Dünya Azərbaycanlılarının Köln Forumu keçiriləcək APA

Dünya Azərbaycanlıları Assambleyasının (DAA) təşkilatçılığı ilə 4 fevral 2017-ci ildə  Dünya Azərbaycanlılarının Köln Forumu keçiriləcək.

 

DAA prezidenti Rəşad Quliyev bildirib ki, Almaniyanın Köln şəhərində təşkil olunacaq  tədbirdə dünyanın müxtəlif ölkələrində yaşayan azərbaycanlı diaspor fəalları ilə yanaşı Almaniyada fəaliyyət göstərən siyasi partiyaların, qeyri-hökumət təşkilatlarının təmsilçilərinin, millət vəkillərinin, bir sıra beynəlxalq qurumların nümayəndələri iştirak edəcək.

 

Forumun ilk iki saatında “Vision of Azerbaijan” (Azərbaycanın mənzərəsi) adı altında Azərbaycan musiqisi, tarixi, mədəniyyəti , mətbəxi, incəsənəti, turist bölgələrinin təqdimatı olacaq.

 

“Daha sonra bu il almanların Azərbaycana köç etməsinin 200 ili tamam olduğu üçün forumda həmin hadisəyə həsr olunan film nümayiş olunacaq.  Bundan başqa, “Mədəniyyətlər və dinlərarası dialoq : Azərbaycan nümunəsi” mövzusunda müzakirələr nəzərdə tutulub”, – deyə o bildirib.

 

DAA prezidenti deyib ki, forumda dünya azərbaycanlılarının durumu , problemləri , onların həlli yolları, qarşıda duran vəzifələr, Gürcüstan, İran, Dərbənd, İraq və başqa ölkələrdə kompakt yaşayan soydaşlarımızın vəziyyəti, Qarabağ məsələsi və beynəlxalq təşkilatların mövqeyi, DAA-nın  fəaliyyət strategiyasının, proqramının hazırlanmasına dair müzakirələr, diskussiyaların keçirilməsi nəzərdə tutulur.

 

Toplantıya Azərbaycan hökumət nümayəndələri, Diaspora Komitəsi rəhbərliyi, millət vəkilləri və bir sıra fəal ictimai siyasi qurumların təmsilçiləri  də dəvət olunacaq.

 

“Forumun digər məqsədi dünyaya səpələnmiş soydaşlarımızın yaşadıqları ölkələrə inteqrasiya prosesi ilə tanış olmaq, bu istiqamətdə bir sıra məsələləri müzakirə etmək, bundan başqa, Azərbaycan təşkilatlarının bir-biri ilə sıx qarşılıqlı əlaqələrinin yaranmasına töhfə vermək, onları birgə fəaliyyət təşəbbüskarlığına həvəsləndirməkdir”, – deyə R. Quliyev bildirib.

 

Menbe: APA

http://m.apa.az/az/siyaset-xeberleri/diaspor/dunya-azerbaycanlilarinin-koln-forumu-kecirilecek.html

Bu xeber diger media orqanlarimiz terefinden de genish shekilde ishiqlandirilmishdir. Ashagidaki linklerden oxuya bilersiniz.

 

http://publika.az/news/nida/174576.html

http://news.milli.az/politics/485798.html

http://www.azadinform.az/news/a-124756.html

http://axar.az/news/114964

http://m.lent.az/news/258440

http://www.1news.az/az/siyaset/20161103095607431.html

reshad-daa

 

Danimarkada “Müstəqil Azərbaycanın güclənməsində dünya azərbaycanlılarının rolu” adlı tədbir keçirilib

Bakı-APA. Dünya Azərbaycanlıları Assambleyasının (DAA) təşkilatçılığı ilə Danimarkada   “Müstəqil Azərbaycanın güclənməsində dünya azərbaycanlılarının rolu” mövzusunda dəyirmi masa təşkil olunub.

 

Tədbirdə çıxış edən DAA prezidenti Rəşad Quliyev diasporun fəaliyyətindən, diaspor qurumlarının  Azərbaycanın xarici siyasətindəki yerindən danışıb, eyni zamanda Assambleya haqqında məlumat verib. O, qeyd edib ki, minlərlə azərbaycanlının həyatı bahasına əldə edilən müstəqilliyin qorunub saxlanması, dövlətin güclənməsi üçün dünya azərbaycanlıları əllərindən gələni əsirgəməməlidirlər.

 

Daha sonra DAA Danimarka nümayəndəliyinin rəhbəri Kəmalə Maisqızı müstəqillik aktının qəbul olunmasını Azərbaycan tarixi üçün şanlı tarix olduğunu qeyd edib, bu müqəddəs dəyərin qorunub saxlanılması üçün bütün qüvvələrin səfərbər olunmasının vacibliyini vurğulayıb.

 

DAA-nın vitse-prezidenti Aida Məmmədova da müstəqil dövlətin daha qüdrətlənməsi naminə diaspor təşkilatlarının həmrəylik nümayiş etdirməli olduqlarını diqqətə çatdırıb.

Mənbə: APA

http://m.apa.az/az/diaspor/danimarkada-musteqil-azerbaycanin-guclenmesinde-dunya-azerbaycanlilarinin-rolu-adli-tedbir-kecirilib.html

danimarka-daa