xarici işlər nazirinin köməkçisi ilə görüşdü

TƏDBİRDƏ İKİ ÖLKƏ ARASINDA ƏMƏKDAŞLIQ ƏLAQƏLƏRİ, BİZNES MÜHİTİNİN İNKİŞAF ETDİRİLMƏSİ İSTİQAMƏTİNDƏ MÜZAKİRƏLƏR APARILIB

 

Sentyabrın 29-da Yaponiyanın Parlament binasında Yaponiya-Azərbaycan Əməkdaşlıq Assosiasiyasının sədri Əlibəy Məmmədov ilə Yaponiya xarici işlər nazirinin köməkçisi Takey Şunsuke görüşüb.

Görüş zamanı Azərbaycan-Yaponiya əlaqələri, biznes mühitinin inkişaf etdirilməsi istiqamətində müzakirələr aparılıb.

Ə.Məmmədov sürətli inkişaf yolu keçmiş, siyasi cəhətdən tam stabil və qüvvətli olan Azərbaycan Respublikasının siyasi sistemi, iqtisadiyyatı, yaponiyalı iş adamlarının ölkəmizə olan böyük marağı, kənd təsərrüfatı və turizm sahələrində iki dövlət arasında inkişaf etməkdə olan əməkdaşlıq haqqında məlumat verərək bildirib ki, Azərbaycanda Yaponiyaya böyük hörmət və ehtiramla yanaşırlar.

Diaspora rəhbəri vurğulayıb ki, son illər həm Xarici İşlər Nazirlikləri, həm İqtisadiyyat və Sənaye Nazirlikləri səviyyəsində ölkələrimiz arasında olan yaxınlaşma qarşılıqlı anlaşmaya söykənir.

Həmçinin qeyd olunub ki, bu istiqamətdə Yaponiyanın Azərbaycanda, Azərbaycanın Yaponiyada daha da yaxından tanıdılması işinə diaspora təşkilatı da böyük töhfələr verəcək.

Görüşdə Azərbaycan-Yaponiya biznes əlaqələri, Yaponiyanın Miyazaki prefekturası ilə Azərbaycan regionlarının əməkdaşlığı və bu işdə AVC şirkətinin bir nümunə olacağı vurğulanıb.

Müzakirənin sonunda Ə. Məmmədov T.Şunsukeni Azərbaycana səfərə dəvət edib.

T. Şunsuke isə öz növbəsində Azərbaycanın kifayət qədər cəlbedici dövlət olduğunu dilə gətirməklə şans yaranacağı təqdirdə böyük sevinc hissi ilə Azərbaycana səfər etmək fikrində olduğunu qeyd edib.

Ceyhun ABASOV

 

Mənbə: 525-ci qəzet

1 Oktyabr 2016

http://525.az/site/?name=xeber&news_id=65079

takey-shunsuke-ile

Diasporumuzun rəhbəri Yaponiya xarici işlər nazirinin köməkçisi ilə görüşüb

Yaponiya Parlamentinin binasında Yaponiya-Azərbaycan Əməkdaşlıq Assosiasiyasının sədri Əlibəy Məmmədov Yaponiya Xarici İşlər Nazirinin köməkçisi Takey Şunsuke ilə görüşüb. Görüş zamanı Azərbaycan-Yaponiya əlaqələri, hər iki ölkənin regionları arasında münasibətlərin hazırkı vəziyyəti, inkişaf potensialı, biznes mühitinin inkişaf etdirilməsi istiqamətində müzakirələr aparılıb.

Əlibəy Məmmədov sürətli inkişaf yolu keçmiş, siyasi cəhətdən tam stabil və qüvvətli olan Azərbaycan Respublikasının siyasi sistemi, iqtisadiyyatı, yaponiyalı iş adamlarının Azərbaycana olan böyük marağı, kənd təsərrüfatı və turizm sahələrində ölkələrimiz arasında inkişaf etməkdə olan əməkdaşlıq haqqında məlumat verərək bildirib ki, Azərbaycanda Yaponiyaya böyük hörmət və ehtiramla yanaşırlar.

Ə. Məmmədov vurğulayıb ki, son illər həm Xarici İşlər Nazirlikləri, həm İqtisadiyyat və Sənaye nazirlikləri səviyyəsində ölkələrimiz arasında olan yaxınlaşma qarşılıqlı anlaşmaya söykənir. Bu istiqamətdə Yaponiyanın Azərbaycanda, Azərbaycanın Yaponiyada daha da yaxından tanıdılması işində diaspora təşkilatının da böyük töhfələr verəcəyi ifadə olunub. Görüşdə Azərbaycan-Yaponiya biznes əlaqələri, Yaponiyanın Miyazaki prefekturası ilə Azərbaycan regionlarının əməkdaşlığı və bu işdə AVC şirkətinin bir nümunə olacağı vurğulanıb.

Müzakirənin sonunda Ə. Məmmədov Takey Şunsukeni Azərbaycana səfərə dəvət edib.

Takey Şunsuke isə öz növbəsində Azərbaycanın kifayət qədər cəlbedici dövlət olduğunu dilə gətirməklə, şans yaranacağı təqdirdə, böyük sevinc hissi ilə səfər etmək fikrində olduğunu qeyd edib.

Nigar

takey-shunsuke-ile

Mənbə: Palitra.az

http://palitranews.az/news.php?id=59049

 

Yaponiya Parlamentində Azərbaycanla bağlı müzakirələr keçirilib

Cari ilin Sentyabr ayının 29-da Tokyoda Yaponiya parlamentinin binasında Yaponiya-Azərbaycan Əməkdaşlıq Assosasiyanın sədri Əlibəy Məmmədov Yaponiyanın Xarici İşlər Nazirliyinin Mərkəzi Asiya və Qafqaz regionu üzrə məsul şəxsi Takahashi Seiichiro və Yaponiyanın İqtisadiyyat və Sənaye Nazirliyinin Turizm şöbəsinin Rusiya, Mərkəzi Asiya və Qafqaz regionu üzrə məsul şəxsi Asako Ueno, AVC şirkətinin nümayəndəsi Yamasaki Tomohiro tərəfindən Azərbaycanın iqtisadi-siyasi reallığı, biznes mühiti, mədəni əlaqələr və yerli şirkətlərin fəaliyyəti mövzusunda müzakirələr aparılıb.
Müzakirələr zamanı müstəqillik əldə etdikdən sonra sürətli inkişaf yolu keçmiş Azərbaycan Respublikasının iqtisadi potensialı, geosiyasi vacibliyi, qarşılıqlı anlaşma əsasında qurulmuş və inkişaf etməkdə olan Yaponiya-Azərbaycan münasibətləri haqqında geniş fikir mübadiləsi aparılıb.
Takahashi Seiichiro cari ilin Avqust ayının sonlarında Bakıya səfər etdiklərini, Azərbaycanla əlaqələrin daha da inkişaf etdirilməsi üçün yerli əməkdaşlarla görüşlər keçirdiklərini vurğulayıb. O bildirib ki, Azərbaycan Respublikası müstəqilliyin ilk illərində çox ağır bir şəraitdə, vətəndaş müharibəsinin baş verdiyi bir dövrdə Heydər Əliyevin hakimiyyətə gəlməsi, Azərbaycanda stabil siyasi sistemin qurulmasında və onun möhkəmləndirilməsində, iqtisadi həyatının dirçəlməsi və inkişaf etdirilməsində mühüm rol oynayıb. Hal-hazırda İlham Əliyev tərəfindən bu siyasətinin uğurla davam etdirilməsi və daha da inkişaf etdirilməsi göz qabağındadır. Hazırda Azərbaycan post-sovet məkanında və öz regionunda lider bir dövlətə çevrilib.
Takahashi Seiichiro Sentyabr ayının 26-da Azərbaycanda baş tutmuş referendum haqqında söhbət açaraq, Azərbaycan hökümətinin demokratiya yolunda inamlı addımlarla irəlilədiyini qeyd edib. O referendumun nəticələrinin Azərbaycanın siyasi və iqtisadi sisteminin daha da stabil olmasına böyük töhvələr verəcəyini vurğulayıb.
Asako Ueno bildirmişdir ki, Yaponiyanın İqtisadiyyat və Sənaye Nazirliyində Azərbaycan Respublikası, onun siyasi-iqtisadi stabilliyi haqqında müsbət rəy formalaşıb. Bugünə qədər Yaponiya höküməti Bakıda yerləşən səfirlik, JİCA və JETRO vasitəsilə Azərbaycanda Kənd Təsərrüfatı və Enerji sahələrində bir çox uğurlu layihələrə imza atıb. Bunların nəticəsi kimi Azərbaycan və Yaponiya arasında biznes əlaqələri gözə çarpacaq dərəcədə inkişaf edib.
O qeyd edib ki, statistik göstəricilər baxımından da Azərbaycan digər post-sovet ölkələri ilə müqayisədə daha çox bel bağlanılan bir tərəfdaşa çevrilib.
AVC şirkətinin nümayəndəsi Yamasaki Tomohiro Azərbaycanla Yaponiyanın regionları arasında əlaqələrin qurulmasında maraqlı tərəf olduqlarını və hər iki ölkənin mədəni əlaqələrinin inkişafı üçün çalışacaqları qeyd edib. O bildirib ki, siyasi və iqtisadi sahədə gözə çarpan inkişaf ölkələrimiz arasında olan mədəni əlaqələrin inkişafı üçün də mükəmməl şərait formalaşıb.
Yaponiya-Azərbaycan Əməkdaşlıq Assosasiyasının sədri Əlibəy Məmmədov, xoş qəbula görə öz minnətdarlığını bildirdikdən sonra Azərbaycan və Yaponiya dövlətləri arasında inkişaf etməkdə olan siyasi və iqtisadi əməkdaşlığa, hər iki sahədə artan qarşılıqlı səfərlər haqqında geniş məlumat verib.
Ə. Məmmədov xüsusilə vurğulamışdır ki, Yaponiya və Azərbaycanı birləşdirən iki əsas amil vardır: “İnsan” və “Tarix”. Həm Yaponiya həm Azərbaycan öz qədim tarixləri və vətənləri üçün canla başla çalışan, onu sevən patriot insanları ilə fəxr edə bilər. Azərbaycanda Yaponiya dövlətinə, insanlarına, mədəniyyətinə böyük ehtiramla yanaşırlar. Yaponiya istehsalı olan məhsullara inam yüksək səviyyədədir. Eyni zamanda, Azərbaycanın Yaponiyadan Kənd Təsərüfatı və Turizm sahəsində öyrənəcəyi bir çox məsələlər vardır. Digər tərəfdən, Azərbaycan Yaponiya üçün regionda və post-sovet məkanında geosiyasi baxımdan ən etibarlı və güvənilən partnyor rolunu oynama qadir dövlətdir.
Ə. Məmmədov Yaponiyada Azərbaycan diasporasının uğurlu fəaliyyəti haqqında məlumat verərək, bu işin Yaponiyada Azərbaycan adının tanıdılmasında və Azərbaycanda Yaponiyanın təbliği məsələsində çox mühüm rol oynayacağına əminliyini ifadə edib.
Sonda xatirə şəkli çəkilib.

sekil-yaponiya-parlament

Mənbə: Palitra qəzeti (29 Sentyabr 2016)

http://palitranews.az/news.php?id=58995

 

Yaponiya şirkətləri nəyə görə Azərbaycana böyük maraqları olmaqlarına rəğmən bazara çıxış əldə edə bilmirlər? (İkinci hissə) 日本の企業さんはアゼルバイジャンにすごい関心もってるのに、なぜ進出できてないのか?その2.

Yaponiya şirkətləri nəyə görə Azərbaycana böyük maraqları olmaqlarına rəğmən bazara çıxış əldə edə bilmirlər? (İkinci hissə)
Ötən gün bu mövzuda bir status yazdım. Azərbaycan və Yaponiya mühitinə yaxın olan bir çox insanlar tərəfindən bəzi fikirlər səsləndirildi.
Mənim yuxarıda verilən suala cavabım aşağıdakı kimidir:
“Lazımi insan kadrları yetişdirmək də (Yaponiya tərəfi) gecikirlər” idi. Bəzi dostlar “sistem və mühiti” əsas dəlil kimi göstərdilər.
Mən burda “sistem və mühiti” əsas dəlil kimi gətirən insanların doğru olmadığını əsaslandırmağa çalışacam.
Hər bir insan tutduğu mövqesinə və olduğu mühitə, sahib olduğu biliyə uyğun cavablandırmağa çalışır. Bu normaldır. Hər bir insanın öz subyektiv fikrinin olması da normal qarşılanmalıdır. Və bu çox vacib bir haldır. İnsanın öz şəxsi fikrinin, ideyalarının olmaması onun “canlı meyit” olması anlamına gəlməlidir.
Amma əgər publika önündə hər hansısa bir fikir səslənirsə bunu əsaslandırmaq lazımdır. Əgər əsaslandırma yoxdursa bu dünən facebook-da şərhimdə qeyd etdiyimi kimi “subyektiv fikir toplusundan başqa bir şey deyildir”.
Azərbaycana çıxış əldə etmək istəyən Yaponiya tərəfidir. Bunu Azərbaycan tərəfi də xoş qarşılayır və əməkdaşlıqda maraqlıdır.
Sadəcə olaraq əməkdaşlıq deyəndə hər iki tərəfin maraqları nəzərə alınmalıdır. Əgər hər hansısa bir yapon şirkəti gəlib Azərbaycanda böyük bir şərab zavoduna deyirsə ki, sizinlə əməkdaşlıq etmək istəyirik, ekslyuziv müqavilə bağlamaq istəyirik, təbii ki, Azərbaycan tərəfi bunda təbii ki, maraqlı olacaq. Amma sözlərinin sonunda 500 ədəd şərab butulkası alacıq bizə eksluziv müqavilə ver deyirsə, burda sistemi və ya mühiti yox yapon şirkətini qınamaq lazımdır. Əgər sənin kifayət qədər gücün yoxdursa, bu malı satacağına inamın yoxdursa, lazımı əlaqələrin yoxdursa, 126 milyonluq əhalisi olan Yaponiyaya 500 ədəd şərab satmaq istəyirsə bu çox gülüncdür. Burda Azərbaycan tərəfini qınamaq çox yersizdir.
Yaponiyada hər hansısa bir dərman şirkətinə gedib desən ki, “sizin dərmanlardan 1000 dənə alıb Azərbaycana satmaq istəyirik”, onlar heç qapıdan içəri buraxmazlar insanı.
Bu biznesin qayda-qanunlarıdır. Bu asan deyil. Kifayət qədər gücün olmalıdır ki, bu işləri görə biləsən. Oturub-durub dövləti, mühiti, sistemi tənqid etmək mənasızdır və bunun heç bir köməyi olmayacaqdır.
Və ya hər hansısa bir yapon şirkəti, burda zavodda 5-10 manata hazırlatdığı kosmetikasını Azərbaycan bazarında 100 manatdan baha satıb gəlir əldə etmək istəyirsə, bu da gülüncdür. Burda da dövləti, mühiti, sistemi qınamaq yersizdir. Burda qınanılmalı olan yapon şirkətidir. Çünki düzgün strategiya qura bilməyib, elə bilirki, Azərbaycanda hər kəs varlıdır və bunun mallarını alacaqlar. Azərbaycana Fransadan və digər ölkələrdən, o cümlədən Yaponiyadan da brend mallar daxil olur. Yerli insanlar da kifayət qədər savad formalaşmışdır ki, seçə bilsinlər nə nədir. Hansı mal daha keyfiyyətlidir və bu qiyməti ödəmək olar ya yox?!
Orta təbəqədə 200-500 AZN arasında dəyişir maaşlar, səhv etmirəmsə. Ölkənin əsas təbəqəsini məhz gəliri o qədər də yüksək olmayan insanlar təşkil edir. Yaponiyada isə orta gəlir 1100-1200 dollardan başlayır.
Yuxarıda konkret iki misal çəkdim. Onu da qeyd edim ki, söhbət kiçik və orta sahibkarlardan gedir.
Yaponiya şirkətləri Azərbaycan bazarında olan qiymətləri nəzərə almadan, kələ-kötür şəkildə Azərbaycana çıxış əldə etmək istəyirlərsə bu heç də onlarda alınmayacaq. Bu tamamilə onların doğru qurulmayan, yalnış düşünülmüş strategiyasının nəticəsidir. Bunları qoyub Azərbaycanda mühiti, sistemi qınamaq qəbuledilməzdir.
Ona görə də mən yapon şirkətlərinin Azərbaycan bazarına çıxa bilməməsində mühiti və sistemi əsas maneə kimi göstərən insanların fikirlərinin doğru olmadığını düşünürəm.
Sonda onu da qeyd edim ki, bunlar tamamilə mənim düşüncələrimdir. Əgər kimsə bunun əksini göstərib, mənim fikirlərimi tənqid etmək istəsə mən çox şad olardım. Qarşılıqlı fikirlər səslənirsə, müzakirələr davam etdirilirsə bu artıq inkişafın bir közərtisi deməkdir.

Alibay Alibayli (Mammadov)

8 Noyabr 2015

Tokyo