30 illik bir ömrün tarixcəsi Əlibəy Məmmədovun Avtobioqrafiyası  

 

  1. Uşaqlıq illəri və elmi yaradıcılığına gedən yol

Əlibəy Rahib oğlu Məmmədov 1988-ci ilin oktyabr ayının 30-da Rusiyanın, keçmiş SSRİ-nin paytaxtı, elm və mədəniyyət mərkəzi olan Moskvada ziyalı ailəsində doğulmuşdur. Valideynləri Bakı Dövlət Universitetində əla qiymətlərlə oxuduqlarına görə təhsillərini davam etdirmək üçün Moskva Dövlət Universitetinə köçürüldüklərindən Əlibəyin ilk uşaqlıq illəri Moskva şəhərində keçmişdir. 1990-cı ildə Azərbaycana qayıtdığı zaman Ermənistan-Azərbaycan Dağlıq Qarabağ münaqişəsinin kəskinləşdiyi bir dövrə təsadüf etmişdir, Onun anası əslən Ağdam şəhərindən olduğuna görə, Əlibəy hətta 1992-ci ilin oktyabr ayında nənəsigildə qonaq olarkən ermənilər tərəfindən Ağdam şəhərinin qırat raketləri ilə vurulduğunun şahidi olmuş və xoşbəxtlikdən ailəsi ilə birlikdə heç bir xəsarət almadan şəhəri tərk etməyə müvəffəq olmuşdur. Beləliklə, 1993-cü ildə Ağdam şəhəri işğal olunduqdan sonra qohumları məcburi köçkünə çevrilmiş və Əlibəy dəfələrlə çadır şəhərciklərində qohumlarını ziyarət edərək, bu ağrı acıları görmüş, hiss etmiş və demək olar ki, uşaqlıq keçirmədən böyümüşdür. O, 5 yaşında olarkən 100-ə yaxın şeiri artıq əzbərdən söyləməyi bacarmışdır.

Məktəbə qəbul 6 (altı) yaşından olmasına baxmayaraq, 6 yaşı tamam olmamış Əlibəyin dediyi vətənpərvərlik mövzusunda olan şeiri münsiflər heyətinin diqqətini cəlb etmiş və o, orta məktəbə qəbul olunmuşdur. Kiçik yaşlarından nağıllar, dastanlar, rəvayətləri mütaliə etməyi sevmişdir. Təbiətə, canlılara məhəbbəti ilə digər həmyaşıdlarından fərqlənmişdir. Ata nənəsinin həyətində müxtəlif tərəvəzlər yetişdirmiş, öz evlərində isə müxtəlif heyvanlar – su tısbağası, balıq, tutuquşu saxlamağı sevmişdir.

Əsas hobbilərindən biri də futbol olmuşdur. Dünya Çempionatının oyunları haqqında hər anı, hətta hər bir futbolçunun hansı dəqiqə və saniyə sarı kart almasını belə öz gündəliyində qeyd etməsi onun gələcəkdə hansı işlə məşğul olmasından asılı olmayaraq hər kiçik nüansa belə diqqət verəcəyinin təzahürü idi.  .

Sonradan dünya şöhrətli alim, akademik Azad Mirzəcanzadənin açdığı Xətai rayonu 147 saylı texniki-humanitar liseyə qəbul olmuş və bu lisey onun dünya görüşünün inkişafında xüsusi rol oynamışdır. O, tez-tez liseydə keçirilən elmi-mədəni tədbirlərdə fəal iştirak etmiş, dövrün ziyalılarının söhbətlərini dinləmiş və onların ətrafında inkişaf etmişdir.

Azərbaycan Televiziyasının Respublika üzrə keçirilən Nəsrəddin Tusi klubu və Qlobus, tarixi yarışlarında liseyi layiqincə təmsil etmişdir. Tarix fənni üzrə Respublika Olimpiadasında 2-ci yerə layiq görülmüş və Azərbaycan Respublikasının Təhsil Nazirliyinin mükafatını almışdır.

Yapon tarixi, yapon xalqının əzmi, mübarizliyi hələ lisey illərində onun diqqətini cəlb etmiş və gələcəyini məhz Yaponiya ilə əlaqələndirmək haqqında xəyallar qurmuşdur. O, 2005-ci ildə Bakı Dövlət Universitetinin Şərqşünaslıq Fakültəsinin yapon dili və ədəbiyyatı ixtisasına qəbul olunmuşdur. BDU-da təhsil alarkən, onun fəlsəfi baxışlarının formalaşmasında Yaponiyadan ezam edilmiş Vatanabe senseyin böyük rolu olmuşdur. Universitet illərində Azərbaycanda olan Yaponiya səfirliyinin keçirdiyi tədbirlərdə fəal iştirak etmişdir. Ən böyük uğuru Yapon dili Natiqlik Müsabiqəsində məhz Vatanabe senseyin rəhbərliyi ilə yazdığı “Xoşbəxtliyə çağıran anamın səsi” adlı essesi olmuşdur. Çıxışından sonra bir müddət zaldakı izləyicilər və münsiflər heyəti susqunluq içərisində qalmış və həyəcanlandıqlarını bildirmişlər. Əlibəy Məmmədov bu müsabiqədə mükafata layiq görülmüşdür. Hələ universitetdə təhsil aldığı zaman Fuji Megane şirkəti ilə iş birliyi qurmuş və bu yapon şirkətinin Azərbaycanda məcburi köçkünlərə humanitar yardım paylamasında tərcüməçi (2008-2012) kimi iştirak etmişdir.

2009-cu ildə BDU-nu fərqlənmə diplomu ilə başa vurduqdan sonra Vətəni müdafiə üçün hərbi xidmətə yola düşmüşdür. Həmişə həyatda çətinliklərlə qarşılaşan və nəticədə həm psixoloji, həm də mənəvi cəhətdən daha da güclənən Əlibəy Məmmədov, bu dəfə də həyatın ən ağır sınaqlarından biri ilə qarşılaşmışdır. O, erməni işğalçıları ilə üz-üzə dayanmalı olmuşdur. Manqa komandiri olduğundan həm özünü, həm də himayəsində olan əsgərləri qorumaq kimi məsuliyyətli bir işə başlamış və dəfələrlə erməni təxribatının qarşısının alınmasında fəal iştirak etmiş, gənc əsgərlərə silahlarla bağlı təlimlər keçmişdir.

Hərbi xidməti uğurla başa vurduqdan sonra 2010-cu ildə Bakıya qayıdaraq yapon dili müəllimi kimi fəaliyyətə başlamışdır. Yaponiya televiziyalarının Azərbaycanla bağlı hazırladıqları verilişlərin çəkilişlərində yaxından kömək etmişdir. Sonradan Yaponiya səfirliyinin keçirdiyi imtahanlarda qalib gəlməklə Yaponiyaya səyahət etmək hüququ qazanmışdır. Yaponiyaya səyahət ona burada təhsilini davam etdirmək üçün daha böyük stimul yaratmışdır və Yaponiya səfirliyində keçirilən növbəti imtahanda iştirak edib, ən yüksək nəticəni göstərməklə Yaponiyanın ən böyük və ən məşhur 5 universitetindən biri olan Hokkaydo Universitetində təhsil almaq hüququ qazanmışdır.

Azərbaycandan olan bu gənc vətənpərvərin Hokkaydo Universitetindəki fəaliyyətini 3 yerə bölmək olar. 1. Elmi yaradıcılığı – Azərbaycanın strateji problemi olan Qarabağ məsələsinin elmi elitaya çatdırılması, 2. Azərbaycan və Azərbaycançılığın təbliği – diaspor fəaliyyəti və 3. Azərbaycan və Yaponiya arasında biznes əlaqələrinin yeni istiqamətlərinin yaradılması və inkişafı.

 

  1. Elmi yaradıcılığı – Azərbaycanın strateji problemi olan Qarabağ məsələsinin elmi elitaya çatdırılması

 

Əlibəy Məmmədov 2012-ci ilin Aprel ayından Yaponiyanın hökümət təqaüdlərini qazanaraq Hokkaydo Universitetinə təhsil almaq üçün göndərilmişdir. 2013-cü ilin martında elmi tədqiqatçı tələbə olaraq hazırlığını bitirdikdən sonra eyni ilin aprel ayında Hokkaydo Universitetinin magistratura pilləsinə daxil olmuşdur. 2015-ci ilin mart ayında tarix elmləri üzrə magistr dərəcəsi almışdır. Mövzusu “Kuril adaları problemi və ictimai rəy” olmuşdur. 2015-ci ilin Aprel ayından Hokkaydo Universitetinin doktorantura pilləsinə qaldırılmışdır. Əlibəy Məmmədov hal-hazırda universitetin Slavyan Avrasiya Araşdırmalar Mərkəzində professional olaraq konfliktologiya elmi sahəsində araşdırmalar aparır.

O, Ermənistan-Azərbaycan Dağlıq Qarabağ münaqişəsi, Rusiya və Yaponiya arasında Cənubi Kuril adaları problemi, eyni zamanda Şrilanka milli vətəndaş müharibəsi mövzularında elmi tədqiqatlarla məşğuldur. Əlibəy Məmmədovun elmi yaradıcılığında öz dəsti-xətti olan, prinsipial və sərt mövqeyi ilə yapon tarixçiləri və siyasətçiləri arasında xüsusi çəkiyə malik professor İvaşita Akihironun rolu böyük olmuşdur. Əlibəy Məmmədovun elmi rəhbəri olan bu şəxsin tələbəsinin bir tarixçi konfliktoloq kimi yetişməsində rolu danılmazdır.

Professor İvaşitanın öz tədqiqatlarında, elmi kitablarında gənc alimdən sitatlar gətirməsi onun Əlibəy Məmmədova olan inamının nəticəsi kimi qiymətləndirilməlidir. Əlibəy Məmmədov Qarabağ məsələsi ilə bağlı beynəlxalq aləmdə elmi səviyyələrdə elmi araşdırmalar aparan bir gəncdir. O bu mövzu ilə bağlı dəfələrlə Yaponiya və Azərbaycan mətbuatında çıxışlar etmişdir. Qarabağ həqiqətlərinin dünyaya çatdırılmasında onun 2017-ci il aprel ayında Amerika Birləşmiş Ştatlarının Kaliforniya ştatının San-Fransisko şəhərində Qərb Sosial Elmlər Assosasiyasının 59-cu illik konfransındakı çıxışı çox böyük rol oynamışdır.

Avropa, ABŞ, Meksika və dünyanın bir çox dövlətlərindən yüzlərlə elm nəhənginin iştirak etdiyi bu konfransda Əlibəy Məmmədov “Dağlıq Qarabağda 4 günlük müharibə, səbəb və nəticələri, Rusiya faktoru” mövzusunda çıxış edərək, Qarabağ həqiqətlərini yüksək tribunadan dünya elitasına çatdırmışdır.

Azərbaycan mətbuatı onun bu uğurunu” təkcə bir gənc alimin uğuru kimi yox, bütün Azərbaycanın uğuru kimi” qiymətləndirmişdir. Qeyd etmək lazımdır ki, bundan əvvəldə Qərb Sosial Elmlər Assosasiyasının ABŞ-ın Nevada ştatının Reno şəhərində keçirilmiş 58-ci konfransında (Aprel 2016) da Əlibəy Məmmədov “Ermənistan-Azərbaycan Dağlıq Qarabağ münaqişəsi, azərbaycanlı məcburi köçkünlərin mövqeyindən baxış mövzusunda” məruzə ilə çıxış etmişdir. O öz çıxışı zamanı Azərbaycanda məcburi köçkünlər arasında keçirtdiyi sorğuların nəticələri ilə bağlı da geniş məlumat vermişdir.” Şuşa, Dağlıq Qarabağın qəlbidir” deyən gənc alim 1989-cu ildə Şuşa şəhərinin əhalisinin 98 faizinin azərbaycanlılardan ibarət olduğunu, Azərbaycanın təkcə Dağlıq Qarabağ ərazisi deyil, həm də ətraf 7 rayonunun işğal edildiyini, bütün beynəlxalq qurumların bu ərazilərin Azərbaycan torpaqları kimi tanınmasına baxmayaraq, Ermənistanın işğalçı siyasətini davam etdirdiyini, yüksək kürsüdən beynəlxalq elm dünyasına çatdırmışdır.

Əlibəy Məmmədov həm də, Şrilankada vətəndaş müharibəsini öyrənən bir tədqiqatçıdır. Onun Şrilanka səfəri zamanı, nüfuzlu elm və siyasi xadimlərlə görüşlərində Qarabağ məsələsi işıqlandırılmış və o, Şrilanka vətəndaş müharibəsi ilə Qarabağ probleminin müqayisəli təhlilini aparmaqla həm Hindistanın, həm də Şrilankanın elmi ictimaiyyətinin də Dağlıq Qarabağ probleminə diqqətini cəlb etməyi bacarmışdır.

Əlibəy Məmmədovun Yaponiya mətbuatında çıxışları da təqdirəlayiqdir. 2016-cı ilin Noyabrın 17-də Yaponiyanın nüfuzlu Hokkaydo qəzetində (Hokkaido Şinbun) Dağlıq Qarabağ və Cənubi Kuril adaları münaqişəsi ilə bağlı geniş elmi müsahibəsi dərc olunmuşdur. Tədqiqatçı 1994-cü ildən Azərbaycan və Ermənistan arasında atəşkəs müqaviləsinin imzalanmasına baxmayaraq, kəskin müharibənin hələ də davam etdiyini 30 mindən çox insanın həyatını itirdiyini diqqətə çatdırmışdır. 2016-cı ilin dekabrın 16-da Tokyo qəzetində də onun Dağlıq Qarabağ və Cənubi Kurillə bağlı geniş müsahibəsi çap olunmuşdur. Gənc tədqiqatçı Dağlıq Qarabağın və ətraf rayonların əzəli Azərbaycan torpağı olduğunu, ortada işğal faktı olduğunu bir daha vurğulamışdır.

Eyni mövzuda Çyuniçi və Hokuriku Çyuniçi qəzetlərində də geniş müsahibələri yer almışdır.

2017-ci ilin noyabrın 5-də Yaponiyanın ən çox oxunulan 3 qəzetindən biri Mainiçi Şinbun qəzetində də Əlibəy Məmmədov haqqında məqalə çap edilmişdir.

O həmçinin Hokkaydo Mərkəzi Avrasiya Konfransının 121-ci sessiyasında da Dağlıq Qarabağla bağlı yaponiyalı elmi tədqiqatçı Yu Taçibana ilə birlikdə məruzə ilə çıxış etmişdir.

Gənc tədqiqatçı Qarabağ Azadlıq Təşkilatının təşkil etdiyi 15-ci və 16-cı konfranslarında da çıxış edərək, “Ermənistan-Azərbaycan Dağlıq Qarabağ münaqişəsi, azərbaycanlı məcburi köçkünlər və ziyalıların gözü ilə” və “Şrilanka vətəndaş müharibəsindən Dağlıq Qarabağ münaqişəsinə baxış” adlı məqalələri ilə elm xadimləri arasında böyük marağa səbəb olmuşdur. Bu mövzular konfransın elmi kitabında çap olunmuşdur.

Əlibəy Məmmədovun elmi məqalələri və müsahibələri dəfələrlə Azərbaycanın mətbuat orqanlarında da geniş işıqlandırılmışdır. O, mütəmadi olaraq Yaponiyanın öndə gedən universitetlərində də, öz çıxışları ilə diqqəti cəlb edir. Onun Hitotsubaşi Universitetində Rusiya və Şərqi Avropa Araşdırmaları elmi konfransında (2017 Oktyabr) “Dağlıq Qarabağda 4 günlük müharibə”, Hosey Universitetində Yaponiya Siyasi Elmlər Konfransında (2017 Sentyabr) “Dağlıq Qarabağ ətrafında baş vermiş 4 günlük müharibənin səbələri və böyük dövlət faktoru” mövzularındakı çıxışları çox böyük maraqla qarşılanmış və Yaponiya elm adamlarının və tələbələrinin sualları ətraflı şəkildə cavablandırılmışdır. Yaponiya Mərkəzi Asia Konfransında (2017 Mart) “Dağlıq Qarabağ və İctimai Rəy” mövzusunda çıxışı isə konfransı 13 sayında işıq üzü görmüşdür. Əlibəy Məmmədovun fransız tədqiqatçı Favenecclə Nemuro şəhərində keçirtdiyi seminar (2017 Sentyabr) isə Nemuro şəhər icra hakimiyyətinin dəstəyi ilə açılmış və Yaponiya mediasının böyük marağına səbəb olmuşdur. Bununla bağlı hər iki tədqiqatçının Hokkaydo qəzeti, Yomiuri qəzeti, Mainiçi qəzetlərində məqalələri və müsahibələri çap edilmişdir.

Əlibəy Məmmədovun Fukuoka şəhərində təşkil edilmiş beynəlxalq elmi konfransda (2017 Fevral) Cənubi Kuril adaları ilə bağlı çıxışı da böyük maraqla qarşılanmışdır.

 

  1. Yaponiyada Azərbaycan və Azərbaycançılığın təbliği – diaspor fəaliyyəti

Əlibəy Məmmədov Hokkaydo Universitetində təhsil aldığı müddətdə həmişə ictimai işlərdə fəallığı ilə diqqəti cəlb etmişdir. Bunun nəticəsi olaraq o, 2014-cü ildə təxminən 1800 nəfər xarici tələbəsi olan Hokkaydo Universiteti Xarici Tələbələr Assosasiyasının prezidenti seçilmişdir. Bu səlahiyyətlərindən istifadə edərək, o, xarici tələbələrin hüquqlarının müdafiəsinə qalxmış, tələbələrin daha yaxın və sıx münasibətdə olması üçün əlindən gələni etmişdir. O, həmçinin kifayət qədər böyük dövlət tədbirlərində və yarışlarda təmsil etdiyi ölkəsi Azərbaycan haqqında müsbət rəy formalaşmasına nail olmuşdur. Əlibəy Məmmədov 2015-ci ildə ikinci dəfə Hokkaydo Universiteti Xarici Tələbələr Assosasiyasının prezidenti seçilmiş, 2016-2017-ci illərdə isə fəxri prezidenti olmuşdur.

Əlibəy Məmmədov bu səlahiyyətindən uğurla istifadə edərək, iki dəfə Sapporo Qar Festivalında iştirak etmiş və Azərbaycanın layiqincə təmsil olunmasına nail olmuşdur.

Onun təşəbbüsü Sapporo Ohdori Lions klubu tərəfindən dəstəklənmiş və maliyyə dəstəyi ayrılmışdır. Beləliklə, ilk dəfə 2015-ci ilin fevralında Azərbaycanın 12-ci əsrin abidəsi, Bakımızın simvolu olan Qız Qalası və onun ətrafında milli geyimdə olan insanların qardan hazırlanmış fiqurları ilə təmsil olunmuşdur. İkinci dəfə isə müasir Bakımızın bəzəyi olan Heydər Əliyev Mərkəzi və onun ətrafında milli geyimli insanların qardan hazırlanmış fiqurları Sapporo Qar Festivalında böyük marağa səbəb olmuşdur. Hər il təkcə Yaponiyadan deyil, dünyanın hər yerindən bu festivalı ziyarət etmək üçün kifayət qədər turistlər gəlir. İki ildə 4 milyon insanın Azərbaycanla bağlı məlumatlandırılması, sualların cavablandırılması həqiqətən də çox böyük bir təbliğat işidir və yüksək qiymətləndirilməlidir.

Hokkaydo Universitetində dəfələrlə Beynəlxalq Mədəniyyət Festivallarında Azərbaycan musiqisi, rəqsləri haqqında ətraflı məlumatlar verilmişdir.

2016-cı ildə Əlibəy Məmmədovun sədrliyi ilə Yaponiya-Azərbaycan Əməkdaşlıq Assosasiyası yaradılmışdır. Əlibəy Məmmədovun bu səlahiyyətlərə başlamasından sonra demək olar ki, Azərbaycan və Azərbaycançılıq ideyasının həyata keçirilməsində xüsusi bir mərhələ başlamışdır. O, Yaponiyanın bütün təbəqələrindən, qütblərindən olan insanların arasında Azərbaycan adının tanıdılması, onun haqqında müsbət rəyin formalaşması, ölkələrimiz arasında qarşılıqlı münasibətlərin yaradılması yolunda fəaliyyətini daha da artırmışdır.

Yaponiyada həm orta məktəblərdə həm də universitetlərdə Azərbaycanla bağlı seminarlar keçirilməyə başlamışdır. Bu seminarlarda Azərbaycanın tarixi, dövlətçiliyi, mədəniyyəti, incəsənəti, ziyalıları, maddi nemətləri haqqında ətraflı məlumatlar verilmişdir. Azərbaycanla bağlı Yaponiyada demək olar ki, yeni bir dövr başlamış, Azərbaycana gələn yaponların sayı dəfələrlə artmışdır. 2017-ci ilin 29 noyabrda Saitama prefekturasında yerləşən məktəbdə 90-cı illər və bugünki inkişaf etmiş Azərbaycan, Tokionun Haçioji şəhərinin şagirdlərinə, həmçinin Haçida tələbələrinə də Azərbaycan haqqında ətraflı məlumatlar vermişdir. Fevralın 14-də Tokionun Ota qəsəbəsində şagirdlərə “Dünya Azərbaycanlılarının Palitrası” kitabının təqdimatı keçirilmişdir. 120 məktəbli və 10 müəllimin iştirak etdiyi seminarda Azərbaycanın xarici ölkələrdəki diaspor təşkilatları və onların fəaliyyətləri haqqında məlumatlar verilmiş və geniş fikir mübadiləsi aparılmışdır.

Əlibəy Məmmədova bugünə qədər 500-dən çox yaponiyalı məktəblidən məktublar gəlmişdir. Bu məktublarda şagirdlər Azərbaycanın tarixi abidələri, zəngin təbiətinə, gözəlliyinə valeh olduqlarını qeyd etmiş, Azərbaycanla bağlı rəsmlər çəkmiş və imkan olduğu zaman Azərbaycana səyahət edəcəklərini vurğulamışdılar. Bu şagirdlər Yaponiyanın gələcəyidirlər. Onlarda Azərbaycana maraq oyatmaq demək olar ki, strateji bir məsələdir. Bu işin öhdəsindən gənc vətənpərvər Əlibəy Məmmədov çox uğurla gəlməyi bacarmışdır.

Diaspor Jurnalistlər İttifaqının sədri, jurnalist Fuad Hüseynzadənin də qeyd etdiyi kimi,” Əlibəy Məmmədov diaspor olaraq Yaponiyada demək olar ki, sıfırdan Azərbaycanın təbliğatı işinə başlamış və az bir zamanda ölkəmiz adına çox böyük işlər görmüşdür.” Əlibəy Məmmədovun diaspor fəaliyyəti çoxşaxəliliyi ilə fərqlənir. Yaponiya məktəbliləri, tələbələri, elm adamları, iş adamları, ziyalıları və siyasi simaları arasında Azərbaycanı təbliğ etmək onun əsas fəaliyyət sahələridir.

Bununla da, o, Azərbaycanı və Azərbaycançılığı Yaponiyanın bütün təbəqələri arasında təbliğ etməklə, öz-özlüyündə təkbaşına bir diapor gücüdür desək yanılmarıq.

Əlibəy Məmmədov dəfələrlə Yaponiyanın «World Investors TV» internet kanalının canlı efirinə fəxri qonaq qismində dəvət olunmuş, Dünya Azərbaycanlılarının həmrəylik günü, Konstitusiya günü, müstəqillik günü, 20 yanvar faciəsi, Azərbaycanın milli bayramları, 4 günlük müharibə və s mövzular ilə bağlı yaponiyalı tamaşaçılara məlumatlar vermiş, Azərbaycanın Qarabağ problemi haqqında slaydlar göstərmişdir.

İti və sərt baxışlı, həddən ziyadə məsuliyyətli və tələbkar, bununla bərabər həm də, böyük ürəyə sahib olan bu gənc canı ilə, qanı ilə əsl azərbaycanlıdır.

2017-ci ilin Oktyabr ayından Əlibəy Məmmədov daha bir uğurlu layihəyə başlayıb. Belə ki, o, Bakı Beynəlxalq Multikulturalizm Mərkəzinin və Hokkaydo Universitetinin Slavyan-Avrasiya Araşdırmalar Mərkəzinin 2017-ci ilin May ayında əldə etdiyi razılaşmaya görə Hokkaydo Universitetində “Azərbaycan Multikulturalizmi” adlı dərslər keçirilməyə başlamışdır. Akademik Kamal Addullanın təşəbbüsü və ideya müəllifi olduğu Azərbaycan Multikulturalizmi dərsləri dünyanın 17-i ölkəsinin universitetlərində tədris olunur. Hokkaydo Universiteti də bu dərsləri yapon dilində tədris etmək üçün yaponşünas alim Əlibəy Məmmədova həvalə etmişdir.

Əlibəy Məmmədov Hokkaydo Universitetində təhsil alan uğurlu gənc kimi 2017-ci ilin Fevral ayında nitq söyləmək üçün TEDxHokkaidoU-ya dəvət olunmuşdur. Onun çıxışı çox böyük marağa səbəb olmuşdur. O, uğur qazanmağın yolları haqqında gənc dinləyiciləri məlumatlandırmışdır.

Hokkaydonun Sapporo şəhər rəhbərliyi, Nemuro şəhər deputatları ilə görüşlərində Azərbaycanın maraqları, ərazi bütövlüyü, diqqət mərkəzində olmuşdur. Əsas şüarı “xarici ölkələrdə güclü diaspor və müsbət rəyə malik dövlət çox şeyə qadirdir” olan Əlibəy Məmmədov məhz Yaponiyanın da Cənubi Qafqazda əsas strateji partnyoru kimi Azərbaycanı gördüyünü dəfələrlə diqqətə çatdırmışdır.

Yaponiya Xarici İşlər Nazirinin köməkçisi Takeşi Şunsuke ilə görüşlərdə də Əlibəy Məmmədov sürətli inkişaf yolu keçmiş, siyasi cəhətdən tam stabil və qüvvətli olan Azərbaycan Respublikasının siyasi sistemi, iqtisadiyyatı, yapon iş adamlarının ölkəmizə marağı, kənd təsərrüfatı və turizm imkanları haqqında ətraflı məlumat vermişdir.

 

  1. Azərbaycan və Yaponiya arasında biznes əlaqələrinin yeni istiqamətlərinin yaradılması və inkişafı

Əlibəy Məmmədov Yaponiya siyasətçiləri və biznesmenləri ilə də mütəmadi görüşlər aparır. 29 sentyabr 2016-cı ildə Yaponiya parlamentinin binasında Mərkəzi Asiya və Qafqaz regionu üzrə məsul şəxs Takahaşi san, Yaponiya İqtisadiyyat və Sənaye nazirliyinin turizm şöbəsinin Rusiya, Mərkəzi Asiya və Qafqaz regionu üzrə məsul şəxsi Asako Ueno san, AVC şirkətinin nümayəndələri Yamasaki Tomohiro və başqalarının iştirakı ilə Azərbaycanın iqtisadiyyatı, biznes mühiti, mədəni əlaqələri və yerli şirkətlərin fəaliyyəti mövzusunda müzakirələr aparmışlar. Görüşdə digər postsovet ölkələri ilə müqayisədə Azərbaycanın daha çox etibar edilən tərəfdaşa çevrildiyi xüsusi ilə vurğulanmışdır.

AVC şirkətinin Azərbaycana olan səfərinin də iki ölkə arasında münasibətlərinin inkişafında xüsusi rolunun olduğunu qeyd etmək lazımdır. Onu da qeyd etmək lazımdır ki, bu şirkətin Azərbaycana səfərində də, onları azərbaycanlı gənc alim Əlibəy Məmmədov müşayət etmişdir.

O, Yaponiyanın “Sərhədləri Aşanlar” klubunun təşkil etdiyi məclislərdə fəal iştirak edir. Bu klub əsasən yaponiyalı biznes adamlarının maraqlarını əks etdirən məclislərin təşkil edilməsi ilə məşğul olur. Klubun keçirdiyi tədbirlərdə Əlibəy Məmmədov Azərbaycanın iqtisadi göstəriciləri, biznes mühiti və potensialı haqqında məlumatlar verməklə, qarşılıqlı münasibətlərin inkişafı və qarşılıqlı səfərlərin artmasına öz töhvəsini vermişdir. Təsadüfi deyildir ki, artıq Azərbaycanın bir sıra kənd təsərrüfatı məhsulları, o cümlədən bal, nar şirələri, şərablar Yaponiya bazarında öz yerini tutmaqdadır. Artıq yüzlərlə yaponiyalı iş adamı xüsusən də xırda və orta sahibkarlar Azərbaycana səfərlər edir, öz şirkətlərini yaradır, kənd təsərrüfatı, turizm və enerji sisteminə böyük sərmayələr qoymaqdadırlar. Bu işlərin həyata keçirilməsində Əlibəy Məmmədovun rolu danılmazdır.

Əlibəy Məmmədov Yaponiyanın bir çox şəhərlərində dəfələrlə səfərlərdə olmuş, biznes seminarlarda Azərbaycanla bağlı çıxışlar etmişdir. “Sərhədləri Aşanlar Klubunun” 2017-ci ilin İyulun 1-3-də Hokkaydonun Şiretoko yarımadasının Şari şəhərində təşkil etdiyi şəhər meriyası ilə birlikdə 200-ə yaxın yaponiyalı biznesmenin iştirak etdiyi tədbirlərdə Əlibəy Məmmədov Azərbaycanla bağlı, onun biznes mühiti, qida emalı sənayesi, kənd təsərrüfatı və turizm sahəsi ilə bağlı geniş nitq söyləmiş, Azərbaycanın bu sahələrdə böyük potensiala malik olduğunu vurğulamışdır. O, yaponiyalı iş adamlarını bu sahələrə investisiya yatırımları etməyə dəvət etmişdir. O, həm də tədbirin icra komitəsinin sədri vəzifəsini daşımışdır. Bu tədbirdən sonra Azərbaycana səfər edən yapon şirkətlərinin bir çoxu artıq müəyyən səviyyələrdə uğurlar qazanmaqdadırlar. Tədbirdə xaricdə uğur qazanmış bir çox məşhur yaponiyalı biznesmenlər də iştirak etmişdir.

Azərbaycan-Yaponiya biznes əlaqələrinin inkişafında 2017-ci il oktyabr ayının 27-28-də Bakı Biznes Mərkəzində keçirilmiş” Yaponiya Qida Məhsulları Sərgisi” böyük rol oynamışdır. Sərgidə iştirak edən dövlət adamları, siyasətçilər, iş adamları son dövrlər Azərbaycan və Yaponiya arasında əlaqələrin inkişafından böyük məmnunluq duyduqlarını bildirmişlər. Sərginin və bununla bağlı tədbirlərin təşkil edilməsində Əlibəy Məmmədov yaxından iştirak etmişdir.

Tədbir yaponiyalı iş adamlarının Azərbaycanda keçirtdiyi ən böyük və geniş miqyaslı bir tədbir olmuşdur. Yaponiyadan  bu tədbirdə 100 şirkət iştirak etmişdir.

Əlibəy Məmmədov 2017-ci il avqust ayında Bakı şəhəri ilə bağlı Yaponiyanın Kansay Televiziyasının hazırladığı xüsusi verilişlərin hazırlanmasında da böyük rol oynamışdır.

Qeyd edilmişdir ki, 2025 EXPO-su üçün Yaponiyanın Osaka şəhəri ilə bərabər Bakı şəhəri də namizədliyini irəli sürmüşdür. Bakı kifayət qədər güclü və layiqli rəqib kimi təqdim olunmuş, Bakının 2025 EXPO-ya ev sahibliyi edə biləcəyi haqqında mülahizələr irəli sürülmüşdür. Yaponiya tamaşaçısı Bakı şəhəri haqqında ətraflı məlumatlandırılmışdır.

Nemuro şəhər deputatlarının sədri Honda ilə görüşlərdə də. Azərbaycan əsas müzakirə mövzusu olmuşdur. Əlibəy Məmmədov Azərbaycanın zəngin mətbəxi və qida məhsulları ilə bağlı da, dəfələrlə mətbuatda çıxış etmişdir. Hokkaydo Universiteti Xarici Tələbələr Assosasiyasının təşkilatçılığı ilə hər il Sapporo şəhərində beynəlxalq qida məhsulları yarışı keçirilir. Bu yarışlarda Azərbaycan 2013-2017-ci illərdə uğurla təmsil olunmuş və Azərbaycan mətbəxi ilə bağlı yaponiyalılara geniş məlumatlar verilmişdir. Bununla və Əlibəy Məmmədovun Assosasiyaya rəhbərlik etdiyi dövrdəki fəaliyyəti ilə bağlı geniş məlumatlar yerli ingilis və yapon dilli jurnallarda çapdan çıxmış, televiziyada da işıqlandırılmışdır.

Qeyd etmək lazımdır ki, Əlibəy Məmmədov dəfələrlə Azərbaycana səfər gəlmiş yaponiyalı biznesmenləri müşayət etmiş, Azərbaycan və Yaponiya arasında bir çox əhəmiyyətli layihələrin və müqavilələrin imzalanmasında yaxından iştirak etmişdir.

Hal-hazırda Əlibəy Məmmədov yapon dilində Azərbaycanla bağlı çap olunacaq kitab üzərində işləyir. Bu məqsədlə O, 2017-ci ilin Dekabr ayında Azərbaycanda səfərdə olmuş, ölkədə universitet rəhbərlikləri, tələbələrlə, biznesmenlərlə, siyasi dairələrlə görüşlər keçirmişdir.

Prinsipial tədqiqatçı, alovlu vətənpərvər, həm də gənc biznesmen kimi diqqəti cəlb etməkdədir. Əlibəy Məmmədov ailəlidir. O, gözəl övlad, sevimli həyat yoldaşı, həm də qayğıkeş atadır. Qəhrəmanımız 30 yaşına qədəm qoyur. 30 yaş üçün bu qədər çox şaxəli fəaliyyət həqiqətən də təqdirəlayiqdir. Bu barmaqla sayıla biləcək insanlara nəsib ola bilər. Fəxr etməyə layiq övladdır. Həm ailəsi üçün, həm də canından da çox sevdiyi Vətəni üçün daha yüksək pillələrdə görmək əminliyi ilə……..

 

P.S. Bir tarixçinin kiçik araşdırması nəticəsində ərsəyə gəlmişdir.

 

IMG_20171208_215341_482.jpg

アゼルバイジャン語あいさつ言葉 Repost

アゼルバイジャン語あいさつ言葉

皆さまこんにちは。アゼルバイジャン人のアリベイです。日本に住んでいます。札幌と東京で二重生活をしております。アゼルバイジャンと日本をビジネスと政治分野でつなげたいと思っております。アゼルバイジャンにおける現地調査、市場調査、アゼルバイジャンの企業とのコンサル、アゼルバイジャン語翻訳通訳サービス等、多種多様なサービスを提供しております。

アゼルバイジャン人の友達をつくりたい方、アゼルバイジャンへ出張で行かれる方、アゼルバイジャン人とビジネスをされている方、される予定の方、またそれ以外にもアゼルバイジャンにご関心のある方、どうぞご一読ください。

 

アゼルバイジャン人に対して簡単なアゼルバイジャン語を使ってみましょう。アゼルバイジャン人もきっと喜んでくれるでしょう。話し合いのためにもいい雰囲気が生まれるでしょう。

 

アゼルバイジャン語で挨拶しましょう:

日本語                   アゼルバイジャン語                  読み方

おはようございます     ー     Sabahınız xeyir      ー         サバヒニズ・ヘイル

こんにちは          ー       Salam           ー           サラーム

大丈夫            ー      Problem yoxdur     ー         プロブレム・ヨフデュール

ありがとうございます    ー      Təşəkkür edirəm     ー      テシェッキュル・エディレム

どういたしまして      ー      Dəyməz, Buyurun    ー      デユメズ または ブユルン

さようなら          ー      Xudahafiz, Hələlik    ー   フダハーフィズ または ヘレリク

私の名前は・・・です   ー       Mənim adım ・・・ dır   ー       メニム・アディム・・・デゥル

 

アゼルバイジャンにご関心のある方、アゼルバイジャン語を学びたい方、アゼルバイジャンのことを知りたい方、アゼルバイジャンの社会・政治事情・ビジネス環境について質問のある方、アゼルバイジャンとビジネスをされたい方、ただ単にアゼルバイジャン人と仲良くされたい方は、どうぞ気軽に以下のメールアドレスまでお問合せください。原則として1日以内で返信します。

alibay.aze@gmail.com

alibay palitra shekil

cropped-alibay-1111.jpg

 

Yaponiya məktəblilərinə Azərbaycan multikulturalizmi barədə məlumat verildi (525-ci qəzet)

İyunun 21-də Yaponiyanın paytaxtı Tokionun Maçida qəsəbəsində yerləşən məktəbdə Azərbaycanla bağlı növbəti seminar keçirilib.

Artıq 6 ildir Yaponiyanın Hokkaydo Universitetinin təhsil alan doktorant, bu ölkənin hökumət təqaüdçüsü, konfliktoloq Əlibəy Məmmədov Maçida məktəblilərinə Azərbaycan, onun tarixi, mədəniyyəti, sosial-iqtisadi həyatı, siyasi sistemi və multikulturalizmin Azərbaycan modeli haqqında geniş məlumat verib və şagirdlərin suallarını cavablandırıb.

Bu dəfə Azərbaycanla bağlı, ümumilikdə 2 seminar təşkil edilib ki, bu seminarların hər birində 40 şagird və 5 müəllim olmaqla, ümumilikdə 90 nəfər iştirak edib.

Ə.Məmmədov əsas diqqəti Azərbaycanda multikulturalizm mövzusuna yönəldib. O qeyd edib ki, Azərbaycan ərazisinə görə o qədər də böyük dövlət olmasa da, burada müxtəlif mədəniyyətlər, dinlər və etnik qrupların nümayəndələri bir böyük ailənin üzvləri kimi yaşayırlar. Azərbaycanın zəngin tarixindən söhbət açan həmyerlimiz bildirib ki, dünya ölkələri arasında aktiv şəkildə müzakirə edilən mədəniyyətlərarası dialoqun inkişafında Azərbaycanın özünəməxsus yeri var: “Bu baxımdan Azərbaycan dünyada nümunəvi səciyyə daşıyır. Ölkəmizdə tarix boyu müxtəlif millətlərin və dinlərin nümayəndələri sülh və əminamanlıq şəraitində yaşayıblar. Sevindirici hal ondan ibaraətdir ki, müasir Azərbaycanda da bu ənənə davam etməkdədir. Bu, Azərbaycanın dünyaya fəxrlə göstərə biləcəyi və göstərə bildiyi ali xüsusiyyətlərindən, dəyərlərdən biridir. Bu ali dəyər Azərbaycan üçün yüzilliklər boyu gündəlik həyatın bir hissəsinə çevrilib”.

Ə. Məmmədov vurğulayıb ki, Azərbaycan dünyada sadəcə zəngin neft və qaz yataqlarına malik olan dövlət kimi deyil, həm də Avropa və dünya səviyyəli idman yarışlarının, o cümlədən, tarixdə ilk dəfə Avropa Oyunlarının, eyni zamanda Formula 1 yarışlarının, mədəniyyətlərarası dialoqların, beynəlxalq görüşlərin keçirildiyi, dini etiqad azadlığının tam təmin olunduğu, tolerant və multikultural ənənələrlə zəngin bir dövlət kimi tanınmaqdadır.

Seminarla bağlı söhbət açarkən Ə. Məmmədov bildirib ki, məktəbə daxil olanda müəllimlərlə birgə şagirdlərin Azərbaycanla bağlı məlumatı demək olar ki, yox idi: “Lakin seminar bitdikdən sonra başlayan müzakirələrdə məktəblilərin əksəriyyəti Azərbaycana getmək istədiklərini, onlardan bəziləri isə hətta burada iş qurmaq fikrində olduğunu ifadə ediblər”.

Qeyd edək ki, bu dəfə ki, seminarlarda Azərbaycanla bərabər, İran, Nepal, Özbəkistan, Kambociya, Sinqapurdan olan müəllimlər də öz ölkələri ilə bağlı çıxışlar ediblər.

Ə.Məmmədov bundan sonra da müntəzəm olaraq Yaponiya məktəblilərinə Azərbaycanla bağlı müxtəlif bilikləri aşılayacağına əminliyini ifadə edib. O qeyd edib ki, gələcəkdə hər iki ölkənin məktəbləri arasında bilik körpülərinin yaradılmasında böyük fayda ola bilər.

Ceyhun ABASOV

 

Mənbə: 525-ci qəzet

http://525.az/site/?name=xeber&news_id=81784#gsc.tab=0

alibay-shekil-yaponiya-seminar-1

Yaponiya məktəbliləri Azərbaycana gəlmək istəyirlər (Hurriyyet.org)

İyun ayının 21-də Yaponiyanın paytaxtı Tokio şəhərinin Maçida qəsəbəsində yerləşən məktəbdə Azərbaycanla bağlı növbəti seminar keçirilib. Artıq 6-cı ildir ki, Yaponiyanın Hokkaydo Universitetində təhsil alan doktorant, bu ölkənin hökumət təqüdçüsü, konfliktoloq Əlibəy Məmmədov Maçida məktəblilərinə Azərbaycan, onun tarixi, mədəniyyəti, sosial-iqtisadi həyatı, siyasi sistemi və multikulturalizmin Azərbaycan modeli haqqında geniş məlumat verib və şagirdlərin suallarını cavablandırıb. Azərbaycanla bağlı ümumi 2 seminar təşkil edilib və bu seminarların hər birində 40 şagird və 5 müəllim olmaqla, ümumilikdə 90 nəfər iştirak edib.

Əlibəy Məmmədov əsas diqqəti Azərbaycanda multikulturalizm mövzusuna yönəldib. O, qeyd edib ki, Azərbaycan ərazisinə görə o qədər də böyük dövlət olmasa da, burada müxtəlif mədəniyyətlər, dinlər və etnik qrupların nümayəndələri bir böyük ailənin üzvləri kimi yaşamaqdadırlar. Azərbaycanın zəngin tarixindən söhbət açan həmyerlimiz bildirib ki, dünya ölkələri arasında aktiv şəkildə müzakirə edilən mədəniyyətlərarası dialoq mövzusunda Azərbaycanın özünəməxsus yeri vardır. Bura dünyada misal gətirilə biləcək çox nadir məkanlardan biridir. Belə ki, Azərbaycanda tarix boyu müxtəlif millətlərin və dinlərin nümayəndələri sülh və əminamanlıq şəraitində yaşamış, bir-birinə qaynayıb qarışıblar. Sevindirici hal ondan ibarətdir ki, müasir Azərbaycanda da bu ənənə davam etməkdədir. Bu, Azərbaycanın dünyaya fəxrlə göstərə biləcəyi və göstərə bildiyi ali xüsusiyyətlərindən, dəyərlərdən biridir. Bu ali dəyər Azərbaycan üçün yüzilliklər boyu gündəlik həyatın bir hissəsinə çevrilib.

Ə. Məmmədov vurğulayıb ki, Azərbaycan dünyada sadəcə zəngin neft və qaz yataqlarına malik olan dövlət kimi deyil, həm də Avropa və dünya səviyyəli idman yarışlarının o cümlədən, tarixdə ilk dəfə Avropa Olimpiadasının, eyni zamanda Formula 1 yarışlarının, mədəniyyətlərarası dialoqların, belnəlxalq görüşlərin keçirildiyi, dini etiqad azadlığının tam təmin olunduğu, tolerant və multikultural ənənələrlə zəngin bir dövlət kimi tanınmaqdadır.

Seminarla bağlı söhbət açarkən Ə. Məmmədov bildirib ki, məktəbə daxil olanda müəllimlər də daxil olmaqla, şagirdlərin Azərbaycanla bağlı məlumatı, demək olar ki, yox idi. Lakin seminar bitdikdən sonra başlayan müzakirələrdə məktəblilərin əksəriyyəti Azərbaycana getmək istədiklərini, onlardan bəziləri isə hətta burada iş qurmaq fikrində olduğunu ifadə ediblər.

Qeyd edək ki, budəfə ki, seminarlarda Azərbaycanla bərabər, İran, Nepal, Özbəkistan, Kambociya, Sinqapurdan olan müəllimlər də öz ölkələri ilə bağlı çıxışlar ediblər.

Ə. Məmmədov bundan sonra da müntəzəm olaraq Yaponiya məktəblilərinə Azərbaycanla bağlı müxtəlif bilikləri aşılayacağına əminiliyini ifadə edib. O qeyd edib ki, gələcəkdə hər iki ölkənin məktəbləri arasında bilik körpülərinin yaradılmasında böyük fayda ola bilər.

Elnur Eltürk

Mənbə: Hürriyyət Onlayn İnformasiya Agentliyi

http://hurriyyet.org/xeberlenti/30226-yaponiya-mktblilri-azrbaycana-glmk-istyirlr.html

alibay-shekil-yaponiya-seminar-1

Yaponiya məktəbliləri Azərbaycana gəlmək istəyirlər (Palitra qəzeti)

İyun ayının 21-də Yaponiyanın paytaxtı Tokio şəhərinin Maçida qəsəbəsində yerləşən məktəbdə Azərbaycanla bağlı növbəti seminar keçirilib. Artıq 6-cı ildir ki, Yaponiyanın Hokkaydo Universitetində təhsil alan doktorant, bu ölkənin hökumət təqüdçüsü, konfliktoloq Əlibəy Məmmədov Maçida məktəblilərinə Azərbaycan, onun tarixi, mədəniyyəti, sosial-iqtisadi həyatı, siyasi sistemi və multikulturalizmin Azərbaycan modeli haqqında geniş məlumat verib və şagirdlərin suallarını cavablandırıb. Azərbaycanla bağlı ümumi 2 seminar təşkil edilib və bu seminarların hər birində 40 şagird və 5 müəllim olmaqla, ümumilikdə 90 nəfər iştirak edib.
Əlibəy Məmmədov əsas diqqəti Azərbaycanda multikulturalizm mövzusuna yönəldib. O, qeyd edib ki, Azərbaycan ərazisinə görə o qədər də böyük dövlət olmasa da, burada müxtəlif mədəniyyətlər, dinlər və etnik qrupların nümayəndələri bir böyük ailənin üzvləri kimi yaşamaqdadırlar. Azərbaycanın zəngin tarixindən söhbət açan həmyerlimiz bildirib ki, dünya ölkələri arasında aktiv şəkildə müzakirə edilən mədəniyyətlərarası dialoq mövzusunda Azərbaycanın özünəməxsus yeri vardır. Bura dünyada misal gətirilə biləcək çox nadir məkanlardan biridir. Belə ki, Azərbaycanda tarix boyu müxtəlif millətlərin və dinlərin nümayəndələri sülh və əminamanlıq şəraitində yaşamış, bir-birinə qaynayıb qarışıblar. Sevindirici hal ondan ibarətdir ki, müasir Azərbaycanda da bu ənənə davam etməkdədir. Bu, Azərbaycanın dünyaya fəxrlə göstərə biləcəyi və göstərə bildiyi ali xüsusiyyətlərindən, dəyərlərdən biridir. Bu ali dəyər Azərbaycan üçün yüzilliklər boyu gündəlik həyatın bir hissəsinə çevrilib.
Ə. Məmmədov vurğulayıb ki, Azərbaycan dünyada sadəcə zəngin neft və qaz yataqlarına malik olan dövlət kimi deyil, həm də Avropa və dünya səviyyəli idman yarışlarının o cümlədən, tarixdə ilk dəfə Avropa Olimpiadasının, eyni zamanda Formula 1 yarışlarının, mədəniyyətlərarası dialoqların, belnəlxalq görüşlərin keçirildiyi, dini etiqad azadlığının tam təmin olunduğu, tolerant və multikultural ənənələrlə zəngin bir dövlət kimi tanınmaqdadır.
Seminarla bağlı söhbət açarkən Ə. Məmmədov bildirib ki, məktəbə daxil olanda müəllimlər də daxil olmaqla, şagirdlərin Azərbaycanla bağlı məlumatı, demək olar ki, yox idi. Lakin seminar bitdikdən sonra başlayan müzakirələrdə məktəblilərin əksəriyyəti Azərbaycana getmək istədiklərini, onlardan bəziləri isə hətta burada iş qurmaq fikrində olduğunu ifadə ediblər.
Qeyd edək ki, budəfə ki, seminarlarda Azərbaycanla bərabər, İran, Nepal, Özbəkistan, Kambociya, Sinqapurdan olan müəllimlər də öz ölkələri ilə bağlı çıxışlar ediblər.
Ə. Məmmədov bundan sonra da müntəzəm olaraq Yaponiya məktəblilərinə Azərbaycanla bağlı müxtəlif bilikləri aşılayacağına əminiliyini ifadə edib. O qeyd edib ki, gələcəkdə hər iki ölkənin məktəbləri arasında bilik körpülərinin yaradılmasında böyük fayda ola bilər.

Fuad

Mənbə: Palitra qəzeti internet versiyası (2017.06.22)

http://palitranews.az/news.php?id=71141

alibay-shekil-yaponiya-seminar-1

Yaponiyada Azərbaycanla bağlı növbəti seminar keçirilib (karabakhmedia.az)

Fevral ayının 14-də Yaponiyanın paytaxtı Tokio şəhərinin Ota qəsəbəsində yerləşən məktəbdə bu ölkənin Hokkaydo universitetinin konfliktologiya sahəsi üzrə doktorantı, hökümət təqaüdçüsü, Yaponiya-Azərbaycan Əməkdaşlıq Assosasiyasının sədri Əlibəy Məmmədov tərəfindən Azərbaycanla bağlı növbəti seminar keçirilmişdir. Seminar zamanı yaponiyalı məktəblilərə azərbaycan dili, Azərbaycan mədəniyyəti, tarixi, insanları, ictimai-siyasi həyatı haqqında geniş məlumat verilmişdir.

Ə. Məmmədov qeyd etmişdir ki, Azərbaycan tarixən bir çox imperiyaların və böyük dövlətlərin idarəsi altında olmuşdur. Ayrı-ayrı millətlərin nümayəndələri ilə yaşamağa məcbur qalmışdır. Bu fakt azərbaycanlılarda ayrı-ayrı millətlərə, ayrı-ayrı dinlərə, ayrı-ayrı inanclı insanlara qarşı toleyrant yanaşma xarakterini formalaşmışdır.

Azərbaycan adı altında 1918-ci ildə ilk dəfə əldə etdiyi müstəqilliyi uzun sürməsə belə milli ideyanın formalaşmasına güclü təkan vermişdir. 1991-cı ildə Sovet İttifaqının zəifləməsi və süqut etməsi ilə azərbaycanlılar yenidən müstəqillik əldə edirlər. Bu dəfə də ilk illər çox ağır keçir. Qonşu Ermənistanla ərazi problemi, torpaqlarının 20%-nin işğal edilməsi, 1 milyondan artıq qaçqın və məcburi köçkünlərin peyda olması, ölkə daxilində hakimiyyət uğrunda gedən qızğın mübarizələr, ölkəni parçalamağa yönəlmiş daxili üsyanlar və s xoşagəlməz hadisələr yeni müstəqillik əldə etmiş bir dövlət üçün çox çətin idi. Lakin bununla belə bu dəfə Azərbaycan xalqı əzmkarlıq göstərməklə öz müstəqilliyini qoruyub saxlamağa nail oldu. 1993-cü ildə Sovet İttifaqı dövründə də Azərbaycana uzun illər rəhbərlik etmiş, dünya səviyyəli lider, zəngin təcrübəyə sahib Heydər Əliyevin hakimiyyətə gəlməsi ilə Azərbaycan tənəzzüldən inkişafa doğru çətin amma şərəfli böyük bir yola qədəm qoydu.

Sevindirici hal ondan ibarətdir ki, bu yolda həm Azərbaycan rəhbərliyi həm də onun xalqı üzüağ və şərəflə çıxmağa nail oldu. 1991-1994-cü illərdə bir çox böyük dövlətlər Azərbaycana qarşı iqtisadi təkləmə siyasəti yürütsələr də artıq 90-cı illərin sonlarına doğru Azərbaycan yalnız qonşuları üçün deyil, həm də dünyanın aparıcı dövlətləri üçün ən əsas strateji partnyor mövqeyinə qədər yüksəlməyə nail olmuşdur.

2000-ci illər ərzində Azərbaycanın dünya çapında gözəçarpan, sürətli inkişafı tarixə qızıl hərflərlə yazılmışdır. Azərbaycanın zəngin neft yataqlarından qazanılan gəlirlər sayəsində Azərbaycan kənd təsərrüfatı və turizm sahəsi də böyük inkişaf yoluna qədəm qoymuşdur.

Təsadüfi deyildir ki, məhz 2000-ci ildə Azərbaycanın paytaxtı Bakı şəhərində Yaponiya səfirliyi fəaliyyətə başlamışdır. Müqayisə üçün qeyd etmək yerinə düşər ki, qonşu Ermənistan da Yaponiya səfirliyi 15 il sonra 2015-ci ildə açılmışdır. Bunun özü Yaponiya hökümətinin Cənubi Qafqaz regionunda Azərbaycana verdiyi müstəsna dəyərin və hörmətin bariz nümunəsidir.

Qeyd edək ki, proqram çərçivəsində Sinqapur, Tailand, İndoneziya, Hindistan və Perudan olan xarici tələbələr də öz ölkələri haqqında məlumatlar vermiş, fikir mübadiləsi aparmışlar.

Elnur Eltürk

Mənbə: Karabakhmedia.az

http://karabakhmedia.az/main/10525-yaponiyada-azerbaycanla-bagli-novbeti-seminar-kechirilib.html

alibay-shekil-yaponiya-seminar-1

Yaponiyada Azərbaycanla bağlı növbəti seminar keçirilib

Fevral ayının 14-də Yaponiyanın paytaxtı Tokio şəhərinin Ota qəsəbəsində yerləşən məktəbdə bu ölkənin Hokkaydo universitetinin konfliktologiya sahəsi üzrə doktorantı, hökümət təqaüdçüsü, Yaponiya-Azərbaycan Əməkdaşlıq Assosasiyasının sədri Əlibəy Məmmədov tərəfindən Azərbaycanla bağlı növbəti seminar keçirilmişdir. Seminar zamanı yaponiyalı məktəblilərə azərbaycan dili, Azərbaycan mədəniyyəti, tarixi, insanları, ictimai-siyasi həyatı haqqında geniş məlumat verilmişdir.
 Ə. Məmmədov qeyd etmişdir ki, Azərbaycan tarixən bir çox imperiyaların və böyük dövlətlərin idarəsi altında olmuşdur. Ayrı-ayrı millətlərin nümayəndələri ilə yaşamağa məcbur qalmışdır. Bu fakt azərbaycanlılarda ayrı-ayrı millətlərə, ayrı-ayrı dinlərə, ayrı-ayrı inanclı insanlara qarşı toleyrant yanaşma xarakterini formalaşmışdır.
 Azərbaycan adı altında 1918-ci ildə ilk dəfə əldə etdiyi müstəqilliyi uzun sürməsə belə milli ideyanın formalaşmasına güclü təkan vermişdir. 1991-cı ildə Sovet İttifaqının zəifləməsi və süqut etməsi ilə azərbaycanlılar yenidən müstəqillik əldə edirlər. Bu dəfə də ilk illər çox ağır keçir. Qonşu Ermənistanla ərazi problemi, torpaqlarının 20%-nin işğal edilməsi, 1 milyondan artıq qaçqın və məcburi köçkünlərin peyda olması, ölkə daxilində hakimiyyət uğrunda gedən qızğın mübarizələr, ölkəni parçalamağa yönəlmiş daxili üsyanlar və s xoşagəlməz hadisələr yeni müstəqillik əldə etmiş bir dövlət üçün çox çətin idi. Lakin bununla belə bu dəfə Azərbaycan xalqı əzmkarlıq göstərməklə öz müstəqilliyini qoruyub saxlamağa nail oldu. 1993-cü ildə Sovet İttifaqı dövründə də Azərbaycana uzun illər rəhbərlik etmiş, dünya səviyyəli lider, zəngin təcrübəyə sahib Heydər Əliyevin hakimiyyətə gəlməsi ilə Azərbaycan tənəzzüldən inkişafa doğru çətin amma şərəfli böyük bir yola qədəm qoydu.
 Sevindirici hal ondan ibarətdir ki, bu yolda həm Azərbaycan rəhbərliyi həm də onun xalqı üzüağ və şərəflə çıxmağa nail oldu. 1991-1994-cü illərdə bir çox böyük dövlətlər Azərbaycana qarşı iqtisadi təkləmə siyasəti yürütsələr də artıq 90-cı illərin sonlarına doğru Azərbaycan yalnız qonşuları üçün deyil, həm də dünyanın aparıcı dövlətləri üçün ən əsas strateji partnyor mövqeyinə qədər yüksəlməyə nail olmuşdur.
 2000-ci illər ərzində Azərbaycanın dünya çapında gözəçarpan, sürətli inkişafı tarixə qızıl hərflərlə yazılmışdır. Azərbaycanın zəngin neft yataqlarından qazanılan gəlirlər sayəsində Azərbaycan kənd təsərrüfatı və turizm sahəsi də böyük inkişaf yoluna qədəm qoymuşdur.
Təsadüfi deyildir ki, məhz 2000-ci ildə Azərbaycanın paytaxtı Bakı şəhərində Yaponiya səfirliyi fəaliyyətə başlamışdır. Müqayisə üçün qeyd etmək yerinə düşər ki, qonşu Ermənistan da Yaponiya səfirliyi 15 il sonra 2015-ci ildə açılmışdır. Bunun özü Yaponiya hökümətinin Cənubi Qafqaz regionunda Azərbaycana verdiyi müstəsna dəyərin və hörmətin bariz nümunəsidir.
 Qeyd edək ki, proqram çərçivəsində Sinqapur, Tailand, İndoneziya, Hindistan və Perudan olan xarici tələbələr də öz ölkələri haqqında məlumatlar vermiş, fikir mübadiləsi aparmışlar.
Elnur Eltürk
Mənbə: Moderator.az
alibay-shekil-yaponiya-seminar-1

Yaponiyada yaşayan azərbaycanlı: “Yapon xanımlarda əcnəbilərə qarşı bir ayrı sevgi gördüm” – MÜSAHİBƏ +

Modern.az saytına müsahibəmi olduğu kimi təqdim edirəm. Xaricdə təhsil, diaspora fəaliyyəti, xaricdə olan həmvətənlərimizin necə fəaliyyət göstərməli olduğu, ümumilikdə mənim niyə görə yaponiyada olmağım, həyata baxışlarım, düşüncələrim və gələcək planlarımla bağlı məlumat əldə etmək istəyənlər üçün maraqlı və keyfiyyətli bir məqalə olduğunu düşünürəm.

———————————————————————

Yaponiyada yaşayan azərbaycanlı: “Yapon xanımlarda əcnəbilərə qarşı bir ayrı sevgi gördüm” – MÜSAHİBƏ  +

18.07.2016, 10:02

img112
Şəkil 2015-ci ilin Mart ayında Kyoto şəhərində çəkilmişdir. Sakura mövsümü çox gözəl keçir. 

Moderna.az saytı Yaponiyada yaşayan həmyerlimiz, Yaponiya-Azərbaycan Əməkdaşlıq Assosasiyasının sədri Əlibəy Məmmədovla müsahibəni təqdim edir.
– Əlibəy, əvvəlcə öz barəlumat verərdiniz?

 

– Yaponiyanın Hokkaydo Universitetinin siyasi elmlər üzrə doktorantı, universitetin xarici tələbələr assosasiyasının fəxri prezidenti, Yaponiya-Azərbaycan Əməkdaşlıq Assosasiyasının təsisçisi və sədriyəm. Təxminən 4 il yarımdır ki, Yaponiyada yaşayıb, təhsil alıram, işləyirəm.

1988-ci ildə Moskva şəhərində doğulmuşam. Bakı şəhərində böyüyüb boya-başa çatmışam. 27 yaşım var. Valideynlərim Moskva Dövlət Universitetinin Tarix fakültəsinin məzunlarıdırlar. Tarixçi ailəsində böyüməyim, mənim bir şəxsiyyət kimi formalaşmağımda müstəsna rol oynayıb.

Evimizdə hər zaman tarixçi abı-havası hökm sürüb. Evimiz tarixi şəxsiyyətlər haqqında kitablarla zəngin idi. Mənim adımın Əlibəy qoyulmasında da bir məqsəd olub.

Qeyd edim ki, Səfəvilər dövlətindən xarici ölkəyə (səhv etmirəmsə İtaliyaya) ilk dəfə ezam olunan azərbaycanlı diplomatın adı da məhz Əlibəy olmuşdur. Valideynlərim mənim gələcəkdə diplomat olacağıma inanaraq, bu adı mənə bəxş etmişlər.
1994-2000-ci illərdə Nəsimi rayonundakı 111 saylı orta məktəbdə, 2000-2005-ci illərdə Xətai rayonunda yerləşən, ölkə miqyasında sayılıb-seçilən 20 ən güclü məktəbdən biri olan, akademik Azad Mirzəcanzadə adına 147 saylı Texniki-Humanitar Liseyində təhsil almışam. Bu liseydə təhsil almaq imkanı əldə etməyim, mənim elmi səviyyəmi kifayət qədər artırıb. 2004-cu ildə tarix fənni üzrə Respublika Olimpiadasında 2-ci yerə layiq görülmüşdüm. 2005-ci ildə məktəbi bitirdikdən sonra qəbul imtahanları başladı. Mən lazımı nəticəni göstərməklə Bakı Dövlət Universitetinin Şərqşünaslıq (indiki Regionşünaslıq) fakültəsinə yapon dili və ədəbiyyatı ixtisası üzrə daxil oldum. Burada yapon dili, ədəbiyyatı, onun tarixi və mədəniyyəti, insanları, adət-ənənələri, elminin inkişafı ilə bağlı bakalavr səviyyəsində kifayət qədər məlumatlara sahib oldum. Həmin dövrdə il ərzində ölkə üzrə yalnız 8 nəfər bu ixtisasa daxil ola bilirdi. Həmin 8 xoşbəxtdən biri mən idim. Bizə Yaponiyanın Bakıdakı səfirliyi çox yardım edirdi, bizimlə yaxından maraqlanırdılar. Hər ay səfirlikdə diskussiyalar etmək şansı qazanırdıq. Azərbaycana səfər edən yaponiyalı qonaqlar tez-tez universitetimizə məruzələr etmək üçün təşrif buyururdular. Üstəlik Yaponiya hökümətindən ezam olunmuş peşəkar yapon müəllimlər bizə yapon dilinin incəliklərini öyrədirdilər.

Bütün bunlara baxmayaraq, universitetə daxil olduğum ilk 2 il ərzində heç də mükəmməl tələbə deyildim. Qiymətim əla idi, amma bir çox vacib məqamlarda qrup yoldaşlarımdan geri qalırdım. Təsadüfi deyildir ki, Yaponiyadan ezam olunmuş müəllimimiz də mənə o qədər fikir vermirdi. Daha savadlı tələbələrə diqqət ayırırdı. 16-17 yaşlarında olan bir tələbə üçün bunlar heç şübhəsiz təsirsiz ötüşməyə bilməzdi.

Mənim də özümə görə öz “səbəblərim” var idi. İlk sevgimdən ayrılmağım, ailəmizdə olan iqtisadi problemlər, valideynlərimin düşüncələrində olan anlaşılmazlıqlar və s. təhsilimə tam gücümlə diqqət cəmləşdirməyimə mane olurdu. Bunlar, ən azından həmin dövrdə öz tənbəlliyimi bir növ ört-basdır etmək, ona bəraət qazandırmaq üçün özümə qarşı uydurduğum və inanmaq istədiyim bəhanələrim idi. Özümü psixoloji cəhətdən də olduqca zəif biri hesab edirdim. Qrup yoldaşlarımdan da tez-tez “Əlibəy sənə Yaponiya, yapon dili uyğun deyil”, “özünə daha uyğun yolu seçmək vaxtıdır”, “bəlkə Tarix fakültəsinə keçəsən” kimi şərhlər də eşidirdim.

Məktəbimizdə olan ingilis dili müəlliməsi isə yapon dili və ədəbiyyatı ixtisasına qəbul olunduğumu biləndə demişdi ki, “Əlibəy heç ingiliscə doğru-dürüst danışa bilmir, o ki qaldı yaponca öyrənsin”.
Hər həftənin 4-cü günü yapon dilindən test imtahnalarımız da olurdu. Əksəriyyətini buraxırdım. Bunlar mənə çox pis təsir edirdi.

Amma belə davam edə bilməzdi. Mən hər zaman öz daxilimdə olan parlaq günəşin işıltısını hiss edirdim. İçimdə olan atəşi alovlandıracaq bir gücə, bir düşüncəyə, bir insana ehtiyacım var idi.

Həmin insanla tanışlığım isə 2007-ci ilə təsadüf etdi. Yaponiyadan Vatanabe adlı kişi müəllim ezam olundu universitetimizə. Bu şəxs ixtisasca ədəbiyyatçı olsa da, çox fəlsəfi bir insan idi. Həyat və insanlar haqqında öz fəlsəfəsi var idi. Düşüncələrində razılaşmadığım məqamlar olsa belə, ondan öyrənməli çox məsələlər var idi. Tamamilə başqa dünyada yaşayırdı sanki. Vatanabe müəllim mənə hər zaman deyərdi ki, “sən çox güclü insansan, sadəcə özünü düzgün qiymətləndirməyi bacarmırsan və öz gücünü, vaxtını düzgün idarə edə bilmirsən. İnsanlarla münasibətlərinə az fikir verirsən. Bu mənfi cəhətlərini düzəldə bilsən ardıcıl uğurlar qazanacaqsan. Öz üzərində işlə. Miqyasın əhəmiyyəti yoxdur, əsas odur ki, davamlı işləyəsən. Nəticəsini görəcəksən”.

Bu kəlmələr mənim qulağımda sırğa olmuşdu. 3-cü kursda oxuyanda artıq ilk 4 ayda qrup yoldaşlarım və müəllimlərim də mənim əziyyət çəkərək, oxumağıma şahid olurdular və bunu dilə gətirirdilər. Xüsusilə, heroqlifi gözəl bildiyimə görə dostlar arasında “Gəzən lüğət” ləqəbini qazanmışdım. 2008-ci ilin mart ayında səfirlikdə imtahan planlaşdırılırdı. İlk yeri tutacaq tələbə Yaponiyaya bir illik proqram üzrə təqaüdlə təhsil almaq imkanı əldə edəcəkdi. Çox hazırlaşmışdım və inanırdım ki, qazanacam. Amma belə olmadı. Hətta, səfirliyə müsahibəyə çağırılmış 5 nəfərin siyahısında adım belə, yox idi. Əslində belə də olmalı idi. Mən sadəcə son 1 ili ciddi şəkildə hazırlaşmışdım. Qrup yoldaşlarım isə 3 ildir ki, davamlı və sistemli şəkildə hazırlaşırdılar. Mən əzbərçiliyə meylli idim, qrup yoldaşlarım isə məğzin dərkinə. Mən sanki vitaminlərlə qidalanırdım, qrup yoldaşlarım isə təbii qidanın özüylə. Buna görə də bu nəticələr təbii idi və soyuqqanlı qəbul etmək lazım idi.

Amma çox pis təsir etmişdi mənə. Hətta təxminən 1 ay psixolji cəhətdən o qədər gərgin idim ki, universitetə dərsə də getmirdim.

Bütün bunlara baxmayaraq, 2009-cu ildə BDU-u qırmızı diplomla bitirməyə nail oldum. Amma içimdə narahaçılıq var idi və bu məni hətta yuxularımda belə, rahat buraxmırdı. Bir neçə dəfə şansımın olmasına rəğmən, Yaponiyaya təhsil almağa getmək şansını əldən vermişdim. Bunu özümə heç cür bağışlaya bilmirdim.

2009-cu ilin iyul ayında 1 il müddətinə hərbi xidmətə yola salındım. Bu bir il ərzində kifayət qədər düşündüm və hərbi hazırlıqlarım da mənim psixoloji cəhətdən sarsılmaz bir əsgər kimi yetişməyimdə əvəzsiz rol oynadı. 2010-cu ilin iyulunda manqa komandiri olaraq hərbi xidməti uğurla başa vurdum. Hətta bir neçə hərbi hissəyə müəyyən silahlardan dərs keçməyə belə,  göndərildim. Bakıya qayıtdıqdan sonra düşündüm ki, artıq uğursuzluqlar geridə qaldı. Kifayət qədər uğursuzluğum olub. Artıq davamlı, silsilə uğurlar qazanmaq zamanıdır. Yapon dilində belə bir gözəl atalar sözü var “Uğursuzluq uğurun başlanğıcıdır”. Mənim də uğursuzluqlarım, qarşıdan gələcək böyük uğurlarımın başlanğıcı idi əslində.

Öz üzərimdə kifayət qədər işlədim. Bakıda yaşayan və işləyən yaponlarla xoş münasibətlər qurdum. Səfirlikdə haqqımda kifayət qədər müsbət rəy yarandı. Səfirlik və Bakıda olan böyük Yaponiya şirkətlərindən iş təklifləri gəlməyə başladı. 2 il təxminən tərcüməçi kimi və yarı peşəkar yapon dili müəllimi kimi fəaliyyət göstərdim. Bu müddət ərzində hər zaman tanrıya dua edirdim ki, mənə yenidən şans versin.

Həmin şans 2011-ci ildə gəldi. May və iyun aylarında ard-arda iki imtahan keçirildi səfirlikdə. Mən artıq imtahandan qabaq özümü daxilən qalib hiss edirdim. Bu dəfə ki, inam hissim, güclü işin nəticələrinə söykənirdi. Hər iki imtahanda ən yüksək nəticəni göstərməklə Yaponiyaya təhsil almağa getmək şansı əldə etdim. Sevincimin həddi-hüdudu yox idi. İlk dəfə idi ki, həyatımda böyük bir uğur qazanırdım. İkinci imtahan daha vacib idi. Bunun nəticəsində müvafiq imtahanlardan keçməklə ümumilikdə 6 illik (1 il tədqiqatçı tələbə, 2 il magistratura və 3 il doktorantura pillələri üzrə) Yaponiya hökümətinin təqaüd proqramını əldə etmiş olacaqdım. Mən arzumu həyata keçirdim, bu nailiyyəti əldə edə bildim. Hesab edirəm ki, uğurumun əsasını, heç kimin mənə güvənmədiyi anlarda belə, özümə qarşı hiss etdiyim güclü inam hissi olmuşdur.

– Yaponiyanı seçməniz hansı zərurətdən irəli gəldi?

 

– Uşaqlıqdan daxilimdə Şərq ölkələrinə, xüsusilə Yaponiya, Çin və Koreyaya qarşı xüsusi rəğbət hissi var idi. Bu ölkələrin tarixi və mədəniyyətinə böyük marağım var idi. Xüsusilə Çin və Yaponiya mədəniyyətinin zənginliyi məni özünə məftun etmişdi. Anam Yaponiya tarixi ilə bağlı müəyyən biliklərə sahib idi və mənimlə bölüşmüşdü bildiklərini. Məktəbdə şagirdlər, universitetdə tələbələr arasında Avropa və Amerikanı seçənlər çox idi. İngilis dili daha populyar idi. Mən də ingilis dilini öyrənirdim. Çünki bilirdim ki, bu dili bilmədən beynəlxalq səviyyəli bir insan olmaq mümkün deyil. Amma tək bununla kifayətlənmək istəmirdim. Mən xüsusi rəğbət bəslədiyim Yaponiyanı, onun insanlarını öyrənmək, bu ölkəni fəth etmək arzusunda idim. Bunun üçün isə yapon dilini bilmək çox vacib idi. Bunsuz müşkül məsələ olardı. Ona görə universitetə daxil olanda “Yapon dili və ədəbiyyatı” şöbəsini seçdim. Universitetdə peşəkar səviyyədə yapon dili bacarığına yiyələndikdən sonra bu dildə elmi iş yazmaq və Yaponiyanın elm dünyasını fəth etmək fikrinə düşdüm. Bu ölkədə elm adamları çox yüksək pillədədirlər və ölkəni daxili və xarici siyasətinin formalaşmasında elm adamlarının çox mühüm əməyi və təsir gücü vardır. Bizim universitetimizdə belə siyasətçilər və biznesmenlər müntəzəm olaraq professorlardan müəyyən məsələlər üzrə məsləhətlər almağa gəlirlər və bu adi haldır. Yaponiyanın elm dünyasını fəth etməkdə məqsədim var idi. Azərbaycan haqqında müsbət rəy yaratmaq. Ölkəni onun insanları ilə tanıyırlar. Xaricdə olan hər bir insan öz ölkəsinin bir növ güzgüsüdür. İnsanlar onunla ölkə haqqında fikir formalaşdırırlar. Bunun üçün də mən hər zaman belə hesab edirəm ki, xaricdə olan hər bir azərbaycanlı özünü ölkəsinin səfiri, konsulu hiss etməli və buna uyğun hərəkət etməlidir. Öz davranışlarına fikir verməli, danışığına, davranışına böyük diqqət yetirməlidir. Ölkə haqqında bir dəfə stereotip yaranarsa sonra onu dəyişmək çox çətin olur. Onun üçün də xaricdə olan hər bir vətəndaşımız özünü ağıllı diplomat kimi aparmalıdır. Mən də elm adamı kimi özümü tanıtmaqla, ölkəmlə bağlı xoş bir rəy yaratmaq fikrində idim və bu işdə müəyyən uğurlar da əldə etdim. Yaponiyanın iqtisadi və siyasi təcrübəsini Azərbaycanda gələcəkdə tədbiq etmək istərdim. Bundan həm dövlətimiz həm də xalqımız yararlana bilər.

2011-ci ilin imtahanlarından uğurla keçdikdən sonra, Bakıdakı Yaponiya səfirliyinin qiymətləndirməsi və şəxsən səfirin xasiyyətnaməsi ilə Yaponiya universitetlərinə təhsil almaq şansın əldə etdim. 2012-ci ilin aprel ayında Yaponiyanın 5 ən məşhur və qədim imperator universitetlərindən biri olan Hokkaydo Universitetinə qəbul olundum. Ona görə bu universiteti seçdim ki, məni mövzum üzrə Yaponiyada bir nömrəli professor məhz burada işləyirdi. Həm Hokkaydonun möhtəşəm iqlimi məni özünə cəlb etmişdi. İlk 1 ildə, əsas etibarilə yapon dili bacarığımın inkişaf etdirilməsi üzərində işlədim və natiqlik qabiliyyətimi artırdım. 2013-2015-ci illərdə magistr pilləsində təhsil aldım.

2015-ci ildə Hokkaydo Universitetinin magistr pilləsini uğurla bitirdim. Elmi işimi yapon dilində “Kuril adaları problemi və ictimai rəy” mövzusunda müdafiə etdim. Bununla bağlı 28 səhifəlik elmi məqaləm bu ilin mart ayında Yaponiyanın məşhur “Sərhəd Araşdırmaları” elmi jurnalında çapdan çıxdı. 2015-ci ilin aprel ayında isə universitetin doktorantura pilləsinə ucaldım. Burada isə mövzum “Kuril adaları problemi və Dağlıq Qarabağ münaqişəsinin müqayisəli təhlili”dir. Bu mövzuda Yaponiyada və Amerikada bir neçə beynəlxalq elmi konfranslarda ingilis və yapon dillərində çıxışlarım olmuşdu. Eyni zamanda Şri-Lankada baş vermiş vətəndaş müharibəsini də müqayisəli şəkildə öyrənirəm. Regionlara da dəfələrlə səfərim olmuşdu. Bu il Şri-Lankaya da araşdırma aparmağa gedəcəm.

Əlbəttə, təbii olaraq, sual oluna bilər ki, bunlar tamamilə fərqli problemlərdir. Doğru irad kimi qəbul etmək olar bunu. Mənim elmi rəhbərimlə də bu mövzuda bir neçə dəfə elmi mübahisələrimiz olmuşdu. Həm Kuril adaları və həm də Dağlıq Qarabağ münaqişəsi ilə bağlı təhqiqatlarda daha çox ölkə rəhbərlərinin, söz sahibi olan siyasətçilərin, Xarici İşlər Nazirliyi səviyyəsində olan danışıqların təhlillərini görürük. Əlbəttə, bunlar çox vacibdir və araşdırılmalıdır. Amma sadəcə bunlarla kifayətlənmək doğru deyildir. Bu müharibələr, problemlər nəticəsində öz yurd-yuvalarından didərgin düşmüş insanların vəziyyəti necə? Onların problemə yanaşmaları? Problemin həllini necə görmələri? Ermənilərlə birgə yaşama necə yanaşmaları? Bütün bu sualları qaldırmaq gərəkir. Problemlər nəticəsində ona qədər olan stabil həyatları məhv olmuş, iqtisadi yaşam şəraitləri tamamilə dəyişmiş, gözlərinin qarşısında görünməyən və görünən sərhədlər yaranmış və öz doğma, hüquqi yurd-yuvalarından didərgin salınmışlar. Biz hər zaman problemlə bağlı danışıqlar aparanda əsas prioritet məsələ kimi bu insanların mövqelərini qaldırmalıyıq. Məsələ öz həllini siyasi yolla tapacaqsa belə, bu regionun insanlarının düşüncə və mövqelərini özündə əks elətdirməlidir.

Sadəcə əraziləri geri qaytarmaqla və ya müqavilə imzalamaqla problemin həllinə nail olmaq olmaz. Ən əsas problemlər məhz bundan sonra başlayacaq. Bu ərazilərdə ermənilərlə, azərbaycanlılar yenidən birgə yaşamağa başlayacaqlar. Başa verə biləcək bütün çaxnaşmaları öncədən dəqiqliklə bilib, qarşısını almaq gərəkəcəkdir. Uzun bir proses olacaq amma lazımi mütəxxəssislər bu işə cəlb olunarsa, məsələnin tam həllinə inamım yüksəkdir.

– Orada yaşayan azərbaycanlı çoxdurmu və əlaqələriniz necədir?

 

– Yaponiyada təxminən 50 nəfərə yaxın həmyerlimiz yaşayır. Əsas etibarilə, tələbələr, səfirlik işçiləri, yerli şirkətlərdə çalışanlar və onların ailə üzvləridir. Sözün düzü, mənim üçün azərbaycanlı anlayışı sadəcə Azərbaycan pasportuna sahib olanlarla məhdudlaşmır. İran azərbaycanlılarını mən xüsusilə qeyd etmək istərdim. Onlar bizimlə Aərbaycan dilində ünsiyyət qurur və qürur hissi ilə özlərini azərbaycanlı hesab edirlər. Mən belə hesab edirəm ki,Azərbaycan dilində danışan və özünü azərbaycanlı hesab edən hər kəs bizim həmvətənimizdir. Azərbaycanlıların tarixi sırf Azərbaycan Respublikası sərhədləri ilə məhdudlaşmır. Həmyerlilərimiz tarixi əsrlər boyu bütün dünyaya yayılmışdır. Bu çox vacib məqamdır və bunu unutmaq olmaz. Burada yaşayan həmvətənlərimizin münasibətlərinin qarşılıqlı anlaşma və dostluq əsasında qurulduğunu düşünürəm.

– Yaponiyada təhsil almaq çətin deyil ki?

 

– “Ucuz ətin şorbası dadlı olmaz” deyib atalarımız. Əlbəttə, yapon dili asan dillərdən hesab olunmur. Amma onun da öz qaydaları vardır. Yaponiyada təhsil almaq asan deyil. Bu sırf dil çətinliyinə görə deyil. Həm də adət-ənənə, yerli qaydaların fərqliliyi, xaricilərə olan münasibət, düşdüyün mühit, ətrafında olan insanlarla əlaqədar olaraq dəyişir.

Universitetdə əsas etibarilə siyasi mövzulu kitabları ingilis və yapon dillərində oxuyuruq. İlk zamanlar çox çətin idi. Amma zaman keçdikcə, insan uyğunlaşır. Bu da yeni bir səviyyədir. Yeni bir modeldir.

Amma əgər bir dəfə uğur qazana bilsən, yaponların qəlbini fəth edə bilsən, ondan sonra hər bir işdə özləri insana kömək göstərirlər. Dəstək olurlar.

– Azərbaycan diasporu Yaponiyada necə fəaliyyət göstərir?

 

– Yaponiyada 2000-ci illərdə Azərbaycan diasporu fəaliyyət göstərib. Kifayət qədər uğurlar da qazanılıb. Amma 2010-cu ildən bu yana Yaponiyada Azərbaycan diasporunun fəaliyyəti ilə bağlı hər hansısa bir məlumata rast gəlmirik. Böyük bir boşluq var idi. Bu boşluğu aradan qaldırmaq məqsədilə 2012-ci ilin oktyabr ayında etibarən, Yaponiyada diaspora fəaliyyətinə start vermişəm.

İlk əvvəllər sadə bir tələbə olaraq, Yaponiya məktəblərində, ictimai orqanlarında, universitetlərdə Azərbaycanla bağlı seminarlarla bu fəaliyyətə başlamışam. 2013-cü ildə Hokkaydo Universitetinin Beynəlxalq Münasibətlər bölməsinə işə götürüldüm. 1 il burada işlədim. Əsas məqsəd xarici tələbələrə xarici tələbənin nöqteyi nəzərindən yanaşmaq və onların gündəlik üzləşdikləri problemlərin həllini araşdırmaqdan ibarət idi. Burada işləməklə kifayət qədər özümü tanıtmağı bacardım. Təkcə universitetdə deyil, universitetin yerləşdiyi Sapporo şəhər ictimaiyyəti, ziyalıları, yerli biznesmenləri ilə də xoş münasibətlər qurulmasına nail oldum. Bütün bunlar nəticəsində 2014-cü ildə Hokkaydo Universitetinin Xarici Tələbələr Assosasiyası rəhbərliyinə namizədliyim irəli sürüldü və may ayının 15-də rəsmən assosasiyaya prezident seçildim. 2015-ci ilin aprel ayının 23-də yenidən bu vəzifəyə seçildim. 2016-cı ilin aprel ayından isə fəxri prezidenti olaraq fəaliyyət göstərirəm. Qeyd edim ki, universitetimizdə 1800 nəfərdən çox xarici tələbə təhsil alır. Onların içində ilk əvvəl yeganə azərbaycanlı tələbə olmağıma baxmayaraq prezident seçilməyim böyük bir hadisə kimi qələmə verilirdi.

Assosasiyaya prezident seçilməyim mənim bir çox həlledici hüquqlara yiyələnməyimə gətirib çıxartdı. Bu hüquqlarımdan istifadə etməklə, Yaponiyada olan Azərbaycan diasporu fəaliyyətim keyfiyyətcə yeni bir mərhələyə qədəm qoydu. Bunun nəticəsində, təşkil etdiyimiz Beynəlxalq Mədəniyyət gecələrində, Beynəlxalq Yemək festivallarında Azərbaycan adı tez-tez işlənməyə başladı. Azərbaycanla bağlı elmi konfranslar da təşkil etdik. Hər zaman məqsədim belə tədbirlərə daha çox elm adamlarının, biznesmenlərin cəlb edilməsi olmuşdur. Çünki sırf bu adamlar ölkə siyasətinin istiqamətlərinin müəyyənləşdirilməsində aparıcı rol oynayırlar.

Xüsusilə qeyd etmək istədiyim isə, Sapporo şəhərində hər il fevral ayında baş tutan Beynəlxalq Qar Fiqurları Festivalında iki il ard-arda Azərbaycanın təmsil olunması nail olmaq idi. Hokkaydo Universiteti Xarici Tələbələr Assosasiyasının prezidenti olaraq bu təşəbbüslə çıxış etmişdim. Bu təklifim festivalın təşkilatçılarından olan, özündə yaponiyalı biznesmenləri cəmləşdirən “Sapporo Ohdori Lions Club” tərəfindən dəstəklənib. 2015-ci ildə Qız Qalası və qarşısında milli geyimdə olan həmvətənlərimizin qardan hazırlanmış fiqurları nümayiş etdirilib. 2016-cı ildə isə Heydər Əliyev Mərkəzi və qarşısında milli geyimli azərbaycanlıların qardan fiqurları hazırlanmışdı. 2 il ərzində yerli və xarici təxminən 5 milyon insan bu möhtəşəm festivalı izləyib. Əsas iş yerli professional şirkət tərəfindən hazırlandıqdan sonra, Sapporo ziyalıları, biznesmenlər, xarici tələbələr və məktəblilər tərəfindən son tamamlama işləri aparılıb. Burada yaponiyalı və xarici qonaqlara Azərbaycanla, onun insanları, mədəniyyəti, tarixi ilə bağlı məlumatlar verilib.

2015-ci ilə qədəm qoyduqdan sonra fəaliyyət dairəm daha çox paytaxt Tokyoda genişlənib. Yerli internet telekanallarında canlı efirlərdə dəfələrlə iştirak edib, Konstitusiya günü, Bayraq Günü, Dirçəliş Günü, Həmrəylik Günü, 20 Yanvar hadisəsi, Xocalı soyqırımı, Dağlıq Qarabağla bağlı eyni zamanda Azərbaycan biznes mühiti mövzularında çıxışlar etmişəm. Azərbaycanın haqq səsi bir çox çevrələrə çatdırılmış, erməni terrorizmi pislənmişdir.

2016-cı ilin İyun ayının 16-da Tokyoda, yaponiyalı biznesmenlərin dəstəyi ilə, ona qədər olan diaspor fəaliyyətimi bir adda cəmləşdirmək məqsədi ilə “Yaponiya-Azərbaycan Əməkdaşlıq Assosasiyası”nı təsis etmişəm və hazırda sədriyəm.

Son illәr Yaponiya vә Azәrbaycan arasında ikitәrәfli münasibәtlәrin inkişafı, qarşılıqlı sәfәrlәr, kadr mübadilәsinin artması, mәdәni әlaqәlәrin sürәtli inkişafı, eyni zamanda biznes sahәsindә gözәçarpan işlәrin görülmәsi, Azәrbaycana Yaponiyanın kiçik vә orta sahibkarlarının böyük maraq göstәrmәsi Yaponiya-Azәrbaycan Әmәkdaşlıq Assosasiyasının yaradılmasına tәkan verәn әsas amillәrdәndir. Yapon iş adamları, elm xadimlәri ilә görüşlәrdә dә iki ölkә әlaqәlәrinin inkişafına dәstәk mәqsәdilә Azәrbaycan diaspora tәşkilatının yaradılmasının vacibliyi dәfәlәrlә vurğulanıb.

Yeni diaspor tәşkilatını yaratmaqda әsas mәqsәd Yaponiyada Azәrbaycanı tanıtmaq, Azәrbaycan hәqiqәtlәrini yaymaq, tariximizi, mәdәniyyәtimizi tәbliğ etmәkdir. Yeni tәşkilatın yaradılmasında dәfәlәrlә Azәrbaycanda sәfәrdә olmuş yapon iş adamları İşida Kazuyasu, Yoşinobu Kanayama, Hirokazu Taniguçi Yoşimitsu İnamoto, Şiniçi İvaki, Rie Fujivara, Marie Kanayama, Hirotsugu Morişima vә digәrilәri yaxından iştirak edib.

– Ölkələrimiz arasında oxşar və fərqli cəhətlər nədən ibarətdir?

 

– Mən belə hesab edirəm ki, ölkələrimiz arasında oxşar və fərqli cəhətlər çoxdur. Həm Yaponiya, həm də Azərbaycan müasirliyi aktiv şəkildə inkişaf etdirməklə bərabər, həm də mühafizəkarlıqları ilə seçilən dövlətlərdir. Təkcə Tokyo və Bakı şəhərlərinin müqayisəsini aparmaq yetərlidir. Bu iki şəhəri görmək kifayət edir ki, oxşar və fərqli cəhətlər gözlərimiz önündə canlansın. Bakı və Tokyo öz müasirlikləri ilə göz qamaşdırdıqları kimi qədimi, zəngin tarixi abidələri ilə də diqqət çəkirlər.

Mətbəxlərimiz arasında kifayət qədər fərqlər mövcuddur. Azərbaycanda daha çox yağlı və duzlu yeməklərə üstünlük verilir. Yaponiyada isə dietik tərkibli, sağlam qidalar əsas təşkil edir. Bu da onların uzunömürlü olmalarının bir sirri kimi qəbul edilə bilər.

– Yapon dostlarınız varmı?

 

– Yaponiyada yaşadığıma görə, təbii olaraq dostlarım arasında yaponlar daha çoxdur. Onların əksəriyyətini isə kiçik və orta sahibkarlar təşkil edir. Eyni zamanda əsasən Asiya ölkələrindən olmaqla, dünyanın əksər ölkə və regionlarından olan tələbələrlə xoş münasibətlərim vardır.

– Onlarla nə barədə müzakirə aparırısınız?

 

– Yaponiyalı dostlarımla daha çox Yaponiyada Azərbaycanın tanıtımı, lobbiçilik fəaliyyəti, biznes əlaqələrimizin yaradılması və inkişafı, şəhərlərimiz arasında qardaşlaşma və əməkdaşlıq layihələri haqqında müzakirələr aparır və layihələr hazırlayır, həyata keçiririk.

– Yapon xanımı əcnəbilərlə evliliyə üstünlük vermir. Siz bunu hiss etdinizmi?

 

– Düzünü desəm, yapon xanımlarda xaricilərə qarşı bir ayrı sevgi gördüm. Ətrafımda olan xarici vətəndaşlar arasında yapon xanımlarına üstünlük verən və onlarla ailə həyatı quranlar da kifayət qədərdir. Yaponiyalı xanımlar evləndikdən sonra evdar qadın olmağa və övlad böyütməyə meylli olduqlarından xarici vətəndaşlar arasında müsbət rəyə malikdirlər. İran azərbaycanlıları arasında yaponiyalı xanımlarla evli olanlar daha çoxdur. Son illər Yaponiyada beynəlxalq nikahların sayı da gözə çarpacaq dərəcədə artmışdır. Əlbəttə, xarici vətəndaşlar arasında sadəcə olaraq Yaponiyada qalmaq xatirinə, viza xatirinə yaponiyalı xanımlarla evlənənlər də az deyil və bu bir növ sosial problemə çevrilməkdədir. Bunun qarşını almaq məqsədilə Yaponiyada hüquqi müstəvidə müəyyən işlər görülməkdədir.

Bilirsiz, Yaponiyada sonsuzluq problemi də vardır. Cəmiyyətdə yaşlanma gedir. Yaşlı nəslin sayı artır. Əksinə, uşaqların, gənclərin sayı azdır. Əhali sayı azalmaqda davam edir. Bu da bir növ xarici nikahların sayına təsir göstərən amil ola bilər.

 

Qafar AĞAYAEV


Mətnin əslini aşağıdakı linkdən oxuya bilərsiniz.

http://modern.az/az/news/107065/#gsc.tab=0

 

20160616_215439.jpg
2016-cı il İyun ayının 16-da Yaponiyalı biznesmenlərlə birlikdə Yaponiya-Azərbaycan Əməkdaşlıq Assosasiyası təsis edilmişdir. Xatirə şəkli. Məkan: Nişiazabu, Tokyo şəhəri
Həmrəylik günü 2
Dünya Azərbaycanlılarının Həmrəylik Günü haqqında 2015-ci il Dekabr ayının 30-da canlı efirdə çıxış edərkən. Ropponqi, Tokyo şəhəri
IMG_1570
2015-ci il Fevral ayının 1-i. Sapporo şəhərində “Sapporo Beynəlxalq Qar Fiqurları Festivalı”nda Azərbaycanın təmsil olunması. Qız Qalası və qarşısında milli geyimli həmvətənlərimizin qardan maketləri hazırlanmışdır. 

OLYMPUS DIGITAL CAMERA2015-ci il Dekabr ayının 19-u. Hokkaydo Universitetinin Clark zalında “Beynəlxalq Mədəniyyət Festivalı”nda Azərbaycan təmsil olunmuşdur.

 

_DSC0473
Qız Qalası və milli geyimlərimizin qardan olan statyusunun tam hazır forması 2015 Fevral ayı

 

Yaponiya televiziyasında Dağlıq Qarabağ münaqişəsi müzakirə olunub

Yaponiya televiziyasında Dağlıq Qarabağ münaqişəsi müzakirə olunub
2016-05-19 | 16:23 |

Yaponiyanın  World Investors TV” internet televiziyasının növbəti canlı yayımı Ermənistan-Azərbaycan, Dağlıq Qarabağ münaqişəsinə həsr olunub. Proqarmın  qonaqları Azərbaycan-Yaponiya Dostluq Mərkəzinin sədri, elektronika sahəsində görkəmli alim, əslən azərbaycanlı Xəlil Kələntər və Hokkaydo Universiteti Xarici Tələbələr Assosasiyasının rəhbəri, doktorant tələbə Əlibəy Məmmədov Azərbaycan həqiqətləri haqqında yapon tamaşaçılara geniş məlumat veriblər.

Canlı efirdə aparıcının suallarını cavablandıran qonaqlar Ermənistanın Azərbaycana qarşı başladığı müharibə, Azərbaycan torpaqlarının işğal edilməsi, azərbaycanlıarıan bu ərazilərdən qovulması barədə ətraflı danışıblar. Əlibəy Məmmədov və Xəlil Kələntər Azərbaycana qarşı Ermənistanın işğalçı siyasətini və bu siyasəti dəstəkləyən bəzi dövlətlərin mövqeyini pisləyiblər. Azərbaycan torpaqlarının boşaldılmasına dair BMT-nin qətnamələrini xatırladan soydaşlarımız Ermənistan hakimiyyətinin buna məhəl qoymadığını, beynəlxalq hüquqa hörmətsizlik, saymazlıq etdiyini vurğulayıblar.

Əlibəy Məmmədov və Xəlil Kələntər dünya ictimaiyyətini Ermənistana qarşı ciddi tədbirlər görməyə, doğma yurdundan didərgin düşmüş bir milyonadək azərbaycanlının öz torpağına geri qayıtması üçün konkret addımlar atmağa çağırıb.

Verilişdə XX əsrin ən böyük cinayətlərindən olan Xocalı soyqrımı da diqqət mərkəzində saxlanılıb və yapon tamaşaçılara bu barədə geniş məlumat verilib.

Proqramda Ermənistanın işğal etdiyi Dağlıq Qarabağ və 7 rayonun xəritəsi, eyni zamanda Ermənistanın işğalı altında olan və xarabalığa çevrilmiş Azərbaycan şəhərlərinin videogörüntüləri yerli tamaşaçılara təqdim edilib.

Müsahibədə aparıcının sualına cavab olaraq 2016-ci ilin aprel ayında yaşanan və “4 günlük müharibə” adı ilə tarixə düşən hadisələr barədə də məlumat verilib. Bildirilib ki, Azərbaycanın mülki əhalisini hədəfə alan Ermənistanın işğalçı qüvvələrinə adekvat cavab verilib və döyüşlər nəticəsində Azərbaycan silahlı qüvvələri mülki əhali üçün təhlükə mənbəyinə çevrilmiş bir neçə strateji yüksəklikləri, kəndləri düşməndən azad edib.

http://diaspora.gov.az/index.php?options=news&id=11&news_id=3548

diaspora qarabag shekil

 

 

Yaponiyanın internet televiziyasında yayımlanan verilişdə Qarabağ həqiqətlərindən danışılıb

Tokio, 18 may, AZƏRTAC

Yaponiyanın “World Investors TV” internet televiziyasında Ermənistan-Azərbaycan, Dağlıq Qarabağ münaqişəsi və cəbhə xəttindəki son vəziyyət barədə xüsusi veriliş yayımlanıb. Verilişin qonaqları – Azərbaycan-Yaponiya Dostluq Mərkəzinin sədri, elektronika sahəsində görkəmli alim Xəlil Kələntər və Hokkaydo Universiteti Xarici Tələbələr Assosiasiyasının fəxri prezidenti, doktorant Əlibəy Məmmədov tamaşaçılara münaqişə, onun yaranma səbəbləri və cəbhə xəttindəki son durum haqqında məlumat veriblər.

Qeyd edilib ki, problem Azərbaycan Respublikasının Dağlıq Qarabağ bölgəsi ilə əlaqədar Ermənistanın ölkəmizə qarşı ərazi iddiası nəticəsində yaranıb. Dünya dövlətləri, beynəlxalq təşkilatlar tərəfindən Azərbaycan ərazisi kimi qəbul olunmasına baxmayaraq, Ermənistanın hərbi qüvvələri bu torpaqları hələ də nəzarətdə saxlayır. Yaponiya hökuməti də Azərbaycanın ərazi bütövlüyünü dəstəkləyir.

Bildirilib ki, əzəli Azərbaycan torpaqları olan həmin ərazilərdə və Ermənistan tərəfindən işğal edilmiş yeddi rayonda bir nəfər də olsun azərbaycanlı qalmayıb. Ermənistan hakimiyyətinin işğalçı siyasəti nəticəsində həmin rayonlardan olan azərbaycanlılar ölkə daxilində məcburi köçkünə çevrilib, öz ata-baba yurdlarından didərgin salınıblar.

Verilişdə Ermənistanın Azərbaycana qarşı işğalçılıq siyasəti kəskin şəkildə pislənilib, bu işdə ona yardımçı olan xarici dövlətlər tənqid edilib. Qeyd olunub ki, bu ərazilərdə tarixən yaşamayan ermənilər sonradan Çar Rusiyasının məkrli siyasəti nəticəsində tarixi Azərbaycan torpaqlarına köçürülüblər. Ermənilərə dövlət yaratmaq ehtiyacı yarananda isə sovet hökuməti tarixi Azərbaycan torpaqlarını Ermənistana pay verməklə Azərbaycan ərazilərinin bölünməsi hesabına Ermənistan dövlətini yaradıb, Azərbaycanın qədim xanlıqlarından biri olan İrəvanı, Zəngəzur mahalını ermənilərə hədiyyə edib. Bununla belə, ermənilər öz işğalçılıq siyasətindən əl çəkməyib, Qarabağa da göz dikərək buranın hüquqi sahibləri olan azərbaycanlılara qarşı dəfələrlə soyqırımı siyasəti həyata keçiriblər.

Diqqətə çatdırılıb ki, ötən əsrin sonlarında sovet hökumətinin dağılması yaxınlaşanda bundan istifadə edən ermənilər bu ərazilərdə yaşayan azərbaycanlılara qarşı qanlı müharibəyə başlayıblar. 1980-ci illərin sonlarında, vahid dövlət olan SSRİ tərkibində daxili münaqişə kimi başlayan Dağlıq Qarabağ məsələsi 1991-ci ildə Azərbaycanın və Ermənistanın müstəqillik əldə etməsi ilə dövlətlərarası müharibəyə çevrilib. Azərbaycandakı siyasi hakimiyyətin sabit olmamasından istifadə edən erməni işğalçı qüvvələri Dağlıq Qarabağı və ətraf yeddi rayonu ələ keçiriblər.

Vurğulanıb ki, Ermənistanın Azərbaycan torpaqlarını qeyri-şərtsiz boşaltmasına dair BMT Təhlükəsizlik Şurasının 4 qətnaməsi var. Bunların hər birində Ermənistanın işğalçı qüvvələrindən Azərbaycan torpaqlarını dərhal və qeyd-şərtsiz tərk etməsi tələb olunsa da, bu tələb bu günədək yerinə yetirilməyib. Ermənistan hakimiyyəti beynəlxalq hüquqa qarşı hörmətsizlik edir. Beynəlxalq səviyyədə Ermənistana qarşı ciddi tədbirlər görülməli və azərbaycanlılar öz doğma dədə-baba torpaqlarına geri qayıtmalıdırlar.

Canlı efir zamanı ermənilər tərəfindən törədilən Xocalı soyqırımından da söhbət açılıb və bu faciə XX əsrin ən böyük cinayətlərindən biri kimi pislənilib.

Dağlıq Qarabağın və işğal olunmuş digər yeddi rayonun xəritəsi, eyni zamanda, hazırda Ermənistanın işğalçı siyasəti nəticəsində ruhlar şəhərinə çevrilmiş Ağdam da daxil olmaqla işğal altında olan ərazilərlə bağlı AZƏRTAC tərəfindən hazırlanan videoçarx tamaşaçıların diqqətinə çatdırılıb.

Aparıcı Kazuyasu İşidanın sualını cavablandıran veriliş iştirakçıları ötən ayın əvvəllərində cəbhə xəttində Ermənistan silahlı qüvvələrinin törətdiyi təxribat nəticəsində yaranan gərginlik barədə də məlumat veriblər. Bildirilib ki, “4 günlük müharibə” adı ilə tarixə düşən bu hadisələr zamanı Ermənistan işğalçı qüvvələri Azərbaycanın mülki əhalisini hədəfə almaqdan belə çəkinməyiblər. Cavab tədbirləri görmək məcburiyyətində qalan Azərbaycan Silahlı Qüvvələri mülki əhali üçün təhlükə mənbəyinə çevrilmiş bir neçə strateji yüksəkliyi düşməndən azad edib. Bu əməliyyat nəticəsində 22 il davam edən atəşkəsdən sonra psixoloji, hərbi və siyasi üstünlük Azərbaycan tərəfinə keçib.

Vüqar Ağayev

AZƏRTAC-ın xüsusi müxbiri

Tokio

 

http://azertag.az/xeber/952508

 

1463561508191441612_1000x669

ABŞ-da Dağlıq Qarabağla çıxışım Azərbaycan Mediasında {FOTOREPORTAJ}

  1. Azərbaycan Respublikasının Diasporla İş Üzrə Dövlət Komitəsinin elektron ünvanı:

    http://diaspora.gov.az/index.php?options=news&id=11&news_id=3526

wp-1461177623449.png

 

2. Yeni Azərbaycan Partiyasının rəsmi elektron ünvanında:

http://www.yap.org.az/az/view/news/12709/absh-da-beynelxalq-elmi-konfransda-azerbaycanli-doktorantin-dagliq-qarabagla-bagli-meruzesi-dinlenilib

 

wp-1461177615833.png

 

3. 525-ci qəzetin rəsmi elektron ünvanında:

http://525.az/site/?name=xeber&news_id=55477

 

wp-1461177632321.png

 

4. Səs İnformasiya Agenliyinin rəsmi elektron ünvanında:

http://sia.az/az/news/social/539169-abs-da-azerbaycanli-doktorantin-meruzesi-dinlenilib

wp-1461177653373.png

5. Azərbaycan Dövlət İnformasiya Agentliyinin rəsmi elektorn ünvanında:

http://azertag.az/xeber/ABS_da_beynelxalq_elmi_konfransda_azerbaycanli_doktorantin_Dagliq_Qarabagla_meruzesi_dinlenilib-943711

wp-1461177658373.png

6. Qarabağ Azadlıq Təşkilatının rəsmi elektron ünvanında:

http://qat.az/index.php/ekhplore/garabagh-zhundaeliyi/10955-absh-da-beynaelkhalg-elmi-konfransda-azaerbaydzanl-doktorant-n-daghl-g-garabaghla-maeruzaesi-dinlaenilib

wp-1461178352270.png

7. 525-ci qəzetin 19 Aprel 2016-ci il tarixli sayında.

525 Dağlıq Qarabağ aprel 2016

Azərbaycanın Dağlıq Qarabağ münaqişəsində qələbəsi mütləqdir

Tokio, 6 aprel, AZƏRTAC

Aprelin ilk günlərində Ermənistan-Azərbaycan, Dağlıq Qarabağ münaqişəsi ilə bağlı cəbhədə yaranan gərginlik, Azərbaycan Ordusunun uğurlu əks-hücumu bütün xalqımız kimi, xaricdə yaşayan həmvətənlərimizin də diqqət mərkəzindədir. Bütün dünyada yaşayan azərbaycanlılar müzəffər Azərbaycan Ordusunun zəfər yürüşünü alqışlayır, xalqımız və dövlətimizlə birlikdə olduqlarını bəyan edirlər.

AZƏRTAC-ın Yaponiyadakı müxbiri sərhəd araşdırmaları, milli münaqişələr üzrə mütəxəssis, Hokkaydo Universiteti Xarici Tələbələr Assosiasiyasının fəxri prezidenti, doktorant tələbə Əlibəy Məmmədovla görüşərək baş verənlərlə bağlı onun fikirlərini öyrənib. Əlibəy Məmmədov deyib: Əvvəlcə xalqımızı uzun müddət intizarla gözlədiyi Azərbaycan Ordusunun qələbəsi münasibətilə ürəkdən təbrik edirəm. Bütün xalqımız kimi, biz Yaponiyada yaşayan azərbaycanlılar da bu qələbəyə bütün qəlbimizlə sevinirik. Axır ki, gözlədiyimiz gün gəlib çatdı. Fürsətdən istifadə edib bütün xalqımıza, xüsusən də Azərbaycan Ordusunun qəhrəman əsgərlərinə gözaydınlığı verirəm.

Bildiyiniz kimi, münaqişə tərəfləri arasında atəşkəs haqda razılaşmanın imzalanmasından 22 il ötür. Bu illər ərzində Azərbaycan tərəfi dəfələrlə sülh yolu ilə münaqişənin tənzimlənməsini arzulasa da, bu istiqamətdə gözəçarpan addımlar atsa da, Ermənistan rəhbərliyinin qeyri-konstruktiv mövqeyi nəticəsində heç bir uğur qazanılmayıb. Belə olan halda Azərbaycan müstəqil dövlət olaraq öz torpaqlarını istənilən yolla, hətta müharibə yolu ilə olsa belə azad etməyə hazır olduğunu dəfələrlə vurğulayıb.

1994-cü ildə tərəflər arasında atəşkəs elan edilməsindən sonra Ermənistan-Azərbaycan, Dağlıq Qarabağ münaqişəsi uzun illərdir ki, beynəlxalq aləmdə “dondurulmuş münaqişə” kimi tanınır. Lakin bu heç də belə deyil. Bu illər ərzində Ermənistan tərəfi dəfələrlə atəşkəsi birtərəfli şəkildə pozub. Azərbaycan tərəfi isə layiqli cavab atəşi ilə düşməni geri oturtmağa nail olub. Bu hadisələr zamanı çoxlu sayda Azərbaycan əsgəri şəhidlik zirvəsinə yüksəlib.

2016-cı il aprelin 1-dən 2-nə keçən gecə Ermənistan tərəfinin təxribat xarakterli növbəti addımı baş verib. Onlar bu dəfə sadəcə Azərbaycan mövqelərini deyil, mülki əhalini də hədəfə almaqla iriçaplı silahlardan, pulemyotlardan, artilleriyadan istifadə edərək bizim tərəfi atəşə məruz qoyublar. Bunun nəticəsində mülki əhali arasında itkilər var. Buna cavab olaraq, Silahlı Qüvvələrimizin komandanlığı tərəfindən Ağdərə-Tərtər-Ağdam və Xocavənd-Füzuli istiqamətində cavab tədbirlərinin keçirilməsi barədə qərar qəbul edilib, əks hücumla düşmən geri oturdulub. Rəsmi məlumatlara görə bir çox strateji mövqelər, o cümlədən Naftalan şəhəri və Goranboy rayonu üçün təhlükə törədən Tərtər rayonunun Talış kəndi ətrafındakı strateji yüksəkliklər, həmçinin Seysulan yaşayış məntəqəsi tam azad edilib. Fizuli rayonu istiqamətindəki Lələtəpə yüksəkliyi də azad olunub və ordumuzun tam nəzarəti altındadır. Düşmən meyitləri və silah-sursatı qoyaraq qaçmağa başlayıb. Ermənistan rəhbərliyi tərəfindən dağlıq Qarabağda yaşamağa məcbur edilmiş erməni mülki əhalisi isə geri qayıtmaq üçün işğal olunmuş əraziləri boşaltmaqdadır.

Bu günlər ərzində düşmən tərəfdən generallar da daxil olmaqla 100-lərlə canlı qüvvə və 10-larla hərbi texnika, tanklar məhv edilib. 1994-cü ildə atəşkəs elan edildikdən sonra belə bir güclü qarşıdurma olmayıb.

Azərbaycan Prezidenti, Ali Baş Komandan İlham Əliyev Təhlükəsizlik Şurasının aprelin 3-də çağırılmış toplantısında Azərbaycan xalqını böyük zəfər münasibətilə təbrik edib. Rusiyanın “Ria Novosti” agentliyinin verdiyi məlumata görə artıq Ermənistan prezidenti geriyə addım ataraq “kompromisə hazır olduğunu” bəyan edib.

-Siz sərhəd araşdırmaları, milli münaqişələr üzrə mütəxəssissiz. Beynəlxalq təcrübədə Ermənistan-Azərbaycan, Dağlıq Qarabağ münaqişəsi kimi qarşıdurmalar və onların həlli ilə bağlı hər hansı nümunə varmı və həmin münaqişə necə həll olunub?

– Bildiyiniz kimi, mən Hokkaydo Universitetində doktorantura pilləsində sərhəd araşdırmaları, milli münaqişələrlə bağlı elmi təhlillər aparıram. Bizim tədqiqat mərkəzi yalnız Yaponiyada deyil, bütün dünyada məşhurdur. Burada olduğum dövrdə bir çox milli münaqişələr, ərazi problemləri haqqında oxumuşam, təhlillər aparmışam. Bu günədək hər hansı bir ərazi probleminin, milli münaqişənin sülh yolu ilə həll olunmasına şahid olmamışam. Amma müharibə yolu ilə həll olunmuş münaqişələr mövcuddur. Mən real misal gətirəcəyəm. Şrilanka ərazisində milli münaqişə 1983-cü ilin iyulunda başlamış, 27 il ərzində davamlı olaraq dörd dəfə kəskinləşmiş və 2009-cu ildə hərb yolu ilə bitmişdir. Şrilanka hökuməti ölkə daxilində milli azlıq olan tamillərin separatçı qüvvələrini 2009-cu ildə darmadağın etmiş və onların ölkəni parçalamaq planının həyata keçməsinin qarşısını almışdır. Şrilankada milli çoxluq olan sinhallar və tamillər arasında milli ədavət öncə rəsmi dil ətrafında yaransa da sonradan tamillərin öz hüquqlarının tapdanması və s. kimi iddialarının ortaya çıxması ilə davam etdirilmiş və onlar öz dövlətlərini yaradaraq Şrilankanı parçalamağa cəhd etmişlər. Dağlıq Qarabağ erməniləri də buna bənzər iddialar irəli sürməklə beynəlxalq diqqəti öz üzərilərinə çəkiblər. Guya burada onların hüquqları tapdalanırdı.

Ərazi problemləri və milli problemlərdə görünən mənzərə budur ki, tərəflərdən biri birtərəfli olaraq tam qələbə qazanmadığı təqdirdə münaqişə bitmir. Ermənistandan birbaşa dəstək alan Dağlıq Qarabağdakı qondarma rejim də eynilə Şrilankada tamillər kimi hərəkət edib. Hətta daha irəli gedərək özlərinə “qondarma respublika” da yaradıb. Azərbaycan tərəfinin sülh çağırışlarına məhəl qoymadan işğalı davam etdirməklə, müstəqil Azərbaycan ərazisində separatçı rejim qurublar. Belə olan halda Azərbaycan hökumətinin ordunu tam səfərbər etməklə, beynəlxalq səviyyədə də tanınan öz doğma torpaqlarını separatçı qüvvələrdən tamamilə azad etməyə hüququ çatır. Beynəlxalq normalarda, prinsiplərdə də bu göstərilmişdir. Mən inanıram ki, Azərbaycan öz doğma torpaqlarını azad edərsə böyük dövlətlər qalib və haqlı tərəf olan dövlətimizin yanında olacaqlar. Görünən mənzərə də budur ki, hazırda nə Rusiya, nə Fransa nə də Amerika rəsmi səviyyədə Ermənistanı açıq-aşkar dəstəkləmir. Bundan yararlanaraq torpaqlarımızı işğaldan azad etməyin vaxtı gəlmişdir. Müharibədə əsas lazım olan psixoloji üstünlükdür ki, hazırda bu üstünlük ordumuzun, xalqımızın tərəfindədir. Belə olacağı halda ordumuzun tam qələbəsi mütləqdir.

Vüqar Ağayev

AZƏRTAC-ın xüsusi müxbiri

Tokio

==================================

Mənbə:Azərbaycan Dövlət İnformasiya Agentliyi

http://azertag.az/xeber/Azerbaycanin_Dagliq_Qarabag_munaqisesinde_qelebesi_mutleqdir-940541

 

alibay 1

“Research Note” 「研究ノート」 Elmi məqaləm

My paper (Research Note in Japanese, 28 pages) entitled “Survey of Former Japanese Residents and Their Descendants on the Northern Territories Issue” has been published in the “Japan Border Review” journal on 30 March 2016.
査読付き学術雑誌『境界研究』6号に投稿させていただきました。タイトルは「北方領土問題をめぐる日本人元島民・後継者のアンケート調査」です。2016年3月30日に刊行されました。今回は「研究ノート」というカテゴリーになりました。学術世界における大きな成果でもあります。指導教員、査読者の皆さま、雑誌の編集長らにお礼を申し上げます。皆さまのご協力がなければできなかったのです。関心のある方はぜひ一読ください。28ページも書いています。
Yaponiyanın sərhəd araşdırmaları ilə bağlı məşhur “Japan Border Review” elmi jurnalında yapon dilində 28 səhifəlik elmi məqaləm Mart ayının 30-da çapdan çıxdı. Ümumi 189 səhifədən ibarət olan elmi jurnalın 137-164-cü səhifələrini mənim elmi məqaləm bəzəyir.
Mövzum “Cənubi Kuril Adaları ilə bağlı Keçmiş Yaponiyalı Ada Sakinlərinin Düşüncələri”-dir. Elmi jurnalda Amerikanın Kaliforniya Universitetinin dünya səviyyəli professoru, siyasi-coğrafiyaşünas John Agnew, Yaponiyanın məşhur hüquq elmləri üzrə professorları Kavakubo Fuminori, Maeda Yukiko kimi şəxslər öz elmi məqalələri ilə çıxış ediblər. Elmi jurnalda yer alan yeganə doktorant tələbə isə məhz mənəm.

alibay 1

https://src-h.slav.hokudai.ac.jp/publictn/JapanBorderReview/no6/index.html

https://src-h.slav.hokudai.ac.jp/publictn/JapanBorderReview/no6/pdf/06.pdf

https://src-h.slav.hokudai.ac.jp/publictn/JapanBorderReview/no6/pdf/10Summary.pdf

https://src-h.slav.hokudai.ac.jp/publictn/JapanBorderReview/no6/pdf/11.pdf

 

アリベイ・マムマドフ

2016年4月1日

東京

アゼルバイジャン語あいさつ言葉

アゼルバイジャン語あいさつ言葉

皆さまこんにちは。アゼルバイジャン人のアリベイです。日本に住んでいます。札幌と東京で二重生活をしております。アゼルバイジャンと日本をビジネスと政治分野でつなげたいと思っております。アゼルバイジャンにおける現地調査、市場調査、アゼルバイジャンの企業とのコンサル、アゼルバイジャン語翻訳通訳サービス等、多種多様なサービスを提供しております。

アゼルバイジャン人の友達をつくりたい方、アゼルバイジャンへ出張で行かれる方、アゼルバイジャン人とビジネスをされている方、される予定の方、またそれ以外にもアゼルバイジャンにご関心のある方、どうぞご一読ください。

 

アゼルバイジャン人に対して簡単なアゼルバイジャン語を使ってみましょう。アゼルバイジャン人もきっと喜んでくれるでしょう。話し合いのためにもいい雰囲気が生まれるでしょう。

 

アゼルバイジャン語で挨拶しましょう:

日本語                   アゼルバイジャン語                  読み方

おはようございます     ー     Sabahınız xeyir      ー         サバヒニズ・ヘイル

こんにちは          ー       Salam           ー           サラーム

大丈夫            ー      Problem yoxdur     ー         プロブレム・ヨフデュール

ありがとうございます    ー      Təşəkkür edirəm     ー      テシェッキュル・エディレム

どういたしまして      ー      Dəyməz, Buyurun    ー      デユメズ または ブユルン

さようなら          ー      Xudahafiz, Hələlik    ー   フダハーフィズ または ヘレリク

私の名前は・・・です   ー       Mənim adım ・・・ dır   ー       メニム・アディム・・・デゥル

 

アゼルバイジャンにご関心のある方、アゼルバイジャン語を学びたい方、アゼルバイジャンのことを知りたい方、アゼルバイジャンの社会・政治事情・ビジネス環境について質問のある方、アゼルバイジャンとビジネスをされたい方、ただ単にアゼルバイジャン人と仲良くされたい方は、どうぞ気軽に以下のメールアドレスまでお問合せください。原則として1日以内で返信します。

alibay.aze@gmail.com

 

・・・・・・・・・・・・・・・・・・・・・・・・・・・・・・・・・・・・・・・・・・・・

アリベイ・マムマドフ (Alibay Mammadov)

北海道大学博士後期課程

 

img112
Kyoto, Japan. 2015. Sakura season

 

 

Yaponiyada Azərbaycanın biznes mühiti diqqət mərkəzindədir – Fotoreportaj

Fevralın 27-də Yaponiyanın paxtaxtı Tokioda “KAONAGA Club”un sammiti təşkil olunub.

Tədbirdə 100-dən çox yaponiyalı biznesmen iştirak edib. Fəxri qonaq kimi Yaponiyadan tanınmış iqtisadçı, “Cross Border Club”un prezidenti İşida Kazuyasu, Azərbaycandan isə Yaponiyanın Hokkaydo Universiteti Xarici Tələbələr Assosasiyasının prezidenti, doktorant tələbə Əlibəy Məmmədov dəvət olunub.

“KAONAGA Club”un prezidenti Kanayama Yoşinobu sammitin əsas prioritetləri, onların maraq dairəsində olan ölkələr və şəhərlər haqqında məlumat verib. Əsas diqqət isə məhz Azərbaycana yönəldilib.

Azərbaycanda dəfələrlə olduğunu qeyd edən K.Yoşinobu bildirib ki, martın 8-də yenidən Azərbaycana səfər edəcəklər: “Ümidvarıq ki, yaratdığımız xoş əlaqələr gələcək biznes əlaqələrimizə də öz müsbət təsirini göstərəcək”.

Fəxri qonaq Kazuyasu İşida isə son 3 ildə 12 dəfə Azərbaycana səfər etdiyini və özü ilə birlikdə təxminən 350 nəfər yaponiyalı iş adamını Azərbaycana apardığını deyib. O qeyd edib ki, artıq müəyyən sahələrdə kiçik və orta sahibkarlar Azərbaycanla uğurlu və davamlı biznes əlaqələri qurmaqdadırlar. Azərbaycanın çox zəngin bir dövlət olduğunu vurğulayan K.İşida bildirib ki, bu ölkənin gələcək biznes həyatı çox parlaqdır: “Çinlilər və koreyalılar Azərbaycanla biznesdə kifayət qədər böyük uğurlar qazanmağa başlayıblar. Amma insanlar üçün Yaponiya keyfiyyəti və standartı hələ də əvəzolunmaz olaraq qalır. Bu səbəbdən nə qədər ki, gec deyil, vaxtında Azərbaycanla biznes əlaqələrini qurmaq və möhkəmləndirmək lazımdır”.

Həmyerlimiz Əlibəy Məmmədov isə Azərbaycanın siyasi həyatı və biznes mühiti mövzusunda ətraflı çıxış edib. O bildirib ki, Azərbaycan həm coğrafi, həm də geosiyasi baxımdan kifayət qədər uğurlu bir mövqedə qərarlaşıb. Azərbaycan təbii sərvətlərlə zəngin dövlətdir. Bugün məhz təbii sərvətlərdən gələn iqtisadi qüdrət hesabına, Azərbaycan Cənubi Qafqaz regionunun lider dövlətinə çevrilməklə yanaşı, beynəlxalq enerji təhlükəsizliyinə öz töhvəsini verməkdədir”.

Azərbaycan hüquqi bir dövlət olduğunu vurğulayan Ə. Məmmədov bildirib ki, 1995-ci ildə qəbul edilən Konstitusiyaya əsasən, Azərbaycanda din və dövlət bir-birindən ayrıdır. Ölkə əhalisinin böyük qismi müsəlman olsa belə, digər dini azlıqların da azad və firəvan şəkildə yaşayıb, fəaliyyət göstərdiyini qeyd edən həmyerlimiz bildirib ki, Azərbaycan sözün həqiqi mənasında əsl toleyrantlıq nümunəsidir.

Ə.Məmmədov onu da vurğulayıb ki, Azərbaycanın biznes mühiti kifayət qədər əlverişlidir: “Xalqımız üçün Yaponiya keyfiyyəti, məhsulları çox önəmlidir və yüksək qiymətləndirilir. Yaponiyanın Azərbaycanda olduqca müsbət imici mövcudddur və bu qarşılıqlı anlaşmalar üçün çox vacib şərtlərdən biridir”.

Tədbirin sonunda isə ümumi müzakirə təşkil olunub və iştirakçıların sualları cavablandırılıb.

Qeyd edək ki, ötən il yaradılan “KAONAGA Club”un qarşısında duran əsas prioritet məsələ Yaponiyanın kiçik və orta sahibkarlığının inkişafı məqsədilə xarici ölkələrlə sağlam və davamlı biznes əlaqələri qurmaqdan ibarətdir.

Ceyhun ABASOV

 

 

Xocalı soyqrımından 24 il ötür

Xocalı soyqrımından 24 il ötür.

2012-ci ilin may ayı idi. Yaponiyanın 5 ən məşhur (imperator) universitetlərindən biri olan Hokkaydo Universitetində ilk elmi çıxışımı sırf Xocalı soyqrımına həsr etmişdim. Təkcə yapon dilinin mükəmməl olması üçün 2 ay çaba sərf etmişdim, üstəlik yaxın yapon dostlarımdan birinə redaktə etdirmişdim ki, məsələ olduğu kimi çatsın.Təxminən 30-a yaxın elm adamları (əsasən yaponlar olmaqla) qiymətləndirmə aparmaq üçün iştirak edirdilər. Mənim üçün seçilmiş tənqidçi isə doktorant yapon tələbə idi(hal-hazırda Mərkəzi Asiya ölkələrindən birində Yaponiya səfirliyində çalışır). O demək olar ki, ona ayrılmış 10 dəqiqəsinin hamısını mənim çıxışımın tənqidinə yönəltmişdi. İştirakçılardan çox az qismi Xocalı dəhşətlərini əks etdirən kadrlara baxa bilmişdi. Dəhşətdən hamısı gözlərini yumurdu. Doktorantlar arasında fransız tələbə də vardı. Mən Fransız qəzetlərində o zaman çıxan məqalələrdən misallar gətirəndə, o deyirdi ki, mən fransızam amma belə qəzetlər tanımıram. Bəlkə, reklam xatirinə Sizin hadisəni yerləşdiriblər?! Təbii ki, mən orda “Erməni-Fransız qardaşlığı”ndan ətraflı və tənqidi yöndə söhbət açaraq cavabını vermişdim. Təxminən 1 həftə sonra fransızdan email gəlmişdi. Tənqidlərimə görə incimədin yəqin ki, düşmən deyilik. Gəl bir kofe içək.
Xaricdə ölkəni təmsil etmək çox qürurlu və şərəfli bir işdir. Amma əgər sən məsələn yapon publikasına çatdırmaq istəyirsənsə hər hansısa bir tarixi həqiqətləri, o zaman mükəmməl bir dildə, yapon dilində çatdırmalısan. Qarşı tərəf Amerika əhalisidirsə, mükəmməl ingilis dilində, fransızdırsa mükəmməl fransız dilində. Bacarmırsansa, mükəmməl natiqlik qabiliyyətin yoxdursa, o zaman tərcüməçi tut. Burada qəbahət bir şey yoxdur. Qəbahət orasındadır ki, öz mövqeyini belə unudaraq ağzına gələni çıxıb danışırsan və bunun fərqinə varmırsan.
Bunun üzərində çox işləmək lazımdır. Elə etmək lazımdır ki, bu qarşı publikaya çatsın. Əgər belə deyilsə o zaman bu işin demək olar ki, mənası yoxdur. Sadəcə olaraq, Azərbaycan daxilində reklama yönəlmiş bir cəhddir, bundan başqa bir şey deyil. Məhz belə uğursuzluqlara görə 24 il keçsə də cinayətkarlar cəzasız olaraq qalır və gündəmi hər hansısa bir müğənni zəbt etmiş olur.

Sonda onu da qeyd edim ki,
Bu soyqırım nəticəsində 63-ü uşaq, 106-sı qadın, 70-i qoca olmaqla – 613 nəfər Xocalı sakini qətlə yetirildi, 8 ailə tamamilə məhv edildi, 25 uşaq hər iki valideynini, 130 uşaq valideynlərindən birini itirdi. Düşmən gülləsinə tuş gəlib yaralanan 487 nəfərdən 76-sı uşaq idi. 1275 xocalılı əsir, 150 xocalılı itkin düşdü. Dövlətin və əhalinin əmlakına 1 aprel 1992-ci il tarixinə olan qiymətlərlə 5 mlrd. rubl dəyərində ziyan vurulmuşdur.

 

Əlibəy Məmmədov

26 Fevral 2016-cı il

Tokyo, Yaponiya

新年あけましておめでとうございます

旧年中は大変お世話になりました。心より感謝申し上げます。
アリベイにとって、2015年はとても飛躍的な年となりました。北海道大学におき修士課程を無事修了し、博士課程に進むことができました。また、同大学留学生協議会会長(2期目)に当選し、留学生と大学、企業、札幌市民を繋ぐ役割を果たすことができました。
さらに、日本で活躍するアゼルバイジャン人として様々な場面で自国について語る機会を提供していただき、アゼルバイジャンにおいても幾度となくマスコミに取り上げていただきました。
わずかではありますが、これら一定の成果をあげることができたのも、皆様のご協力があったからに他なりません。
昨夏には愛する女性と結婚をし、健全な家庭づくりの努力をしてきました。今年は家事や育児でも忙しくなるのでしょうか……
それでは、本年も何卒よろしくお願いいたします。

2016年元旦

7B4A6384
2015年7月、バクーにて
V38B0597
2015-ci il Iyul ayı, Bakı

2015-ci il üçün təşəkkürnamə

Dünya Azərbaycanlılarının Həmrəylik Günü bayramı və qarşıdan gələn yeni iliniz mübarək olsun.

Bu il  ərzində bir çox insanların yardım əlini hiss etdim. Üzdə edə bilməyib, qəlblərində mənə dəstək nümayiş etdirənləri də gördüm. Buradan hər birinə minnətdarlığımı bildirmək istəyirəm.

Mənim üçün, 2015-ci il çox uğurlu keçdi. Hokkaydo Universitetində magistraturanı uğurla bitirib, inamla doktorantura pilləsinə irəliləyə bildim. Eyni zamanda, Hokkaydo Universitetinin Xarici Tələbələr Assosasiyasına ikinci müddətə prezident seçildim. Bunun sayəsində, universitetimizin tələbələri ilə universitet rəhbərliyi, şirkətlər və Sapporo şəhər ziyalıları arasında körpü rolunu oynamağı bacardım.

Üstəlik, Yaponiyada fəaliyyət göstərən azərbaycanlı kimi bir çox məqamlarda ölkəmizi təmsil etmək, təbliğ etmək şansları əldə etdim. Azərbaycanda da mediada fəaliyyətim dəfələrlə işıqlandırıldı.

Əlbəttə, uğurlarımın sayı o qədər də çox olmasa belə, bütün bu nəticələri əldə etməyim hamısı Sizlərin, ətrafımda olan insanların əməkdaşlığı sayəsində mümkün olmuşdur. Sizlərin yardımı, əməkdaşlığı, dəstəyi olmasa idi, bunları əldə edə bilməyəcəkdim.

Bu yay, sevdiyim qadınla ailə həyatı qurmağımla da əlamətdar oldu. 2016-cı ildə ev işləri və övladlarımızın tərbiyəsi ilə məşğul olmaq nəsibimiz olsun.

2016-cı ildə də Sizlərin dəstəyinə və yardımına böyük ehtiyacım var. Bunu məndən əsirgəməyin.

Hörmətlə, Sizin Əlibəy Məmmədov

Tokyo

31 Dekabr 2015-ci il

img571
Mart 2015, Kyoto

Hokkaydo Mərkəzi Avrasiya Konfransının sessiyası Dağlıq Qarabağ probleminə həsr edilib

IMGP1149
Professor Tsukimura Taronun tənqidlərini dinləyərkən, 14 dekabr 2015, Hokkaydo Universiteti, Sapporo, Yaponiya

Tokio, 15 dekabr, AZƏRTAC

Dekabrın 14-də Hokkaydo Universitetində professor Uyama Tomohikonun rəhbərlik etdiyi Hokkaydo Mərkəzi Avrasiya Konfransının “Dağlıq Qarabağ probleminə azərbaycanlı məcburi köçkünlərin və ziyalıların mövqeyi” mövzusunda 121-ci sessiyası keçirilib.

Konfransda Hokkaydo Universiteti Əcnəbi Tələbələr Assosiasiyasının prezidenti, Cənubi Kuril Adaları problemi ilə Dağlıq Qarabağ probleminin müqayisəli təhlilini aparan doktorant Əlibəy Məmmədov və “Müstəqil Azərbaycanda siyasi-iqtisadi dəyişikliklər” mövzusunda doktor dərəcəsi almış Taçibana Yu sentyabrda Azərbaycana səfərləri zamanı apardıqları araşdırmanın nəticələri barədə məruzələrlə çıxış ediblər.

Bildirilib ki, səfərin əsas məqsədi Ermənistan-Azərbaycan, Dağlıq Qarabağ münaqişəsi ilə bağlı Azərbaycan cəmiyyətinin mövqeyini araşdırmaqdan ibarət olub.

Əvvəlcə Ə.Məmmədov Bakıda və Bərdədə 200 nəfər məcburi köçkün və 10 nəfər ziyalı ilə keçirdiyi sorğuların nəticələri haqqında məlumat verib. Bildirib ki, Dağlıq Qarabağla bağlı Azərbaycan cəmiyyətində vahid mövqe mövcuddur. İstər iqtidar, istər müxalifət, istərsə də ziyalılar və məcburi köçkünlərin mövqeyi bütün vacib məqamlarda demək olar ki, üst-üstə düşür. Rəyi soruşulanların 94 faizi Dağlıq Qarabağ və ətraf rayonlara geri qayıtmağa hazır olduğunu bildirib. Onların 87 faizi problemin həllinin ilkin şərtinin Ermənistan qoşunlarının işğal etdiyi Azərbaycan ərazilərindən dərhal çıxarılması olduğunu qeyd edib. Məcburi köçkünlərin və ziyalıların əksəriyyəti məsələnin sülh yolu ilə həllinə tərəfdar olduğunu bildirsə də, Azərbaycanın hərb yolu ilə də öz torpaqlarını geri qaytarmaq hüququna sahib olduğunu dəfələrlə vurğulayıb.

Konfransda ermənilərin törətdiyi Xocalı faciəsinə xüsusilə toxunulub və bu faciə əsrin ən ağrılı cinayətlərindən biri kimi pislənilib.

Azərbaycan hökumətinin rəsmilərindən, deputatlardan, alimlərdən, qeyri-hökumət təşkilatlarının və kütləvi informasiya vasitələrinin nümayəndələrindən sitatlar gətirən Ə.Məmmədov bildirib ki, Azərbaycan neftindən gələn ilk gəlirlər məhz məcburi köçkünlərin yaşam səviyyəsinin yaxşılaşdırılmasına yönəldilib. Məcburi köçkünlərin vəziyyətinin yaxşılaşdırılması üçün 93 yeni qəsəbə salınıb və 5,1 milyard manat vəsait xərclənib. Bunun nəticəsində 46 min ailənin, o cümlədən 230 min məcburi köçkünün həyat səviyyəsi kifayət qədər yaxşılaşdırılıb.

Məcburi köçkünlərin əksəriyyəti onlara verilən yeni evlərdən razı qalsa da, ata-baba yurduna – Dağlıq Qarabağa və ətraf rayonlara qayıtmaq istədiklərini bildirib.

Konfransda çıxış edən doktor Taçibana Yu isə Dağlıq Qarabağ probleminin baş verməsinin səbəbləri, sülh danışığı prosesləri, Azərbaycan hökumətinin ədalətli mövqeyi ilə bağlı ətraflı məlumat verib. Bildirib ki, Azərbaycana səfərləri zamanı o, məcburi köçkünlərin həyat şəraitinin yaxşılaşmasının şahidi olub.

Sonda gənc tədqiqatçıların elmi araşdırmalarını yüksək qiymətləndirən Doşişa Universitetinin professoru Tsukimura Taro qeyd edib ki, Yaponiyada bu mövzuda elmi tədqiqatların aparılması mühüm əhəmiyyət kəsb edir. Problemi yalnız siyasətçilərdən deyil, birbaşa problemdən əziyyət çəkən insanlardan öyrənmək çox önəmlidir. O, bundan sonra da bu mövzuda işlərin davam etdirilməsinin vacibliyini vurğulayıb.

Sonda iştirakçıların sualları cavablandırılıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır

 

////////////////////////////////////////////////////////////////////////////////////////////

http://azertag.az/xeber/Hokkaydo_Merkezi_Avrasiya_Konfransinin_sessiyasi_Dagliq_Qarabag_problemine_hesr_edilib-911271

Azərbaycan Respublikasının Diasporla İş Üzrə Dövlət Komitəsi

http://diaspora.gov.az/index.php?options=news&id=11&news_id=3363

Yaponiyada Dağlıq Qarabağ problemi ilə bağlı konfrans –

HOKKAYDO MƏRKƏZİ AVRASİYA ELMİ-TƏDQİQAT KONFRANSININ 121-ci SESSİYASINDA XOCALI SOYQIRIMI ƏSRİN ƏN AĞRILI CİNAYƏTLƏRİNDƏN BİRİ KİMİ PİSLƏNİB

IMGP1146
Dağlıq Qarabağ problemi ilə bağlı çıxış edərkən. 14 dekabr 2015. Hokkaydo Universiteti, Sapporo, Yaponiya

Dekabrın 14-də Yaponiyanın Hokkaydo Universitetinin Slavyan Araşdırmalar Mərkəzində professor Uyama Tomohikonun rəhbərlik etdiyi “Hokkaydo Mərkəzi Avrasiya Konfransı”nın 121-ci sessiyası keçirilib.

Tədbirdə “Dağlıq Qarabağ probleminə azərbaycanlı məcburi köçkünlərin və intellektualların mövqeyindən baxış” mövzusunda müzakirələr aparılıb.

Elmi konfransda çıxış edən Hokkaydo Universiteti Xarici Tələbələr Assosiasiyasının prezidenti, Rusiya və Yaponiya arasında ciddi məsələ olan “Cənubi Kuril adaları” problemi ilə Dağlıq Qarabağ probleminin müqayisəli təhlilini aparan doktorant tələbə Əlibəy Məmmədov və həmin universitetin tədqiqatçı alimi, “Müstəqil Azərbaycanın siyasi-iqtisadi dəyişikləri” mövzusunda doktor dərəcəsi almış Taçibana Yu bu ilin sentyabrında Azərbaycana səfərləri zamanı apardıqları araşdırmanın nəticələrini analiz ediblər.

Araşdırmanın nəticələrini qiymətləndirmək üçün tədbirdə Yaponiyanın Doşişa Universitetinin professoru, ərazi problemləri, millətlərarası münaqişələr üzrə tədqiqatçı, elmi-tənqidçi Tsukimura Taro da iştirak edib.

Əlibəy Məmmədov qısa giriş nitqi söyləyərək Yaponiyada Azərbaycanın haqq səsinin, münaqişənin düzgün çatdırılmasında böyük işlər görülməsinə ehtiyac olduğunu qeyd edərək, bu ağır və məsuliyyətli yükü öz üzərinə götürməkdən məmnun olduğunu bildirib.

Əlibəy Məmmədov 2015-ci il sentyabr ayında Bakıda və Bərdədə 200 nəfər məcburi köçkünə və 10 nəfər azərbaycanlı intellektuallara qarşı keçirdiyi elmi sorğularının nəticələri haqqında geniş məlumat verib. O, bildirib ki, keçirdiyi sorğu nəticəsində Azərbaycan məcburi köçkünlərlə, intellektualların, siyasətçilərin və hökumətin mövqeyində demək olar ki, bir fərqə rast gəlməyib.

Bu ona əsas verir ki, Dağlıq Qarabağla bağlı Azərbaycan cəmiyyətində vahid bir mövqe mövcuddur. İqtidar, müxalifət, elm adamları və məcburi köçkünlərin mövqeyi, bütün vacib məqamlarda demək olar ki, üst-üstə düşüb.

Anketə cavab verənlərdən 33 faizi Şuşa, 27 faizi Ağdamdan olan məcburi köçkünlər olub.

Əlibəy Məmmədovun araşdırmasının nəticələrinə görə, məcburi köçkünlərin böyük əksəriyyəti Azərbaycanın bütün işğal olunmuş ərazilərin geri qaytarılmasını tələb ediblər. Sorğuda iştirak edənlərin 94 faizi (onlardan 61 faiz dərhal, 33 faiz hökumət tərəfindən yaşamaq üçün uyğun şərait yaradıldıqdan sonra) Dağlıq Qarabağ və ətraf rayonlara geri qayıtmağa hazır olduğunu vurğulayıblar.

Onların 87 faizi problemin həllinin ilkin mərhələsi olaraq, erməni qoşunların dərhal işğal olunmuş ərazilərdən çıxarılması şərtini irəli sürüblər.

Məcburi köçkün və intellektualların böyük əksəriyyəti sülh yolu ilə məsələnin həllinə tərəfdar çıxsalar da, Azərbaycanın hərb yolu ilə də öz torpaqlarını geri qaytarmaq hüququna sahib olduğunu dəfələrlə vurğulayıblar.

Konfransda Xocalı faciəsinə xüsusi toxunulub və bu hadisə əsrin ən ağrılı cinayətlərindən biri kimi pislənilib. Dağlıq Qarabağda, xüsusilə Şuşa və Xocalı şəhərlərinin, ətraf rayonlardan Ağdamın xüsusi əhəmiyyəti ayrıca vurğulanıb.

Azərbaycan Respublikasının Qaçqınların və Məcburi Köçkünlərin İşləri üzrə Dövlət Komissiyasının sədr müavinləri Gəray Fərhadov, Fuad Hüseynov, Azərbaycan Milli Elmlər Akademiyasının Tarix İnstitutunun rəhbəri, millət vəkili, siyasətçi, professor Yaqub Mahmudov, Akademiyanın Qarabağ tarixi şöbəsinin müdiri, professor Qasım Hacıyev, Qarabağ Azadlıq Təşkilatının sədri Akif Nağı, “525-ci qəzet”in baş redaktoru Rəşad Məcidlə görüşlərindən sitatlar gətirən Əlibəy Məmmədov bildirib ki, 2001-ci ildə Azərbaycan neftindən gələn ilk gəlirlər məhz məcburi köçkünlərin yaşam səviyyəsinin yaxşılaşdırılmasına sərf edilib. Bugünə qədər Azərbaycanda 93 yeni qəsəbə salınıb və məcburi köçkünlərin vəziyyətinin yaxşılaşdırılması üçün 5.1 milyard manat vəsait xərclənib. Bunun 2.3 milyardı Azərbaycanın dövlət büdcəsindən, 1.8 milyardı Neft Fondundan, 1 milyardı isə Azərbaycanda fəaliyyət göstərən humanitar təşkilatların vəsaitlərindən ayrılıb. Bunun nəticəsində 46 min ailə, o cümlədən, 230 min məcburi köçkünün həyat səviyyəsi kifayət qədər yaxşılaşdırılıb.

525 dagli qarabag
525-ci qəzet, 16 Dekabr 2015-ci il sayı

Bununla belə, Əlibəy Məmmədov vurğulayıb ki, məcburi köçkünlərin böyük əksəriyyəti onlara verilən yeni evlərdən razı qalsalar da, onları narahat edən böyük bir problem hələ də qalmaqdadır. Bu, doğma torpaqlara – Dağlıq Qarabağ və ətraf rayonlara nə vaxt dönəcəkləri problemidir. Hara getsək də eyni sualla üzləşirdik. Yurdumuza nə vaxt geri dönürük?

İkinci çıxışçı Taçibana Yu isə Dağlıq Qarabağ problemin baş verməsinin səbəbləri, sülh danışığı prosesləri, Azərbaycan hökumətinin mövqeyi ilə bağlı ətraflı məlumat verib.

Taçibana Yu bildirib ki, bir neçə dəfə Azərbaycanda olub. Bu illər ərzində məcburi köçkünlərin vəziyyətlərinin gözə çarpacaq şəkildə yaxşılığa doğru dəyişdiyini vurğulayıb.

O Tirol modeli və Madrid prinsipləri haqqında da geniş məlumat verib.

Sonda hər iki çıxışçının elmi işlərini qiymətləndirən Tsukimura Taro qeyd edib ki, Yaponiyada bu mövzuda elmi araşdırmalar aparmaq böyük əhəmiyyət kəsb edir. Problemi yalnız siyasətçilərin deyil, yerli insanların, birbaşa problemdən əziyyət çəkən insanlardan öyrənmək çox önəmlidir. O, bundan sonra da bu mövzuda işlərin davam etdirilməsini xahiş edib.

Taçiba Yu və Əlibəy Məmmədov bu işləri də daxil olmaqla növbəti işlərini də Yaponiyanın digər universitetlərində və xarici elmi konfranslarda da qaldıracaqlarını vurğulayıblar.

Ceyhun ABASOV

IMGP1149
Professor Tsukimura Taro-nun tənqidlərini dinləyərkən 14 dekabr 2015, Hokkaydo Universiteti, Sapporo, Yaponiya
IMGP1140
Elm adamları və tənqidçilərlə birlikdə

/////////////////////////////////////////////////////////////////////////////////////////

Qeyd: Bu mətn 525-ci qəzetin 16 Dekabr 2015-ci il sayında nəşr edilmişdir. İstifadə zamanı ilkin mənbəyə (525-ci qəzetə) istinad etmək zəruridir.

http://525.az/site/?name=xeber&news_id=47940

 

///////////////////////////////////////////////////////////////////////////////////////////

 

 

search previous next tag category expand menu location phone mail time cart zoom edit close