Yaponiya məktəblilərinə Azərbaycan multikulturalizmi barədə məlumat verildi (525-ci qəzet)

İyunun 21-də Yaponiyanın paytaxtı Tokionun Maçida qəsəbəsində yerləşən məktəbdə Azərbaycanla bağlı növbəti seminar keçirilib.

Artıq 6 ildir Yaponiyanın Hokkaydo Universitetinin təhsil alan doktorant, bu ölkənin hökumət təqaüdçüsü, konfliktoloq Əlibəy Məmmədov Maçida məktəblilərinə Azərbaycan, onun tarixi, mədəniyyəti, sosial-iqtisadi həyatı, siyasi sistemi və multikulturalizmin Azərbaycan modeli haqqında geniş məlumat verib və şagirdlərin suallarını cavablandırıb.

Bu dəfə Azərbaycanla bağlı, ümumilikdə 2 seminar təşkil edilib ki, bu seminarların hər birində 40 şagird və 5 müəllim olmaqla, ümumilikdə 90 nəfər iştirak edib.

Ə.Məmmədov əsas diqqəti Azərbaycanda multikulturalizm mövzusuna yönəldib. O qeyd edib ki, Azərbaycan ərazisinə görə o qədər də böyük dövlət olmasa da, burada müxtəlif mədəniyyətlər, dinlər və etnik qrupların nümayəndələri bir böyük ailənin üzvləri kimi yaşayırlar. Azərbaycanın zəngin tarixindən söhbət açan həmyerlimiz bildirib ki, dünya ölkələri arasında aktiv şəkildə müzakirə edilən mədəniyyətlərarası dialoqun inkişafında Azərbaycanın özünəməxsus yeri var: “Bu baxımdan Azərbaycan dünyada nümunəvi səciyyə daşıyır. Ölkəmizdə tarix boyu müxtəlif millətlərin və dinlərin nümayəndələri sülh və əminamanlıq şəraitində yaşayıblar. Sevindirici hal ondan ibaraətdir ki, müasir Azərbaycanda da bu ənənə davam etməkdədir. Bu, Azərbaycanın dünyaya fəxrlə göstərə biləcəyi və göstərə bildiyi ali xüsusiyyətlərindən, dəyərlərdən biridir. Bu ali dəyər Azərbaycan üçün yüzilliklər boyu gündəlik həyatın bir hissəsinə çevrilib”.

Ə. Məmmədov vurğulayıb ki, Azərbaycan dünyada sadəcə zəngin neft və qaz yataqlarına malik olan dövlət kimi deyil, həm də Avropa və dünya səviyyəli idman yarışlarının, o cümlədən, tarixdə ilk dəfə Avropa Oyunlarının, eyni zamanda Formula 1 yarışlarının, mədəniyyətlərarası dialoqların, beynəlxalq görüşlərin keçirildiyi, dini etiqad azadlığının tam təmin olunduğu, tolerant və multikultural ənənələrlə zəngin bir dövlət kimi tanınmaqdadır.

Seminarla bağlı söhbət açarkən Ə. Məmmədov bildirib ki, məktəbə daxil olanda müəllimlərlə birgə şagirdlərin Azərbaycanla bağlı məlumatı demək olar ki, yox idi: “Lakin seminar bitdikdən sonra başlayan müzakirələrdə məktəblilərin əksəriyyəti Azərbaycana getmək istədiklərini, onlardan bəziləri isə hətta burada iş qurmaq fikrində olduğunu ifadə ediblər”.

Qeyd edək ki, bu dəfə ki, seminarlarda Azərbaycanla bərabər, İran, Nepal, Özbəkistan, Kambociya, Sinqapurdan olan müəllimlər də öz ölkələri ilə bağlı çıxışlar ediblər.

Ə.Məmmədov bundan sonra da müntəzəm olaraq Yaponiya məktəblilərinə Azərbaycanla bağlı müxtəlif bilikləri aşılayacağına əminliyini ifadə edib. O qeyd edib ki, gələcəkdə hər iki ölkənin məktəbləri arasında bilik körpülərinin yaradılmasında böyük fayda ola bilər.

Ceyhun ABASOV

 

Mənbə: 525-ci qəzet

http://525.az/site/?name=xeber&news_id=81784#gsc.tab=0

alibay-shekil-yaponiya-seminar-1

Qocalan Yaponiya, uşaqlar kəskin sürətdə azalır

Yaponiya ilə maraqlanan insanların əksəriyyətinə məlumdur ki, burada əhalidə qocalma gedir. Doğuşların sayı kəskin şəkildə azaldığına görə uşaqlar, yeniyetmələr və gənclərin sayında azalma müşahidə olunur. Yaponiya cəmiyyətini artıq qoca əhali üçün düşünülmüş bir məkan da adlandırmaq olar. Təsadüfi deyildir ki, ötən (2016) ildə Yaponiyada doğulan uşaqların sayı 1 milyondan az olmuşdur. Bu son dəfə Meici dövrünün (1869-1912) ortalarında müşahidə olunmuş rəqəmdir. Ən əsas problemlərdən biri isə Yaponiyanın gələcək nəslinin kəskin azalması nəticəsində ölkənin iqtisadi inkişafının və sosial sığorta sisteminin riskli bir vəziyyətlə üz-üzə qala bilməsidir. Yaponiyada övlad dünyaya gətirən qadınların sonradan yenidən cəmiyyət həyatına, iş həyatına dönüşündə böyük əngəllər mövcuddur. Buna baxmayaraq hazırkı baş nazir Şinzo Abe hakimiyyətinə yenidən döndükdən (2012 dekabr) sonra qadınların cəmiyyətdə artan nüfuzu göz önündədir. Eyni zamanda uşaq böyüdən anaların iş həyatına geri dönüş göstəricisi 70%-ə qədər yüksəlmişdir. Bununla belə işə çıxmaq istəməsinə baxmayaraq bunu edə bilməyən analar da vardır. Buna əsas səbəb isə bağçaya qədərki müəssisələrin sayının məhdudluğudur. Son göstəricilərə görə Yaponiyada 23700 uşaq bu müəssisələrin olmamasından evlərdə qalırlar. Qadınların işə çıxa bilməməsi onların cəmiyyətdə fəallağını azaldır. Uşaqlara qayğını artırmaq istəyən Yaponiya höküməti bu istiqamətdə ciddi işlər görməkdədir. Bununla belə hələ ki, məsələnin köklü həllinə nail olunmayıb. Müəssisələr tikilsə də bir çoxunda orada işləyəcək adam tapılmır.
Qeyd: Yaponşünaslar və Yaponiya ilə maraqlanan hərkəs üçün.

“Yaponiyanın elm dünyasında Qarabağ mövzusuna maraq var” (Palitra qəzeti)

Əlibəy Məmmədov:
“Azərbaycanda 2000-ci ildə səfirlik açıldığı halda, Ermənistanda bundan 15 il sonra, 2015-ci ildə Yaponiya səfirliyi açılıb. Bu faktın özü Yaponiya hökumətinin Azərbaycana verdiyi önəmin bariz nümunəsidir”

Müsahibimiz Hokkaydo Universitetinin doktorantı Əlibəy Məmmədov Yaponiyada Qarabağ və Kuril adaları, eləcə də Şri-Lanka vətəndaş müharibəsi mövzularında elmi araşdırma aparır. O, qəzetimizə müsahibəsində bu araşdırmanın detalları haqqında danışıb. Qeyd edək ki, Ə.Məmmədov Yaponiyanın hökumət təqaüdçüsü, Hokkaydo Universiteti Xarici Tələbələr Assosiasiyasının Fəxri Prezidenti (ötən iki ildə prezidenti), Yaponiya-Azərbaycan Əməkdaşlıq Assosiasiyasının sədridir.

– Dağlıq Qarabağ və Kuril adaları münaqişələrinin nə kimi oxşar cəhətləri var?
-Dağlıq Qarabağ münaqişəsi Ermənistan və Azərbaycan arasında ölüm-dirim mübarizəsi olmuşdur. Bu gün də belədir. Cənubi Kuril adaları problemi isə Şumuşu adasında olmuş döyüşü nəzər almasaq, demək olar ki, qan tökülmədən ötüşüb. Cənubi Kuril adalarının Rusiyanın əlinə keçməsindən 72 il, Dağlıq Qarabağ münaqişəsi ilə bağlı atəşkəs rejiminin imzalanmasından 23 il ötür. Hər iki münaqişə arasında fərqli nüanslar çoxdur və bu səbəbdən Yaponiyanın elm dünyasında məni tənqid edən professorlar da az deyil. Lakin mən belə hesab edirəm ki, hər iki münaqişə arasında kifayət qədər müqayisələr aparmaq olar. Təsadüfi deyildir ki, hər iki halda münaqişə baş verənədək o ərazilərdə yaşayan, həmin yerləri öz yurd-yuvaları hesab edən insanlar, məcburi şəkildə həmin əraziləri tərk etmişlər. Hər iki halda yaşam məhv olmuşdur. Əlbəttə, miqyas baxımından Azərbaycan tərəfində itki daha çox olub. Hər iki münaqişədə Rusiya faktorunu unutmaq olmaz. Ermənistan və Rusiyada müharibənin nəticəsi olaraq əldə olunmuş torpaqlar nəzəriyyəsi yaradılmışdır. Azərbaycan və Yaponiyada isə işğal edilmiş torpaqlar nəzəriyyəsi. Bu nəzəriyyələrə müqayisəli baxışın özü də kifayət qədər maraqlı ola bilər. Bu sahəylə bağlı elm dünyasında “Border Studies” adlı bir məfhum var. Mən öz elmi işimdə bu aspektdən yanaşıram və Cənubi Kuril adaları ilə Dağlıq Qarabağ münaqişəsinin müqayisəli təhlilini real hesab edirəm. Eyni zamanda mənim tədqiqat sahəmə Şri-Lankada baş vermiş vətəndaş müharibəsi və müharibədən sonrakı vəziyyət də daxildir. Hazırda Şri-Lanka problemi ilə Dağlıq Qarabağ probleminin müqayisəsi ilə bağlı digər bir məqaləmin üzərində tamamlama işlərini aparıram. May ayında çapdan çıxacağı gözlənilir.
-Yaponların Qarabağ mövzusuna marağı hansı səviyyədədir?
-Yaponiyanın elm dünyasında Qarabağ mövzusuna maraq var. Təbii ki, Gürcüstanın ərazi problemləri, Krım məsələsi, son illər dünya elmində olduğu kimi, Yaponiyada da əsas araşdırılan sahələrdəndir. Yaponiyada Rusiya, Mərkəzi Asiya və keçmiş sovet ölkələri ilə bağlı tədqiqatlar aparılan mərkəzlərdə, rəsmi orqanlar və universitetlərdə Dağlıq Qarabağ münaqişəsi ilə bağlı kifayət qədər məlumatlar var. Hazırda bu sahə ilə bağlı elmi iş yaza biləcək təxminən 5 yaponiyalı məşhur elm adamı da var. Bununla belə, adi insanlar səviyyəsində Qarabağ münaqişəsini tanımayanlar kifayət qədərdir. Bunu normal qarşılamaq lazımdır. Bir ölkədə ki, öz ərazi problemini tanımayan, ona maraq göstərməyən insanlar kifayət qədərdir, o halda, digər bir ölkənin ərazi probleminə maraq gözləmək sadəlövhlük olardı.
-Ümumiyyətlə, Yaponiya hökumətinin Dağlıq Qarabağ münaqişəsi ilə bağlı mövqeyi nədir?
-Bu haqda digər müsahibələrimdə də məlumat verdiyim üçün qısa cavablandıracam. Yaponiya hökuməti bütün rəsmi səviyyələrdə Azərbaycanın ərazi bütövlüyünü tam dəstəkləyir. Cənubi Qafqazda Azərbaycanı özünə ən etibarlı tərəfdaş kimi görür. Azərbaycanda 2000-ci ildə səfirlik açıldığı halda, Ermənistanda bundan 15 il sonra, 2015-ci ildə Yaponiya səfirliyi açılıb. Bu faktın özü Yaponiya hökumətinin Azərbaycana verdiyi önəmin bariz nümunəsidir.
-Yaponiya mediasında Dağlıq Qarabağ münaqişəsi haqqında yazılar dərc etdirə bilirsizmi?
-Kifayət qədər oxucu kütləsi olan Yaponiya qəzetlərində Dağlıq Qarabağla bağlı məqalələrim çap edilib. 2016-cı il noyabr ayının 17-də “Hokkaydo” qəzetinin 1 milyon 18 min tirajlıq səhər buraxılışında bir məqaləm dərc edilib. Putinin Yaponiyaya rəsmi səfəri ilə əlaqədar Cənubi Kuril adaları və Dağlıq Qarabağ münaqişəsinə maraq artıb. Bunun nəticəsində “Tokyo” qəzetinin 510 min tirajlıq səhər buraxılışı, “Chuniçi” qəzetinin 2 milyon 450 min tirajlıq gündəlik buraxılışı, “Hokuriku Chuniçi” qəzetinin təxminən 100 min tirajlıq gündəlik buraxılışının hər birində iki müsahibə tipli məqaləm dərc olunub. Hər birində Dağlıq Qarabağ münaqişəsi ilə Cənubi Kuril adaları probleminin müqayisəli təhlili haqqında fikirlərimi bölüşmüşəm. Aprel döyüşləri əsas müzakirə mövzusu olmuşdur. Bilirsiz, Yaponiya dünya səviyyəsində ən çox qəzet oxunulan ölkələrdən biridir. Bu qəzetlərə çıxa bilməyim birbaşa Yaponiyada olan elmi fəaliyyətimlə bağlı olub. Digər tərəfdən, Dağlıq Qarabağla bağlı elmi səviyyədə “Hokkaydo Mərkəzi Avrasiya Elmi Konfransı”nın 121-ci sessiyasında 2015-ci ilin dekabr ayının 14-də yapon dilində, 2016-cı il aprel ayının 16-da ABŞ-ın Nevada ştatının Reno şəhərində təşkil edilmiş 58-ci Qərb Sosial Elmləri Assosiasiyanın nəzdində təşkil edilmiş, Sərhəd Elmləri Assosiasiyanın 33-cü sessiyasında ingilis dilində məruzələr etmişəm. Əlavə olaraq, Yaponiyanın paytaxtı Tokio şəhərində yerli internet televiziya kanalında dəfələrlə qonaq olub və Azərbaycan tarixinə qızıl hərflərlə yazılmış, xalqımızın qəhrəmanlıq səhifələrindən biri olan ötənilki Aprel döyüşləri, Dağlıq Qarabağ münaqişəsi ilə bağlı çıxışlar etmişəm. Bundan sonra da bu fəaliyyətimi geniş və sürətli şəkildə davam etdirəcəyəm.
-Sizi Qarabağ mövzusunu işləməyə nə vadar etdi?
-Bilirsiz, mən tarixçi ailəsində böyümüşəm. Tarixə, konfliktologiya sahəsinə hər zaman böyük marağım olub. Qarabağ müharibəsi zamanı mən kiçik uşaq idim. Televiziya vasitəsilə olanları izləyirdim. Torpaqlarımızın dilbər guşələrinin ard-arda mənfur düşmən tərəfindən işğalını ürək ağrısı ilə seyr edirdim. 5-6 yaşlı uşaq nə edə bilərdi ki? Amma böyüdükcə, biliklərə yiyələndikcə, dünya görüşüm və əhatə dairəm genişləndikcə şərtlər dəyişdi. Azərbaycanı Qarabağsız təsəvvür etmək mənəvi günah olardı. Universitetə daxil olduqdan sonra, sadəcə, Qarabağ münaqişəsi deyil, dünyanın bir çox digər vətəndaş müharibələrini, ərazi problemlərini, millətlərarası münaqişələri araşdırmağa, öyrənməyə başladım. Son nəticə olaraq Yaponiya və Rusiyanın ərazi problemi olan Cənubi Kuril adaları məsələsi ilə müqayisə etmək qərarına gəldim. Bilirsiz, xarici ölkələrdə təktərəfli olaraq yalnız Qarabağ həqiqətlərindən danışmaq yerli insanların qəlbinə hopmuş olmur. Sadəcə, qulaq asıb gedirlər. Amma, əgər onların ağrılı, yaralı yerləri ilə birlikdə müqayisəli şəkildə məsələnin izahını verirsənsə, bu onların qəlbində dərin izlər buraxır. Eyni zamanda Azərbaycan xalqına qarşı xüsusi simpatiya yaratmış olur. Mənim əsas məqsədim bu ortamı yaratmaq idi ki, bir çox məqamlarda artıq buna nail olduğumu deyə bilərəm.
-Yaponiyada insanların təhlükəsizliyi ilə bağlı qanunvericilik bazası necə formalaşıb?
-Bilirsiz, mən hüquqşünas olmadığuma görə bu suala cavab verə bilməyəcəm. Sadəcə, burada yaşayan biri kimi onu deyə bilərəm ki, Yaponiyada qanunvericilik çox sərtdir. Sadəcə, ədalətlidir. Ədalət isə sərt qanunlar üzərində qurulur.
-Bu ölkədə insan hüquqları Qərbin demokratik ənənələrinə nə dərəcədə uyğun gəlir?
-Bu sual da öncəki kimi, mənim peşəkar sahəmə aid olmadığına görə cavab verə bilməyəcəm. Sadəcə, onu deyə bilərəm ki, Yaponiyanın konstitusiyası Amerikanın işğalı dövründə Amerikanın diqtəsi ilə hazırlanmış və qəbul edilmişdir. O baxımdan ABŞ dəyərlərini də bir çox mənalarda özündə əks etdirən demokratik ənənələr vardır. İnsan hüquqları yüksək səviyyədə qorunur.
Fuad Hüseynzadə

Mənbə: Palitra qəzeti

http://palitranews.az/news.php?id=67069

Tarix: 28.03.2017 | Saat: 20:34:00

alibay palitra shekil

Yaponiyada Azərbaycanla bağlı növbəti seminar keçirilib (karabakhmedia.az)

Fevral ayının 14-də Yaponiyanın paytaxtı Tokio şəhərinin Ota qəsəbəsində yerləşən məktəbdə bu ölkənin Hokkaydo universitetinin konfliktologiya sahəsi üzrə doktorantı, hökümət təqaüdçüsü, Yaponiya-Azərbaycan Əməkdaşlıq Assosasiyasının sədri Əlibəy Məmmədov tərəfindən Azərbaycanla bağlı növbəti seminar keçirilmişdir. Seminar zamanı yaponiyalı məktəblilərə azərbaycan dili, Azərbaycan mədəniyyəti, tarixi, insanları, ictimai-siyasi həyatı haqqında geniş məlumat verilmişdir.

Ə. Məmmədov qeyd etmişdir ki, Azərbaycan tarixən bir çox imperiyaların və böyük dövlətlərin idarəsi altında olmuşdur. Ayrı-ayrı millətlərin nümayəndələri ilə yaşamağa məcbur qalmışdır. Bu fakt azərbaycanlılarda ayrı-ayrı millətlərə, ayrı-ayrı dinlərə, ayrı-ayrı inanclı insanlara qarşı toleyrant yanaşma xarakterini formalaşmışdır.

Azərbaycan adı altında 1918-ci ildə ilk dəfə əldə etdiyi müstəqilliyi uzun sürməsə belə milli ideyanın formalaşmasına güclü təkan vermişdir. 1991-cı ildə Sovet İttifaqının zəifləməsi və süqut etməsi ilə azərbaycanlılar yenidən müstəqillik əldə edirlər. Bu dəfə də ilk illər çox ağır keçir. Qonşu Ermənistanla ərazi problemi, torpaqlarının 20%-nin işğal edilməsi, 1 milyondan artıq qaçqın və məcburi köçkünlərin peyda olması, ölkə daxilində hakimiyyət uğrunda gedən qızğın mübarizələr, ölkəni parçalamağa yönəlmiş daxili üsyanlar və s xoşagəlməz hadisələr yeni müstəqillik əldə etmiş bir dövlət üçün çox çətin idi. Lakin bununla belə bu dəfə Azərbaycan xalqı əzmkarlıq göstərməklə öz müstəqilliyini qoruyub saxlamağa nail oldu. 1993-cü ildə Sovet İttifaqı dövründə də Azərbaycana uzun illər rəhbərlik etmiş, dünya səviyyəli lider, zəngin təcrübəyə sahib Heydər Əliyevin hakimiyyətə gəlməsi ilə Azərbaycan tənəzzüldən inkişafa doğru çətin amma şərəfli böyük bir yola qədəm qoydu.

Sevindirici hal ondan ibarətdir ki, bu yolda həm Azərbaycan rəhbərliyi həm də onun xalqı üzüağ və şərəflə çıxmağa nail oldu. 1991-1994-cü illərdə bir çox böyük dövlətlər Azərbaycana qarşı iqtisadi təkləmə siyasəti yürütsələr də artıq 90-cı illərin sonlarına doğru Azərbaycan yalnız qonşuları üçün deyil, həm də dünyanın aparıcı dövlətləri üçün ən əsas strateji partnyor mövqeyinə qədər yüksəlməyə nail olmuşdur.

2000-ci illər ərzində Azərbaycanın dünya çapında gözəçarpan, sürətli inkişafı tarixə qızıl hərflərlə yazılmışdır. Azərbaycanın zəngin neft yataqlarından qazanılan gəlirlər sayəsində Azərbaycan kənd təsərrüfatı və turizm sahəsi də böyük inkişaf yoluna qədəm qoymuşdur.

Təsadüfi deyildir ki, məhz 2000-ci ildə Azərbaycanın paytaxtı Bakı şəhərində Yaponiya səfirliyi fəaliyyətə başlamışdır. Müqayisə üçün qeyd etmək yerinə düşər ki, qonşu Ermənistan da Yaponiya səfirliyi 15 il sonra 2015-ci ildə açılmışdır. Bunun özü Yaponiya hökümətinin Cənubi Qafqaz regionunda Azərbaycana verdiyi müstəsna dəyərin və hörmətin bariz nümunəsidir.

Qeyd edək ki, proqram çərçivəsində Sinqapur, Tailand, İndoneziya, Hindistan və Perudan olan xarici tələbələr də öz ölkələri haqqında məlumatlar vermiş, fikir mübadiləsi aparmışlar.

Elnur Eltürk

Mənbə: Karabakhmedia.az

http://karabakhmedia.az/main/10525-yaponiyada-azerbaycanla-bagli-novbeti-seminar-kechirilib.html

alibay-shekil-yaponiya-seminar-1

Qeyd! 2016-cı ildə Azərbaycan Mediasına eksklüziv müsahibələrim (Cəmi 11 dəfə)

  1.    Tarix: 6 Aprel 2016, AZƏRTAC, Siyasət bölməsi

“Azərbaycanın Dağlıq Qarabağ münaqişəsində qələbəsi mütləqdir “

http://azertag.az/xeber/940541

  1. Tarix: 2 İyul 2016, Kaspi qəzetinin rus dilli versiyası, Diaspora bölməsi

“В Стране восходящего солнца”

http://www.kaspiy.az/news.php?id=43370#.WGhpO_mLRPb

  1. Tarix: 18 İyul 2016, Modern.az saytı, Müsahibə bölməsi

Yaponiyada yaşayan azərbaycanlı: “Yapon xanımlarda əcnəbilərə qarşı bir ayrı sevgi gördüm” “

http://modern.az/az/news/107065/#gsc.tab=0

  1. Tarix: 10 Avqust 2016, Gencaile.azsaytı, “Tələbə biletibölməsi

““KASIBYAPON TOYLARI, “GYAKUTAİ”, “TUALET ALLAHIVƏ… – AZƏRBAYCANLI TƏLƏBƏ İLƏ MÜSAHİBƏ”

http://gencaile.az/kasib-yapon-toylari-gyakutai-tualet-allahi-v%C9%99-az%C9%99rbaycanli-t%C9%99l%C9%99b%C9%99-il%C9%99-musahib%C9%99/

  1. Tarix: 31 Oktyabr 2016, Olaylar qəzeti

Yaponiyalıların Azərbaycan sevgisi bir başqadır

http://olaylar.az/news/musahibe/197332

  1. Tarix: 31 Oktyabr 2016, Palitra qəzeti

“İKT sahəsi təbliğat işində mühüm rol oynayır

http://palitranews.az/news.php?id=60534

  1. Tarix: 31 Oktyabr 2016, Diaspora.az saytı

Yaponiyadakı Azərbaycan diasporu: “Maliyyə dəstəyinə ehtiyacımız var””

http://diaspora.az/?p=6510

(https://alibayjp.com/2016/10/31/yaponiyadaki-az%C9%99rbaycan-diasporu-maliyy%C9%99-d%C9%99st%C9%99yin%C9%99-ehtiyacimiz-var/)

  1. Tarix: 1 Noyabr 2016, Kaspi.az saytı

“Əlibəy Məmmədov DAA-nın vitse-prezidenti təyin edilib”

http://www.kaspi.az/az/elibey-memmedov-daa-nin-vitse-prezidenti-teyin-edilib/

  1. Tarix: 2 Noyabr 2016, Palitra qəzeti

“Yaponiyada Azərbaycan aşiqlərinin sayı artır”

http://palitranews.az/news.php?id=60676

  1. Tarix: 22 Noyabr 2016, 525-ci qəzet

“”Gündoğar ölkə”də Azərbaycan diasporu”

http://525.az/site/?name=xeber&news_id=68186

  1. Tarix: 5 Dekabr 2016, Palitra qəzeti

Yaponiya və yaponlar haqqında bilmədiklərimiz

http://palitranews.az/news.php?id=62302

Yaponiyada Azərbaycanla bağlı növbəti seminar (525-ci qəzet)

Dekabrın 9-da Yaponiyanın paytaxtı Tokionun Setaqaya bölməsində yerləşən məktəbdə Dünya Azərbaycanlıları Assambleyasının vitse-prezidenti, Yaponiya nümayəndəliyinin rəhbəri Əlibəy Məmmədov “Mənim Ana Vətənim – Azərbaycan” mövzusunda seminar keçirib.

Seminarda əsas diqqət Azərbaycanın tarixi, mədəniyyəti, insanlarının gündəlik həyat tərzi, müasir inkişafı və Yaponiya-Azərbaycan ikitərəfli münasibətlərində adi insanların roluna yönəldilib.

Ə. Məmmədov qeyd edib ki, Azərbaycan qədim mədəniyyətə malik olan bir dövlətdir: “Azərbaycan ərazisində tarixən mövcud olmuş dövlətlər və xalqlar Azərbaycan mədəniyyətinin formalaşmasında mühüm rol oynayıblar.

Ölkəmiz Şərqlə Qərbi birləşdirən Cənubi Qafqaz regionunun lider dövləti olmaqla yanaşı, dünya təhlükəsizliyinə də öz dərin töhvələrini verməkdədir. Azərbaycan torpaqlarında farslar, ərəblər, monqollar, türklər, ruslar öz dövlətlərini qurmuş, regionda əsrlər boyu hakimiyyətlərini sürdürüblər. Bütün bunların nəticəsində yerli insanlarda xaricilərlə qaynayıb qarışma, digərlərinin mədəniyyətinə hörmətlə yanaşma, qarşılıqlı hörmət və anlayış şəraitdə yaşama mədəniyyəti formalaşıb. Nəhayət 1918-ci ildə Azərbaycan ilk dəfə müstəqilliyinə qovuşanda ölkəmiz İslam dünyasında ilk demokratik dövlət kimi tarixə düşüb. Həmçinin Azərbaycan İslam ölkələri arasında qadınlara səsvermə hüququ verən ilk dövlətdir.

Bundan əlavə Azərbaycan İslam dünyasında milli teatrın (Mirzə Fətəli Axundovun “Sərgüzəşti-vəziri-xani-Lənkəran” əsəri), operanın (Üzeyir Hacıbəyovun “Leyli və Məcnun” əsəri) və baletin (Əfrasiyab Bədəlbəylinin “Qız Qalası” əsəri) əsasının qoyulduğu yerdir. 1991-ci ildə Azərbaycan tarixdə ikinci dəfə öz müstəqilliyinə qovuşur. İlk illər Ermənistan-Azərbaycan Dağlıq Qarabağ münaqişəsi, ölkədaxilində baş verən toqquşmalar nəticəsində özünün ən ağır günlərini yaşasa da, 1993-cü ildə hakimiyyətə Heydər Əliyevin gəlməsi isə vəziyyət stabilləşməyə doğru gedib. 1994-cü ildə Ermənistanla atəşkəs əldə olunur. Eyni ildə “Əsrin Müqaviləsi” neft kontraktı imzalanır. 1995-də konstitusiya qəbul edilir. Azərbaycanın iqtisadi və siyasi həyatı stabilləşmə mərhələsinə qədəm qoyur. 2000-ci illərdə isə neftdən gəlirlər gəlməyə başladıqda bu vəsaitlər hesabına ölkənin qeyri-neft sektorunun da inkişafına diqqət yetirilməyə başlanılır”.

Həmyerlimiz bildirib ki, Azərbaycanda kənd təsərrüfatı və turizm sektoru inkişaf etməkdədir: “Azərbaycana gələn turistlərin sayı ildən-ilə artır. Azərbaycanın kənd təsərrüfatı məhsulları öz keyfiyyəti və uyğun qiymətləri ilə dünya bazarında öz yerini tutmaqdadır. Bu gün artıq Yaponiyada Azərbaycan balı, narı, şərabı, təbii şirələri, biyan kökləri öz layiqli yerini tutmaqdadırlar. Qeyri-rəsmi məlumatlara görə il ərzində Azərbaycandan Yaponiyaya 500 nəfər, Yaponiyadan Azərbaycana isə 5 min nəfər insan səyahət edir.

Azərbaycanın kənd təsərrüfatında Yaponiya texnikası və təcrübəsindən yüksək səviyyədə istifadə edilir.

Bütün bunların nəticəsində ikitərəfli münasibətlərimizdə inkişaf gözə çarpacaq dərəcədədir. Bugün hətta regionlarımız arasında da qardaşlaşma layihələri uğurla həyata keçirilir”.

Qeyd edək ki, seminarda ümumilikdə 60 şagird və 5 müəllim iştirak edib.

Proqram çərçivəsində Serbiya, İran və Hindistandan olan nümayəndələr də öz ölkələri haqda şagirdlərə məlumat veriblər.

Ceyhun ABASOV

 

Mənbə: 525-ci qəzet

http://525.az/site/?name=xeber&news_id=69467

dersim

 

Yaponiyanın Vaseda Universitetində Azərbaycan müzakirələri

Oktyabr ayının 21-də Yaponiyanın paytaxtında yerləşən və ölkənin ən öndə gedən özəl təhsil müəssisələrindən biri olan Vaseda universitetində, tələbələri ilə birlikdə bir neçə dəfə Azərbaycanda səfərdə olmuş Professor Hiroaki Morinin rəhbərliyi altında“Beynəlxalq Münasibətlər Sistemində Cənubi Qafqaz ölkələrinin rolu” mövzusunda seminar keçirilmişdir. Seminarda universitetin gürcüstanlı tələbəsi Tornike Sreseli “Gürcüstan və Böyük dövlətlər” mövzusunda çıxış etmişdir.

Seminarda tələbələr və professor heyətindən başqa, Tokioda fəaliyyət göstərən iş adamları və ziyalılar da iştirak etmişlər.

Hokkaydo Universitetinin doktorant tələbəsi, Yaponiya höküməti təqaüdçüsü, eyni zamanda Dünya Azərbaycanlıları Assambleyasının Yaponiya nümayəndəliyinin rəhbəri olan Əlibəy Məmmədov seminara moderator qismində dəvət olunmuşdur. Dağlıq Qarabağ münaqişəsi üzrə elmi tədqiqatlar aparan Vaseda universitetinin professoru Yoşimura Takayuki müzakirələrdə fəal şəkildə iştirak etmişdir. O qeyd etmişdir ki, hazırda Cənubi Qafqaz ölkələri arasında ən stabil siyasət yürüdən yeganə ölkə məhz Azərbaycandır.
Əlibəy Məmmədov çıxışında əsas etibarilə Cənubi Qafqazda böyük dövlətlərin varlığı, Rusiyanın imici, Gürcüstan Azərbaycan əlaqələrinin vacibliyi, Cənubi Qafqaz və Yaponiya münasibətlərinə toxunmuşdur. O bildirmişdir ki, regionda Rusiya, ABŞ, Türkiyə, İran və Çinin maraqları toqquşur.

Rusiya son 200 ildə regionu öz təsiri altında saxlamağı bacaran güclü bir dövlətdir. Həm Azərbaycanla, həm Ermənistanla balanslaşdırılmış siyasət yürüdə bilir. Rusiya daha çox ermənispərəst mövqeyi ilə tanınsa belə Azərbaycanla olan münasibətlərinə xüsusi önəm verir. İslam dünyasının ən qüdrətli dövləti olan Türkiyə Azərbaycan və Gürcüstanla iqtisadi əməkdaşlığını dərinləşdirməklə yanaşı, regiona olan münasibətində Azərbaycanın mövqeyini əsas tutur.

Cənubi Qafqaz ölkələri və Yaponiya münasibətlərinə toxunan Ə. Məmmədov xüsusi ilə vurğulamışdır ki, Yaponiya dövlətinin regionda əsas strateji tərəfdaşı Azərbaycandır. Təsadüfi deyildir ki, 2000-ci ildə Yaponiya höküməti tərəfindən regionda ilk dəfə məhz Azərbaycanda səfirlik öz fəaliyyətinə başlamışdır. Gürcüstanda9 il sonra 2009, Ermənistanda isə 15 il sonra 2015-ci ildə Yaponiya səfirliyi açılmışdır. Bu ardıcıllıq Yaponiyanın Azərbaycana verdiyi önəmin bariz nümunəsidir.

Diaspor rəhbərimiz Dünya Azərbaycanlıları Assambleyası və onun fəaliyyəti haqqında geniş məlumat verdikdən sonra qeyd etmişdir ki,1990-cı illərdə Cənubi Qafqaz ölkələri arasında ən güclü diaspor fəaliyyəti göstərən Ermənistan olsa da, 2000-ci illərdə Azərbaycanın ayrı-ayrı ölkələrdə fəaliyyət göstərən diaspor təşkilatlarının sistemli və hərtərəfli fəaliyyəti nəticəsində ölkənin dünya səviyyəsində müsbət imici formalaşdırılmış, ölkənin haqq səsi dünya ictimaiyyətinə doğru şəkildə çatdırılmış, güclü və iradəli dövlət kimi tanıdılmağa başlanılmışdır. Bugün Azərbaycan dünyanın bir çox ölkələri üçün model ola biləcək güclü bir dövlətə çevrilmişdir.

Ə. Məmmədov onu da vurğulamışdır ki, Yaponiyada Ermənistan diasporası yox səviyyəsindədir. Bu ölkəni demək olar ki, tanımırlar. Bunun müqabilində Azərbaycan diasporası ardıcıl və davamlı uğurlara imza atmaqla, yaponlarda Azərbaycana qarşı xüsusi rəğbət hissi qazandırmağa davam edir.

Seminarda region ölkələrinin müqayisəsi zamanı xüsusilə qeyd edilmişdir ki, Gürcüstan açıq şəkildə Amerika və Avropapərəst, Ermənistan Rusiyapərəst mövqe sərgiləyir. Azərbaycan isə həm Amerika, həm Avropa həm də Rusiya ilə balanlaşdırılmış uğurlu siyasət aparır. O da vurğulanmışdır ki, Dağlıq Qarabağ problemi həllini tapmadığı üçün Ermənistan regionun bütün əsas layihələrindən kənarda, iqtisadi blokada şəraitində qalmışdır.

Sonda diaspora rəhbərimiz professor Hiroaki Moriyə Azərbaycan Mədəniyyət və Turizm Nazirliyinin və Azərbaycanın Yaponiyadakı fövqəladə və səlahiyyətli səfirliyinin dəstəyi ilə çapdan çıxmış “Land of Fire Azerbaijan” kitabını hədiyyə etmişdir. Qeyd edək ki, bu kitab Azərbaycanda ən məşhur yaponiyalı kimi tanınan, Azərbaycanda dəfələrlə səfərdə olmuş, 400-ə yaxın kiçik və orta sahibkarı Azərbaycana aparmış, sahibkar və prodüser Kazuyasu İşida tərəfindən planlaşdırılmış və yazılmışdır.

Mənbə: Respublika.info

http://respublik.info/gundem/3975-yaponiyanin-vaseda-universitetinde-azerbaycan-muzakireleri.html

respublika-info

Yaponiyada Azərbaycanın müstəqilliyinin 25 illiyi qeyd olundu

ƏLİBƏY MƏMMƏDOV: “BÖYÜK DÖVLƏTLƏRİN YÜZİLLİKLƏR ƏRZİNDƏ ƏLDƏ ETDİKLƏRİNƏ AZƏRBAYCAN CƏMİ 25 İLDƏ NAİL OLUB”

Dünən Yaponiyanın paytaxtı Tokionun əsas mərkəzlərindən biri olan Ropponqidə kiçik və orta sahibkarların iştirakı ilə ziyafət təşkil edilib.

Ziyafətdə Azərbaycanda dəfələrlə səfərdə olan, son 3 ildə 400 nəfərə yaxın yaponiyalı biznesmeni Azərbaycana aparan, Yaponiyada Azərbaycanın təbliğat işinə böyük töhfələr verən Kazuyasu İşida və digər sahibkarlar Azərbaycanın qədim tarixi, zəngin mədəniyyəti, stabil siyasi həyatı, biznes mühiti ilə bağlı fikir mübadiləsi aparıblar.

Ziyafətə dəvət olunanlar arasında Dünya Azərbaycanlıları Assambleyasının Yaponiya nümayəndəliyinin rəhbəri Əlibəy Məmmədov da olub.

Azərbaycanın dövlət müstəqilliyinin bərpasının 25 illiyi ilə bağlı çıxış edən Ə. Məmmədov bildirib ki, Azərbaycan 1991-ci ilin Oktyabrın 18-də müstəqilliyini bərpa etsə də, ilk illər heç də arzuolunan hadisələrlə yadda qalmayıb: “Bu dövrdə Ermənistanın Azərbaycana qarşı işğalçı siyasəti, Dağlıq Qarabağ və ətraf rayonlarda separatçı qüvvələrin özbaşınalıqları, dünyanın əsas güc mərkəzləri olan böyük dövlətlərin ermənipərəst mövqe sərgiləməsi və digər xoşagəlməz hadisələr bir-birini əvəz edirdi. Azərbaycan diasporunun işləməməsi Azərbaycanın haqq səsinin dünya ictimaiyyətinə doğru çatdırılması işinə mane olurdu. Digər tərəfdən güclü erməni lobbisi Ermənistanın işğalçı siyasətini dünya miqyasında haqq işi kimi tanıtdırmaqda dəridən qabıqdan çıxırdılar. Buna müəyyən mənalarda nail də olurdular. Üstəlik Azərbaycanın daxilində hakimiyyət uğrunda mübarizə ölkəni zəiflədirdi”.

Ə. Məmmədov qeyd edib ki, 1993-cü il hələ Sovet dövründə Azərbaycanı uzun illər idarə etmiş, zəngin təcrübəyə malik, xalq tərəfindən sevilən lider Heydər Əliyevin hakimiyyətə qayıdışı ilə əlamətdar olub: “1994-cü ildə isə Ermənistanla atəşkəs müqaviləsi, eyni zamanda böyük dövlətlərin də iştirakı ilə “Əsrin Müqaviləsi” adlı neft kontraktı imzalanıb. 1995-ci ildə Konstitusiya qəbul edilib. Bununla da Azərbaycanın siyasi və iqtisadi həyatı normallaşma və stabilləşmə mərhələsinə qədəm qoyub. 2000-ci illərdə Azərbaycanın zəngin neft yataqlarından ölkə iqtisadiyyatına külli miqdarda vəsait daxil olmağa başlayıb. Bunun sayəsində ölkə iqtisadiyyatı çiçəklənib, sürətli inkişaf yolu keçib, dünyanın ən öndə gedən dövlətləri belə həsəd aparacaq bir iqtisadi inkişafa nail olub”.

Diaspor rəhbəri vurğulayıb ki, Azərbaycanda müxtəlif dinlərin və millətlərin nümayəndələri azad və firəvan şəkildə yaşamaq hüququna malikdirlər: “Azərbaycan dünya ölkələri üçün tolerantlıq nümunəsinə çevrilib. Böyük dövlətlərin bir neçə yüzilliklər ərzində əldə etdiklərini Azərbaycan cəmi 25 ildə həyata keçirməyə nail olub. Güclü iqtisadi inkişaf fonunda Ermənistanın Azərbaycana olan təcavüzi nəticəsində öz yurd-yuvalarından didərgin düşmüş məcburi köçkünlər və qaçqınların vəziyyəti normallaşdırılır, onlara olan dövlət qayğısı artır. Bir çox məcburi köçkünlər yeni yaradılmış yaşayış məntəqələrində yüksək keyfiyyətli mənzillərlə təmin olunurlar”.

Ə.Məmmədov deyib ki, bu illər ərzində Azərbaycan diasporu da böyük inkişaf yolu keçib: “Artıq bugünümüzdə dünyanın ayrı-ayrı ölkələrində təhsil alan, işləyən, yaşayan həmvətənlərimizin yaratdıqları diaspor təşkilatları dünya səviyyəsində öz sözünü deməyə başlayıb. Artıq səsimizi eşidirlər”.

 

Mənbə: 525-ci qəzet

http://525.az/site/?name=xeber&news_id=66139

14787630_321735091527009_1495450142_o

Yapon şagird və müəllim heyətində ölkəmizə sevgi aşılanır

Tokio məktəblərində müntəzəm olaraq hər ay 2-3 dəfə Azərbaycanla bağlı dərslər təşkil olunur

BAKI, 13 okt — Sputnik. Oktyabr ayının 12-də Tokionun Adaçi qəsəbəsində yerləşən məktəbdə Dünya Azərbaycanlıları Assambleyasının Yaponiya nümayəndəliyinin rəhbəri Əlibəy Məmmədov tərəfindən “Mənim Ana Vətənim, Azərbaycanlıların gündəlik həyat tərzi və mədəniyyəti” mövzusunda seminar keçirilib. Nümayəndəlikdən Sputnik-ə verilən məlumata görə, nitqini Azərbaycan dilində açan Ə. Məmmədov, daha sonra yapon dilində Azərbaycanın qədim tarixi, mədəniyyəti, müstəqillik illəri, siyasi sistemi haqqında ümumi məlumat verib.

Seminarda ümumilikdə 70 nəfər iştirak edib. Azərbaycanda İslam dininə inanan insanların çoxluq təşkil etdiyini bildirən Ə. Məmmədov qeyd edib ki, Azərbaycanda din və siyasət bir-birindən ayrıdır: “Bu isə öz növbəsində digər dinlərin nümayəndələrinin də özlərini tam rahat hiss etməsinə şərait yaradır. Ölkə əhalisinin əksəriyyətinin azərbaycanlılardan ibarət olmasına rəğmən, burada çoxsaylı millətlərin nümayəndələri də bir-biri ilə dostluq və əmin-amanlıq şəraitində yaşayırlar. Azərbaycan dünya ölkələri üçün tolerantlıq nümunəsi ola bilər”.

Dağlıq Qarabağ problemi haqqında geniş məlumat verən diaspor rəhbəri bildirib ki, 2000-ci illərdə neftdən gələn ilk gəlirlər məhz problemdən əziyyət çəkən məcburi köçkünlərin həyat və yaşam şəraitinin yaxşılaşdırılmasına, qeyri-neft sektorunun inkişafına, ölkədə kənd təsərrüfatı və turizmin inkişafına, ölkədə insan kapitalına yönəldilib. Ə. Məmmədov qeyd edib ki, azərbaycanlılar, sadəcə ölkə daxilində yaşayan insanlardan ibarət deyil: “Azərbaycanlılar bir neçə əsr ərzində bütün dünyaya yayılıblar. Tarixən bütün dünyaya səpələnmiş azərbaycanlılar xarici ölkələrdə fəal şəkildə diaspor fəaliyyəti ilə məşğul olurlar”. Diaspor rəhbəri sonda, xüsusilə son 3 ildə sürətli inkişaf yolu keçmiş Yaponiya-Azərbaycan əlaqələri haqqında məlumat verərək bildirib ki, mədəni əlaqələr və iki ölkə arasında insan mübadiləsinin sürətlənməsi xoş haldır.

Qeyd edək ki, seminarda Azərbaycanla bərabər Sinqapur, Avstraliya, Hindistan, İsveçrə, Çin, Cənubi Koreya, Gürcüstan, Özbəkistan və İrandan olan doktorant tələbələr də fəal şəkildə ölkələrini təmsil ediblər.

Ə. Məmmədov qeyd edib ki, bu dərslər artıq ənənə halını almaqdadır: “Tokio məktəblərində müntəzəm olaraq hər ay 2-3 dəfə Azərbaycanla bağlı analoji dərslərin keçirilməsi və yaponiyalı şagird və müəllim heyətində Azərbaycana xüsusi rəğbət və sevginin yaradılması planlaşdırılır”.

Mənbə: Sputnik.az

http://sputnik.az/azerbaijan/20161013/407347854/yapon-mekteb-shagird-elibey-memmedov.html

14724218_318288995204952_553064255_o

Yaponiya məktəblərində Azərbaycan dərsləri keçirilir

Oktyabr ayının 12-də Tokionun Adaçi qəsəbəsində yerləşən məktəbdə Dünya Azərbaycanlıları Assambleyasının Yaponiya nümayəndəsi, Yaponiya-Azərbaycan Əməkdaşlıq Assosasiyasının sədri Əlibəy Məmmədov tərəfindən “Mənim Ana Vətənim, azərbaycanlıların gündəlik həyat tərzi və mədəniyyəti” mövzusunda seminar keçirilib.
Nitqini azərbaycan dilində açan Ə. Məmmədov daha sonra yapon dilində ilk öncə Azərbaycanın qədim tarixi, mədəniyyəti, müstəqillik illəri, siyasi sistemi haqqında ümumi məlumat verib. Seminarda ümumillikdə 70 nəfər iştirak edib.
Azərbaycanda İslam dininə inanan insanların çoxluq təşkil etməsini bildirən Ə. Məmmədov qeyd edib ki, Azərbaycanda din və siyasət bir-birindən ayrıdır. Bu isə öz növbəsində digər dinlərin nümayəndələrinin özlərini tam rahat hiss etməsinə şərait yaradır. Ölkə əhalisinin əksəriyyətinin azərbaycanlılardan ibarət olmasına rəğmən burada çoxsaylı millətlərin nümayəndələrinin bir-biri ilə dostluq və əminamanlıq şəraitində yaşamaları xüsusi ilə vurğulanıb. O qeyd edib ki, Azərbaycan dünya ölkələri üçün toleyrantlıq nümunəsi ola bilər.
Azərbaycanın təbii sərvətlərlə zəngin olduğunu qeyd edən Ə. Məmmədov ölkənin zəngin neft və qaz yataqları haqqında geniş məlumat verib və bu sərvətlər nəticəsində ölkə iqtisadiyyatının gözəçarpacaq dərəcədə sürətli inkişafa nail olduğunu qeyd edib.
Dağlıq Qarabağ problemi haqqında geniş məlumat verən diaspora rəhbəri bildirib ki, 2000-ci illərdə neftdən gələn ilk gəlirlər məhz problemdən əziyyət çəkən məcburi köçkünlərin həyat və yaşam şəraitinin yaxşılaşdırılmasına, qeyri-neft sektorunun inkişafına, ölkənin kənd təsərrüfatı və turizmin inkişafına, ölkədə insan kapitalına yönəldilib.
Ə. Məmmədov bildirib ki, azərbaycanlıların tarixi sadəcə ölkə daxilində yaşayan insanlarla məhdudlaşmır. Azərbaycanlılar tarixi bir neçə əsr ərzində bütün dünyaya yayılıb. Tarixən bütün dünyaya səpələnən azərbaycanlıların xarici ölkələrdə fəal şəkildə diaspora fəaliyyəti ilə məşğul olduğu haqqında məlumat verən diaspora rəhbərimiz bu işdə Dünya Azərbaycanlıları Assambleyasının xüsusi rol oynamağa başladığını qeyd edib. O bildirib ki, yeni yaranmasına baxmayaraq, Dünya Azərbaycanlıları Assambleyası bir çox uğurlara imza atıb və bu təkcə dünyanın ayrı-ayrı ölkələrində deyil, həm də Azərbaycanda geniş müzakirə predmetinə çevrilib. DAA-nın əsas ofisinin Almaniyada yerləşdiyini qeyd edən Ə. Məmmədov bildirib ki, bu təşkilat ətrafında dünyanın ayrı-ayrı ölkələrində kifayət qədər böyük işlər görmüş biznes adamları, yüksək təhsilli tələbələr cəmləşib. Əsas məqsədi dünyada Azərbaycanın tanıdılması, onun haqqında müsbət rəyin formalaşdırılması, Azərbaycanın dostlarının sayının artırılması və bu yolla Azərbaycan həqiqətlərinin çatdırılmasıdır.
Diaspora rəhbərimiz sonda xüsusilə son 3 ildə sürətli inkişaf yolu keçmiş Yaponiya-Azərbaycan əlaqələri haqqında məlumat verərək bildirib ki, son illər xüsusilə mədəni əlaqələr və iki ölkə arasında insan mübadiləsinin sürətlənməsi xoş haldır.
Hər iki ölkə arasında yüksək səviyyəli insanların qarşılıqlı səfərləri haqqında danışılıb. Ə. Məmmədov bu işdə xüsusilə 2015-2016-cı illərdə Azərbaycandan Milli Məclisin Sədri Oktay Əsədov, Baş Nazirin Müavini Əli Həsənov, Prezidentin köməkçisi, Prezident Aparatının İctimai-siyasi məsələlər üzrə şöbə müdiri Əli Həsənovun Yaponiyaya səfərləri, Yaponiya tərəfdən isə Baş Nazirin Müavini eyni zamanda Maliyyə Naziri Taro Asonun, Nazir Amari Akiranın və digər yüksək rütbəli şəxslərin səfərlərinin xüsusi əhəmiyyət daşıdığını və iki ölkə arasında siyasi sferada yaxınlaşmanın olmasından xəbər verdiyini qeyd edib.
Qeyd edək ki, Azərbaycanla bərabər Sinqapur, Avstraliya, Hindistan, İsveçrə, Çin, Cənubi Koreya, Gürcüstan, Özbəkistan və İrandan olan doktorant tələbələr də fəal şəkildə ölkələrini təmsil edib.
Ə. Məmmədov qeyd edib ki, bu dərslər artıq bir ənənə halını almaqdadır. Tokyo məktəblərində müntəzəm olaraq hər ay 2-3 dəfə Azərbaycanla bağlı analoji dərslərin keçirilməsi və yaponiyalı şagird və müəllim heyətində Azərbaycana xüsusi rəğbət və sevginin yaradılması planlaşdırılır.
Mahmud

Mənbə: Palitra.az

http://palitranews.az/news.php?id=59615

14724218_318288995204952_553064255_o

Yaponiya Parlamentində Azərbaycan müzakirələri

Sentyabrın 29-da Yaponiyanın Parlament binasında Azərbaycanla bağlı müzakirələr keçirilib.

Azərbaycanın iqtisadi-siyasi reallığı, biznes mühiti, mədəni əlaqələr və yerli şirkətlərin fəaliyyəti mövzusunda keçirilən tədbirdə Yaponiya-Azərbaycan Əməkdaşlıq Assosasiyanın sədri Əlibəy Məmmədov, Yaponiyanın Xarici İşlər Nazirliyinin (XİN) Mərkəzi Asiya və Qafqaz regionu üzrə məsul şəxsi Takahaşi Seiçiro, Yaponiyanın İqtisadiyyat və Sənaye Nazirliyinin Turizm şöbəsinin Rusiya, Mərkəzi Asiya və Qafqaz regionu üzrə məsul şəxsi Asako Ueno və AVC şirkətinin nümayəndəsi Yamasaki Tomohiro iştirak ediblər.

Müzakirələr zamanı müstəqillik əldə etdikdən sonra sürətli inkişaf yolu keçən Azərbaycanın iqtisadi potensialı, geosiyasi vacibliyi, qarşılıqlı anlaşma əsasında qurulan və inkişaf etməkdə olan Yaponiya-Azərbaycan münasibətləri haqqında geniş fikir mübadiləsi aparılıb.

Takahaşi Seiçiro cari ilin avqust ayının sonlarında Bakıya səfər etdiyini, Azərbaycanla əlaqələrin daha da inkişaf etdirilməsi istiqamətində yerli mütəxəsislərlə görüşlər keçirdiklərini vurğulayıb.

O bildirib ki, Azərbaycan Respublikası müstəqilliyin ilk illərində çox ağır bir şəraitdə, vətəndaş müharibəsinin baş verdiyi bir dövrdə Heydər Əliyevin hakimiyyətə gəlməsi, Azərbaycanda stabil siyasi sistemin qurulmasında və onun möhkəmləndirilməsində, iqtisadi həyatının dirçəlməsi və inkişaf etdirilməsində mühüm rol oynayıb: “Hazırda prezident İlham Əliyev tərəfindən bu siyasətinin uğurla davam etdirilməsi və daha da inkişaf etdirilməsi göz qabağındadır. Azərbaycan post-sovet məkanında və öz regionunda lider bir dövlətə çevrilib”.

 

XİN rəsmisi sentyabrın 26-da Azərbaycanda baş tutmuş referendum haqqında söhbət açaraq, Azərbaycan hökümətinin demokratiya yolunda inamlı addımlarla irəlilədiyini qeyd edib. O referendumun nəticələrinin Azərbaycanın siyasi və iqtisadi sisteminin daha da stabil olmasına böyük töhvələr verəcəyini vurğulayıb.

 

Asako Ueno isə bildirib ki, Yaponiyanın İqtisadiyyat və Sənaye Nazirliyində Azərbaycan Respublikası, onun siyasi-iqtisadi stabilliyi haqqında müsbət rəy formalaşıb: “Bu günə qədər Yaponiya höküməti Bakıda yerləşən səfirlik, JİCA və JETRO vasitəsilə Azərbaycanda kənd təsərrüfatı və enerji sahələrində bir çox uğurlu layihələrə imza atıb. Bütün bunların nəticəsində Azərbaycanla Yaponiya arasında biznes əlaqələri gözə çarpacaq dərəcədə inkişaf edib”.

 

Yaponiyanın İqtisadiyyat və Sənaye Nazirliyinin əməkdaşı qeyd edib ki, statistik göstəricilər baxımından da Azərbaycan digər post-sovet ölkələri ilə müqayisədə daha çox bel bağlanılan bir tərəfdaşa çevrilib.

AVC şirkətinin nümayəndəsi Yamasaki Tomohiro Azərbaycanla Yaponiyanın regionları arasında əlaqələrin qurulmasında maraqlı tərəf olduqlarını və hər iki ölkənin mədəni əlaqələrinin inkişafı üçün çalışacaqlarını bildirib. O deyib ki, siyasi və iqtisadi sahədə gözəçarpan inkişaf ölkələrimiz arasında olan mədəni əlaqələrin inkişafı üçün də mükəmməl şərait formalaşdırıb.

 

Yaponiya-Azərbaycan Əməkdaşlıq Assosasiyasının sədri Əlibəy Məmmədov isə Azərbaycan və Yaponiya dövlətləri arasında inkişaf etməkdə olan siyasi və iqtisadi əməkdaşlığa, hər iki sahədə artan qarşılıqlı səfərlər haqqında geniş məlumat verib.

Ə. Məmmədov xüsusilə vurğulayıb ki, Yaponiya ilə Azərbaycanı birləşdirən iki əsas amil var: “İnsan və tarix”. Həm Yaponiya, həm də Azərbaycan öz qədim tarixləri və vətənləri üçün canla başla çalışan, onu sevən vətənpərvər insanları ilə fəxr edə bilər. Azərbaycanda Yaponiya dövlətinə, insanlarına, mədəniyyətinə böyük ehtiramla yanaşırlar. Yaponiya istehsalı olan məhsullara inam yüksək səviyyədədir.

Eyni zamanda, Azərbaycanın Yaponiyadan kənd təsərüfatı və turizm sahəsində öyrənəcəyi bir çox məsələlər var.

Digər tərəfdən, Azərbaycan Yaponiya üçün regionda və post-sovet məkanında geosiyasi baxımdan ən etibarlı tərəfdaş rolunu oynamağa qadir dövlətdir”.

Ə. Məmmədov Yaponiyada Azərbaycan diasporasının uğurlu fəaliyyəti haqqında məlumat verərək, bu işin Yaponiyada Azərbaycan adının tanıdılmasında və Azərbaycanda Yaponiyanın təbliği məsələsində çox mühüm rol oynayacağına əminliyini ifadə edib.

 

Mənbə: Modern.az

http://modern.az/az/news/113122/#gsc.tab=0

sekil-yaponiya-parlament

search previous next tag category expand menu location phone mail time cart zoom edit close